Post: #2 Title: Re: الدعم (اترفع) من المواطن و(نزل) هنا Author: Salah Zubeir Date: 06-08-2021, 08:53 PM Parent: #1
أوع يكون لفحتا من الواتساب ... محمد معانا يا هادم البوستات ما تغشانا ...
Post: #3 Title: Re: الدعم (اترفع) من المواطن و(نزل) هنا Author: عمر التاج Date: 06-08-2021, 09:01 PM Parent: #2
المرة دي ما من الواتس يا قريبي من الفيس .. وحا اسهل على ود البشرى وفريق الشنافين ، بقولي .. آآي .. الخطاب مفتشب بس كل المطلوب منهم يجيبوا اصل الخطاب.. بالعدم، ممكن يحدثونا عن الصورة المشرفة بتاعة السفير التحت دي ..
Post: #4 Title: Re: الدعم (اترفع) من المواطن و(نزل) هنا Author: Hafiz Bashir Date: 06-08-2021, 09:02 PM Parent: #2
Quote: محمد معانا يا هادم البوستات ما تغشانا
ههههههههههههه عمكم دا قريب ما بعيد وبوستكم دا ما أظن بياخد منو دقايق. وأحسن الله عزاءكم في بوستكم والفاتحة
Post: #5 Title: Re: الدعم (اترفع) من المواطن و(نزل) هنا Author: عمر التاج Date: 06-08-2021, 09:15 PM Parent: #4
Post: #6 Title: Re: الدعم (اترفع) من المواطن و(نزل) هنا Author: Hafiz Bashir Date: 06-08-2021, 09:39 PM Parent: #5
يا عمر التاج هل الوحدة المعتمدة لقياس حجم السوائل في السودان هي الجالون أم اللتر؟
Post: #7 Title: Re: الدعم (اترفع) من المواطن و(نزل) هنا Author: عمر التاج Date: 06-08-2021, 09:42 PM Parent: #6
شنو الفلسفة دي يا مولانا .. ما كلها وحدات قياس حجم في نظام واحد وفي الحقيقة يفترض ما يكون ده السؤال.. السؤال هو: هل يتحمل الشعب السوداني الفضل بعد رفع سعر جالون البنزين الي 1305 جنيه.. والجازولين الي 1282 جنيه؟
Post: #8 Title: Re: الدعم (اترفع) من المواطن و(نزل) هنا Author: Hafiz Bashir Date: 06-08-2021, 09:48 PM Parent: #7
إنت كيشة ولا شنو؟ حكومة السودان بتعمل سعر للتر ما للجالون لأن وحدة القياس المعتمدة هي اللتر ما الجالون. حبرك بتاع رفع أسعار الوقود وإن صح لكن صورة القرار الجبتو دا مفبركة.
Post: #9 Title: Re: الدعم (اترفع) من المواطن و(نزل) هنا Author: عمر التاج Date: 06-08-2021, 09:49 PM Parent: #7
Quote: عاجل:باج نيوز : رفع سعر لتر البنزين إلى (290) جنيه بدلاً عن (150) جنيه ليصبح سعر الجالون (1305) جنيه بدلاً عن (675) جنيه، و زيادة سعر لتر الجاز إلى (285) جنيه بدلاً عن (125) ليرتفع سعر الجالون من (562.2)جنيه إلى (1282) جنيه
الملاحظ ان كل الزيادات السابقة لم يذهب منها مثقال ذرة من خردل لخدمة المواطن... طيب مشت وين؟ بالطبع مشت مرتبات مليارية ونفقات سفر وحوافز لجان .. لوزارة الحكومة الانتقالية واذنابها ..
Post: #10 Title: Re: الدعم (اترفع) من المواطن و(نزل) هنا Author: عمر التاج Date: 06-08-2021, 09:54 PM Parent: #9
Quote: إنت كيشة ولا شنو؟ حكومة السودان بتعمل سعر للتر ما للجالون لأن وحدة القياس المعتمدة هي اللتر ما الجالون
الكيشة انت يا مولانا .. الجالون واللتر وحدات قياس في نظام واحد ما نظامين متوازيين .. يعني الحكومة لو رفعت تقديرات موازنتها بالجنيه أو عشرات الجنيهات حايكون الفرق شنو؟ وبعدين الخطاب لو ركزت فيه ما صادر من حكومة مركزية ..
Post: #11 Title: Re: الدعم (اترفع) من المواطن و(نزل) هنا Author: Hafiz Bashir Date: 06-08-2021, 10:18 PM Parent: #10
Quote: الجالون واللتر وحدات قياس في نظام واحد ما نظامين متوازيين
اللهم لا تمحنا ولا تبلينا
Post: #12 Title: Re: الدعم (اترفع) من المواطن و(نزل) هنا Author: عمر التاج Date: 06-08-2021, 10:39 PM Parent: #11
حاك البلوة دي :
Quote: وزارة المالية تصدر قراراً يقضي بالغاء كافة اسعار الوقود
الخرطوم 08-06-2021 (سونا) أصدرت وزارة المالية والتخطيط الاقتصادي قراراً يقضي بالغاء كافة اسعار الوقود (بنزين - جازولين) وذلك في اطار سياسة الدولة الرامية لإصلاح الاقتصاد الوطني وتأسيس بنية تمكن مؤسسات الدولة والقطاع الخاص من التعامل مع مؤسسات التمويل الدولية.
كما وجه القرار بتكوين لجان متخصصة لدراسة كيفية توفير دعم مباشر لقطاعات، الزراعة، والكهرباء ،والمواصلات لتعويض هذه القطاعات من عبء ترشيد دعم الوقود.
وبهذا تخضع عملية السعر لتكلفة الاستيراد و التي تشكل ما بين ٧١٪ إلى ٧٥٪ من سعر الوقود مضافا إليها تكاليف النقل و رسوم الموانئ و ضريبة القيمة المضافة و هامش ربح شركات التوزيع و هذه التكاليف تشكل مجتمعة مابين ٢٥٪ إلى ٢٩٪ من سعر البيع المستهلك.
وبحسب التكلفة الحالية قد حددت سعر لتر البنزين بواقع (٢٩٠) جنيه سوداني، وسعر لتر الجازولين بواقع (٢٨٥) جنيه سوداني ، وهذا السعر يخضع للمراجعة الدورية وفق السعر التأشيري للدولار.
و يعد السودان بعد تحرير الأسعار سادس ارخص دولة من أصل ٤٢ دولة أفريقية،حيث أن سعر الوقود في بعض دول الجوار يفوق ضعف التسعيرة المتوقعة و ذلك لتضخم الضرائب المفروضة في معظم الدول الأفريقية.
تجدر الإشارة الى ان سياسة تحرير الوقود - و التي أتت متأخرة جدا - كفيلة بإزالة العديد من التشوهات في الاقتصاد حيث تنفق الدولة حوالي المليار دولار سنويا كدعم للمحروقات، الدعم الذي لا يستثنى الطبقات المتوسطة و الغنية عوضاً عن توجيهه للسند المباشر للقطاعات متدنية الدخل و المستحقة للدعم.
كما أن هنالك ثلاث شركات حكومية ذات انتشار جغرافي واسع تتنافس مع باقي شركات القطاع الخاص في شراء و توزيع الوقود للمستهلكين و المشاريع الزراعية.
#سونا #السودان
Post: #13 Title: Re: الدعم (اترفع) من المواطن و(نزل) هنا Author: عمر التاج Date: 06-08-2021, 11:03 PM Parent: #12
Quote: وحدة القياس المعتمدة هي اللتر ما الجالون
الاعتمدها منو؟ طيب البستوردوه بالبرميل ما معتمد؟ وبتاع الولاية ده ما معتمد؟
نمشي قدام.. ونزيد المسؤولية شوية ..
عرفتوا الدعم الاترفع نزل وين؟
Post: #14 Title: Re: الدعم (اترفع) من المواطن و(نزل) هنا Author: Asim Ali Date: 06-09-2021, 01:26 AM Parent: #13
Quote: هل الوحدة المعتمدة لقياس حجم السوائل في السودان هي الجالون أم اللتر؟
الوحده الاساسيه اللتر للسوائل لكن للوقود لانو استخدامو بكميات اكبر بالصفيحه والبرميل لاصحاب العربات الكبيره اصبح معتاد اسهل استخدام الجالون بالنسبه ليهم . عندك الوزن الوحده الكيلو لكن للان انا بمشى المسحنه اشترى بن او بهارات وشاى بالرطل السكر والخضار بالكيلو ماتستغرب انت فى السودان
Post: #15 Title: Re: الدعم (اترفع) من المواطن و(نزل) هنا Author: يحي قباني Date: 06-09-2021, 04:08 AM Parent: #14
Cheers
red
Post: #16 Title: Re: الدعم (اترفع) من المواطن و(نزل) هنا Author: Asim Ali Date: 06-09-2021, 04:30 AM Parent: #13
Quote: الاعتمدها منو؟ طيب البستوردوه بالبرميل ما معتمد؟ وبتاع الولاية ده ما معتمد؟
سلامات عمر التاج القرار قديم من من قبل الثوره اصدر منقبل المواصفات والمقاييس لازاله البس والاختلاط بين الوحدات الانجليزيه قدم و رطل -والفرنسيه مترو كجم (المعتمده كوحدات دوليه) لكن مازال الخلط حاصل البن بتاهع الشركه كابو او خلافو باللتر لكن لسه سيد اللبن بيبيع اللبن بالرطل ...الخ ----- بمناسبه رفع الدعم قبل مواكب 3 يونيو تسربت اخبار عن قرار جاهز برفع اسعار المحروقات (ولو تذكرو خبر تجفيف امحطات الوقود) وان حمدوك طلب تاجيل اصدار القرار حتى مابعد مواكب 3 يونيو نتساءل يا اولاد حمدوك الكلام دا صحى ؟؟؟؟
Post: #17 Title: Re: الدعم (اترفع) من المواطن و(نزل) هنا Author: اخلاص عبدالرحمن المشرف Date: 06-09-2021, 04:55 AM Parent: #16
عمر شوف المهم وسيب المفتشب
زي دي مثلاً وقف استيراد العربات الصغيرة والسماح للوكلاء . ده فساد ايه ده فساد مجيه حير الامات يا رداح
ًً
Post: #18 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 07:05 AM Parent: #17
تحياتي عاصم علي
Quote: القرار قديم من من قبل الثوره اصدر منقبل المواصفات والمقاييس لازاله البس والاختلاط بين الوحدات الانجليزيه قدم و رطل -والفرنسيه مترو كجم (المعتمده كوحدات دوليه) لكن مازال الخلط حاصل البن بتاهع الشركه كابو او خلافو باللتر لكن لسه سيد اللبن بيبيع اللبن بالرطل ...الخ
تعليقي ان الجالون واللتر يتبعان لنفس النظام يصب في نفس اتجاه مداخلتك، تماما مثل ان نقول ان النظام المتبع للوزن هو الرطل ويبيع الناس بالاوقية والكجم.. لافرق ، ولا مشكلة .. المشكلة التي يريد مولانا صرف أنظار الناس عنها هي مشكلة الزيادة الفلكية في اسعار الوقود ، والسؤال الثاني الذي يطرح نفسه هو: هل هناك ثمة مقارنة بين دخل المواطن السوداني ومتوسط الدخل العالمي حتى تساوي الحكومة هذه السلعة الضرورية بالسعر العالمي، والسؤال الثالث : اين تذهب الإيرادات الضخمة الناتجة عن الزيادات المستمرة في اسعار السلع الحكومية والضرائب..الخ .. علما بأن نسبة مقدرة من الوقود تنتج محليا ، وتحقق منها الحكومة ارباحا خيالية جراء بيعها بالسعر العالمي .
Quote: بمناسبه رفع الدعم قبل مواكب 3 يونيو تسربت اخبار عن قرار جاهز برفع اسعار المحروقات (ولو تذكرو خبر تجفيف امحطات الوقود) وان حمدوك طلب تاجيل اصدار القرار حتى مابعد مواكب 3 يونيو نتساءل يا اولاد حمدوك الكلام دا صحى ؟؟؟؟
هنا مربط الفرس .. ومكان اللعب بالدقون.. والظاهر ان حمدوك لايجيد اللعب على هذه الحبال ولن يصمد طويلا عند الرقص فوقها ..
Post: #19 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 07:09 AM Parent: #18
تحياتي دكتورة إخلاص
Quote: عمر شوف المهم وسيب المفتشب
زي دي مثلاً وقف استيراد العربات الصغيرة والسماح للوكلاء . ده فساد ايه ده فساد مجيه حير الامات يا رداح
ما في شئ ثبت انه مفتشب حتى الان .. قرار وقف استيراد العربات الصغيرة برضه واضح انه فيه لعب تقيل ومصالح خاصة وفي النهاية كل أمر يشق به على المواطن يفتح نافذة على الفساد
Post: #20 Title: Re: الدعم (اترفع) من المواطن و(نزل) هنا Author: احمد عمر محمد Date: 06-09-2021, 07:31 AM Parent: #19
كيف تصبح مسؤولا في الحكومة حتى تستفيد مه هذه الدعومات والهِبات ؟
Post: #21 Title: Re: الدعم (اترفع) من المواطن و(نزل) هنا Author: muntasir Date: 06-09-2021, 07:33 AM Parent: #20
عمر الكوز يرفعك شيخ جقود داك مالك كبرت اللفة من كاس فار الفحم 🥃
Post: #23 Title: Re: الدعم (اترفع) من المواطن و(نزل) هنا Author: Ali Alkanzi Date: 06-09-2021, 07:55 AM Parent: #21
يا ابو عمير في حكاية رفع الاسعار
حكمة وتحليل اقتصادي يأتي من الشوال قريتي بولاية النيل الابيض:
امير الصادق ابوشرة قال: قبل ثورة ديسمبر سلة البيض ٣٠ بيضة في الشوال ب ٧٠ جنيه سبعين جنيه اسا البيضة الواحدة في الشوال بسبعين جنيه
وعلي ذلك قس والله لا خير في من اتى ولا من سبق يتعاركون كالافيال والشعب السوداني تحت اقدامهم
Post: #22 Title: Re: الدعم (اترفع) من المواطن و(نزل) هنا Author: Hafiz Bashir Date: 06-09-2021, 07:44 AM Parent: #18
Quote: تعليقي ان الجالون واللتر يتبعان لنفس النظام يصب في نفس اتجاه مداخلتك، تماما مثل ان نقول ان النظام المتبع للوزن هو الرطل ويبيع الناس بالاوقية والكجم.. لافرق ، ولا مشكلة
يا عمر التاج يا إبني واضح إنك جاهل تماماً بأنظمة وحدات القياس وأن الموضوع لم يطرق أضانك أساساً. وبصراحة أنا إتحرجت وخجلت ليك يا دكتور. حسيت بحرج إني أشرح لدكتور (يحمل درجة الدكتواراه) حاجات مفروض إنها تكون جزء من مقرر سنة تانية او تالتة أساس. فعايك الله بالضرا، وقبل ما عدد القراء يزيد، أمشي أقرا عن نظام الوحدات المتري والنظام الإمبراطوري. ولو بتعرف تقرا باللغة الإنجليزية أكتب في قوقل imperial vs metric system .
Post: #24 Title: Re: الدعم (اترفع) من المواطن و(نزل) هنا Author: زهير عثمان حمد Date: 06-09-2021, 09:05 AM Parent: #22
الصيانة دي ما للبيت الساكن فيهو حمدوك لبيت خالد سلك الحكومي
Post: #25 Title: Re: الدعم (اترفع) من المواطن و(نزل) هنا Author: muntasir Date: 06-09-2021, 09:08 AM Parent: #22
الامبراطوري ده زي الفرنساوي ولا في اختلاف يا مولانا
Post: #26 Title: Re: الدعم (اترفع) من المواطن و(نزل) هنا Author: عبدالحفيظ ابوسن Date: 06-09-2021, 09:20 AM Parent: #25
هههه يا مولانا في زمن الانقاذ جاتنا جوالين ماتعرفها بتشيل كم زاتو وبنفس الطريقة صفايح وشوالات الاحجام القياسية المعروفة اتغيرت لكن برضو ببيعو ليك علي انو قياسي وعندو اسم جمرة خبيثة . ناقص طبعا من المتعارف عليهو القياس طبعا باللتر وتعارف الناس انو الجالون 4.5 لتر وكانت الطلمبات مبرمجة علي وحدة القياس دى جالون حاليا كل الطلمبات ديقتال وشغالات باللتر زي الميزان مابالضرورة تشتري مضاعفات اللتر بأي سعر بكبو ليك
Post: #27 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 11:11 AM Parent: #26
لا تخجلي ولا تشرح لي يا حافظ .. ولا تسألني ولا تسأل لي العلم .. وكل انسان عارف مقداره اذا انت عندك تصحيح لمعلومة قلناها في البوست ده، قول كلامك على طول .. من غير لف ودوران انا حسب وجهة نظري مافي مشكلة في ذكر الجالون أو اللتر أو البرميل لقياس الوقود في السودان ولو تابعت تصريحات المسؤولين الحكوميين حاتلقاهم مابيتحرجوا في ذكر الجالون أو اللتر في قياس البنزين.. واهو قدامك خطابين رسميين لقياس الجازولين والبنزين بالجالون.. فبالله ماتعمل لينا فيها عبد الزمبار ومنقطة وتتزواغ من موضوع البوست كعادتك .. اخونا عبد الحفيظ ختاها ليك واضحة... القياس بقى بالقروش تقول عايز بمليون جنيه يكبوا ليك بمليون ولا بتعرف زاتو كم لتر أو جالون .. وفي خطاب رسمي اخر تم ذكر الوحدة بالقروش قبل كم شهر كده، عند تحديد الكمية اللازمة لكل نوع سيارة . الخاصة :ما بيفرق كونك تقول جالون أو تقول ٤.٥ لتر أو ٣.٨ لتر للجالون الأمريكي . .. منتصر الشيوعي ، صورة قباني الخايف عليها تعني شيئا واحدا أن الحكومة الانتقالية ماشة في درب الكيزان وقع الحافر بالحافر نفس الفساد، نفس الضلال ، نفس الشراب.. غير ان الكيزان مابييشريوا مع البيسوى والمابيسواش ولتر بنزيمهم كان بأقل من ٣٠ جنيه.
Post: #28 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 11:16 AM Parent: #27
Quote: الصيانة دي ما للبيت الساكن فيهو حمدوك لبيت خالد سلك الحكومي
شكرا زهير عثمان كده ثبت واحد من الخطابات .. وطبعا الصيانة ماتمت لبيت خالد سلك الحكومي فحسب .. راجع الخطابات أعلاه ودقق في الأسماء .. اما صيانة بيت حمدوك الحكومي، فقد تمت قبل ذلك بكم شهر .. وسآتيك بخطابات الصيانة المليارية ، والأثاث.
Post: #29 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 11:16 AM Parent: #27
Quote: الصيانة دي ما للبيت الساكن فيهو حمدوك لبيت خالد سلك الحكومي
شكرا زهير عثمان كده ثبت واحد من الخطابات .. وطبعا الصيانة ماتمت لبيت خالد سلك الحكومي فحسب .. راجع الخطابات أعلاه ودقق في الأسماء .. اما صيانة بيت حمدوك الحكومي، فقد تمت قبل ذلك بكم شهر .. وسآتيك بخطابات الصيانة المليارية ، والأثاث.
Post: #32 Title: Re: الدعم (اترفع) من المواطن و(نزل) هنا Author: طلحة عبدالله Date: 06-09-2021, 12:51 PM Parent: #29
نزل لأسفل
Post: #30 Title: Re: الدعم (اترفع) من المواطن و(نزل) هنا Author: محمد حمزة الحسين Date: 06-09-2021, 12:27 PM Parent: #26
Quote: وأحسن الله عزاءكم في بوستكم والفاتحة
عشان كدا يا مولانا أنا قلتا البوست دا ماش في نفس خط الكوزنه لمدة اسبوع ... وكان ممكن يكون ادسم مداخله يدعم بيها البوست ...
عما يا عمر أخوووي الآن الأسعار أعلي من المعلن للزيادة المتوقعه بي كتير وأهو بنشتري ... الأهم الوفرة ودي مربط الفرس ...
يا منتصر كأس الشيخ علي عثمان حتي الآن لم يظهر منه شيء أتوقع لو ما عصير يكون فاضي ...
Post: #31 Title: Re: الدعم (اترفع) من المواطن و(نزل) هنا Author: Ali Elarifi Date: 06-09-2021, 12:46 PM Parent: #30
لا اصدق ان هناك دعما علي الوقود. للاسف الشديد حكومة الثورة ضعيفه وغير جاده وخامله ، المطلوب منها تحسين التحصيل الضريبي لزيادة مواردها وكذلك ضبط الصرف الحكومي وولاية وزارة الماليه علي المال العام ومكافحة سرقات صادر الذهب وتهريب الوقود وبذلك سيتحسن الاقتصاد والا تسقط غير مأسوفا عليها.
Post: #33 Title: Re: الدعم (اترفع) من المواطن و(نزل) هنا Author: طلحة عبدالله Date: 06-09-2021, 12:52 PM Parent: #31
Quote: وكل انسان عارف مقداره
الخ الخ الخ
يا عمر التاج يا صديقي أرجوك ما تزعل مني عشان السؤال دا .. السؤال هو أنت عارف مقدارك كيف يا عمر أخوي ؟؟ أنت دكتور ولا زلت بتغلط حتى املائيا لا تفرق بين الذال والزين ( الجذولى) ودي حاجة المفروض تكون اتخلصت منها من ثانية ابتدائي لا زلت حتى الآن يا عمر ساقط تعبير ( انشاء) تريد أن تلتقي بالزول في الأيام الخوالي، وخضم تعبيري وما عارف شنو ودي برضو حاجة المفروض تكون جضمتها من ثانية أو بالكتير خامسة ابتدائي .. يا عمر لما تكون ما بتعرف تسوق جملة مفيدة بتعابير مفهومة فكيف بالله عايز فكرتك تصل للمتلقى وأنت طارح نفسك مفكر وناقد ومحلل وخبير وكل حاجة في البورد دا ؟؟ خليك يا عمر من الحاجات الصعبة من عينة وحدة القياس والفرق بين اللتر والمتر وما شابه .. الأساسيات نفسها يا صديقي أنت ضعيف جدا فيها .. الأساسيات البتبني بيها فكرتك أو رسالتك العايز توصلها هشة جدا (املاء وتعبير) ومع ذلك مستمر في طرح الأفكار والتصدى للآخرين بالنقد والتبخيس والتصغير متجاهلا مبدأ (فاقد الشىء لا يعطيه) يا عمر يا حبيب حالتك الصعبة دي المفروض تكون سبب أساسي يخليك تذم بلا هوادة صبح وليل النظام البائد لأنك وصلت في عهده لدرجة دكتور ومع ذلك تعانى مما يعانيه طلاب الإبتدائي ودا حال كتير جدا من الذين وصلوا إلى درجة دكتور ومهندس وبرفسور في عهد النظام المخلوع .. والله العظيم حاجة تدعو للبكاء بل والجوعير عديل كدا يا عمر . أنا شايف حقو تنسى أية حاجة ما عدا ذم وشتم أو قل نقد النظام البائد .. أخلص حقك وحق من هم مثلك أول وبعدين تعال هرج وهرجل وكورك في النظام الحالي .. دا اذا كنت فعلا حقاني وعايز مصلحة البلد ......... أقول قولى هذا ولا أعيب الأخطاء اعلاه من حيث المبدأ وجل من لا يخطىء فأنا أيضا عندي عيوب لكن الفرق أني عارف مقدار نفسي ولا أتشالق أبدا كما تفعل أنت لا أريد أن أكون عريان وأغطي الناس .. غلفة وشايلا موسها تطهر .. شفت كيف ؟؟ يا ريت تكون فهمتني وما تزعل مني يا خوي .. خخخخخخ
Post: #34 Title: Re: الدعم (اترفع) من المواطن و(نزل) هنا Author: طلحة عبدالله Date: 06-09-2021, 01:38 PM Parent: #33
تسوق من السياقة الواحدة دي ما من بالصياغة
Post: #35 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 06:18 PM Parent: #34
كيف تصبح مسؤولا في الحكومة حتى تستفيد مه هذه الدعومات والهِبات ؟ لكي تصبح مسؤولا تاكل دعم المواطن يا احمد عمر .. لازم تكون عميل ، وتنفذ أجندة غير وطنية .. تنقذ وبس،وتقبض حقك بره .. غير كده ، كل دروب النضال والنزاهة والوطنية .. لاتجعل منك سوى مواطن مسحوق .
Post: #36 Title: Re: الدعم (اترفع) من المواطن و(نزل) هنا Author: Asim Ali Date: 06-09-2021, 06:46 PM Parent: #35
مؤتمر برلين ومؤتمر باريس وتطبيع مع اسرائيل ورفع الحصار دا كلو مافرمل التردى الحاصل ولا متر واحد وشماعه خراب 30 سنه ماحجه تبرر عدم فرمله التردى (على الاقل) وتستمر معاقبه الشعب على ثورتو بواسطه ربيب الكيزان و ربنا يستر من القادم -------- قبيل خبير اقصادى كان بيتكلم فى بى بى سى انو الحكومه بحثت عن الحلول على حساب المواطن بدل حلول اكثر فاعليه زى محاربه تهريب الذهب وادخال العائد فى دوره الاقتصاد اضافه لتشجيع تحويلات المغتربين ...الخ بقلبى قلت ليهو المواطن الحيطه القصيره والقروش الجد تتصرف على تنابله الحكومه وبلطجيه الحركات
Post: #37 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 07:20 PM Parent: #35
عبيط انت يا طلحة ، عبيط والله حد الشفقة قلت لي عايز تصحح أخطائي الاملائية والتعبير في البوست العام ده؟ يعني وقت الله مافتح عليك بحرف في موضوع البوست قلت احسن تقلبه تصحيح ؟ لا يا فالح .. مابسووها كده ، لا ادب الحوار ولا أصول النقاش ولا قواعد اللغة بتقبل تشتت وبشتنة من النوع ده.. عايز تتحدث في اللغة .. مفردات، قواعد، معاني، بلاغة ، شعر، نثر .. الخ فمرحبا بك .. افتح بوست مختص وليك علي اتنازل عن مقامي المعروف واجي اتناقش معاك من ابجد هوز .. وأبدا ليك بخطابك الركيك في البوست ده واطلع منه عشرة اخطاء على الاقل .. أما مناقشة موضوع الأدب والبلاغة في بوست عن رفع الدعم .. فهذا لعمري نوع من الإسهال الفكري .. والعبط الحواري.. قلت لي عايز تصححني في ال(الذال والزين) لا بالله .. ما كانت تخليها العديل والزين ... هانت والله، وهزئت ياعمر فبعد ان كنت تكتب للنقاد والشعراء والادباء وتصحح لهم، وتتحدث في منابر اللغة وتدرسها للناطقين بها وبغيرها .. هاهو طلحة بن عبيد الله يرغب في ان يصحح لك حوارك في منبر حوار عام مختص في السياسية والشأن العام .. ويتحدث في المنبر بكل سماجة ليستهجن حتى الشهادات العلمية التي أحملها.. شكرا طلحة، ولا نامت أعين الاشقياء ..
Post: #38 Title: Re: الدعم (اترفع) من المواطن و(نزل) هنا Author: Asim Ali Date: 06-09-2021, 08:25 PM Parent: #37
Post: #39 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 08:42 PM Parent: #38
شكرا عاصم علي لنقلك هذا الفيديو، والذي يمكن ان نقرأه مع حديث تسجيل الجبوري الساخن أدناه..
Post: #40 Title: Re: الدعم (اترفع) من المواطن و(نزل) هنا Author: عمر التاج Date: 06-09-2021, 09:13 PM Parent: #39
العذر الاقبح من الذنب
Post: #41 Title: Re: الدعم (اترفع) من المواطن و(نزل) هنا Author: طلحة عبدالله Date: 06-09-2021, 09:21 PM Parent: #37
عمووور ههههه
Quote: عبيط انت يا طلحة ، عبيط والله حد الشفقة
لييي كدا بس يا صاحبي مش قلنا بلاش زعل ؟؟ حتى شوف اها دا كلامي ليك فوق
Quote: يا عمر التاج يا صديقي أرجوك ما تزعل مني عشان السؤال دا ..
دي فطيتا مالك يا كبير ؟؟ دا أنا خايف عليك على الطلاغ بالتلاتة خخخخخ يعنى ينفع تقول علي عبيط وأنا بقول ليك صديقي وبرجوك ما تزعل مني وحتى انتقادي ليك الفوق دا والله جاهدت كتير عشان يكون خفيف عليك .. لكن الظاهر اتا حساس يا خبير خخخخخخ الله يسامحك وبعديها ليك عشان خاطر عشرة البورد بس عندي ملاحظات لو تسمخ لي بيها في كلامك دا
Quote: واطلع منه عشرة اخطاء على الاقل
ومالو ؟؟ يا حبيبي أنا بعتبر كلامي كلو أخطاء مش عشرة على الاقل بس .. والله تطلعو كلو غلط اشكرك واحتمال كبير أرسل ليك هدية أنا فوق قلت ليك
Quote: وجل من لا يخطىء فأنا أيضا عندي عيوب لكن الفرق أني عارف مقدار نفسي ولا أتشالق أبدا كما تفعل أنت لا أريد أن أكون عريان وأغطي الناس .. غلفة وشايلا موسها تطهر .. شفت كيف ؟؟
اتا بتفط الكلام ليه يا عمر يا حبيبي؟ أنا عايزك تكون مركز ياخ .. أهو شفت دا نتيجة الزعل الأنا كنت خايف منو قلت ليك ما تزعل عشان لو عايز ترد على ترد برواقة وتفهم الكلام الرديت عليهو أول لكن أنت ما سمعت كلامي ياخ أرجوك راجع كلامي المقتبس الأخير دا كويس لكن المرة دي برواقة بس. ودي
Quote: ما كانت تخليها العديل والزين
يعنى يا عمر بتتريق على دي عشان ما كتبتها ليك (الزاي) .. طيب خلاص ليك حق أنا غلطان وأنت صاح لكن المشكلة الكبيرة انو أنا فوق قلت ليك بغلط وعندي عيوب يعنى معترف بالحكاية دي .. فما عارف عايز تتريق أو تعقدني على شنو ؟؟ والله حيرتني عديل يا كبير لأنو لو غلطت أنا أغلاط بسيطة زي دي ما مشكلة أبدا المشكلة أنت لأنك
Quote: كنت تكتب للنقاد والشعراء والادباء وتصحح لهم، وتتحدث في منابر اللغة وتدرسها للناطقين بها وبغيرها .. كنت تكتب للنقاد والشعراء والادباء وتصحح لهم، وتتحدث في منابر اللغة وتدرسها للناطقين بها وبغيرها ..
يا عمر أنا حي الله تضرسنى كلمة زي ( الجذولى) أو تعبير زي خضم تعبيري والتقيك في الأيام الخوالي الخ الخ الخ وأجي أقول دا كدا غلط بالسليقة ساي يا عمر ياخ .. عمرى ما قدمت نفسي في أية حتة ناقد أو مفكر أو خبير وبكتب للنقاد والشعراء زيك يا ريس خخخخخخخخخ ياخ حتى صحافي كورة الساهلة دي أنا كنت داسيها ولو ما جابوا لي سيرتا وطلعوا في ناس هنا بعرفوني والله ما كان في زول ح يعرف عنها حاجة .. عارف لشنو ؟؟؟ عشان ما أدخل نفسي الزقاقات القاعد تتزنق فيها دي . ...................... يا عمر كدا كتير والله .. أنا خايف عليك عشان كدا قلت ليك أهدا .. أنت أضعف من البتسو فيهو دا .. دي وجهة نظري المتأكد منها ومستعد أحلف عليها مصحف ضعيف جدا.
Post: #42 Title: Re: الدعم (اترفع) من المواطن و(نزل) هنا Author: طلحة عبدالله Date: 06-09-2021, 10:05 PM Parent: #41
أنا عايز أضيف خخخخخخخخ
Quote: يعني وقت الله مافتح عليك بحرف في موضوع البوست قلت احسن تقلبه تصحيح ؟ لا يا فالح .. مابسووها كده ،
يا عمر التاج القال ليك منو كلامي الفوق دا ما موضوع البوست ؟؟؟ أبدا موضوع البوست ونص وخمسة موضوع البوست دا هو انتقاد الحكومة وأنا انتقدت الناقد ذاتو من باب ( الشيء بالشيء يذكر ) أنت يا عمر بتكتب هنا ما بتتحدث شفهي لما تكتب لي عبارات فيها أخطاء املائية وما متسقة كتعبير ذاتو أها أنا افهما ليك كيف كزول جيت جارى عشان استفيد من فكرتك أو نقدك ؟؟ ثم ياخ نقدي ليك دا لمصلحتك أنت كناقد لكن لأنك حساس اعتبرتو عليك .. اهو شايف قلت (حساس) وكان ببساطة اعتبرك أحد (الميمان) اللذان لا يتعلمان .. عشان تشوف أنا حنين عليك كيف. المهم النقد دا لمصلحتك عشان تجود وفكرتك تصل كيف عايزني اثق في فكرك ونقدك وأنت معيوب في أساسيات بسيطة بعرفا تلميذ الإبتدائي ؟؟ والله يا عمر لو بقيت فطحل ورائد النقد في الكون ح اعتبر كلامك خارم بارم ساي من باب ( الجواب يكفيك عنوانو) ............. يا عمر أرجوك ما تكون واحد من (الميمان) أنا ثقتي فيك كبيرة ياخ ... خخخخخخخخ
Post: #43 Title: Re: الدعم (اترفع) من المواطن و(نزل) هنا Author: طلحة عبدالله Date: 06-09-2021, 10:11 PM Parent: #42
للضمان يا عمر عشان بصراحة شككتني في مقدراتك أكتر الميمان القاصدا أنا فوق دي هي (ميمان لا يتعلمان المستحي والمتكبر ) احتمال تكون ما عارفا وتعملا لي موضوع يا عفريت خخخخخخخخخخ
Post: #44 Title: Re: الدعم (اترفع) من المواطن و(نزل) هنا Author: عمر التاج Date: 06-10-2021, 07:34 AM Parent: #43
ثلاث مداخلات برضه اوف بوينت .. وانت قايل كلمة عبيط دي زعل؟ الحقيقة يفترض لا تزعل المخاطب لا المخاطب (شكلها بنفسك طالما طارح نفسك مصحح لغوي وقواعدي) نحن هنا بنخاطب عقول واعية تدرك ان الهدف من النقاش هو تصحيح الوضع السياسي والاقتصادي، لا الاملائي .. وبالتالي فإن الهدف هو وصول الحد الأدنى من الفكرة لا تجويد قالبها ولما اكتب ليك مقال أدبي أو علمي، ساكون حريصا على تصحيحه وانتظر من القارئ نوع عباطتك دي .. الدعم على الوقود قلنا اصلا مرفوع من المواطن قبل اكثر من عام .. الحصل هو انخفاض قيمة الجنيه السوداني ، ودي طبعا مسؤولية الحكومة .. أو لهذا أتت ... وبانخفاض قيمة العملة المحلية حدثت الفجوة وتوسعت والحكومة تريد الان رفع هذه الفجوة وانزالها على معيشة وزرائها في شكل سكن فاخر وعربات انفينيتي فاخرة وفواتير كهرباء واكل وشرب مجاني .. وستظل هذه الزيادات مستمرة طالما كانت الحكومة تتخذ الطريق الاسهل في حل مشاكلها .. وستزيد اسعار منتجاتها وخدماتها المنتجة محليا تحت غطاء رفع الدعم كل فترة ..
Post: #45 Title: Re: الدعم (اترفع) من المواطن و(نزل) هنا Author: Hafiz Bashir Date: 06-10-2021, 10:30 AM Parent: #44
Quote: لا تخجلي ولا تشرح لي يا حافظ .. ولا تسألني ولا تسأل لي العلم .. وكل انسان عارف مقداره
ما بقدر ما أخجل ليك يا دكتور، وطبعاً المقصود بالخجل هنا الحياء والحياء شعبة من الإيمان. وطبيعي أن أخجل يا دكتور من جهلك بمثل هذه الأشياء البسيطة التي لا ترقى للحديث عنها في مثل هذه المنبر الذي يتميز بمحتوى ومستوى عالي من الحوارات المعرفية. أما أن أشرح لك مثل هذه المعلومات البسيطة فقد ترددت بين أن لا حياء في العلم وبين كون شرحي لك لمثل هذه المعلومات البسيطة فيه إهدار لماء وجهك وفيه إنحدار بمستوى ومحتوى الحوار في المنبر، وتغلب الخيار الثاني لذلك طلبت منك القيام بواجبك تجاه نفسك في تثقيفها وتطويرها. كنت أتوقع منك مقابل حرصي على كرامتك وخجلي من فضح جهلك أن تقول لي شكراً مولانوك. وبالمناسبة شكراً مولانوك لا تمت بأي صلة لشكراً حمدوك.
Post: #46 Title: Re: الدعم (اترفع) من المواطن و(نزل) هنا Author: Hafiz Bashir Date: 06-10-2021, 10:35 AM Parent: #45
Quote: الامبراطوري ده زي الفرنساوي ولا في اختلاف يا مولانا
وحات الله بتعرفن زي جوع بطنك، ويلقوك لغاية هسه في حوامتك بين قطر وامريكا مجهجه بين حساب المسافات بالكيلومتر وبالميل.
Post: #49 Title: Re: الدعم (اترفع) من المواطن و(نزل) هنا Author: عمر التاج Date: 06-10-2021, 01:44 PM Parent: #45
Quote: موضوع البوست دا هو انتقاد الحكومة
عبطا كاذب موضوع البوست عن رفع الدعم عن الوقد والطاقة .. باقي كلامك كله خارم بارم يا طلحة ... اعد.
..
Quote: أما أن أشرح لك مثل هذه المعلومات البسيطة فقد ترددت
تشرح لي شنو يا يا حافظ؟ انت بصحك كنت بتفكر تشرح لي فقرة في علم الرياضيات؟ وصاحبك طلحة عايز يشرح لي مادة لغتي؟ انتما عبيطان ول شنو؟ انا ما عايز شرح .. لاني كملت كل فروع المادتين ديل بالذات .. لكنك عندك فكرة عايز توصلها للقارئ اشرح بطريقتك ما تشاء .. مافي زول حاجر عليك كيبوردك.. ..
Quote: شرحي لك لمثل هذه المعلومات البسيطة فيه إهدار لماء وجهك
شر البلية ما يضيع زمنك .. يحكى أن جحا مر على قوم فسألهم قائلا (انتو عارفين؟) فردوا جميعا : لا. فقال لهم ( علكم ما عرفتو) وفي اليوم التالي كرر نفس السؤال فقالوا: نعم ، فرد عليهم :( اذا عارفين ما في داعي تاني اعرفكم ) وفي اليوم الثالث سالهم نفس السؤال ، وكانوا قد اتفقوا على ان يجيب نصفهم بنعم ونصف بلا .. ولما اجابوا كما اتفقوا رد عليهم: ( العارفين يكلموا الماعارفين) واسه انت يا جحا بدل تضيع وقت الناس في لا موضوع ، واصلا ما عندك معلومة ، وما حتقدر تعلق على موضوع البوست .. فمن الافضل لك حفظ ماء وجهك .. ومغادرة البوست .
Post: #55 Title: Re: الدعم (اترفع) من المواطن و(نزل) هنا Author: Asim Ali Date: 06-10-2021, 09:15 PM Parent: #26
رفع الدعم دا مفروض على الاقل يسبقو اجراءات مفقوده لتخفيف اثار رفع الدعم يهنى ماممكن مافى رقابه على السوق وحمايه مستهلك فاعله يبقى كل زول شعال يسعر بمزاجو على حساب رفع الدعم والضحيه المواطن والممسئول حتى واجبو بتطبيق القانون وضبط السوق وحمايه المستهلك ما قايم بيهو --------
Quote: الاحجام القياسية المعروفة اتغيرت لكن برضو ببيعو ليك علي انو قياسي
فى مجال العلوم معروف وحدات نظريه (اسايه ووحدات عمليه هى المطبقه عمليا واكثر تداول يعنى قصه اللتر ممكن تنفع مع بتاع ركشه او موتر لكن ناص المواصلات كان داخليه او سفريه او الشاحنات دى موضوع جالون ذاتو فيهو راى من صفيحه فما فوق (معروف الصفيحه فيها كم جالون --مثلا)
Post: #47 Title: Re: الدعم (اترفع) من المواطن و(نزل) هنا Author: Hassan Farah Date: 06-10-2021, 10:57 AM Parent: #1
إن دعم الوقود والخبز، دعماً عاماً غير موجّهٍ ولا مُرشّد، هو الذي أفقر الدولة، وزاد الأغنياء غنىً، وأورث الاتكّال والتقاعس لدى فئات كثيرة من المواطنين القادرين على الكسب والعمل. وليعلم الأهل الأحباب في السودان أن العملة الصعبة التي تدعم بها الدولة الوقود والخبز إما أن يكون مصدرها عائد الصادر، وكان الأولى أن تذهب للصحة والتعليم والشرطة والبنية التحتية والتنمية، وإما أن يكون مصدرها ديون مشروطة، تثقل كاهل الأجيال المقبلة، أو معونات مُذّلة تجعل مسؤولينا يركبون الطائرات ذاهبين لأداء فروض الولاء والطاعة لأراذل الطغاة في المنطقة والعالم. وقد دأبت الحكومات السابقة على دعم الخبز والوقود كرشوة للمواطنين حتى لا يخرجوا غاضين إلى الشوارع. فأصبحت الحكومة راشية وأصبح المواطن، في واقع الأمر، مرتشياً يأكل سحتاً تقدمه له الحكومة وهو لا يعلم من أين جاء. وبلغت البجاحة في طلب الرشوة والإصرار عليها أن تبلور شعار: رفع الدعم خط أحمر! وازدادت معدلات ذلك الدعم، بسبب إصرار الناس عليه، حتى أصبح الوقود في السودان من أرخص الوقود في العالم، لا ينافسه إلا الوقود في فنزويلا؛ وأصبح الخبز الأبيض من الرخص بحيث تستطيع بما يعادل دولاراً واحداً أن تشتري مئة قرصاً من الخبز. ولو كان الخبز بذلك الرخص في أمريكا وأوروبا لوقف الأمريكان والأوروبيون صفوفاً في انتظاره. وكثيرٌ من السودانين لا يعلمون أن الخبز والوقود غير مدعومين في البلدان من حولنا، فانتعش التهريب، وأصبحت الدولة السودانية تطعم ليس فقط شعبها بل أيضاً شعوب البلدان المجاورة. قلنا: الفقير في السودان يأكل الدعم، وكذلك الغني؛ فأتخم الغني، وتكاسل القادرون على العمل وتواكلوا! حدث كل ذلك على حساب قوة الدولة ومنعتها وهيبتها. فهزلت مؤسساتها ودواوينها، ولم تعد قادرة على دعم الصحة والتعليم ولا الاضطلاع بالتنمية، وساءت أحوال العاملين فيها فغادروا أو هاجروا، أو فسدوا، اضطراراً أو طمعاً. نعم، من واجب الدولة أن تدعم المواطن. لكن يجب أن يوجّه ذلك الدعم للضعيف، المحتاج، غير القادر على العمل، لا إلى الأغنياء ولا الكسالى، ولا المتكاسلين "المُتَكِلّين في الشوارع وعند ستات الشاي". إن أفظع شيء أن يأكل المرء ولا يدري مصدر لقمته. وربّ آكل لا يعلم أنه يأكل مرضاً ومذلة. لقد نزع الله البركة من الخبز والوقود، المدعومين بمال السحت، فلم نعد أبداً نشبع لا من خبز ولا من وقود، فتطاولت الصفوف، ولم تكد نتتهي أزمة حتى تتجدد أزمة أخرى. مرة أخرى: ليعلم الأهل الأحباب في السودان أنّ كل غني وكل قادر يأكل خبزا مدعوماً فإنما يأكل سحتاً ويطعم أولاده سحتاً، وكان الأجدر به أن يسأل من أين جاء هذا الدعم، وهل هو يستحق ذلك الدعم أم لا. الآن وقد قررت الحكومة رفع الدعم الجزافي عن الوقود فقد أحسنت صنعاً. وهذا قرار شجاع جَبُنَتْ عن اتخاذه سائر الحكومات السابقة. ونأمل أن تتخذ الحكومة في الوقت المناسب قراراً مدروساً برفع الدعم الجزافي عن الخبز أيضاً. بهذا القرار سيذهب الدعم الآن إلى مستحقيه: المرضى والعجزة، لا إلى الأغنياء ولا إلى الكسالي. سيذهب الدعم الآن إلى بناء الدولة ذات المنعة والهيبة: إلى الصحة والتعليم والأمن والتنمية. وسوف تستطيع الدولة أن تعيد الاعتبار لموظفيها، فلا يضعف الشرطي أمام الرشوة، ولا يضطر الموظف للعمل سمساراً أثناء الدوام الرسمي. سينتهي الدعم الاعتباطي، ليبدأ الدعم المرشّد، حيث لن تعود الدولة تبيع شرفها لتطعم شعبها وتخدره بالخبز والوقود المدعومين. سينتهي ذلك الدعم الذي لا يعرف الكثيرون أنّ بسببه هان السودان، وهان السودانيون، وهان جواز السفر السوداني في كل مكان.
منقول
Post: #48 Title: Re: الدعم (اترفع) من المواطن و(نزل) هنا Author: طلحة عبدالله Date: 06-10-2021, 12:09 PM Parent: #47
يا عمر ياخ عباطتي وين في الموضوع دا ؟؟ أنا كطلحة واجزم زيي أغلب ان لم يكن كل البرية لما يلقوا ليهم زول بخطب في الناس دا صاح ودا غلط وأعملوا كدا وما تعملوا كدا وفي النفس الوقت هو ما بعرف يركب جملة مفيدة من خمس كلمات أكيد بتركب في رأسم مليون علامة استفهام .. دا اذا ما اعتبرو كلامو دا خارم بارك وتهريج ساي .. صعب يا عمر احترم نقدك أوفكرك وأنت ما أنت لأنو البَعَرَةُ تَدُلُّ على البعير، والأَثَرُ يَدُلُّ على المَسير. .............. فاهمنى واللا ح تستمر تقول على عبيط
Post: #50 Title: Re: الدعم (اترفع) من المواطن و(نزل) هنا Author: طلحة عبدالله Date: 06-10-2021, 02:00 PM Parent: #48
Quote: انتما عبيطان ول شنو؟
يا عمر حافظ ما بعرف جوابو على تفلتك دا شنو لكن بالنسبة لي انت بتسأل من وصف اصلا قررتو كيف ؟ قبيييييييييييل أو من أمس قلت لي أنت عبيط ومشفق على من عبطي وخلاص تاني السؤال لزومو شنو ؟؟ يا صاحبي عرفناه تواضع مقدراتك الفكرية واللغوية وحتى الإملائية الساهلة دي كمان جابت ليها دور زهايمر ؟ قلت لي عبيط قبل شوية تاني تسألنى ان كنت عبيط واللا شنو ؟؟؟؟؟؟؟؟؟؟ ................ والله يا صاحبي خايف يكون البتعمل فيهو بالبورد والأسافير دا بسبب تأثيرات عقلية أو حالة مرضية
Post: #51 Title: Re: الدعم (اترفع) من المواطن و(نزل) هنا Author: عمر التاج Date: 06-10-2021, 02:07 PM Parent: #47
مقالك المنقول يا حسن ، على عمومه جيد وفي فقرات كثير صحيحة .. ولكن هناك ثلاث نقاط تنسف الفكرة، وتفضح غرض الكاتب .. الأولى ان الحكومة ومؤيديها عن بكرة ابيهم كانوا ضد رفع الدعم لانه من وجهة نظرهم نوع من الفساد ( زي ماقال خالد سلك) واصلا ما كان في دعم بل مجرد جبايات، ويفترض الحكومة تتوجه بالمزيد من الدعم لتحقيق مجانية الصحة والتعليم ..الخ.. ويلدة أسعار الخبز والوقود سببها الأساسي رفع الدعم عنها .. والنقطة الثانية ان خطوات رفع الدعم يجب أن تكون بالتدريج، وتسبقها اصلاحات كبرى في هيكل الانتاج والدخل، وقبل أن تعرض السلع والخدمات بالسعر العالمي، يجب ضمان وصول دخل الفرد وإنتاج البلد لمستويات قياسية .. وهذا مالم يفكر حمدوك مجرد تفكير في تحقيقه . النقطة الثالثة ومن خلال التجربة فإن رفه الدعم لاينعكس على اي من خدمات الحكومة على المواطن ، بل تستفيد منه الحكومة نفسها ووزرائها في شكل عربات جديدة ونثريات إضافية والنفاق على القصر ومجلس الوزراء .. وهذا مايوافق حديث وزير المالية الأخير والذي قال ان الاتفاق على رفاهية المجلس السيادي سببه ان هذه الأموال كانت توجه للحرب والان توقفت الحرب .. يعني أموال الشعب اما تضيع في الحرب أو في خدمة الحكومة.. الشعب خارج المعادلة دوما .. نقطة إضافية بخصوص الوقود .. البنزين والجازولين وحتى الغاز كان السودان في فترة ما شبه مكتفي ذاتيا بل ويصدر كميات منها.. وحتى اللحظة ينتج السودان كميات كبيرة تكاد تفوق نصف الاستهلاك المحلي .. وهذه الكمية تنتج بتكليف منخفضة للغاية الا ان الحكومة تبيعها بالسعر العالمي لتحقق منها ارباحا طائلة، وهذا تصرف احمق استغلالي باطل يحب ان تحاسب عليه الحكومة وتدخل بسببه السجون .. مافي دولة في العالم بتبيع إنتاجها المحلي لمواطنها بالسعر العالمي الا وقود السودان .
Post: #52 Title: Re: الدعم (اترفع) من المواطن و(نزل) هنا Author: Hafiz Bashir Date: 06-10-2021, 08:47 PM Parent: #51
Quote: الاحجام القياسية المعروفة اتغيرت لكن برضو ببيعو ليك علي انو قياسي
يا أبو سن نحن قوم نشتري البصل والطماطم بالحبة وفي أفضل سيناريو بالكوم. آية المطففين ديك ما بتمشي فينا، وحتى إذا طففنا ما تعرف تصنفنا تبع الذين إذا كالوهم ول تبع الذين إذا وزنوهم.
زمان أيام هوس التأصيل ديك ناس الإنقاذ سمو العملة دينار. فرد يوم مافي زول في السوق قال دينار. الورقة تلقى مكتوب فيها عشرة دينار والناس تقول مية جنيه. لكن رغم ذلك منشورات الحكومة الرسمية وخطاباتها الرسمية بتتعامل بالدينار ولو كتبت شيك بالجنيه البنك ما بصرفو ليك رغم إنو الموظف في البنك فاهمك.
الحكومة في كل تعاملاتها وحطاباتها ومنشوراتها مفروض تتعامل بالوحدات المعتمدة. لكن واليكم بتاع البرادو داك وحكومته ما مضمونين وإحتمال يكونوا زي عمر التاج لا فارزين لتر من جالون لا متر من ياردة. وما بعيد المنشور الجايي يفقع مرارة ابو الريش ويكتب جالون البنزين ب مليون وسبعمية واربعطاشر الف بالقديم.
Post: #53 Title: Re: الدعم (اترفع) من المواطن و(نزل) هنا Author: Hafiz Bashir Date: 06-10-2021, 09:01 PM Parent: #52
Quote: حافظ ما بعرف جوابو على تفلتك دا شنو
هههههههههه يا طلحة ياخي تحمد الله الطلعوك عبيط وبس. أنا طردوني عديل والطردة بقت لي وصمة، هسه قبل شوية نازل أجيب رصيد، في الشارع شفع الحلة يعاينوا لي ويتغامزوا ويتهامسوا. وصلت بتاع الطبلية قال لي "ما بنبيع رصيد لمطاريد بوستات عمر التاج"😜
غايتو يا عمر التاج السويتها رقدت
Post: #54 Title: Re: الدعم (اترفع) من المواطن و(نزل) هنا Author: كمال عباس Date: 06-10-2021, 09:03 PM Parent: #52
جاءت في مداخلة لعمر التاج في أعلاه "مابين زمن الكيزان اللي بتمناه وزمن القحاطة الزادنا أذية" دس السم في الدسم والتسويق للكيزان ـ! الكيزان ديل لما إنقلبو علي السلطة ـ المليون جنيه كانت تساوي مائة الف دولار وفي نهاية عهد البشير أصبح المليون يساوي أقل من أربعة دولار ! ولما إنقلبو العلاج والتعليم كان مجان ! خليك من الفساد والقتل والإستبداد والإرهاب والتفريط في التراب والسيادة الوطنية ...
Post: #56 Title: Re: الدعم (اترفع) من المواطن و(نزل) هنا Author: عمر التاج Date: 06-10-2021, 09:37 PM Parent: #54
Quote: وإما أن يكون مصدرها ديون مشروطة، تثقل كاهل الأجيال المقبلة
مافي ديون بتمشي لدعم الخبز والوقود الديون والقروض منذ الاستقلال كانت بتوجه لمشاريع تنمية استراتيجية .. الوقود والخبز بيتم دعمه من موارد الدولة .. وعوائد صادراتها موارد الموازنة الكثيرة..ضرائبها، جماركها، رسومها ..الخ. ودي كلها في الأصل بتؤخذ من جيب المواطن .. رسوم جمارك السودان معروف انها من بين أعلى الجمارك في المنطقة.. وبتكون اضعاف تكلفة انتاج السلعة في كثير من الاحايين .. ولذا اتوقع ان تفيض الإيرادات عن حاجة الدعم اذا حسنت ادارة الاقتصاد .. ولكن يبدو أن الفساد .. والصرف على الحكومة وجيوبها ماخلى لخزينة المواطن شيئا ..
Post: #57 Title: Re: الدعم (اترفع) من المواطن و(نزل) هنا Author: Hafiz Bashir Date: 06-10-2021, 09:39 PM Parent: #54
Quote: يعنى قصه اللتر ممكن تنفع مع بتاع ركشه او موتر لكن ناص المواصلات كان داخليه او سفريه او الشاحنات دى موضوع جالون ذاتو فيهو راى من صفيحه فما فوق (معروف الصفيحه فيها كم جالون --مثلا)
يا عاصم شي طبيعي ومتكرر إنو الناس في الأسواق تتعامل بوحدات غير الوحدات المعتمدة رسمياً في الدولة حسب العادة او حسب ملائمة الوحدة للغرض. الماطبيعي إنو الدولة في تعاملاتها الرسمية تتعامل بوحدات غير الوحدات المعتمدة.
طبيعي إنو عمر التاج يقول جالون البنزين بقى ب1714 الماطبيعي إنو مكتب حكومي زي مكتب وزير المالية في ولاية النيل الأبيض يتعامل بوحدات قياس غير الوحدات المعتمدة من الدولة. عادي في السوق واحد يقول ليك الليلة الدولار ب000 430 جنيه بالقديم. بنك السودان ما ممكن في منشوراته يقول ليك الدولار 000 430 جنيه بالقديم.
Post: #58 Title: Re: الدعم (اترفع) من المواطن و(نزل) هنا Author: كمال عباس Date: 06-10-2021, 09:59 PM Parent: #57
أها ومع إنو الحكومة العاجزة لقت البلد جنازة بلد ومنهوبة وبلا موارد ولقت الناس في صفوف البنزين والوقود ـ والخبز ـ جيشها يحارب بالوكالة ورئسها يقبض بالظرف تحت الطربيزة ـ ويبني مستشفي في جيوبتي 15 مليون دولار بينمامستشفياتنا ينعق فيها البوم والنهب والسلب والجوع يصفونه بالإبتلاء والبشيريذكرنا بأن الصحابة أكلو صفق الشجر............ أها ومع إنو الحكومة العاجزة لقت البلد جنازة بلد ومنهوبة وبلا موارد ولقت الناس في صفوف البنزين والوقود ـ والخبز ـ جيشها يحارب بالوكالة ورئسها يقبض بالظرف تحت الطربيزة ـ ويبني مستشفي في جيوبتي 15 مليون دولار بينمامستشفياتنا ينعق فيها البوم والنهب والسلب والجوع يصفونه بالإبتلاء والبشيريذكرنا بأن الصحابة أكلو صفق الشجر............ .... ..
Quote: ............ "ما يحدث من ضائقة هو ابتلاء سنصبر عليه حتى ينجلي لأن الحكم والقوة والأرزاق بيد الله وهو أمر تأمرنا به عقيدتنا"، بحسب صحيفة "الانتباهة". وزاد: "الأزمة الاقتصادية الله بحلها (سيحلها). الناس في عهد الصحابة أكلت صفق الأشجار"، وفقا لصحيفة "التيار" الورقية. ....
........... . والناس في ذلك العهد لم تكن قادرة علي سحب مدخراتها وعرق جبينهامن البنوك .... أها الحكومة المدنية ماشة في طريق غلط ولم تمضي في الإتجاه الصحيحو لكن مع هذا كله نقولها بالمليان ضد رفع الدعم أو ماتبقي منه ومع مجانيةالعلاج والتعليم ـ وهذه مبادئ تمسكنا بها في زمن الإنقادـ ونقولها اليوم وسنقولها غدا.............
Post: #59 Title: Re: الدعم (اترفع) من المواطن و(نزل) هنا Author: عمر التاج Date: 06-11-2021, 08:45 PM Parent: #58
واحد حقاني قال: حكومة رفعت الدعم عن كل شئ الا الدعم السريع ..
Post: #60 Title: Re: الدعم (اترفع) من المواطن و(نزل) هنا Author: عمر التاج Date: 06-11-2021, 09:44 PM Parent: #59
البديل الفوري د. أحمد عيسى محمود ٠١٢١٠٨٠٠٩٩ مقطع فيديو متداول لدكتورة مروة جبريل تهتف فيه ضد حكومة الجوع وقتها (الإنقاذ). واليوم والدها هو الجوع بعينه يمشي بين الناس. ماذا هي قائلة؟ هل بمقدورها أن تهتف اليوم (حكومة بابا تسقط بس؟). خالد سلك أيام كان معارض في مخاطبة ثورية: (الناس ديل رفعوا الأسعار لأنهم حرامية. الناس ديل رفعوا الأسعار عشان عندهم حروب ودايرين يسلحوا بيها ناسهم. من الليلة الزيادات دي نقيف ضدها). ولا نريد منه إجابة على ذلك النضال الكذوب. بقدر ما نقول له: (أي ضمير تحمله أنت أيها المناضل المأجور في ظل هذه الكارثة المعيشية الماثلة وأنت تصين منزلك بالمليارات؟). وهذا قليل من كثير من نضال معارضي الأمس حكام اليوم. ولا يفوتنا أن نقف على الحلول العبقرية للأزمة الحالية. وزير المالية يبشر الأمة السودانية بقوله: (أرجأنا رفع الدعم عن القمح والفيرنس وغاز الطبخ). أي عما قريب سوف يرفع الدعم عنها (في البير وقع عليه الفيل). وهذا مصداق لتصريح له حيث أكد بأنه مستمر في سياسات التحرير الاقتصادي (مبروك). ووزير الطاقة من الصراحة بمكان لقوله: (تسعيرة جديدة للوقود شهريا في السودان). والمضحك في الأمر أن وزير المالية يناشد المواطنين بعدم التعامل والتعاون مع تجار العملة والمضاربين بالسوق الأسود. ونسي أن المضاربين هم الحكومة نفسها. وقريبا من ذلك في تبريره لزيادة أسعار المحروقات وزير التجارة إبراهيم الشيخ رئيس لجنة تحرير الأسعار قال: (أبشركم رغم زيادة سعر الوقود لازلنا نحن الأرخص في أسعار الوقود بين ٤٢ دولة في العالم). وليته راجع تصريحاته وهو معارض. والله لو كان عنده أدنى مثقال ذرة من حياء لتقدم باستقالته فورا. ولكن المصالح مقدمة على المواقف عند هذا السنبلي. ونتيجة ذلك الخلل ظهرت مجموعات مسلحة بالسواطير تهاجم المنازل في شمبات وكافوري. وهذا نتاج طبيعي وسوف تتوسع دائرة الإنفلات الأمني. وتعقبها الطامة الكبرى (انهيار الدولة). ولكن بالنظر للأزمة بعين البصيرة. واستفادة من التجارب. من البديل لهذه الحكومة المشؤومة التي فقدت صلاحية الاستمرار تماما؟. في تقديرنا أن المصالحة الشاملة المفضية لحكومة كفاءات وطنية خير ترياق للعلة. وهي محتاجة لقرار شجاع من كل ذي نخوة سودانية وبصيرة عقلانية وغيرة وطنية من قيادات قحت (ما أظنه موجود). أو تحمل الجيش للمسؤولية. ومن ثم قيام الإنتخابات المبكرة التي يتحمل فيها الشعب تبعات اختياره بدلا من الديكتاتورية الحالية. عليه نناشد الجميع التحلي بالموضوعية والعقلانية للبحث عن الحلول المقبولة فورا. لأن الأمر ما عاد يقبل أنصاف الحلول أو التأخير. وخلاف ذلك الضياع. الجمعة ٢٠٢١/٦/١١
Post: #61 Title: Re: الدعم (اترفع) من المواطن و(نزل) هنا Author: عمر التاج Date: 06-12-2021, 11:10 AM
نجي المقاييس يابتاع المقاييس ، برميل الكيزان كان ب ١٢٦٠ جنيه.. وجالون بنزين القحاته الان ب ١٣٥٠ جنيه .. يعني جالون بنزين قحاتي أغلى من برميل بنزين كيزاني .. والكلام ده كله حصل في سنتين فقط .. واتوقع لو ظل القحاتة لعامين آخرين في السلطة فإن جالون البنزين القحاتي سيصبح أغلى من تنكر وقود كيزاني . ولو استمروا ٣٠ سنة زي ما هم بخططوا الان .. فإن جالون البنزين ااقحاتي حا يكون أغلى من باخرة وقود في زمن الكيزان .. اسه انا جبت سيرة اللتر ؟ طبعا لا .. لكن ابلد بليد بيعرف ان اللتر هو وحدة سوائل أصغر من كل المقاييس التي تم ذكرها هنا وان زيادة سعر اي منها بالضرورة يعني زيادة اسعار بقية الوحدات .. ورغم ان الحكومة نفسها تتحدث مرة باللتر، ومرة بالجالون، ومرة بالجنيه لقياس البنزين .. فإن مولانا ما شايف اي مشكلة في ارتفاع أسعار الوقود غير ان الوحدة التي يحب ان نتحدث بها في البوست يفترض تكون اللتر #شكرا حافدوك
Post: #62 Title: Re: الدعم (اترفع) من المواطن و(نزل) هنا Author: Hafiz Bashir Date: 06-12-2021, 12:41 PM Parent: #61
Quote: فإن مولانا ما شايف اي مشكلة في ارتفاع أسعار الوقود غير ان الوحدة التي يحب ان نتحدث بها في البوست يفترض تكون اللتر
أبداً وكضباً كاضب مولانا ما عندو معاك أي مشكلة في إنك تتحدث في بوستك باللتر او الجالون او حتى بالقرعة او العبار. مولانا عندو مشكلة مع حكومة ولاية النيل الأبيض في إنها تستخدم الجالون كوحدة لقياس حجم السوائل في منشوراتها الرسمية. مولانا من البداية مشكلتو "خطاب الواتس بتاع الدعم الاترفع" وقال ليك "خبرك بتاع رفع أسعار الوقود وإن صح لكن صورة القرار الجبتو دا مفبركة".
Post: #63 Title: Re: الدعم (اترفع) من المواطن و(نزل) هنا Author: عمر التاج Date: 06-12-2021, 03:30 PM Parent: #62
Quote: صورة القرار الجبتو دا مفبركة
ياتو صورة المفبركة دي كدي جيبها وجيب الأصل عشان القارئ يعرف أيهما أصح. انا ما مهم.. وبالمرة كمان اجيب لك صورة أوضح من الأولى عشان تثبت فبركتها بصورة أسرع..
Post: #64 Title: Re: الدعم (اترفع) من المواطن و(نزل) هنا Author: Hafiz Bashir Date: 06-12-2021, 10:26 PM Parent: #63
يا عمر التاج عذبتنا بتقلة الفهم لكن نسوي شنو، ياكا ولدنا ومخك ما بنجروا بالشوك.
الخطاب التحت دا ما ممكن يكون صادر من جهة حكومية لأنو الجهات الجكومية في مكاتباتها ومعاملاتها الرسمية تتعامل باللتر كوحدة رسمية لقياس حجم السوائل. وإحتياطياً كدا راجع ردي لأبو سن.
Post: #65 Title: Re: الدعم (اترفع) من المواطن و(نزل) هنا Author: عمر التاج Date: 06-13-2021, 09:20 AM Parent: #64
حكومة البنك الدولي .. تسقط بس أ. كمال كرار ١١ يونيو ٢٠٢١م
كذب البدوي ومن بعده هبة ومن بعدهما جبريل في ادعاءاتهم حول الدعم ورفعه بالنسبة للمحروقات وبخاصة البنزين. ولا يكذبون فقط بل يخفون الحقائق لتضليل الشعب وتجهيله كما كانت تفعل الانقاذ المبادة. يكذبون ويخفون حقيقة أن ٧٢٪ من كميات البنزين المستهلكة تنتج من مصفاة الخرطوم. وإن المالية بالذات لا تدفع أي تكلفة في النفط السوداني حتى تكريره وتوزيعه بالمحطات. ولو تغاضينا عن واقع أن المصفاة حكومية واعتبرنا رسوم التكرير البالغة ٦.٩ دولار هي التكلفة فحسابها بالسوداني وبسعر السوق الأسود (٤٧٠) يساوي ٣٢٤٣ جنيه، وهي تعادل ثمن جالونين ونص بنزين بسعر جبريل. والبرميل الواحد المكرر من النفط فيه 20.6 جالون جازولين، و12.3 جالون بنزين، بخلاف بقية المنتجات مثل البوتاجاز، ووقود الطائرات والديزل والفحم البترولي. وبحساب البنزين والجازولين فقط كما ترون، فإن حكومة البنك الدولي المسماة زورًا وبهتانا بحكومة الفترة الانتقالية إن باعت جالون البنزين والجازولين بسعر 100 جنيه فقط فأنها تغطي تكلفة برميل النفط وتزيد، وبقية المنتجات الأخرى تشكل أرباحًا صافية لهذه الحكومة التي تكذب على الشعب. والكذب والتضليل ليس اتهامًا لوزراء المالية الذين جاءوا بعد الثورة، بل هو ديدن كل الطاقم الانتقالي، ولا استثني احدا.. ويا أيها الشعب أين تذهب أموال النفط التي تنزع من جيوب الفقراء؟ للقطاع العسكري الذي ينال نصيب الأسد من الميزانية ولتنفيذ الترتيبات الأمنية كما قال اتفاق جوبا.. ولا يصرف أي جنيه على ما يهم الناس.. وحكومة البنك الدولي تقف متفرجة على الأسعار وهي تطلع السماء لأن الصندوق عاوز كدة، ولأن السماسرة يقررون الآن في الشأن الاقتصادي. وحكومة البنك الدولي لم ولن تحاكم قتلة الشهداء، ولم تسلم المخلوع للجنائية، ولم توقف آلة القتل التي تحصد الثوار كل يوم. وحكومة البنك الدولي تعطل المجلس التشريعي والنقابات من أجل تنفيذ كامل شروط الصندوق والبنك الدولي كيما يموت الناس جوعًا دون ضوضاء. ولأن الشعب لم يعط البنك الدولي ووكلائه شيك على بياض لتحطيم الاقتصاد وفرملة الثورة، فإنه سينتزع سلطته الثورية بأدواته الثورية والترس صاحي والمظاهرات الآن في كل مكان.. اليوم الخرطوم وغدًا عطبرة شرقت، والدمارين، والابيض، وبورتسودان، وكوستي، وربك، وكريمة، ومدني.. وقريبًا سيصرخون وربما يعتذرون ولكن؟ اعتذارك ما بفيدك العملتو كان بي إيدك. وأي كوز مالو؟ .. .. يا مولاهم حافظ انا ناقشك من اول حرف انت بتهضرب في شنو .. وعارفك انت وصاحبك طلحة زايغين من شنو .. أما قصة المقاييس والنحو والاملاء فواضح انها بتكشف جهلكم أكثر .. الخطاب بتاع النيل الأبيض، والقبله بتاع الولاية الغربية خطابات صحيحة وبتتحدث بلغة الجالون .. ولو عندك شى يثبت انها مفبركة نزله هنا .. والخطابات الخاصة بصيانة بيوت الوزراء بمبالغ مليارية .. برضها صحيحة، ومافيها اي شبهة تزوير .. وحتى خطاب صيانة منزل حمدوك الذي نزلناه في المنبر قبل عدة أشهر وحاول الزملاء وصفه بالتزوير ، طلع صحيح ١٠٠% حتى جاء مزمل ايو القاسم واثبت الصيانة في مقال له جاء فيه:
Quote: * وعن مكتب رئيس الوزراء لا تسألن عن عدد الموظفين والمستشارين، ويكفي أن تعلموا أن كبير موظفي المكتب المزدحم طلب من المالية سداد فاتورة صيانة لمنزل رئيس الوزراء بالأمر المباشر، وكانت قيمتها ثلاثة ملايين جنيه بالجديد، مع أن المنزل المذكور بالغ الفخامة، ومع أنه خضع إلى الصيانة قبل فترةٍ وجيزة.
* كالعادة استجابت المالية وسددت الفاتورة بلا نقاش، بوجود إدارة للعقارات الحكومية في مجلس الوزراء، وبالطبع لم يكن هناك عطاء ولا يحزنون.
وكان لوحدات المقاييس امش فتش عن لقاءات وزراء الطاقة وشوف كم مسؤول بتحدث بلغة الجالون .. أو يمكنك تدخل موقع وزارة الطاقة وشوفهم كبف بيخلطوا وحدات المقاييس في خطاب واحد .. والصورة دي مجرد لقطة شاشة من الموقع..
Post: #66 Title: Re: الدعم (اترفع) من المواطن و(نزل) هنا Author: اخلاص عبدالرحمن المشرف Date: 06-13-2021, 09:44 AM Parent: #65
سؤال يا عمر هل منزل رئيس الوزراء الذي تمت صيانته منزل خاص ام حكومي وهل هو سيكون منزل لاي رئيس قادم؟
Post: #67 Title: Re: الدعم (اترفع) من المواطن و(نزل) هنا Author: اخلاص عبدالرحمن المشرف Date: 06-13-2021, 09:51 AM Parent: #66
هل الدولة مقار رسمية للوزراء وروساء الوزارات لماذا ليس هناك مقار رسمية وقصور ضيافة؟
يا جماعة نحن دولة؟!!!!!
Post: #69 Title: Re: الدعم (اترفع) من المواطن و(نزل) هنا Author: اخلاص عبدالرحمن المشرف Date: 06-13-2021, 10:00 AM Parent: #67
بعض مقار روساء الوزارات بريطانيا 10 داوننغ ستريت فرنسا قصر الاليزيه ايطاليا قصر فيجي المانيا قصر بليفو
السودان ؟!!!! الدنيا تغيرت وقصة بيت الازهري ما بتنفع ثاني مرة . احسن يكون لدينا مقرات رسمية وبيوت ضيافة ( القصور الرئاسية بعد ما بنوها باعوها !!!! )
Post: #68 Title: Re: الدعم (اترفع) من المواطن و(نزل) هنا Author: عمر التاج Date: 06-13-2021, 09:58 AM Parent: #66
عن الأولويات نتحدث يا دكتورة إخلاص.. عن وزراء كنا نحسبهم وزراء ثورة اتوا لخدمة بلدهم واسعاد شعبهم.. فإذا بهم يفقرون الشعب ويذلونه، وينكدون عليه معيشته .. ثم يجلبون قوت يومه ويكدسونه من أجل صيانة بيوتهم لكي ينعموا بالراحة فيها .. ماذا يضير رئيس مجلس الوزراء أو وزرائه أو ولاة ولاياته (وبالمناسبة في طرفنا فواتير صيانة منازلهم المليارية بدأ بولاية نهر النيل) ماذا يضير هؤلاء لو ظلت بيوتهم على حالها قبل الثورة .. ونحن نعرف حالها تماما .. ووجهوا مبالغ الصيانة هذه لخدمات المياه والكهرباء أو دعم الخبز أو الدواء؟ ماذا سيحدث لبيوتهم الحكومية أو الخاصة لو لم تحدث لها صيانة سنوية وأثاثات دورية .. وعاشوا في بيوت عادية كعامة الشعب؟ الشعب اليوم يعاني في كل شئ ، يعاني في مأكله ومشربه وتعليمه وصحته وحله وترحالك والتنمية متوقفة تماما بفعل رفع الدعم والزيادات الفلكية في اسعار الوقود ومدخلات الانتاج وكل السلع والخدمات والسادة الوزراء مشغولين بصيانة بيوتهم وتغيير اثاثها وعدة مطبخها من خزينة الدولة .. الناس في شنو والوزراء في شنو يا دكتورة؟
Post: #70 Title: Re: الدعم (اترفع) من المواطن و(نزل) هنا Author: اخلاص عبدالرحمن المشرف Date: 06-13-2021, 10:23 AM Parent: #68
تعرف يا عمر الواحد لما يفتكرها دائمه بعمل كده ، مفروض قسم الصيانة وزارة الاشغال هو ال يحدد ويقوم بصيانة دورية بتواريخ محددة الا في حالة الاعطال المفاجئة.
اجلدهم يا عمر
Post: #71 Title: Re: الدعم (اترفع) من المواطن و(نزل) هنا Author: Ahmed Yassin Date: 06-13-2021, 10:32 AM Parent: #68
صيانة البيت لراحة خالد سلك كلف كم مليار ؟ دي البداية فقط والمصاريف المليارية مجرد حربيشات ليمد رجوله ويستوى ويتمطى ويشعر بالراحة والدعة. اي حكومة ؟؟!! واي مدنية واي عسكرية ؟ طبعا لا سلك لا اي وزير او عسكري في الحكومة دي سمع او قرأ عن ثوب عمر بن الخطاب عندما راي صحابي ان ثوب عمر كان مكتملا رغم طول قامته و قال لعمر أنه ياخد اكثر من الشعب (لطول عمر ) واكتشف الناس ان عمر اخذ من ثوب ابنه عبدالله ليكمل به ثوبه ولم يعرف خالد سلك او حمدوك وبقية المتسلطين ان خامس الخلفاء عمر بن عبدالعزيز كان يستعمل(قنديل) تابع للدولة للاضاءة في اوقات العمل وآخر لشئونه الخاصة (حتى لا يصرف من زيت او وقود الدولة) ليس فشل الحكومة فقط او قبح العسكر انما هي التركيبة النفسية والعقلية السودانية للمستوزر او المسئول
Post: #72 Title: Re: الدعم (اترفع) من المواطن و(نزل) هنا Author: علي عبدالوهاب عثمان Date: 06-13-2021, 10:38 AM Parent: #71
الحبيب التاج .. تحياتي قبل قليل قرأت مقال للكاتب حيدر المكاشفي تطرق فيه لنفس الفساد الذي كان سائداً في عهد المخلوع معقول بنزين مجاني للمحبين والاصدقاء ( للمسئولين )
Quote: حت عنوان (شراكة المواطن..الدولة أم الحكومة ؟!)، كتب الصحافي الكبير محمد لطيف من بين ما كتب في عموده المنشور أمس بالغراء صحيفة السوداني، أن صديقاً في مؤسسة سيادية قدم له.. ولمرتين.. عرضاً للتزود بالوقود من محطة خاصة..مجاناً بالطبع..وصديق آخر في مؤسسة أمنية عرض عليه هو الآخر..تزويده بالوقود من أي محطة خدمة..في أي وقت ومجاناً أيضاً..ويقول لطيف أنه رفض العرضين..ببساطة لأنها منحة من لا يملك لمن لا يستحق..ليبقى السؤال..كم مسؤول يمارس ذات السلوك..؟ وكم ممن لا يستحقون يحصلون على تلك المنح..؟ وكل هذا خصماً على حقوق المواطن وعبئاً على الإنفاق العام، وفي فقرة أخرى من العمود يقول لطيف إن الحكومة أعلنت أنها قررت تحرير الأسعار.. وفقاً للسوق العالمي.. وعطفاً على هذا القرار يطرح الصحافي الكبير سؤالاً استنكارياً مؤداه فهل التزمت الدولة بما أعلنت..؟ وهل تركت السعر المحلي محكوماً بالسعر العالمي فقط .. ؟ ويجيب لطيف بنفسه فيقول إن الواقع يقول غير ذلك .. فالرسوم الحكومية المفروضة على لتر الوقود تكاد توازي سعره العالمي .. إن لم تفقه .. فعن أي تحرير تتحدث الدولة ..؟ إن خفض الرسوم الحكومية .. إن لم يكن إلغاؤها بالكامل .. هو مسؤولية الدولة الأخلاقية والسياسية الآن .. قبل أن تحدث المواطن عن أي إصلاح.. ان ما كشفه الصحافي الكبير وهو عندنا من الصادقين، يؤكد أن هنالك فساداً بيناً في عملية توزيع الوقود وان هنالك من يحصلون عليه مجاناً، ليس من مسؤولي الحكومة فقط وانما تطال هذه المنحة والمكرمة حتى المحظيين من المعارف والأهل والأصدقاء المقربين لهؤلاء المسؤولين https://kushnews.net/2021/06/289887[/QUOTEhttps://kushnews.net/2021/06/289887[/QUOTE]
Post: #73 Title: Re: الدعم (اترفع) من المواطن و(نزل) هنا Author: عمر التاج Date: 06-13-2021, 10:51 AM Parent: #71
Quote: صيانة البيت لراحة خالد سلك كلف كم مليار ؟ دي البداية فقط والمصاريف المليارية مجرد حربيشات ليمد رجوله ويستوى ويتمطى ويشعر بالراحة والدعة. اي حكومة ؟؟!! واي مدنية واي عسكرية ؟ طبعا لا سلك لا اي وزير او عسكري في الحكومة دي سمع او قرأ عن ثوب عمر بن الخطاب عندما راي صحابي ان ثوب عمر كان مكتملا رغم طول قامته و قال لعمر أنه ياخد اكثر من الشعب (لطول عمر ) واكتشف الناس ان عمر اخذ من ثوب ابنه عبدالله ليكمل به ثوبه ولم يعرف خالد سلك او حمدوك وبقية المتسلطين ان خامس الخلفاء عمر بن عبدالعزيز كان يستعمل(قنديل) تابع للدولة للاضاءة في اوقات العمل وآخر لشئونه الخاصة (حتى لا يصرف من زيت او وقود الدولة) ليس فشل الحكومة فقط او قبح العسكر انما هي التركيبة النفسية والعقلية السودانية للمستوزر او المسئول
سلم يراعك اخ احمد .. ولذلك قلنا منذ بداية سقوط الانقاذ ان السلطة مفسدة .. ويجب ألا تكون دائمة ابدا .. و أن يتوخى فيمن يتولاها ان يتولاها بحقها .. سنة سنتان يبذلها المسؤول من عمره لخدمة الوطن والشعب فقط .. دون أي نظرة مصلحة شخصية .. غير كدة فالسلطة مفسدة كبرى ، ولذا تجدني دوما أقف خلاف اصحابها حتى يثبتون انهم اهل لها ..
Post: #74 Title: Re: الدعم (اترفع) من المواطن و(نزل) هنا Author: عمر التاج Date: 06-13-2021, 11:08 AM Parent: #73
شكرا حبيبنا علي عبد الوهاب .. مقال في السلك ، ويضع الناس امام المعايير التي يفترض تطبيقها على الحكومة قبل الشعب .. المسؤول في اي دول في العالم المتحضر بيركب المترو عادي مع الشعب، ويشتري وقود سيارته الخاصة من الشارع مثله ومثل اي مواطن .. الا المسؤول في السودان عايز كل شئ لنفسه ولناسه بالمجان، ولغيره عامة الشعب الموت جوعا وطحنا
Post: #75 Title: Re: الدعم (اترفع) من المواطن و(نزل) هنا Author: Hafiz Bashir Date: 06-13-2021, 11:10 AM Parent: #74
👏👏👏👏👏 حمد لله على السلامة، أخيراً يا عمر التاج قدرت تفهم معنى سؤالي ليك في تاني مداخلة ورديت عليهو بشكل جيد نسبياً (نحن لا نبخس للناس أشياءهم).
مؤسف جداً يا عمر التاج دكتور زيك كدا يكون ما فاهم نظام وحدات القياس وما يشوف أي مشكلة في خطاب صادر من جهة حكومية ويتعامل بوحدات قياس غير الوحدات المعتمدة. ومؤسف جداً أن لا يفرق المسؤول الحكومي بين ما يستخدمه عامة الناس من وحدات في كلامهم العادي وبين الوحدات المعتمدة للدولة والتي يجب التعامل بها رسمياً.
Post: #76 Title: Re: الدعم (اترفع) من المواطن و(نزل) هنا Author: عمر التاج Date: 06-14-2021, 09:14 PM Parent: #75
الوقود المنتج محليا بالسعر العالمي والدخل بالسعر المحلي ..
Post: #77 Title: Re: الدعم (اترفع) من المواطن و(نزل) هنا Author: عمر التاج Date: 06-24-2021, 01:18 PM Parent: #76
قروش الدعم والجمارك مشت وين ؟ عربات انفينيتي زيادة للوزراء عربات تايوتا المجلس السيادي مخصصات لرجالات السلام قيل ثم اين؟ قالوا لدفع مستحقات دارفور من السلام ..
Post: #78 Title: Re: الدعم (اترفع) من المواطن و(نزل) هنا Author: عمر التاج Date: 06-26-2021, 07:18 PM Parent: #77
إلغاء دولار الجمارك تقصد الحكومة منه شئ واحد .. وهو زيادة حجم المبالغ التي تجبى من المواطن ثم تدفع في شكل نثريات ومرتبات للرؤساء الستة عشر والوزراء ال٢٥ ومجالس شركائهم ولجانهم وجدادهم ..
Post: #79 Title: Re: الدعم (اترفع) من المواطن و(نزل) هنا Author: عمر التاج Date: 06-29-2021, 11:45 AM Parent: #78
قوات الشرطة بعد ان انحازت لصوت الشارع ذهب خالد سلك لكتائب السنهوري لتحمي النظام وتم صرف لبس عسكري واسلحة وعربات دفع رباعي بالإضافة لنثريات وحوافز ضخمة لعدد ٣٠٠ من افراد كتائب حنين تلقوا من قبل تدريبات قتالية كثيفة داخل وخارج السودان.. وده كله من وين؟ من أموال الشعب المغلوب الذي رفع منه الدعم ..
red
