الأغنية تؤدي لتفاعلات نفسية وغياب عن الوعي واضطراب الرأس أو الانتقال، والنوبات الانشقاقية والتفككية، ونوبات الذعر التي قد تؤدي للوفاة،
Post: #2 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 09:57 AM Parent: #1
وقد تسببت في حدوث حالات اختناق ونوبات اغماء، وحالات هستيرية وسط الفتيات أثناء حفلات خاصة شهدتها أحياء ولاية الخرطوم في اليومين الماضيين، مما أدى لنقلهن للعلاج في المراكز والمستشفيات الخاصة والعامة، من بينها مركزه الخاص، الذي استقبل 10 حالات ثمانية منهن تماثلن للشفاء، بينما تم تحويل حالتين للعناية المكثفة بالمستشفي
Post: #3 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 09:59 AM Parent: #2
الأغنيـة يؤديها المغني " حسام الجبل " بعنوان آحا
Post: #4 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 10:00 AM Parent: #3
المهم .. لله الامر من قبل ومن بعد..
ــــــــــــــــــ.. مصدر الخبر : الراكوبة
Quote: الخرطوم: محاسن أحمد عبد الله
طالب إختصاصي الطب النفسي والعصبي د.علي بلدو ، الفتيات عدم الاستماع لأغنيته التي رددها مؤخرا الفنان حسام الجبل، حفاظا على حياتهن – علي حد قوله.
وذكر بلدو، أن الاغنية تسببت في حدوث حالات اختناق ونوبات اغماء، وحالات هستيرية وسط الفتيات أثناء حفلات خاصة شهدتها أحياء ولاية الخرطوم في اليومين الماضيين، مما أدى لنقلهن للعلاج في المراكز والمستشفيات الخاصة والعامة، من بينها مركزه الخاص، الذي استقبل 10 حالات ثمانية منهن تماثلن للشفاء، بينما تم تحويل حالتين للعناية المكثفة بالمستشفي.
وقال إن الأغنية تؤدي لتفاعلات نفسية وغياب عن الوعي واضطراب الرأس أو الانتقال، والنوبات الانشقاقية والتفككية، ونوبات الذعر التي قد تؤدي للوفاة، وناشد الجهات المختصة بالتدخل لوقف بث الأغنية حفاظا علي صحة وسلامة الكثيرين.
Post: #5 Title: Re: تحذيـر للفتيـات من الاستماع لاغنية تسبب إ Author: Abureesh Date: 05-31-2021, 10:07 AM Parent: #4
متأكد يا حيدر دى أغنية ما كرونا؟
Post: #12 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 10:19 AM Parent: #5
حا تنتشر زيها والكرونا يا ابوالريش الا تاخد لقاح بي اغاني وردي وعثمان حسين :)
Post: #6 Title: Re: تحذيـر للفتيـات من الاستماع لاغنية تسبب إ Author: عمر أبوعاقلة Date: 05-31-2021, 10:08 AM Parent: #4
حسام الجبل دا أخو عشة الجبل وقيصر كمان ... !!! الشكية لي أبيدن قوية
تحياتي حيدر
كسرة: غايتو الترند دا بكون وقع لي بلدو في جرح خاصة موضوع العيادة
Post: #8 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 10:13 AM Parent: #6
وعليكم السلام الحبيب عمر ابوعاقلة..
تقول التعليقات ان القيصر حسام الجبل كان يعمل مع الامبراطورة عاشة الجبل ..
Quote: غايتو الترند دا بكون وقع لي بلدو في جرح خاصة موضوع العيادة
هو بنفسه تلقاهو العامل الترويج العجيب دا..
بس ما عرفت محاسن عبدالله دي سلمها حاجة والا روجت ليهو طيبة وملح ساي :)
تحياتي
Post: #7 Title: Re: تحذيـر للفتيـات من الاستماع لاغنية تسبب إ Author: محمد البشرى الخضر Date: 05-31-2021, 10:10 AM Parent: #4
"أغنيته"!! يعني هي الغنية حقته يا ود الزين؟
Post: #9 Title: Re: تحذيـر للفتيـات من الاستماع لاغنية تسبب إ Author: معاوية المدير Date: 05-31-2021, 10:16 AM Parent: #7
أوّع يكون بلدو دآخ مع الدايخات !!!...
Post: #15 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 10:24 AM Parent: #9
Quote: أوّع يكون بلدو دآخ مع الدايخات !!!...
دا اصلن من يومو قبل كلام شيخ التفاف دآيـخ ومغرود عيونو ... والله صحي
Post: #10 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 10:18 AM Parent: #7
جوجل قال ياود البشرى مؤلفها واحد اسمه .. عادل هنراوي .. وحسب المنشور مؤلف اغاني كتيرة للفنانين الشباب على راسهم مكارم بشير والاستاذة عاشة الجبل والجقر وغيرهم..
Post: #11 Title: Re: تحذيـر للفتيـات من الاستماع لاغنية تسبب إ Author: علاء سيداحمد Date: 05-31-2021, 10:19 AM Parent: #7
Quote: طالب إختصاصي الطب النفسي والعصبي د.علي بلدو ، الفتيات عدم الاستماع لأغنيته التي رددها مؤخرا الفنان حسام الجبل، حفاظا على حياتهن – علي حد قوله.
يعنى بلدو عايز يشهّر الغنية عشان من كلماتو !؟
Post: #14 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 10:22 AM Parent: #11
لا يا علاء الاغنية كلمات واحد تاني اسمه عادل هنراوي
اغنيته بغعتبارها باسمه والفان القونة بيتغزل فيهو
بلدو برضو عنده اغنية قبل كدة بتقول سي يابلدو.. والناس مجانيين ومفلسين او نحو ذلك..
Post: #13 Title: Re: تحذيـر للفتيـات من الاستماع لاغنية تسبب إ Author: Osman Musa Date: 05-31-2021, 10:20 AM Parent: #7
أخونا حيدر سلامات قلت لي . ( لأغنية تؤدي لتفاعلات نفسية وغياب عن الوعي . واضطراب الرأس أو الانتقال، والنوبات الانشقاقية والتفككية، ونوبات الذعر التي قد تؤدي للوفاة،) .. في بعض الناس تطعيم الكورونا بعمل فيهم نفس العمايل دي . ههههههها
Post: #16 Title: Re: تحذيـر للفتيـات من الاستماع لاغنية تسبب إ Author: زهير عثمان حمد Date: 05-31-2021, 11:14 AM Parent: #13
الاغنية دي في قروبات الجكس اسمها )وهمة احا( وبعدين الجكس المعاصر دا قلبو قاسي شديد انت حيدر ما تبقي زول حساس القصة ليها ابعد جنسانية الاغنية اغنية بياي شكسول اللهم لا نسال رد القضاء ولكن نسالك اللطف ديل كوارث يا زول والخفي كعب جدا
Post: #19 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 12:32 PM Parent: #16
يا ابو الزوز انت بس قول اللهم لا تبلينا ...
ثم فوق كل زي علم عليم الـ بياي شكسول دا سلم ايقاعي جديد والا نغمة ؟!
Post: #17 Title: Re: تحذيـر للفتيـات من الاستماع لاغنية تسبب إ Author: أحمد محمد عمر Date: 05-31-2021, 11:43 AM Parent: #13
أغنيته قاصد بيها المقطع الأساسي البقول عالجني يا بلدو رقدني المصحة
__________ الزول عاجبه ادخال اسمه في جملة مفيدة وعاوز يعمل ترويج للغنية
Post: #20 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 12:39 PM
Quote: الزول عاجبه ادخال اسمه في جملة مفيدة وعاوز يعمل ترويج للغنية
بالضبط وواضح كدة ...
وإحتمال كمان مشرب الشاعر شاي بالنعناع !
Post: #18 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 12:29 PM Parent: #13
سلامات الحبيب عثمان موسى
Quote: في بعض الناس تطعيم الكورونا بعمل فيهم نفس العمايل دي .
والولد دا شكلو ماخد حقنة
Post: #21 Title: Re: تحذيـر للفتيـات من الاستماع لاغنية تسبب إ Author: Ahmed Yassin Date: 05-31-2021, 12:46 PM Parent: #18
بتخيل لي حيدر زاتو داخ
Post: #22 Title: Re: تحذيـر للفتيـات من الاستماع لاغنية تسبب إ Author: Ahmed Yassin Date: 05-31-2021, 12:50 PM Parent: #21
Quote: عالجني يا بلدو رقدني المصحة
دي مسروقة من اشطر طالب في معهد الموسيقى في التسعينات اخونا وحبيبنا (حمزة سليمان العوض) كلام محمدمحمدخير البقول (عالجني يا عابدين شرف) طبعا فرق كبير بين عابدين شرف وبين بلدو .. المرة قال في التلفزيون على الهواء\ وكان عامل مترجم لى واحد خواجة .. قال: " الخواجة دا قال انت لو ما ركزت في الهناي ممكن تطلع (ملوص) "
Post: #24 Title: Re: تحذيـر للفتيـات من الاستماع لاغنية تسبب إ Author: HAIDER ALZAIN Date: 05-31-2021, 01:19 PM Parent: #22
Quote: "بتخيل لي حيدر زاتو داخ
بغض النظر يا فنان وانتو اهل الخبرة لكن يخيل الولد الجبلي دا صوتو جميل ومميز .. :)
حمزة سليمان عاوز بيعالج ويودي استاد الهلال .. اما الباسم صوتو فبيقول أحا ويودي المصحه هههههه
Post: #25 Title: Re: تحذيـر للفتيـات من الاستماع لاغنية تسبب إ Author: ترهاقا Date: 05-31-2021, 02:58 PM Parent: #24
ود الزين وضيوفه الكرام المرة الجاية بس يجتهد ويعمل أغنية من شاكلة الليلة لاقيتو وبالجزمة أديتو ، عشان النوبات الانشقاقية والتفككية ترجع إلى الوضع الطبيعي،
Post: #26 Title: Re: تحذيـر للفتيـات من الاستماع لاغنية تسبب إ Author: خضر الطيب Date: 05-31-2021, 03:45 PM Parent: #25
قمة الإنحطاط انحطاط لا قاع له
Post: #27 Title: Re: تحذيـر للفتيـات من الاستماع لاغنية تسبب إ Author: امتثال عبدالله Date: 05-31-2021, 05:24 PM Parent: #26
بالله الفن في السودان وصل للدرجة المحبطة دي.... لا حول ولا قوة الا بالله!!!!!!!!!! يا حليلك يا ود الامين ، ووردي ،والكابلي ،وعثمان حسين وعوض الكريم عبد الله وود اللحو .... اذا سمعوا الفنان ده كان حيجيهم سكتة قلبية ويهجروا الفن نهائيا
Post: #28 Title: Re: تحذيـر للفتيـات من الاستماع لاغنية تسبب إ Author: MOHAMMED ELSHEIKH Date: 05-31-2021, 06:24 PM Parent: #27
الغنية عيبها الوحيد انو غناها ولد مع فرقة موسيقية لكنها مما نسميه اغاني البنات وزيها الاف نحفظها نحن جيل السبعينات ونحضر بها رقيص العرايس وملء قابات الاعراس مثلها مثل قطر الخميس الفات الفرق الحبان حبيبي يا حايلو خل البلد مسخان ساعة القطار صفر وانا واقفة بتذكر ودمعي الحنين قطر الليلة يا حليلو
وكذلك يا ماشي لي باريس جيب لي معاك عريس
وهناك الكثير المثير يسأل عنه ود المدير
Post: #29 Title: Re: تحذيـر للفتيـات من الاستماع لاغنية تسبب إ Author: أحمد محمد عمر Date: 06-01-2021, 08:05 AM Parent: #28
Quote: يا ماشي لي باريس جيب لي معاك عريس
شرطاً يكون لبيس من هيئة التدريس
يا ماشي لامدرمان جيب لي معاك فنان شرطاً يكون زيدان وشرطاً يكون سكران
الأغنية دي بتذكرها من شريط كاست قعدة خاصة بالعود بغني فيها زيدان ابراهيم الغريبة إنه التسجيل كان واضح شديد مما يعني إنه المسجل كان مختوت قدام الفنان وكلهم عارفين في تسجيل ورغم كدة كانوا ماخدين راحتهم في غناء البنات
أيضاً من الأغاني المتذكرها في ذلك الكاست: أدونا ادونا ادونا أدونا فندكّم ندق ونديكم تدقوا تدونا أدونا منقتكم نمص ونديكم تمصو تدونا يا حاجة ما تقولي كاروشة يا حاجة لا إله إلا الله
_______________ بعد خلصت كتابة المداخلة دي وقبل ما أضغط ارسال قلت الشريط دة كان منتشر شديد مستحيل ما يكون واحد من الشفاتة نزلو يوتيوب وفعلاً ما اتخذلت
Post: #30 Title: Re: تحذيـر للفتيـات من الاستماع لاغنية تسبب إ Author: عمر أبوعاقلة Date: 06-01-2021, 08:23 AM Parent: #29
تحياتي أحمد محمد عمر صحيح يا حبيبنا أغاني القعدات كانت موجودة وأغاني البنات كذلك ولكن الشاهد أنه التركيز كان على الأغاني التي شكلت وجدان السودانيين وفي أحيان خاصة (الخاصة) تطلع حاجة كدا للقعدات بس الملاحظ أنه الآية أنعكست الآن: التركيز بقى على أغاني (القونات)* ومرة مرة كدا تطلع حاجة للناس تضيف للأغنية السودانية خد عندك مثلاً (شوف الطعامة والروقان دا):
مودتي * قدر ما حاولت أغيرها لي حاجة غير القونات ما لقيت ليها طريقة فهي لا ترقى حتى لتكون أغاني البنات
Post: #31 Title: Re: تحذيـر للفتيـات من الاستماع لاغنية تسبب إ Author: Haytham Ghaly Date: 06-02-2021, 05:53 AM Parent: #29
Quote: أدونا منقتكم نمص ونديكم تمصو تدونا
يا زول البيت الفتو انت براك .. ما ضمن الاغنية
-------------------------
حيضر انت قاعد تبحت البلاوي دي من وين !!؟؟
Post: #32 Title: Re: تحذيـر للفتيـات من الاستماع لاغنية تسبب إ Author: أحمد محمد عمر Date: 06-02-2021, 07:16 AM Parent: #31
غناء البنات يا عمر أبو عاقلة كان بخاطب أشواق البنات للزواج من الحبيب أو من أي كائن حي في حالة اتضايقن (بالضرا إنشاء الله راجل مرة) (بختي إن شاء الله راجل اختي) وكان منصة انطلقت منها المعايير والمواصفات الجديدة للعريس البلبس الهزاز والبيتو كلو قزاز والبركب العربية واب شنطة لبنية وإعلان عن مرحلة (أنا ما بدور المزارعية) مع تبرير هذا القرار الذي يطعن في البنية الديمغرافية بوضع مسببات واضحة مثل (أكلو كلو كمونيه، دقنه يعشعش القمرية، شقه يدخل السحلية) هي بيئة خاصة بها حرية تعبير تصل إلى (أنا بصافحو بالقانون) (أنا بجيبو بي غادي وانا بصافحو بالقاضي) وأحياناً لدرجة (جيب لي معاك خلاطة أخلط أمك بي نعلاتها) لكن المشكلة كانت في اتساع رقعة الفئة المستهدفة بسبب المشروع الحضاري، ولعل اقتحام المسلمين الجدد لهذه المجاهل ومحاولة تغييرها بتجنيد أساطينها (نصرة مثالاً) وإبعادهم من خانة التعبير عن الأشواق والرغبات إلى كلام الخير والإيمان مثل الدفاع عن المزارعي المذكور أعلاه بحنك ميت تجاهل عدم اهتمامه بالنظافة الشخصية والتي كانت مثار الاعتراض، لعل هذا الاقتحام هو ما ساهم في الانتشار كرد فعل معاكس
فالمشكلة كما أرى هي اتساع الرقعة المستهدفة بهذا النوع من الفن ممن يريدون حرية التعبير الصارخة المباشرة ذات الإيقاعات الراقصة السريعة التي تطورت من الدلوكة التي ترقص النساء منفردات إلى الزنق المؤدي للحت المختلط. فالراقص لا يمكنه الجبجبة على أنغام نكر صوتك صداك! هو عدو الكلمات العميقة، هو يريد أن يتفكفك من الوقار ويحرر عضلاته من الرزانة والاتزان
Post: #33 Title: Re: تحذيـر للفتيـات من الاستماع لاغنية تسبب إ Author: محجوب البيلي Date: 06-02-2021, 12:04 PM Parent: #32
بدأ البوست بابتسامة.. ثم ضحكة خافتة.. ثم مجلجلة.. .. ثم تحوّل إلى نقد وتشريح وتأصيل وتوثيق .. إلخ البوست جمع المرهفين.. والشفيفين (قلتها على مضض) وأحمد محمد عمر تجلّى ـ كعادته. شكراً حيدر الزين. .............. مالي لا أرى الحبيب قباني.. ودكتور محمد الأمين موسى.. وأبو حراز؟
Post: #34 Title: Re: تحذيـر للفتيـات من الاستماع لاغنية تسبب إ Author: طلحة عبدالله Date: 06-02-2021, 12:09 PM Parent: #33
Quote: تؤدي لتفاعلات نفسية وغياب عن الوعي واضطراب الرأس أو الانتقال، والنوبات الانشقاقية والتفككية، ونوبات الذعر التي قد تؤدي للوفاة،
دا أغنية دي ولا زلازل وبراكين ؟ ........... بلدو دا منو ؟
)