Post: #1
Title: عمدة بالنفخ. إقرار ذمة: يا معشر البورداب فاشهدوا على عضو البورد "Sinnary"
Author: مازن سخاروف
Date: 06-10-2021, 03:14 PM
Parent: #0
03:14 PM June, 10 2021 سودانيز اون لاين
مازن سخاروف-UK
مكتبتى
رابط مختصر
على خلفية بوست عملتو الليلة بعنوان "بشاشا x كتيبة المشـّاء"
عشان الظاهرة دي في المنبر: واحد يجي داخل تووووووووووش ويعمل فيها فكي بقبة =) ده طبعا استغلال للنشر الإلكتروني المفتوح. فأي لمبي ممكن يعمل أينشتاين. ودي مشكلة عامة: أي واحد سجمان يجي يعمل فيها عمدة بالنفخ يعمل نفسو حكم بدون شارة حكم, خخخخ. وهو ما عارف الفرق بين الدرب والحقنة. فلمنع هذه الفوضى لديّ اقتراح عملي:
فعشان نفرز القبب والفكيا, اقترحت اختبار في القدرات على مستوى الشهادة السودانية. الرياضيات الاولية لأنها مادة إجبارية لناس علمي كما أدبي.
فعشان نحسن الموضوع ده أشهدكم يا معشر بورد سودانيز أونلاين:
الزول ده لو جاب درجة أقل من درجتي (أو مساوية لها) يمشي ينقلع يشوف ليهو بوست على مستواهو يبرطع فيهو.
أما لو هذا المدعو السناري (ماجد إسماعيل عبد الكريم علي في البروفايل) جاب درجة أعلى من درجتي في مادة الرياضيات الأولية في امتحان الشهادة السودانية مستعد أتخلى عن الكتابة في البورد وينفذ من تاريخو
لكن يقسم بالله على درجتو.
وليتفضل هو بالإجابة اولا. ده طبعا لو ما خايف :)
|
Post: #2
Title: Re: عمدة بالنفخ. إقرار ذمة: يا معشر البورداب ف
Author: MOHAMMED ELSHEIKH
Date: 06-10-2021, 03:20 PM
Parent: #1
يا مازن انا متأكد انو درجتي اكبر من درجتك
لكن لن ادعي اني افهم منك ولاينبغي لي
لذا ابحث عن مقياس آخر
ان شاء الله ريختر
|
Post: #3
Title: Re: عمدة بالنفخ. إقرار ذمة: يا معشر البورداب ف
Author: مازن سخاروف
Date: 06-10-2021, 03:23 PM
Parent: #2
محمد الشيخ,
إنت ذاتو مدخلك في التحدي. أهه, شن قولك؟ :)
بس رجاء وعليك أمان الله, خلي السناري يرد بالأول
:)
|
Post: #4
Title: Re: عمدة بالنفخ. إقرار ذمة: يا معشر البورداب ف
Author: MOHAMMED ELSHEIKH
Date: 06-10-2021, 03:39 PM
Parent: #3
هههههههههه
تكون جايب ٩٩؟؟؟
انا استسلمت
|
Post: #5
Title: Re: عمدة بالنفخ. إقرار ذمة: يا معشر البورداب ف
Author: HAIDER ALZAIN
Date: 06-10-2021, 04:39 PM
Parent: #1
سلامات الرفيق سخالوف..
بامتداد بوست بشاشا وبوست شتيمتك
وتنطعك على المخالفين للنظرية البشاشوية.
من ناحية موضوع
علاقة درجة الرياضيات بموضوع بشاشا وسؤال د سناري شنو بيها ؟
عشان تختها مقياس التفاضل والتمايز لتقييم جراءته في توجيه سؤال لمقامك..؟
مع الشكر المقدم لسعة صدرك
|
Post: #6
Title: Re: عمدة بالنفخ. إقرار ذمة: يا معشر البورداب ف
Author: جلالدونا
Date: 06-10-2021, 05:49 PM
Parent: #5
غايتو انا بليد فى الرياضيات سواء كانت اولية او اخروية
و ر قريب ده قايل اتنين فى تلاتة بيساوو خمسة
لكن بعد ده جنس عمليتك دى ما بعملا
ده تهريج فارغ وعيب كبير انك تخاطب اخد قامات المنبر بالاسلوب ده
غايتو طلعت وهم ساكت
|
Post: #7
Title: Re: عمدة بالنفخ. إقرار ذمة: يا معشر البورداب ف
Author: الشيخ سيد أحمد
Date: 06-10-2021, 07:13 PM
Parent: #6
سلام مازن
اديك معلومة طيب- محمد البشرى الخضر
درجته في مادة الرياضيات في امتحان الشهادة السودانية هي 100%
مغلق التبلون-شفت كيفن.
محمد البشرى الخضر يوم واحد لم يجئ هنا ويتباهى بهذه الدرجة-عارف ليه؟
لأنو ده مستند شخصي حاضر عند الطلب لجهات رسمية.
هنا (بكري اب صلعه) ماعندو شعلة بي زول تربال ولا دكتور.
هنا كل زول هو وفهمو - ممكن تلقى زول خريج إبتدائي لكن عندو
منطق مقنع جدآ.
العبرة هنا بالحنك يا مازن - مش بالشهادات.
اذا كنت في مكانك - ما كنت ح افتح بوست زي ده -لأنو في تقديري الخاص انو
ح يكون بوست غير موفق- وحتى اذا فتحو كنت ح اطلب من بكري يسحبو.
اديتك (مراقة) في التوزيع يا مازن.
التحايا مرفقة طيه.
|
Post: #8
Title: Re: عمدة بالنفخ. إقرار ذمة: يا معشر البورداب ف
Author: عماد الدين الطيب عمر
Date: 06-10-2021, 07:42 PM
Parent: #1
حبيبنا مازن
تحياتي
دا كلام شنو و درجات شنو يا الحبيب
اولا
اتمنى من سناري عدم الدخول في تحدي زي دا
و حتى عدم دخول البوست دا ذاتوو لانو بوست ما جايب حقو
تانيا
من متين كانت الدرجات لو في رياضات او فيزياء او غيرو مقياس للذكاء؟
عشنا و شفنا
|
Post: #9
Title: Re: عمدة بالنفخ. إقرار ذمة: يا معشر البورداب ف
Author: عمر التاج
Date: 06-10-2021, 09:57 PM
Parent: #8
والله دي فكرة كويسة ..
بغادي في واحد اسمه طلحة بن عبيط الله قال عايز يحاضرني في الإملاء والنحو ..
ومعاه واحد اعبط منه اسمه حافظ، قال عايز يفهمني المقاييس..
ودي فرصة نمارس هواية التحدي في المواد المشار اليها ..
اذا حافظ أحرز في الرياضيات أو الفيزياء درجات أكثر مني
في الشهادة السودانية أو أي سنة من سنوات الجامعة ..
أو إذا طلحة أحرز درجة أكثر من درجاتي ..
في اللغة العربية بكل فروعها..
من سنة اولى ابتدائي وحتى الفصول التمهيدية في الجامعة..
والتحدي مفتوح كذلك بشأن المساهمات والجوائز المعتمدة لكليهما في هذه المجالات
فإنا متبرع أترك المنبر نهائيا ..
ويلا .. حثوهما على قبول هذا التحدي بالله.
|
Post: #10
Title: Re: عمدة بالنفخ. إقرار ذمة: يا معشر البورداب ف
Author: Ahmed Yassin
Date: 06-10-2021, 11:46 PM
Parent: #9
عمر التاج
انا استاذ حافظ بصراحة ماعارف درجاته في الرياضيات
لكن البعرفه انو طلحة في سنة سادسة ما كان حافظ جدول الضرب
ومع دا كان شاطر في القسمة
|
Post: #11
Title: Re: عمدة بالنفخ. إقرار ذمة: يا معشر البورداب ف
Author: osama elkhawad
Date: 06-11-2021, 04:28 AM
Parent: #10
|
Post: #12
Title: Re: عمدة بالنفخ. إقرار ذمة: يا معشر البورداب ف
Author: مازن سخاروف
Date: 06-11-2021, 01:03 PM
Parent: #11
Quote: محمد الشيخ
هههههههههه
تكون جايب ٩٩؟؟؟
انا استسلمت
|
بدينك, زول يقولوا ليهو عليك أمان الله لحد ما نسمع من فلان, ما يقدر يصبر يمسك خشمو عليو؟
بعدين دي درجة ليك مع الرجال؟ :)
Quote: عماد الدين الطيب عمر
حبيبنا مازن
تحياتي
دا كلام شنو و درجات شنو يا الحبيب
اولا
اتمنى من سناري عدم الدخول في تحدي زي دا
و حتى عدم دخول البوست دا ذاتوو لانو بوست ما جايب حقو
تانيا
من متين كانت الدرجات لو في رياضات او فيزياء او غيرو مقياس للذكاء؟
عشنا و شفنا
|
عماد الدين الطيب عمر,
لأنو أديتو رصة بتاعة بروفات طلع بي فوقها بكل ازدراء. أي زول يحتقر مجهود الآخرين – وآخرين يشار إليهم بالبنان هو ود نفاخ بس. من ناحية بس عشان أثبت ليهو إنو على مستوى ا لشهادة السودانية تعبان.
وزي ما شايف, أسهل حاجة تبقى لايوق وتنفخ. لكن نفخ ومعاها استهزاء بعلماء في الأصل الأفريقي للحضارة؟ ياخد بالـ .. ولا أقول ليك, كلامك ما يستاهل كلام فارغ :)
يستاهلوا قليلين الادب.
إنت تحديدا, زول بتاع حبال. وبصراحة قريت كلام ليك عرفتك من جوة شنو.
محمد البشرى يستحق الإحترام. وبعتبرو ند في صلب موضوع البوست (تابع لمن نعلن النتيجة) أخيرا!
لكن الكلام النفاخ الخاف يجي ده .
Quote:
سلامات الرفيق سخالوف..
بامتداد بوست بشاشا وبوست شتيمتك
وتنطعك على المخالفين للنظرية البشاشوية.
من ناحية موضوع
علاقة درجة الرياضيات بموضوع بشاشا وسؤال د سناري شنو بيها ؟
عشان تختها مقياس التفاضل والتمايز لتقييم جراءته في توجيه سؤال لمقامك..؟
مع الشكر المقدم لسعة صدرك
|
بوست شتيمتي؟ والله في وشي مافي ود مرة بقدر يشتمني. ولا أنت ولا قبيلتك كلها. لكن داك بوست للمشاطة أبو حسين.
بعدين داير أقول ليك حاجة, رغم قلة أدبك, لحد اللحظة دي ما حصل غلطت عليك.
إسمي ما تقدر تقولو بدون ما تلوي خشمك؟ ليه, إنت قاليك أسهل من قلة الأدب في؟
الهنجكة العليك شنو؟ متدين منك ولا ماكل في بيت أبوك؟
Quote: جلالدونا
غايتو انا بليد فى الرياضيات سواء كانت اولية او اخروية
و ر قريب ده قايل اتنين فى تلاتة بيساوو خمسة
لكن بعد ده جنس عمليتك دى ما بعملا
ده تهريج فارغ وعيب كبير انك تخاطب اخد قامات المنبر بالاسلوب ده
غايتو طلعت وهم ساكت
|
قلت لي قامة من قامات البورد؟
طيب القامة ده البوست ده ما مفتوح بإسمو عديل, ما مطاعنة نسوان. مالو ما جاب درجتو مع الرجال؟
جنس عمليتي؟ يا بني آدم جيب النضارة وشوف كويس: زول يرصو ليهو لستة بتاعة ستة بروفات يعمل متأفف منها وينفخ؟ بأمارة شنو؟ دي ناس أفنت عمرها في البحث وكتبت ونشرت؟ يجي يتجاوزهم ويقول دعاية, وكمان شنو يعمل فيها مشرف على البوست كمان؟ بياتو مؤهلات وبياتو صفة؟ إنتو السلبطة دي قالوا ليكم كيف؟
يا كافي البلا لا نظام, لا احترام للتركة العلمية, لا رياضيات مع الرجال. ده يقعو بيهو وين ده؟
عمر التاج
الماشي المقيم
ده حنكك؟ دي ما أول مرة تتبرع تترك المنبر. آية المنافق ثلاث, وأولها الكضب يا كوز
|
Post: #13
Title: Re: عمدة بالنفخ. إقرار ذمة: يا معشر البورداب ف
Author: الشيخ سيد أحمد
Date: 06-11-2021, 02:25 PM
Parent: #12
Quote: إنت تحديدا, زول بتاع حبال. وبصراحة قريت كلام ليك عرفتك من جوة شنو.
محمد البشرى يستحق الإحترام. وبعتبرو ند في صلب موضوع البوست (تابع لمن نعلن النتيجة) أخيرا!
لكن الكلام النفاخ الخاف يجي ده . |
انت (نبي) وعندك وحي ونحن ماعارفين ولا شنو؟؟
كيف عرفت الفي دواخلي ؟؟
وبعدين كلام شنو القريتو لي؟؟
وشايفك هبشت الشايقية في بوست مسحوب من بكري قبل شوية.
مشكلتك شنو مع الشايقية؟؟
عشان نوزن ليك الفرمة بتاعة القبلية كويس.
وبعدين انت بتهدد لي شنو يعني؟؟ وشنو ماعندك كبير وماعندك حاجه تخسرها؟؟
نحن بنخسر اخوان واصدقاء- اذا انت فشلت في خلق علاقات طيبة مع الناس
يبقى دي مشكلتك انت مش مشكلة الناس.
الكلام الشين ما حبابو.
روق و (قعمز) في الواطة.
|
Post: #14
Title: Re: عمدة بالنفخ. إقرار ذمة: يا معشر البورداب ف
Author: مازن سخاروف
Date: 06-11-2021, 02:38 PM
Parent: #13
شنو "هبشت الشايقية دي"؟ منعو الكلام حول الشايقية ولا شنو؟
المهم بكري قرا. ورأيي عرفو. الباقي داك مختص ببكري.
بالنسبة ليك إنت, لا, ولا نبي ولا مطلع على الغيب. لكن شفت ملاسناتك القبلية مع زول في البورد.
بالمناسبة, ما جيت محامي عن دينق ولا هو اصلا خاتي ليك أهمية. لكن في تفلتات يطلع عليها المشاهد. وده رأيي فيك إنو عليهو العوض بس. ما قلته عشان أناقشو معاك
بس لأنك سألت.
علاقات طيبة بالفتن والخباثة, لا شكرا, ما محتاج ولا بهببو ذاتو. كل زول في همو.
سلام
|
Post: #15
Title: Re: عمدة بالنفخ. إقرار ذمة: يا معشر البورداب ف
Author: HAIDER ALZAIN
Date: 06-12-2021, 10:18 AM
Parent: #14
سخالوف يا عزيزي..
حالتو قلت توسع صدرك !!!
Quote: بوست شتيمتي؟ والله في وشي مافي ود مرة بقدر يشتمني. ولا أنت ولا قبيلتك كلها. لكن داك بوست للمشاطة أبو حسين.
بعدين داير أقول ليك حاجة, رغم قلة أدبك, لحد اللحظة دي ما حصل غلطت عليك.
إسمي ما تقدر تقولو بدون ما تلوي خشمك؟ ليه, إنت قاليك أسهل من قلة الأدب في؟
الهنجكة العليك شنو؟ متدين منك ولا ماكل في بيت أبوك؟ |
عموماً للمزيد من الفهم وعشان ما تندفع وترد على شئ لم ما مقصود ويظهرك عندي بمظهر العندو جنون اضطهاد ..
انا لم اشتمك ولا هددت بشتيمتك .. لا .. انت قريت المكتوب غلط..
قلت بدون استقطاع ..
| Quote: بامتداد بوست بشاشا وبوست شتيمتك وتنطعك على المخالفين للنظرية البشاشوية. |
يعني البوست الانت كتبته للشتيمة والتنطع على مخالفين بشاشا ..
والمفارقة انهم المخالفين هنا لبشاشا وليس حضرتك ههههههه
المهم وهو البوست دا:
بشاشا×كتيبة المشاء الخ الخ الخ
التوضيح دا بس عشان كان زعلان او عاوز تنفخ تنفخ من موقف صحيح
يعني ما تشاكل وانت ما فاهم ....
بالنسبة لـ .. سخالوف
برضك وحاتك اتعقدت ساي
دي خفة دم وكسر حواجز مني ساي ..
فيبقى خليك حوارنجي عقلاني وموضوعي ..وجاوبنا بشغف عن السؤال :
من ناحية موضوع
علاقة درجة الرياضيات بموضوع بشاشا وسؤال د سناري شنو بيها ؟
عشان تختها مقياس التفاضل والتمايز لتقييم جراءته في توجيه سؤال لمقامك..؟
مودتي
|
|