سيحدث في أول يونيو مؤكد لا محالة واحد من أمرين .... !!!

11:03 PM May, 29 2021

سودانيز اون لاين
توفيق عيسى مكي-
مكتبتى
رابط مختصر

إنقلاب مدني محروس ببعض أفراد الجيش
ديكتاتورية مدنية في سابقة لنظام اول مرة يشهده السودان
أو اشتباك بين الجيش السوداني وكل الجيوش داخل
العاصمة بما فيها الدعم السريع
طبعا بعد يفشل التدخل الأمريكي لإنقاذ حكومة حمدوك مثلما
فعل عندما تأكد سقوط حكومته وسقوط حاضنته والقوة العسكرية
الحارساهم بإعلان رفع الحظر والعقوبات اتوقع اتحاد قحت مع الكيزان
بايعاز أمريكي صهيوني بإخراج عربي وحتما سيفشل لكن لابد من ذلك
لإيقاف الانهيار المريع السريع

الأمور فلتت من أي توجيه أو قيادة أو سواقة
وصلنا الميس

سيكون من واحد يونيو ميقات اللعب على المكشوف

كل الحركات المسلحة وقعت في الفخ الغير مقصود
السودان أكثر تعقيدا مما يظن الذين كانوا يظنون بسهولة
قادرون على فك كثير من شفراته
سبحان الله
كل ما فعل اقتصاديا بتوجيهات المتخصصين كان سليما وكان
يمكن أن يعيد هيكلة الاقتصاد
لكن يوجد شئ خفي يعقد أكثر
حتما ليس الكيزان باعتبار هم يمتثلون لتوجيهات (من سنين راقدين رز )
ويفعلوا ما يؤمرون
إلا تلاحظون أن التضخم المريع هذا يأكل من ورق البنكنوت الهائل الذي في
أيدي قلة من الشعب ومع ذلك رؤوس أموالهم تذيد شئ لا يقبله المنطق والعقل
(في ناس تمتلك من ورق النقد السودانية شئ لا يصدق)

السودان بلد استراتيجي محوري هكذا ينظر من يمتلك زمام
الحركة في العالم والمصالح
مصر تخطت الحدود المصرح لها أن تتجاوزها مما يمثلون خطرا
كبيرا لإسرائيل والصهيونية العالمية
فشل أي توجهات ديمقراطية حقيقية داخل الجزيرة العربية أعني
المملكة والخليج توجد صعوبة مصحوبة باستحالة بتغير الأنظمة أعني
النظام لا الأفراد والأمراء والملوك
العمق والوسط الأفريقي أصبح هشا مما ينذر بتغيرات ليس في المصلحة
كان السودان يلعب دورا جوهريا في خلق التوازن
تغول الأفارقة نحو الاستئثار بحكم السودان ظاهريا كان ينظر إليه محمدة
ولكن شفرة الشرق والوسط والشمال وهم يمثلون 75% من جملة السكان تعودوا
أن يديروا شؤونهم من قديم الزمان عبر عدة آلاف من السنين تجعل من الاستحالة
لهم الإذعان والقبول بالاستعمار الجديد

خروج وهدوء بعض المحاور التي كانت على صفيح ساخن خارج
الإطار الجديد تونس ليبيا سوريا العراق لبنان الأردن إيران تمهيد
للمخطط الكبير الذي يحتم الانسحاب الجذئي لتقليل الجهد فيما ما يجب
أن يكون
الصدمة مما حدث ويحدث في السودان أربكت كل الحسابات وأصبح الجميع
في حالة سباق محموم لامتلاك القاعدة (بلدنا )
الخيار الرواندي مطروح بقوة اليوم في الساحة لكن الإشكالية في المآلات
ففي السلم الجميع فقد السيطرة فما البال في حالة الحرب وفي السودانين مكر العرب
وغدر الأحباش ونفاق الأفارقة وذكاء الكوشيين في شمال السودان الذين تحت أي لحظة
قادرون لامتلاك زمام المبادرة عن إرث وخبرات عريقة وطبيعة همها أن تكون مسيطرة على
النيل واراضيه الخصبة على استعداد أن تحارب نساءه في ذلك إن دعى الأمر
وهو الخيار المتوقع الأول فرعون كوشي اسمر البشرة يسيطر على الجيش ويبيد كل من يحمل
السلاح ويعيد توازن كل الاختلالات الموجودة اليوم

سلام ود مكى لالم السودان تحكى لكن الشئ المبكى لمن اشتكى يا ود مكى كلامك مهو حكى بل حقيقة تقرص فى بطنى البجى من الله كله سمح كان فتريتة ولا قمح

تذكرني هذه الأيام آخر أيام الديقراطية الثالثة وقتها كنت اتاجر
من الخرطوم لبعض الأقاليم متخصص أدوات ورش وكان انعدم أيامها
البرشام الأصلي الصيني 2 لينية البصنعوا بيه صناديق اللواري واللحام
كان في نوعين شهيرات الأصفر أبو سلوكة أو أبو مركب والأخضر المهم
بالعلاقات عرفته موجود ببعض الموردين بسوق السجانة وعن طريق صديق
يعد وقتها على رأس موردين ومصدرين السودان فاتصل بالتلفون بالأول لشراء 2 طن
لحام لي فوافق أن يعطيني له ب 12 الف للطن ولما وصلته اعتذر أن السعر زاد
زيادة كبيرة رجعت لصاحبي وقريبي في شارع الحرية فاتصل بغيره ووافق لكن بالسعر
الجديد 18 الف للطن وأيضا لما وصلته في السجانة أيضا اعتذر بنفس الحجة وان السعر
الجديد 20 الف للطن وهو أساسا معدوم وغير معروض في السوق رجعت تاني شارع الحرية
لصاحبي اتصل بشخص أذكره تماما عز الدين هلالي على ما أذكر المهم واحد من ناس الهلالي
بتاعين المناقل فوافق أن يعطيني وبسعر تشجيع الاتنين طن أتذكر بسعر 16 للطن
المهم سددت ليه وشحنت بضاعتي ولحقتها وبعتها بضعف السعر
وعند العودة وانا في السوق الشعبي أمدرمان لقيت بشه
والكيزان نطوا فيها خلاس واستلموا البلد
لميت رأسمالي واشتريت بيه تاكسي كرونا اشتغلت فيهو عام كامل
لحدي البلد اتشكلت من جديد بقبضة فرعونية كوشية قديمة

Quote: البجى من الله كله سمح كان فتريتة ولا قمح

والله يا ود مهدي دي الحقيقة الصهاينة فايتة عليهم
تصدق بعد الغلاء الطاحن ده الناس أكلها ما نقص صحن صاح بمعاناة وشفقة
في الفاضي والمحير اكتر الناس مبسوطة وتغني وتعرس وتقول نكات والحياة
ماشة أمكن احسن من أول دي الملاحظة البتخص أهلنا الطيبانين كلهم
كلهم ماكلين شاربين والحياة ماشة من وين الله أعلم
ما بتتحسب بحساب أحرف محاسب ما يظبطها انا درست محاسبة وشاطر فيها جدا
حسابيا عقلي لا يستوعب الناس دي عايشة كيف
اديك مثال حدث اليوم بس
ما شاء الله أولادي في الجامعات اليوم اتحدوا علي تاني ما بيشيلوا
أقل من ألف جنيه شغالين امتحانات بس تدفع وانت ساكت وانا لي فترة
ما قادر ادخل جنيه لي شهر مداوم مع أهلي في سوق أمدرمان أها الأمور ماشة
مرة يجيك تحويل من بره ومرة دين ومرة من حضر القسمة يقسم ده في حالة
تتباع كوتة كبيرة أو كونتيرنا المهم بس تطلع من البيت الرزق بيجيك

ملحوظة :
أقصد بأول يونيو الشق الأول من يونيو
وليس 1 يونيو تحديدا
السودان البلد الوحيد الما فيه تحديدا جازما

السوداني تقول ليه الساخنة دي من الشمس
يقول ليك لأ من السموم

تقول ليه كيف الكلام ده
يقول ليك شهر 12 في شمس ولا مافي
تقول في
يقول ليك البرد الشديد ده بجي كيف مع الشمس
اها قس على ذلك
كل متعلقات فض الاعتصام والمسؤلية على منو

أمس انعقد مجلس شورى المؤتمر الوطني
نضع كل كلمة بمعناها الحقيقي
المؤتمر الوطني وليس الحركة الإسلامية
العساكر وقحت تقريبا بايعاز منهم والله أعلم
لو مافي ضوء أخضر ما بيتم
رسيننا مافيها قنابير
ما علينا ....
المهم كلامي ماشي صاح لحدي اللحظة دي
ومافي ضمان لأي ميقات
بس الشاطر هو البيخم خم الولد بعد الورق يبقى
كتير في الميس

ما بعلم الغيب
لكن قراية سليمة للماضي والحاضر اكيد بكشف خيط نحو المستقبل
ولا هي أول مرة

اول مرة يدقس الامير .. اولا المسلمات .. الفوضى حاصلة .. عندما تتطور الفوضى الى ازمة حقيقية .. يتوحد السودانيين هذه الخصلة موجودة منذ القدم فى الوفيات ينسى السودانيين كل الخلافات .. من المسلمات ثلاث فئات قادرة على القتل من غير اسباب الفئة الثالثة ضعيفة من حيث العدد و بالتالي التركيز يكون على الفئتان .. هم الذين يمثلون عدوا للشعب .. لكى يتوحد الشعب تماما لابد من وجود ضحية .. واحد من الاعداء لابد ان يكون كبش فداء حتى ينصلح الحال .. وتنتهى الفوضى و يستقر الحال .. من المستحيل ان يهداء الشارع من غير كبش فداء .. صدقت فى القيادة لكن نسيت مسمار النص هو الأهم للتوازن و هو الذى يرجح الكفة .. الذى يبادر من الاعداء و يستلم مسمار النص هو الذى يقود المرحلة القادمة بلاشك .

Quote: اول مرة يدقس الامير ..

الأمير عمره ما يدقس لأنه ببساطة عشرة سنوات بقول
نفس الكلام ما حاد منه عشان عارف الحقيقة بوضوح
ثانيا مع الجوع الناس ممكن تصبر لو في بريق أمل لكن الناس
خلاس فقدت الأمل نهائي مستحيل تصبر على جوعها مهما كان
زخرف الكلام الاحلامي
اليوم نحن في واقع اتفرض علينا أتصرف
عليه مال كتير اشتروا بيه زمم ناس كتيرة وأعلام
وخراب أخلاق وتغيير تفكير مجتمع وسلب إرادته