Post: #2 Title: Re: يا عمّال العالم وشعوبه المضطهدة... صلّوا ع� Author: محمد البشرى الخضر Date: 06-30-2021, 01:55 PM Parent: #1
Post: #3 Title: Re: يا عمّال العالم وشعوبه المضطهدة... صلّوا ع� Author: Yasir Elsharif Date: 06-30-2021, 02:02 PM Parent: #2
قصيدة أزهري محمد علي قديمة تعود إلى ديسمبر 2018 قبل سقوط البشير أفتكر لابد من الاعتذار للحمار
الحملة القومية لإسقاط نظام الكيزان 28 ديسمبر 2018 حمارنا يرقص وبلدنا ماشة تنقص *ازهري محمد علي* احكي ليكم عن بلاداً فيها كان الحال معذب ..* *(الحمار) كان فيها حاكم* *فوق وجيع الشعب راكب* *راكب السرج المضنب ..* *والحمار معروف بانو* *لا بفكر .... لا بقدر* *لا بحرك مخو يتعب ..* *شان يجيد فن القياده* *الحمار كان تحتو (ثعلب) !!* *يعني قاعد صوره ساكت* *وليهو كان الشعب ساكت* *الامور كانت صعيبه* *والسنين كل مره تصعب ..* *والبلد ماش حالا اصعب ..* *والمصيبه ..* *انو كل الشعب ساكت !!* *ناسي انو الدوله فيّا* *غول وثعلب وفيل مدغلب ..* *سفرو اموال الغلابه* *للبلاد الاجنبيه* *و البهايم ما شويه !!* *التماسيح البتبلع نيل* *وشارعين عنجهيه* *الكلاب الامنجيه ..* *والصقور الواقفه* *في شارع الحديه ..* *والجداد اللكتروني* *والذئاب الراس ماليه ..* *والدحش كان قدرو عالي* *يوم وزيراً في العلالي* *ويوم تقوم تلقاهو والي* *حالتو مبسووووطه وهنيه ..* *اما حال التيس حكايه* *كرشو اكبر من كبيره* *ودقنو ي ستّار خطيره ..* *عندو جلابيه لامعه* *فيهو مشدوده وقصيره ..* *تيس اكان تيس ود لزينه* *عادي يخطب في المساجد* *الله واحد ... الله واحد ..* *بالصباح تلقاو يسبّح* *وفي الضلام يقعد يضبّح ..* *لابس الدين فوق عبايه* *وعندو تحت اللبسه غايه ..* *تيس وظاهره حركتو شينه* *فاكر انو الدين دقينه !!* *وتوب قصّير وريحه زينه ..* *في نظام دين البهايم* *تيس اكان تيس ود لزينه ..* *والحمار القلنا حاكم* *مره راكب في المنصه ..* *وليهو كان الشعب يهتف..!* *يا كبيرنا ويا حمارنا* *سير ونحن وراك كتايب* *انت لينا كتاب وحصه ..* *ينبسط للاخر يضحك* *الحمار يديها رقصه .. ويقعد يرقص !* *والبلد كل مره ناقصه ... وماشه تنقص !* *والحمار يديها رقصه ... ويقعد يرقص !* *والبلد كل مره ناقصه ... وماشه تنقص !* *كل رقصه معاها نقصه ..* *وكل نقصه وراها نكسه ..* *واصلو ما هاميهو حاجه* *يبقي راكب في المنصه ..* *ويقعد يهتف في البهائم* *هل حصل غشيت عليكم ؟* *قلتا ليكم داير أسوي* *حاجه.... ماسويتا ليكم؟؟* *البهايم تبدأ تهتف 😗 *لا لا.. لا لا* *ما حصل غشيت علينا..* *أنت قائدنا وشعارنا* *أنت ياكا حمار بلدنا* *ونحن جبناك بأختيارنا* *والحمار يديها رقصه... ويقعد يرقص !!* *والبلد كل مره ناقصه... ماشه تنقص !!* *كل رقصه معاها نقصه* *وكل نقصه وراها نكسه !
Post: #4 Title: Re: يا عمّال العالم وشعوبه المضطهدة... صلّوا ع� Author: أحمد محمد عمر Date: 06-30-2021, 02:07 PM Parent: #3
سلامات ياسر القصيدة ما ظنيتها حقة أزهري محمد علي ولا دة نفسه في الشعر اتخيل لي كتبوا عليها أزهري ساي
Post: #6 Title: Re: يا عمّال العالم وشعوبه المضطهدة... صلّوا ع� Author: Yasir Elsharif Date: 06-30-2021, 02:21 PM Parent: #4
سلام أحمد محمد عمر
وشكرا لك
أفتكر كلامك وجيه.
Post: #5 Title: Re: يا عمّال العالم وشعوبه المضطهدة... صلّوا ع� Author: كمال عباس Date: 06-30-2021, 02:20 PM Parent: #3
بس الأمانة تقتضي القراءة في السياقات ٣٠ يونيو ٢٠١٩ هي الموجة الأكبر للثورة وكانت محطة مفصلية في مسارها وقد خرجت تظاهرات حاشدة في مثل هذا. اليوم ٢٠٢٠
لذا من الطبيعي ان تخرج مظاهرات في ذكراها اليوم ٢٠٢١ تمسكا بأهداف الثورة او رفضا للتردي المعيشية او مطالبة بتغيير الحكومة او حتي اسقاطها. ولكن علي أساس شرعية الثورة ومشروعية التغيير وفعلا انطلقت دعوات عدة لإحياء ذكري ٣٠ يونيو ولاحقا قرر الكيزان ركوب الموجة -وتسلق الدعوة ولكن هل نترك. ذكري سقوط شهداء المجزرة او ذكري. نجاح الثورة. في إسقاط الإنقاذ ان قرر الكيزان تسلق هذه المناسبات ؟ ولكن للأسف فقد شوش الكيزان علي. هذا اليوم وقدمو خدمة للحكومة فبدلا من التركيز علي الانحراف عن هداف الثورة والتردي المعيشي. انصب. جانبا مهما من التركيز علي الكيزان لسان حال الثوار انتو اختونا بس يافلول وياعسكر وخلونا نصفي. حسابنا مع هذه الحكومةظ! وبعدين شنو حكاية صلو علي النبي -دا لغةً متصوفة - الكيزان لغتهم هي لله هي لله وما لدنيا قد عملنا من يخدم الكيزان حقا هو يستمر في سياستهم ويبقي علي رموزهم وأبواقهم الإعلامية ومن يكتفي بهد جزء من قمة جبل الجليد الطافي علي السطح ويترك. باقيه
Post: #7 Title: Re: يا عمّال العالم وشعوبه المضطهدة... صلّوا ع� Author: محمد البشرى الخضر Date: 06-30-2021, 02:24 PM Parent: #5
Quote: حكاية صلو علي النبي -دا لغةً متصوفة - الكيزان لغتهم هي لله هي لله
سياق النكتة يا كمال ما تحكها, لا تقتل المتعة يا مسلم
Post: #8 Title: Re: يا عمّال العالم وشعوبه المضطهدة... صلّوا ع� Author: كمال عباس Date: 06-30-2021, 02:30 PM Parent: #7
والله -يامحمد استكثرت العبارة علي الكوز! دي عز الجوطة والكترابة لما تتقال بتطفي الجوطة ! وبتخرج نظيفة ورايقة من اهلنا العاديين. ولكنها تخرج. فظة وجافة -زي عبارة جزاك الله خير ان قال بها كوز !
Post: #9 Title: Re: يا عمّال العالم وشعوبه المضطهدة... صلّوا ع� Author: محمد البشرى الخضر Date: 06-30-2021, 02:39 PM Parent: #8
الأمين السياسي الأسبق للمؤتمر الوطني بجامعة الخرطوم، والأمين السياسي السابق للاصلاح الان وعضو المجلس الوطني د. فتح الرحمن فضيل
مبروك عليكم
Post: #10 Title: Re: يا عمّال العالم وشعوبه المضطهدة... صلّوا ع� Author: كمال عباس Date: 06-30-2021, 02:43 PM Parent: #8
انتو الكيزان مافيهم زول عاقل يقول ليهم انتو فراجة بس ؟ انتو برة المعادلة دي ؟ وانو الثوار ديل لو غيرو حمدوك. حا يقعد في بيتو بس انتو حا تتقطعو تقطيع وقدر النفس. الفيكم دا حايخمد والقنوات. والجرائد حا تتوقف وما حا يكتفو بالشلة المعدودة المعتقلة بكوبر ! يا اخي شوشتو علي الثوار وافسدو يومهم !
Post: #11 Title: Re: يا عمّال العالم وشعوبه المضطهدة... صلّوا ع� Author: كمال عباس Date: 06-30-2021, 02:47 PM Parent: #10
هسي في زول واحد -اقصد في المظاهرات الفعلية مش في سودانيزاونلاين -طلع قال دايرين عسكري " وطني " يحكمنا ؟ في زول واحد. قال دايرين كوز "نضيف " يحكمنا ؟
Post: #12 Title: Re: يا عمّال العالم وشعوبه المضطهدة... صلّوا ع� Author: Hafiz Bashir Date: 06-30-2021, 03:29 PM Parent: #11
Quote: وانو الثوار ديل لو غيرو حمدوك. حا يقعد في بيتو بس انتو حا تتقطعو تقطيع وقدر النفس
المشكلة يا كمال أن الحكومة الحالية وبشكلها الحالي أصبحت مستفيدة من إستمرار وجود الفلول لتستخدمهم كفزاعة لإخماد أي تحرك ثوري يسعي لتصحيح مسار الثورة.
Post: #13 Title: Re: يا عمّال العالم وشعوبه المضطهدة... صلّوا ع� Author: محمد البشرى الخضر Date: 06-30-2021, 09:49 PM Parent: #12
Quote: كتب د. محمد عبد الحميد عندما التقى الخصمان لإسقاط الحكومة في يوم الزينة ليس هنالك دلالة أبلغ من أن دروب السياسة وعرة ومتشابكة أكثر من إلتقاء الكيزان والشيوعيبن على هدف واحد هو إسقاط حكومة الفترة الانتقالية.... الغريب أن تاريخ كلا الفريقين كان يؤكد وبأصرار مُهدِر للطاقات، على حالة تناقض جذري فيما بينهما. وأنهما خطان متوازيان لا يلتقيا على مصلحة مشتركة لإختلاف الرؤى والعقائد... ففي غمرة تَسيّل لعاب كل منهما لإدراك الهدف بتصيّد الفريسة، في الموعد "المضروب" يوم الزينة عندما اجتمع الناس ضحى، لم يقو أحدهما عن التنازل للآخر عن الحلبة. فلا ظفرا بالفريسة، ولا إحتفظا بعذرية الموقف.
Post: #14 Title: Re: يا عمّال العالم وشعوبه المضطهدة... صلّوا ع� Author: علي عبدالوهاب عثمان Date: 06-30-2021, 10:12 PM Parent: #13
حبيبنا البشرى تحياتي العنوان ملفت ومعبر عن الوضع اليوم رغم اختلاف الايديولوجيا .. الهدف واحد ( اسقاط الانتقالية ) لنفرض رغم انه من سابع المستحيلات بأن الحكومة سقطت هل سيتفق الشيوعيون والاسلاميون هي مصلحة لحظية من غير تخطيط او استراتيحية
