طالب الشاعر الكبير اسحق الحلنقي الوقوف مع الفنانين المبتدئين الذين يملكون أصوات جميلة ويفتقدون إلي الكلمات التي تسهم بالإرتقاء في مسيرتهم الفنية، مشيراً الى تعامله مؤخراً مع الفنانة عائشة الجبل في عدد من الأغنيات وموضحاً أسباب ذلك التعامل الفني.
وأوضح الحلنقي (لقد لجأت الي مؤخرا الفنانة عائشة الجبل وطلبت مني أن أقدم لها بعض من أعمالي لدعمها وهي مازالت في بداية الطريق، وبالفعل وافقت وقدمت لها عملين الا أن البعض هاجمني كيف أن أتعامل معها بوصفي شاعر كبير ولكن ما لايعلمه هؤلاء أنا شاعر أتعامل مع كل فنان أراد أن يطور نفسه ولجأ إلي).
مواصلاً: (عائشة الجبل قالت لي أنها تريد الخروج من عباءة الاغنيات التي إشتهرت بها فكان لابد من أن أوقد لها شمعة تخرجها من ذلك الظلام لانها أحست بأنها كانت تسير في طريق خطأ فأنتبهت له).
إختتم الحلنقي: (المجتمع يشكو من الا غنيات التافهة المنتشرة الآن، اذا علينا نحن الشعراء معالجة الامر بتقديم الجميل لكل من يريد أن يطور نفسه وعدم حرمانه حتي لا نسهم في نشر أغنيات لاطعم لها).
Post: #2 Title: Re: وداعاً عائشة الجبل..سقطت في فخ الجلابة.. Author: HAIDER ALZAIN Date: 06-30-2021, 06:25 AM Parent: #1
أخخخخ. دخلت البوست فرحان قايل الكلام عن عشة بت موسى، لقيتو عن شنو ما بعرف ولا فهمت شيء. رحم الله عائشة الفلاتية.
الجبل دا شنو؟ عائشة الجبل!!! الكترابة. إبراهيم الكاشف كان اسموا إبراهيم أحمد أبو جبل، وداك كان أول جبل يغنّي في السودان. هسه جات عائشة بت الجبل. هل عندها علاقة بإبراهيم الكاشف؟
غني يا جبال.
عائشة الجبل وباكر إن شاء الله تجي فطومة الغابة، وبعدها تجي مريم الترعة، وشوية شوية، تجي فلانة بت الخور ونقع في الخور.
بوست مميز. على الأقل عرفت منه أن هناك فنانة اسمها الجبل. وأنا صراحة بحب الجبال؛ فيها عظمة وسحر إلهي.
ام باروكة 😂😂😂😂😂😂 الله يرحم الفن في السودان بقي ملطشة لليسوء والي ما يسوى للأسف🙃 حيدر مشتاقين😂
Post: #9 Title: Re: وداعاً عائشة الجبل..سقطت في فخ الجلابة.. Author: Ahmed Yassin Date: 07-05-2021, 02:29 PM Parent: #8
لو خلينا غنا عشة الجبل ... واللونية البتأديها وطريقة حياتها دا كله نخلي على جنب.. انا حاديكم حقيقة مهمة وما راي ... وبعدين ممكن تسألوا برضو ذوي الاختصاص في الصوت وانا متاكد حيكون ليهم نفس الحقيقة... ممكن راي الاستاذ الكبير والجميل الخلوق السبقته سمعته الطيبة واخلاقه الحميدة الينا في المعهد دون ان نراه هو زميل المنبر ( عزيز) ... ( عزيز خطاب ) اتخصص ( صوت ) و ( بيانو ) الحقيقة: عشة الجبل تمتلك صوت جميل ومدى ومساحة وقوة باختصار صوت نادر جدا دي هبة من الخالق.... صوت بهذه المواصفات ما اظن يتكرر.
Post: #11 Title: Re: وداعاً عائشة الجبل..سقطت في فخ الجلابة.. Author: muntasir Date: 07-06-2021, 05:20 AM Parent: #10
الزين عرستا ليها كل القونات واقفات صفوف ، يا سلام يا أحمد يس رجعت لي الثقة في ذائقتي الموسيقية ياخ ما براها ياخ في قونات من أجمل الأصوات أحسن مليون مرة من بعض هردبيس أغاني وأغاني لكن نعمل شنو مع جلبنة الغنا في التلفزيون
Post: #12 Title: Re: وداعاً عائشة الجبل..سقطت في فخ الجلابة.. Author: Ahmed Yassin Date: 07-06-2021, 07:30 AM Parent: #11
منتصر الرهيب معناتة انت ذائقتك الموسيقية عالية واوع تخلي ناس حيدر ومن لف افهم يأثروا على الذائقة دي.. ديل اديهم ناس وجدان ستة وامل المغاربة ونجاة الجريف ..وحنان فكة...ومعاهم افراح عصام ورندة وبقية الجلسة يعني بصراحة البت عشة دي بتغني بصوتها الطبيعي ولزمن طويل برضو الصوت لازال محتفظ بقوته ونداوته وصفاءه.. اما اعمامك العايزنها تغني ( اجلي النظر يا صاحي ) او طرف المداين ومسرح اﻵرام .... نقول ليهم شنو؟ فتشوا السودان دا كله والدول المجاورة ..اذا لقيتو صوت مثل هذا الصوت
Post: #13 Title: Re: وداعاً عائشة الجبل..سقطت في فخ الجلابة.. Author: tabaldy Date: 07-06-2021, 08:33 AM Parent: #11