محمد الفكى سليمان عضو مجلس السيادة رجل غادر..

07:16 AM June, 22 2021

سودانيز اون لاين
Abureesh-أمريكا
مكتبتى
رابط مختصر

هو قال الكلام دا بعضمة لسانه.. قال نحن غادرون.. وكان أجدر به ان يتحدث عن نفسه لأنى
اعتقد البقية ليسوا غادرون. قال هذه العبارة فى مؤتمر أداء القسم
للجنة تفكيك التمكين فى العاصمة.
ما عندى حق أعلق على لفة العمة بطريقة سلطنة عمان. ولكن نصيحتى
له حين يعمل rehearsal لأى من خطبه مستقبلا يركز على حرف القاف.

يا هندسنة
الزول دا زميل سابق لينا في المهنة
وكان مع ناس ودالامير في الدوحة
وفاتح لأي زول من الاصدقاء والمعارف القدام
زي وخالد سلك ما برد علي التلفون كمان مكين بتاع المغتربين والقائمة طويلة
مخليع الانتقالية
نحن المسكين لينا الله بس وربنا موجود
والحساب ولد

الفريق كباشى زميله فى المجلس السيادى يتحدث العربية أفضل منه، رغم أنه ليس عربياً بل سودانى افريقى مثلى.

سلام أبوالريش اللغة حمالة أوجه يعني الكلمة بعد سوداني أفريقي دي في هذا الزمان ممكن تعتبر صفة 😂

كلامك مظبوط با منتصر، ولكن هناك سودانيين من اصول غير افريقية، لذلك رأيت أن سودانى وحدها لا تكفى فى هذا الإطار وهو إظهر أن كباشى ليس عربى ورغم ذلك مخارج حروفه أفضل من مخارج حروف
محمد سليمان.

ابو الريش
والكنكشة في خالف تذكر

والجنونية البتشبه
نهاية الشهر الدى..

Quote: ابو الريش والكنكشة في خالف تذكر

يا بدر الدين انت عارف من سنين وانا اكتب فى موضوع القاف والغين واحاول ان ادفع الناس للتخلص من الخطأ دا. فلماذا تعترض على الان؟.
والتوعية هى واجبك وواجبى بقدر ما نستطيع. انت وأنا بلغنا من الكبر عتيا وما اظن سنعيش فى هذه الدنيا اطول مما عشنا.. وعندنا تجارب طويلة..
فهل نشرك مواطنينا فى تجاربنا ام نمسكها لتدفن معنا فى القبر.
هل فعلا انت تعترض على التنبيه ليصحح السودانيون نطق القاف؟ انا لا اختلف مع الاخرين من اجل الذكر.. ولكن لمساعدتهم.
والمقابل للأختلاف وقت الخطأ هو السير مع القطيع.. فهل تريدني ان أسير فى القطيع؟

Quote: والتوعية هى واجبك وواجبى بقدر ما نستطيع. انت وأنا بلغنا من الكبر عتيا وما اظن سنعيش فى هذه الدنيا اطول مما عشنا.

وكذلك نحن نرى ان من واجبنا ان ننصحك ان تبعد من قصة الانسان الكامل هو الله والرسالة منسوخة محمود رسول والحاجات دي ، خاصة وان الباقي من العمر قليل ......
تحياتي

ما تعصر عليهو يا ابريش ...

الراجل معزور ومن معه كل ما ينفض السامر بعملوا خطبه عصماء زي دي علي عجل فوقوع الأخطاء واقع بالذات في المخارج ...

Quote: وكذلك نحن نرى ان من واجبنا ان ننصحك

أنصح ما بدا لك يا محمد حمزة ولكن بحكمة.. * أدعو الى سبيل ربك بالحكمة والموعظة الحسنة * الله قدم الحكمة على الموعظة.. والله يقدم الفاضل على المفضول.. القران ليس لغو تترص فيه الكلمات.
ومن الحكمة أن تنظر وقع الموعظة على المتلقى.. فلو كانت فى غير موضعها ولو كانت صحيحة لا يشتريها منك أحد.. ويجوز تقغ فى واحد يصرف ليك بركاوى ويحيرك فى موعظتك ونصيحتك.

الان راقب النقاط الثلاثة،
1. لا تخرب البوستات بأن تأتى بكلام خارج نطاق البوست ولو نصيحة.
2. أفتح بوست جديد بنصيحتك أو موعظتك
3. أنصح من تريد أن تنصح فى موضوع البوست.. فلو الموضوع عن الإنسان الكامل فيمكن أن تدلى برأيك فيما هو مطروح.. والنصيحة بدون إبداء رأيك فى الوضوع لو طلبت منك. فإن لم
تطلب منك النصيحة فتقول رأيك وتناقش ما هو مطروح بدون توزيع النصائح. لأن الناس ممكن تنصحك وليس أبسط وأسهل من النصائح.

أى زول يعتقد ان نصيحته لوجه الله، وأن الطرف الاخر ضال ومضل.. إذا النصائح فى المسائل الفقهية لا تجدى، وإنما يجدى النقاش وتبادل الاراء ومواجهة نقاط الخلاف. وإلا لو انت قاعد
فى حتى تعتقد انك الناجى والاخرين عليهم سماع نصائحك، فإن النقطة التالية ستكون التكفير والقتل.

تحياتى