محاولات اجهاض وسرقه الثوره (نتيجه حتميه) البيحصل دا نتيجه طبيعيه ومتوقعه من قبل الثوره ومسئول منو الطرفين سواء الكيزان(بديهى) وشرفاء الشعب. اولا نحج الكيزان فى تقسيم البيض فى عده سلال وانخدع ليهم الجميع . العنوان الرئيس هو تنظيم الاخوان الدولى مظله تظلل على جميع التنظيمات القطريه والمنظمات الاخرى عمل عام واقتصاديه واعلاميه ومليشيات عسكريهتعمل بتناسق جيد وغلطان من يقول بانهم لانفوذ لهم بل انحناء للريح واستخدام جيد لادواتهم فشلو فى التعاطى مع ما اوكلته لهم خلال الحريق العربى فى عهد اوباما والان بعد وصول حليفهم الى البيت الابيض فى اتجاه موجه جديده باسلوب فى الشرق الاوسط يحاول تجاوز اخطاء موجه الحريق العربى الاولى لكن مايزال شعوب واعيه كما فى ليبيا وتونس لكن الكارثه ان عوده الديمقراطيين للبيت الابيض ستكون بدايه الحريق الافريقى فبعد انقلابين فى مالى لتمكين الاسلاميين فى الانقلاب الثانى الان محاوله جديده فى نيجيريا لثوره بعد محاوله سابقه لاستهداف الشرطع فى بلد منهك بالارهاب والان بدل استهداف الشرطه اصبحت قائمه مطالب فى ماعرف بحراك 12 يونيو وافريقيا الحريق فيها لايشبه الحريق العهربى بسبب حراثه الارهاب الارض للاجنحه السياسيه للاسلاميين والوجود الممريب لتركيا وقطر عبر منظمات وخلافو. عندنا اقتنع حكام الامس من الكيزان ان انقاذ1 زائبه فقالو بيدى لابيد عمرو ومايبدو تم ترتيب الامر انسحاب الصف الاول(ديل خلاص نزلو معاش ) وحتى يجهز الجيل الجديد ويتصدر المشهد تم تصدير النظاميين وبعض الطابور الخامس فى تكوينات سياسيه وتنظيمات ظهرت من الفراغ وانخدع فيها الشعب. والشعب الان يتعامل مع النظاميين كانهم افراد يتحركو بمطامع وطموحات شخصيه واحزاب واحزاب حركات الكيزان الاخرى بخلاف الوطنى اصبحت جزء من المشهد حتى اصبحت الانتقاليه تحمل داخله مجموعه من الرموز (مش وزير واحد) والناسمشتته دهودها دا عميل امارات وداعميل مصر ودا ماعرف شنو !! كلهم بيلعبو ادوار مزدوجه محسوبه لصالح التنظيم لتجاوز القيود والحصار وتصفير عداد البلد حتى يكون جاهز لانقاذ 2 والوضع الدولى متساهل ومتقبل لهم بعد صعود حليفهم للبيت الابيض وتقبل الاسلاميين كحكام (حتى طالبان امريكا تتفاوض معاها وقد نشهدها مقبوله كحاكم فى افغانستان) دايرين نقرا الوضع صاح نتعامل مع كل من يلعب دور مزدوج لا على اساس عماله فرديه وانما دور مزدوج محسوب تنظيميا والناس تايهه وقاريه الوضع غلط كيزان وبس سوا يدبوره ولا خلا وحركه ولا حزب ولا غواصه اقرو الوضع صاح والايستمر التخبط وتسرب الثوره من بين اصابعنا . نواصل
ثانيا شرفاء الشعب استخفو بمسئوليه الاعداد لثوره على تنظيم عقائدى بجذور اقليميه ودوليه وعمل للتمكين فى انتظار القفز على السلطه حتى سنحت له الفرصه التاريخيه فى 89 (خلال الديمقراطيه التالته من 85) كان السائد ان الدوله الاسلاميه قادمه يعنى (باى هوووك او كرووك الانقلاب والكيزان متربصين بالحكم والديمقراطيه) اى قراءه مسئوله وهادئه للوضع كانت حتقود الى ان الاعداد لثوره واسقاط نظام محتاج معرفه عميقه ان لم يكن تحكم باعصاب الاقتصاد والاعلام ومعرفه جيده بالقوه (بجميع شرائحها) وانو الموضوع مش طلوع للشارع او تقليد لثوره مصر ولجوء للجيش وهو اخر جهه مفروض الناس تفكر تلجا ليها لحسم الوضع موضوع المقارنه بمصر يكشف تماما انو الناس رايحه ومروحه نفسها فى قراءه الامور ومقارنه غير منظقيه مصر جيش فى مواجهه انقلاب الكيزان على الحكم وتعامل معهم كما يجب (الصندوق ما شىء جامد لايمس من اتى عبره باساليب فاسده وكل من ياتى بالصندوق عليه ان يعلم ان بمارس ديمقراطيه او يذهب بثوره شعبيه وانقلاب ولاقدسيه لوجوده) احذرو تعويد الكيزان على الديمقراطيه وايصالهم لكراسى الحكم بالصندوق والا يحصل زى تركيا انقلاب مفبرك وانفراد بالحكم بديكور ديمقراطى ولا تداول سلمى للسلطه وتمكين بل وحملات استعماريه فى اسيا وافريقيا والشرق الاوسط الثوره اعتمدت عل اسقاط النظام لكن لم تتحسب وتخطط لما بعد (يوم تذهب السكره وتاتى الفكره) لاقياده للثوره لا برنامج لجان المقاومه الكتله الحرجه وضامن سلام واستمراره الثره حتى تحقيق اهدافها تفرقت ولم تجمع فى كيان جامع يضبط ايقاعها واعطى هذا الفرصه لتكوين وظهور لجان موازيه واحداث ارباك فى المشهد تجمع المهنيين اصبح تجمعين وصراع و ق ح ت اصبحت خرقه مهلهله بسبب مخطط الكيزان المحسوب اتفكيك وحده الثوره والثوار وضرب بعضهم ببعض احيانا والمشهد خالص تماما للعسكر رغم مسرحيه اخيره انصرف بها الشعب والراى العام عن مايحاك وصل وين موضوع لجنه اديب؟ رفع الدعم الحل شنو ؟ الحراك الحاصل كان 3 يوينو ولا الاحتجات الان هل متوحده فى شعاراتها ؟؟؟ هل شعاراتها محكمه ام شعارات لاتخدم شيىء ويمكن تخديرها ببيانات مسكنه ؟ . نواصل
نظام عقائدى عايز تسقطو لاتقرا فكرو ؟ ولا تقرا تاريخو ؟ وكل قطاعات الدوله والجتمع وانت تتعامل معاها من برا وتكرار وترديد انو داك عندو شركه كدا ودا عندو شنو ماعارف عايز تسقط نظام مش تلف وتدور حول المشكله لكن لازم تضع قدمك على طريق الاسقاط على ارض ثابته ودا مابيحصل الا تنكون جزء من كل قطاعات الدوله والمجتمع وتعرف تدور كيف مش استهلاك طاقه ونقه فى الاسافير لا خطط انو سقوط نظام متحكم فى قطاعات مختلفه لازم تكون متحسب للمخططات المضاده المحتمله مش ثوره رزق اليوم باليوم سقطت اها وبعدين ؟؟؟ لجان مقالومه سقطت النظام طيب نظمتوها ؟ ليه كل شىء متروك من غير نظام وليه الناس فى اللحظات الاولى بعد السقوط ما اتحركت بنظام ورتبت صفوفها للمعركه الاهم الفتره الانتقاليه ومسئولياتها وتحدياتها هل فى زول فكر فى الكلام دا حتى بعد استلام حمدوك رئاسه الوزراء؟ لمصلحه منو كان ترويج تسليم رئاسه الوزراء لحمدوك ؟ ما كان فى خيار غيرو ؟ حمدوك خيار عاطفى الشعباستمر فى الانقياد الاعمى لما يريمه الكيزان عارفينكم عاطفيين وبيتعطل العقل وستغل اللسان شعر وهتاف وبس لكن نظر فى المستقبل بوعى مافى
Quote: حسن مكي لـ(السوداني): العسكريون الذين يحكمون الآن امتداد للإسلاميين
14 يونيو, 2021 8:55 ص
الخرطوم : وجدان طلحة
قال المفكر الإسلامي حسن مكي إن الإسلاميين يحتاجون إلى 10 سنوات لإجراء مراجعات لتكون لهم امتدادات أفقية ورأسية. واضاف أن الحديث عن أن الإسلاميين سيخرجون من السجن إلى الحكم لن يتكررر أبدا ، كما حدث في عهد نميري. وقال مكي لـ(السوداني) ، أمس إن الإسلاميين يحتاجون إلى مراجعات، وأضاف: الآن الذين يحكمون في الجانب العسكري هم امتداد للإسلاميين.