والأمير الراحل نقد الله

05:33 PM June, 13 2021

سودانيز اون لاين
Abureesh-أمريكا
مكتبتى
رابط مختصر

الأمير نقد الله (عبد الله باللغة العربية) كان يمثل السودانى الأصيل من الزمن الجميل الذى نتطلع الى عودته.
هذه القصة قراتها اليوم فى احدى القروبات وازيح نفسى من بينكم وبينها.

Quote: بسم اللة الرحمن الرحيم الاخ اسامه ابو قرجه البركه فيكم و الاهل وتعازى الحاره فى عمنا الامير عبد الرحمن نقد الله ربنا يرحمو و يغفر اليه و يسكنه فسيح جناته. اسمح لى اخى العزيز ان اكتب عن حاله مهمه فى مسيره الامير نقد الله. بعد خروج حزب الامه من التجمع فى موتمر القياده بمصوع كنت حينها في أوغندا مدينه كمبالا وللحقيقه والتاريخ كنت اعمل عمل سياسى مع التجمع الوطنى الديمقراطى و للعلم انا انتمى الى الحزب الشيوعي السودانى وكنت اتحرك بصوره مطلقه فى جميع المناطق المحرره فى شمال و جنوب السودان. ولدى معرفه وعلاقات متواضعه مع جميع فصائل المعارضه السودانيه. حضر فى تلك الفتره المرحوم الامير نقد الله و كان يسكن مع نسيبه زوج بنت اخته الفاضل محمد على. و بحكم علاقاتنا الازليه مع حزب الامه كان يزورنى الامير يوميا بالمنزل ونشرب قهو العصر مع بعض ونتجاذب الحديث حول الاوضاع السياسيه بالسودان . فى يوم من الأيام سالنى الامير عن مهندس سودانى كان اسيرا مع الحركه الشعبيه و اسرته لا تعرف عنه شيئا هل هو حى ام ميت واصابها من جراء ذلك كثير من الحزن و الأسى والده صار مشلولا و فقد القدره على الكلام ووالدته فقدت النظر من كثره البكاء عليه و له سبعه أخوات وزوجته بت خاله لها ثلاث بنات. ارسل الى مأمورية لتركيب مايكرويف بجنوب السودان منطقه واو على ان يرجع من المهمه خلال خمسه عشر يوما ولكن للاسف حتى الان مرت سته سنوات و الاخبار عنه غير معلومه واهلو فقدوا الامل فى وجوده واحد الناس الخيرين دل اهله للاتصال بالامير نقد الله بانه هو الشخص الذي سوف يساعدهم فى معرفته ان كان حيا لومينا. سالنى الامير وبحكم تحركاتى فى جنوب السودان هل قابلت ذلك الشخص. انه مهندس يعمل بتلفزيون السودان واسمه مجدى جعفر. اجبت بانى لم اتذكر هذا الاسم ولكن اكيد يمكن ان اسال عنه و سوف أخبره بالنتيجه قريبا. فى ذلك اليوم كان لى مقابله مع نائب قائد العمليات الاخ الفريق اول ويي دينق اجاك. ذهبت لمقابله الفريق ووجدت بالخارج مدير مكتبه الاخ العزيز ليما ليما و بعد التحيه كان اول حديثى معه هل قابلت مهندس اسمه مجدى جعفر. كان رده وبالنسبه لى كالصعق الكهربائي عندما قال لى يا دكتور ده ما الاخ المعانا فى مجموعتنا الدايما بتلقانا نلعب معاهو بالشطرنج وهو العلمنا الشطرنج واضاف ده زول عظيم وجميل و أخلاقه عاليه. سالت ليما ليما اين هو الان فاجاب انه فى ييى. ولحسن الحظ كان فى نفس اليوم المرحوم الدكتور جون قرنق موجود بكمبالا وكنت اعلم انه مسافر فى نفس اليوم. تركت مقابلتى مع الفريق و ذهبت فورا الى مكان الدكتور جون واخبرته بقصه مجدى جعفر التى قصاها لى المرحوم الامير نقد الله وذكرت ليه انا والامير دايرنك تقك لينا الزول ده وهو الان موجود مع مجموعه ويي دينق بمدينة ييى. وكان رد الدكتور جون كالاتى. طبعا يا كامل انت عارف انحنا نتمنى ان يذهب كل الأسرى لاهلهم والزول ده بالذات طالما امره بهم الامير نقد الله وبهمك انت انحنا ما عندنا مانع نفكو. بس دايرك انت والامير نقد الله تكتبو تعهد بانكم استلمتوه مننا و سوف تسلموهو لاهله لانو عندنا تجربه طلب مننا نفك زول ولكن للاسف لم يسلم لاهله وقتل و ده كان غلط مننا لانو اى اسير نفكو يجب أن يكون ذلك عن طريق الصليب الأحمر. قلت لدكتور جون ماعندنا مانع نكتب التعهد وفلا ذهبت فورا الى مكان الامير ووريته كل الحصل وكان قاعد بالقرب من تربيزه بها كراس حساب صغير و قلم رصاص. شرط ورقه من الكراس وقال لى يله ملينى الدكتور داير شنو. كتبنا التعهد من نصف صفحه. شلته الورقه وذهبت الى دكتور جون و بالمناسبه الورقه مكتوبه بالعربى. الدكتور عاين ليها وقال لى طبعا انا مافاهم انت والامير كتبتو شنو ولكن متاكد كتبتو حاجه كويسه و قال لى خلاص انت عارف زولك وين وانت عارف الفريق كويس يلا تم الباقى براك. وادانى الورقه. شلتها وذهبت الى منزل الفريق ووجدت الغداء جاهز و قبل الاكل اديت ويي دينق الورقه ووريته انو الدكتور قال نتم الباقى مع بعض. ويي قال لى خلاص انا راجع بي ولما ارجع بكلم قائد العمليات الفريق سلفا كير وفعلا رجع واخبر الفريق اول سلفا كير وحسب روايه الاخ ويي قال لى كان رد الاخ سلفا ياخى كامل و الامير نقد الله ما لقو ليهم زول غير مجدي وطبعا ده لانو مجدى كان زول عظيم وحلحل مشاكل كثيره للحركه فى مجال الاتصالات. وقال لى ويي خلاص اعمل اجراءت فكه وتاكد انو يسلم للكامل فى يده وهو المسؤل امامنا لتسليمه لاسرته اعلم رغم الظروف الصعبه في ذاك الوقت تم تجهيز شنطه بها بنطلونبن وقميصين و ملابس داخليه مع ١٤٠ دولار سلمت لمجدى من قبل قائد العمليات وتم تكليف الكمانده جاد الله باحضار مجدى من بيىوتسليمه لى بكمبالا. حضر جاد الله الى ورشه اخ سودانى واخبرهم انو الزول ده اخو د الكامل ودايرهم يساعدوهو علشان يصل منزل د الكامل. ضربو لى تلفون بانو مجدى وصل الورشه وبسرعه البرق ذهبت إلى الورشه وطوالى تلفونات للاخوه بالتجمع فى كمبالا ومنهم المرحوم عابدين ابو زلازل و المرحوم صلاح سينما و المرحوم شيخ الدين والاخوة إدريس القاضى و ابوشراو عبد الباقى وسلمى وطارق هولندا والاخوة جونير و سنير هولاندا والاخ ابو جديرى واخرين كثر وحضر الجميع لتحيه المهندس مجدي وفى نفس اليوم اتصلت بالخ اسامه لتبليغ الامير نقد الله بانو مجدى وصل بيت الكامل واتصل اسامه بالاخت ساره نقد الله واخطرت الامير ووصلهم اسامه وحسب روايه اسامه كان فى خروف مربوط في خشم الباب قطاع الامير ووضعو فى العربيه وفورا الى منزل اسره مجدي وكل ده كان يوم وصول مجدى الى كمبالا وبالمناسبه فى نفس اليوم لوصول مجدى إلى كمبالا تمت أعاده فتح السفاره السودانيه بكمبالا و فى اليوم الثانى للوصول اقام الزملاء بالتجمع كرامه للاخ مجدي عباره عن فطور وغداء وعشاء لكل السودانيون بكمبالا بما فيهم ناس السفاره الوصلو من الخرطوم واحضرو لينا وثيقه سفر اضطراريه للاخ وجدى مع تذكره سفر مقطوعه عن طريق تلفزيون السودان وأخذت مجدى إلى المطار حتى داخل الطائره وضربت تلفون الى الاخ اسامه ابو قرجه والامير نقد الله والاخت ساره نقد الله وقابلو الطائره مع اهل الباشمهندس و بالمناسبه حتى الان لم اقابل مجدى واين هو الان له منى كل التحايا العطره. الا رحم الله الامير عبد الرحمن نقد الله. د مهندس الكامل حمد عبد الصمد ود الكزلك