Post: #2 Title: Re: تحرير حلايب أهون من تفكيك السريع Author: waleed nayel Date: 06-08-2021, 00:40 AM Parent: #1
كيفك يا سمعه!! بالشايفو ده لو البلد اتفرتقت حته حته حلايب ما بتتحرر بالديش المؤدلج ده او الدعم السريع المملش ! بعدين السريع راسمالو راس حميدتي و بتشتت لخشم بيوت القبايل ! السودان في طريق الديمقراطيه لابد من ايجاد الروشته لجيش وطني واحد بعيد عن الادلجه و الجهويه و القبائليه ،،، او ٠٠٠٠
Post: #3 Title: Re: تحرير حلايب أهون من تفكيك السريع Author: Abureesh Date: 06-08-2021, 00:47 AM Parent: #2
لو حميدتى حرر حلايب ابصم ليه بالعشرة ليحكم السودان
Post: #4 Title: Re: تحرير حلايب أهون من تفكيك السريع Author: Hasheem Karouri Date: 06-08-2021, 06:48 AM Parent: #3
اين داعش الان ؟
اصبح من الماضي بعد ان ملاء الارض ضجيجا .
كلهم كده في البداية
والزمن كفيل بنهايتهم
ونشوف .
Post: #5 Title: Re: تحرير حلايب أهون من تفكيك السريع Author: Hassan Farah Date: 06-08-2021, 09:39 AM Parent: #1
يا سمعة حميدتى مرتزق لا وطنية له يتاجر بارواح الناس يقاتل لمن يدفع اكتر وعنده كل شئ بثمنه ممكن شراؤه بمبلغ يتفق عليه على ان يبتعد عن العمل فى السياسة ويعادر لكى يواصل البزنس بتاعو فى تركيا زئ ما كان شغال مع الاتحاد الاوروبى
Post: #6 Title: Re: تحرير حلايب أهون من تفكيك السريع Author: Yasir Elsharif Date: 06-08-2021, 10:03 AM Parent: #5
سلامات يا اسماعيل ما في مليشيا عندها مستقبل. وما في ديكتاتورية عسكرية عندها مستقبل. وما في حركة إسلامية تدعو لتحكيم الشريعة الإسلامية بدون تطوير واحترام الحقوق الأساسية، عندها مستقبل. عجبتني عبارة واحدة قالها حميدتي في هذا اللقاء: "البلد دا محفوظ بالصالحين". أها لو القادة الحاضرين ما كانوا صادقين وصالحين راح يزولوا.
"ولقد كتبنا في الزبور من بعد الذكر أن الأرض يرثها عبادي الصالحون"
نسأل الله أن يحفظ السودان ويبعد عنه كل فوضى وكل خطر. حرية سلام وعدالة دي لا بد من تتحقق.
Post: #7 Title: Re: تحرير حلايب أهون من تفكيك السريع Author: علي عبدالوهاب عثمان Date: 06-08-2021, 10:17 AM Parent: #6
الحبيب اسماعيل تحياتي ناس حلايب آخر روقة شقق ومدارس وعلاج وجامعات آخر الاخبار تم توزيع زوارق صيد لكل صياد
ما جايبين خبر السودان حسب ما سمعت من أخواننا ناس الشرق في جدة في ونسات القهاوي في وسط البلد وهم أقرب وأعلم بأهلهم ومنهم يحاول الدخول الى حلايب ================= حميدتي معادلة جديدة في السياسة السودانية لا يمكن اقصاؤه يمثل واقع وجغرافيا يا اسماعيل الحبيب أهلنا الجلابة ( الدناقلة ) رجعوا للقبيلة كحل ولإسماع صوتهم السياسي والمطالب تم اختيار ( عبدالله الزبير حمد الملك) ناظر عموم الدناقلة وهو من عائلة حبيبنا المستشار عضو المنبر مولالنا الملك
اتضح أن تجربة دارفور نجحت في تنفيذ المطالب السياسية والثروة والتنمية
لازال عندنا الموضوع صوتي بدون سلاح
صدقني الكثيرين اقتنعوا بتجربة دارفور وحميدتي أيضاً نموذج
افضل الحلول ( القوة ، القبيلة ، السلاح ، الجهة ) للضغط على المركز
هذا الاستنتاج من قراءاتي للقروبات عندنا أفكار جديدة بدأت بقيادة الشباب .. قناعات جديدة
تحياتي الحبيب اسماعيل ..
Post: #8 Title: Re: تحرير حلايب أهون من تفكيك السريع Author: Osama Mohammed Date: 06-08-2021, 11:08 AM Parent: #7
هههههههههههههههههههههههههههههههههه
Post: #9 Title: Re: تحرير حلايب أهون من تفكيك السريع Author: محمد حمزة الحسين Date: 06-08-2021, 12:35 PM Parent: #8
ول أبا سماعين ...
لا يوجد تفكيك للدعم السريع ود الخط الماشي منذ أن تم إنشاءه زي ما قال حميدتي ... (الزول اللداك الرتبه هونفس الزول الأداني ) الدعم السريع قوة تجاوزت كلمة مليشيا تم تطيره ودعمها بكوادر مؤهله لتؤدي الدور المنوط بها والواجب الذي عليها ... والأن كل المواثيق بتقول يتم فيها دمج جزء من قوات الحركات المسلحه التي تتناسب مع دورها ...
تحرير حلايب دا اقرب من رجوع الكيزان علي عاتق صناديق الإقتراع ههههههههههههههههههههههههههههههههه
Post: #10 Title: Re: تحرير حلايب أهون من تفكيك السريع Author: Mohamed Adam Date: 06-08-2021, 02:31 PM
سلام يا أخ إسماعيل. ينتفي السؤال لو عندك دولة مؤسسات... الدعم السريع ... حدودك المغتصبة...الخ .. هذة السلبيات بمثابة عرض للمرض الحقيقي... يبقي.. المرض في الدولة نفسها .... ماعندك دولة مؤسسات...وعلية طبيعي جدا أن يحدث لك ماحدث....ديمقراطيات مزيفة... إنقلابات عسكرية.... حروب أهلية...مليشيات... قبلية... جهوية... جهل .. فقر ... مرض ..ثم حدث ولاحرج..!
بمعني آخر.. أسس لدولة مؤسسات بعدها سيكون لك جيشا نظاميا موحدا ولك سيادة كاملة علي حدودك بأقل خسائر ممكنة ... تلقائيا... ستنتفي كل هذة السلبيات ويحل محلها نظام محكم !
شنو يعني هذة الأصنام ..أزهري...عبود.. الصادق... نميري .. سوار الذهب... البشير...حمدوك... حميدتي....صفر كبير شمال العدد لو عندك دولة مؤسسات..!
Post: #11 Title: Re: تحرير حلايب أهون من تفكيك السريع Author: ترهاقا Date: 06-08-2021, 05:22 PM Parent: #10
المسألة ما عيزة تفكيك لأنو الدعم السريع إتفكك من دخل الخرطوم، مسألة زمن وحيبقوا في خبر كان
Post: #12 Title: Re: تحرير حلايب أهون من تفكيك السريع Author: Gafar Bashir Date: 06-08-2021, 06:58 PM Parent: #11
تفكيك الدعم السريع حتمي ... مافي بلد في الدنيا فيها جيشين وقيادتين مستقلات ... حتي لو ما كانت مطالب مدنية ... حتكون مطالب عسكرية عاجلا او اجلا ... واذولو ما كانت لا مدنية ولا عسكرية حتكون دولية ... ولو ما دولية حتكون من دعم المحور ... لانه الاوضاع في المنطقة بتتحول او تجفيف مصادره الاقتصادية باي وسيلة ثانية التغيير والتحول طبيعي والوضع اختلف وماشي يختلف ... لو صعب اليوم بكرة ساهل ... واللي قال انه الدعم السريع راس ماله راس حميدتي .. قدم جزء من الحقيقة الدعم السريع مليشيا جهوية وحيظل ... ولو ما فككه كل الفوق ده حيتفكك لكا تنتفي الحاجة لوجوده حميدتي مفروض يخطط استراتيجيا لما بعد مليشيا الدعم السريع تحول سياسي ... تحول اقتصادي ... تحالفات مدنية .. او اي استرتيجية تانية قبل فوات الاوان في اي صراع مسلح قادم حيخسر كل شئ
Post: #13 Title: Re: تحرير حلايب أهون من تفكيك السريع Author: خضر الطيب Date: 06-08-2021, 09:43 PM Parent: #12
Quote: لو حميدتى حرر حلايب ابصم ليه بالعشرة ليحكم السودان
لوحرر القدس لا يمكن ان ابصم له بحكم السودان هذا الجنجويدي الفاقد التربوي