الجبوري طعن الفيل

قال ايه ..
حمدوك من يوم دفع تذكرة قدومه للسودان هو وزوجته
تاني ما دفعوا ولا مليم من جيبه
ياكل هو واسرته مجان
ويشرب مجان (اي شئ طبعا)
ويسكن مجان ( افخم القصور)
ويركب مجانا (افخم العربات لا يهمه بنزين ولا جازولين)
والعلاج مجان وخارج السودان
والنت غير محدود ومجان
والكهرباء مجان
وفاتورة الماء يدفعها الشعب
وكل شئ فري
فأنى يستجيب أو يشعر بالمواطن؟

سلام ، عمر

طبعا كلو مجان ، عمرك سمعت ليك رئيس وزراء ، بدفع شئ من الذكرته انت اعلاه ؟
بطل حقد واثارة مشاعر .
عارف انو الوضع كلو ماعاجبك ، لكن برضو في ناس عاجبهم وساري بالهم .
زيي انا كده .
الجبوري كلامه ، اكتر من عادي ، بس فيه شويه تريقه.
انكربوا شويه ياعمر التاج، والجبوري ، فكل العمليات القادمة بدون بنج .

Quote: فكل العمليات القادمة بدون بنج .

وصدق ود الضيء عندما قال لهم ختوا المفتاح تحت السجادهـ ...

Quote: عارف انو الوضع كلو ماعاجبك ، لكن برضو في ناس عاجبهم وساري بالهم . زيي انا كده

والله يا هاشم انا بالجد بندهش لما القى زول عاجبه الوضع الحالي..
الا يكون مستفيد مباشر من افقار الشعب ..
زول زي اسامة داؤود بيزيد غنى من جوع الشعب غض النظر عن نظام الحكم ..
شخص مثل إبراهيم الشيخ بياكل زي المنشار في كل الاتجاهات..
شخص زي خالد سلك وجد فجأة كل ملذات الدنيا التي كان يفتقدها في السابق
شخص مثل البوشي كان عاطلا عن العمل والان تاتيه المرتبات والحوافز بعدد كذباته اليومية ..
أمثال ديل هم المنتفعين .. وحايظلوا منتفعين ولو جاء ابليس على رأس الحكم.. أو عيسى ..
ولكن مواطن عادي ، يجد ان الاسعار تزداد كل يوم .. أو كل ساعه..
وكل مواطن شريف يجد ان الفجوة تتسع كل يوم بين دخله ومنصرفه
فزي ده مستحيل انه يعجبه وضع زي ده .. الا قصير نظر أو احمق.

والحل يا عمر
البنزين لازم يرفع الدعم ، الجازولين لا.
المواصلات الحكومية مفروض تتوفر .
الترحيل للطلاب مفروض مجاني
للعمال الترحيل مفروض تبع المصنع
والا فهذا ائذان بخراب.

لم تتم المعالجات التي تسبق هذا القرار.

ده ذبح بسكين مصدية

ماتندهش كتير يا ابو عمير ، الوضع الحالي صعب بكل المقاييس ، لكن نتائج ذلك ستكون ايجابيه مستقبلا .
واول المتضررين ، هم السماسرة ياعمر . السودان ملئ بالسماسرة والوسطاء في كل شئ تقريبا ، وهم سبب اساسي لما يعاني منه الناس .
لذا تعجبني جدا ، خطوة رفع الدعم، واتمني رفع الدعم عن كل شئ حتي تكون الامور واضحه . هذا فيما يختص باندهاشك .
اما الاسماء التي ذكرتها ، فهم اناس مسلط عليهم الضوء بحكم مواقعهم ومناصبهم ، ومعروف عنا نحن السودانين ، دائما مانبحث عن سؤأأت الاخرين .
الزبدة :
الناس تتحمل شوية ، وتتحرك وتصبح منتجه ، عوضا عن الجلوس في السوق المحلي ،او الكرين بحري ، او شارع النيل مع ستات الشاي.

الحكومة في مهب الريح
القرارات صادمة وقاسية ومن دون غطاء
مثل التوصيل للطلاب طوال السنة ( نظام الابونية - كارد طالب )
والترحيل الجماعي للمصانع والمعامل
والمصالح الحكومية، القرار قبل تنفيذه
لا بد من معالجات تراعي حالة الامة.

Quote: لكن نتائج ذلك ستكون ايجابيه مستقبلا .

عندك اي مؤشرات يا هاشم؟
الحكومة دي بترفع في الدعم من يوم قعدت في الكراسي ..
وما شفنا تقدم أو مؤشر إيجابي واحد مما مسكت ..
اما اذا متكلين على روشتة صندوق النقد .. فواطاتكم أصبحت..
والدول الأفريقية الفقيرة التي طبقتها قبلكم كانت ابلد..

..
..
الدعم لازم يترفع يا دكتورة في يوم ما ..
ولكن ما في التوقيت ده ابدا ..
وما في الظروف دي نهائي ..
انت كتكوتة عندك شغل تقيل بيحتاج تحجزه قبل ما تطبق هذه السياسات..
والحكومة ما نفذت منها ولا مثقال ذرة ..
طيب اقول لك ليه الحكومة مستعجلة لرفع الدعم ..
فقط عشان تحصل قروض ضخمة من دول ومؤسسات دولية ..
الحكومة حا تنسف القروض دي وتستمتع بيها في فترة حكمها
وتعدي فترتها بدون تعب ووجع رأس..
ثم تخلي لنا هذه الديون .. بالإضافة لفوائد التجسير ورسومها
قروضا متلتلة ..

أها ومع إنو الحكومة العاجزة لقت البلد جنازة بلد ومنهوبة وبلا موارد ولقت الناس في صفوف البنزين والوقود ـ والخبز ـ جيشها يحارب بالوكالة ورئسها يقبض بالظرف تحت الطربيزة ـ ويبني مستشفي في جيوبتي 15 مليون دولار بينمامستشفياتنا ينعق فيها البوم والنهب والسلب والجوع يصفونه بالإبتلاء والبشيريذكرنا بأن الصحابة أكلو صفق الشجر............ أها ومع إنو الحكومة العاجزة لقت البلد جنازة بلد ومنهوبة وبلا موارد ولقت الناس في صفوف البنزين والوقود ـ والخبز ـ جيشها يحارب بالوكالة ورئسها يقبض بالظرف تحت الطربيزة ـ ويبني مستشفي في جيوبتي 15 مليون دولار بينمامستشفياتنا ينعق فيها البوم والنهب والسلب والجوع يصفونه بالإبتلاء والبشيريذكرنا بأن الصحابة أكلو صفق الشجر............ ....
..

Quote: ............ "ما يحدث من ضائقة هو ابتلاء سنصبر عليه حتى ينجلي لأن الحكم والقوة والأرزاق بيد الله وهو أمر تأمرنا به عقيدتنا"، بحسب صحيفة "الانتباهة". وزاد: "الأزمة الاقتصادية الله بحلها (سيحلها). الناس في عهد الصحابة أكلت صفق الأشجار"، وفقا لصحيفة "التيار" الورقية. ....

...........
. والناس في ذلك العهد لم تكن قادرة علي سحب مدخراتها وعرق جبينهامن البنوك .... أها الحكومة المدنية ماشة في طريق غلط ولم تمضي في الإتجاه الصحيحولكن مع هذا كله نقولها بالمليان ضد رفع الدعم أو ماتبقي منه ومع مجانيةالعلاج والتعليم ـ وهذه مبادئ تمسكنا بها في زمن الإنقادـ ونقولها اليوم وسنقولها غدا....................

Quote: فكل العمليات القادمة بدون بنج

سلام يا كاروري
البنج ما رفاهية في العملية ولكنه ضروري لسلامة العمليات.
مثلاً البنج مهم لمنع أي حركة من المريض قد تكون خطرة وتتسبب في كارثة.
فهل الحكومة قادرة على ضمان سلامة عملياتها بدون بنج؟

يامولانا، الكيزان ماخلو " حقنه " بنج واحده ، وفي مثل هذه الحالة
اذا كانت " العمليه ضرورية " ، سيتم اجرأءها ، حتي لو تألم المريض قليلا .

Quote: ومع إنو الحكومة العاجزة لقت البلد جنازة بلد ومنهوبة وبلا موارد

يعني عشان الحكومة لقت البلد جنازة بحر قالت اخير تدفنه وتخلص منه
والله برضو فهم يا قحاته ..
طيي من البداية ما كان تكضبوا وتقولوا حانبنيهو وحا ندعم المواطن والصحة والتعليم ووجبة التلميذ ..
كان تخلوا الشعب في ضيق الكيزان الخلوا لينا الدولار ب٦٠
والبنزين بكم وعشرين ..

كتب,,,,,
,,

Quote: كان تخلوا الشعب في ضيق الكيزان الخلوا لينا الدولار ب٦٠والبنزين بكم وعشرين .........

أها بمنطقك دا هاك
\الكيزان ديل لما إنقلبو علي السلطة ـ المليون جنيه كانت تساوي مائة الف دولار مائة الف دولار مقابل مليون جنيه سوداني ! وفي نهاية عهد البشير أصبح المليون يساوي أقل من أربعة دولار !ولما إنقلبو العلاج والتعليم كان مجان !خليك من الفساد والقتل والإستبداد والإرهاب والتفريط في التراب والسيادةالوطنية ... والناس في ذلك العهد لم تكن قادرة علي سحب مدخراتها وعرق جبينهامن البنوك وقالو دا عشان يتحكمو في سعر الصرف بس نحن نقولها بالفم المليان; ضد رفع الدعم أو ماتبقي منه ومع مجانيةالعلاج والتعليم ـ وهذه مبادئ تمسكنا بها في زمن الإنقادـ ونقولها اليوم وسنقولها غدا.

التوقيع تجمع الكيزان
وأشباه الكيزان

♨️

*دال للغتغتة و الدسديس*

مصادر الهدهد :

بعيدا عن الاضواء بعد عصر اليوم الاثنين جمع غداء عمل رئيس الوزراء حمدوك ووزير الماليه جبريل و وجدي صالح بحضور صاحب المبادرة التوافقيه اسامه داؤود وتشريف السفير الإماراتي... وخاصة مكتب حمدوك... كان النقاش بغرض اخماد النار التي اشعلها تصريح وزير الماليه جبريل وتهديد وجدي بعقد مؤتمر لكشف الحقائق... تم الاتفاق علي ان يعقد حمدوك لقاء صحفي يوم غد الثلاثاء ١٥ يونيو يوضح فيه ان الأموال والعقارات وكل المقولات التي صادرتها لجنة إزالة التمكين موجوده بطرف (الشركه القابضه) الي سبق وأن اقتراح الشيخ خضر... بارك الخطوة السفير الإماراتي وطلب من الحضور عدم التراشق الاعلامي وتفويت الفرصه علي ( أعداء الثورة ) .
♨️

تسجيل الجبوري الأخير بخصوص مبادرة حمدوك الأخيرة
طعن مباشر في قلب الفيل