Post: #2
Title: Re: مريم الأخرى والتفحيط في نيويورك
Author: Osman Musa
Date: 07-08-2021, 08:40 AM
Parent: #1
حقيبة الخارجية من أخطر الشغلانات .
اشتغلها المفكر العتيد والمنظر للسياسات الأمريكية هنري كيسنجر
وجون كيري.
و من بلدنا اشتغلوها ناس جمال محمد احمد ود. منصور خالد .
وكلهم كانوا قدرها .
السيدة / مريم جات متطوعة تبع الانتقالية جات في أصعب زمن تمربيهو
البلد .
وما اظن عندها لا الدراية بخشونة لعب الخارجية.
ولا عندها حرفنة راموس في كعبلة الخصوم .
ومنعهم من كب جالون في السد.
ولا الدراية باسرار استراتيجية اللغة الامريكية الصعبة وفهلوة رندوقها
المكعوج اللذيذ و المبالغة .
غايتو ممكن يطقوها من رندوك ايست بروكلن وتمرق من نيويورك بدون حمص.
وبرضك فيك العشم .
|
Post: #3
Title: Re: مريم الأخرى والتفحيط في نيويورك
Author: بدر الدين الأمير
Date: 07-08-2021, 09:04 AM
Parent: #2
يا ود موسى
هذه الخرقا قلعت الوزارة
قلع من حزبها ومن الحرية
التغير ونفس حزبها دا قبل
كدا قدم للخارجية المحنك والمثقف الضليع
محمد احمد المحجوب
الكان بتكلم بسم جامعة الدول
العربية في الامم المتحدة يقومون
هسة يجيبو لينا هذه الخرقا كل يوم
لافحا توبا وجارية سفر
|
Post: #4
Title: Re: مريم الأخرى والتفحيط في نيويورك
Author: Osman Musa
Date: 07-08-2021, 10:18 AM
Parent: #3
أخونا بدرالدين
سلام
مريم لو نجحت في نيويورك حتنجح بعدها في أي مكان .
ليه ؟
عشان النجاح في السياسة الخارجية بتطلع من دي المدينة .
الشغلانة يا بدر صعبة ومحتاجة حنك عاض و كاريزما .
اقولك دا الكلام وفي البال نجمات سياسة خارجية ادرعن الشهرة
بعد زيارة نيويورك.
منهن الناهة بنت مكناس من موريتانيا .
والاسترالية الجميلة جولي إيزابيل .
والسيراليونية زينب بانجورا .
وكتيرات شبن وكبن وصالن وجالن .
ولمعن من لمعان دي المدينة.
ربنا يا مريم يديك طول النفس و يقويك.
و ياريت يا مريم تنجحي في فك كواديك السودان.
|
Post: #5
Title: Re: مريم الأخرى والتفحيط في نيويورك
Author: Osman Musa
Date: 07-08-2021, 08:24 PM
Parent: #4
الأخ المستشار الأستاذ عبدالعزيز الفاضلابي
سلامات
وليك وحشة يا عمدة نيويورك.
ارجو أن تفرجنا معاك في نتيجة زيارة السيدة مريم .
مع التحية
|
Post: #6
Title: Re: مريم الأخرى والتفحيط في نيويورك
Author: بدر الدين الأمير
Date: 07-08-2021, 08:47 PM
Parent: #5
بدات جلسة مجلس الأمن
قبل قليل منقولة على تلفزيون
السودان والجزيرة مباشر
|
Post: #7
Title: Re: مريم الأخرى والتفحيط في نيويورك
Author: Osman Musa
Date: 07-09-2021, 01:50 PM
Parent: #6
الأخ بدر الدين
سلام
ارجو التكرم بنقلها للبوست
مع الشكر
|
|