Post: #1
Title: خبر مفرح: 25 مايو زراعة مليون فدان بمشروع الجزيرة
Author: Nasr
Date: 05-22-2021, 04:49 PM
04:49 PM May, 22 2021 سودانيز اون لاين
Nasr-Los Angeles
مكتبتى
رابط مختصر
25 مايو زراعة مليون فدان بمشروع الجزيرة
22 مايو، 20210
فيسبوك تويتر
أكد مدير البنك الزراعي قطاع الجزيرة الرشيد عثمان لدي ترؤسه بمكتبه صباح اليوم الإجتماع المشترك مع المسئولين بمشروع الجزيرة ووزارة الري والموارد المائية على ضرورة التنسيق والتعاون بين شركاء العملية الإنتاجية لتجاوز كل العقبات وتحقيق الأهداف المنشودة تجاه إنجاح محاصيل العروه الصيفية وزيادة الإنتاج والنهوض بالإنتاجية وشدد على أهمية إستمرار اللقاءات لحلحلة المشاكل وشحذ الهمم ..
من جانبه أعلن مدير الإدارة الزراعية بمشروع الجزيرة المهندس عثمان السماني إنطلاق زراعة محاصيل العروة الصيفية في 25 مايو الجاري في مساحة مليون فدان موزعة على الذرة والقطن والفول السوداني وفول الصويا والخضروات مؤكداً مواصلة الجهود بالتنسيق مع شركاء الإنتاج لتجاوز كل العقبات التي تعترض الموسم الزراعي في ظل توفر الإرادة والعزيمة لإنجاح العروة الصيفية مجدداً حرص إدارته على الإلتزام بضبط الدورة الزراعية والمساحات المستهدفة من أجل مصلحة الزراعة والمزارع ومنع مشاكل العطش للوصول لزراعة آمنه وناجحة ..
وأعلن السماني عن إنطلاق حفر أبو عشرينات في المساحات المحدده حسب الدورة الزراعية والتنسيق مع البنك الزراعي لتوفير التمويل اللازم للشرائح المستهدفة وقطع ببداية إنسياب المواد البترولية للغيط وإستنفار كل الجهود لإنجاح زراعة محاصيل العروه الصيفية ..
فيما دعا المهندس قسم الله خلف الله مدير الإدارة العامة لعمليات الري بوزارة الري والموارد المائية لضرورة الإلتزام بالمحددات الفنية للري والدورة الزراعية لضمان تأمين الري للمحاصيل حسب الدورة الزراعية.
وأشار لجهود إدارته لتطهير قنوات الري العليا والصغري من الأطماء والحشائش وصيانة الأبواب الكبري والمعابر والمشايات وإزالة تراكمات الأطماء ولفت لأهمية إستمرار التعاون والتنسيق بين كافة شركاء العملية الإنتاجية لتجاوز الصعوبات وتحقيق الأهداف ..
فيسبوك
نقلا عن الراكوبة
|
Post: #2
Title: Re: خبر مفرح: 25 مايو زراعة مليون فدان بمشروع ا
Author: Nasr
Date: 05-22-2021, 05:02 PM
Parent: #1
مشروع الجزيرة ماشي صاح وسيعود كما كان قاطرة لإقتصاد السودان
قاتل الله كل من عمل علي قتل المشروع
إذا كل فدان طلعنا منه فائدة ألف دولار فدي مليار دولار
كافية لمزيد من الإصلاحات للمشروع
ولإستيراد الدواء والوقود
الجزيرة قلب الثورة النابض
|
Post: #3
Title: Re: خبر مفرح: 25 مايو زراعة مليون فدان بمشروع ا
Author: ABUHUSSEIN
Date: 05-22-2021, 05:51 PM
Parent: #2
اخونا نصر سلام
و الله فعلا خبر مفرح جدا
نتمنى ليهم التوفيق و يعود مشروع الجزيرة زي ما كان و افضل
تحياتي
|
Post: #4
Title: Re: خبر مفرح: 25 مايو زراعة مليون فدان بمشروع ا
Author: Nasr
Date: 05-22-2021, 09:29 PM
Parent: #3
شكرا أبوحسين
الناس البيقولوا الحكومة فاشلة دا نجاج ختو في بالكم
الناس البيقولوا نعتمد علي مواردنا الداتية
دا سبب كاف للإحتفال وأهي حكومة الثورة بتنفذ في شعاراتكم
يللا بالله عتلوا البوست حتي يعم الفرح بإنجاز سوداني
بالمناسبة
منذ الثورة والجزيرة تحقق مواسم زراعية ناجج ةنجاح غير مسبوق
بمجهودات كبيرة وإمكانيات متواضعة
لذلك الجزيرة ستبدع متي ما لقت إهتمام وتشجيع ودعم
كل المشاريع الزراعية حتي طوكر والقاش ماشيين كويس
وزادت المساحات المزروعة
في الزراعة خلاص السودان
لذلك يا مثقفي السودان ختوها في بند إهتماماتكم
|
Post: #5
Title: Re: خبر مفرح: 25 مايو زراعة مليون فدان بمشروع ا
Author: صديق مهدى على
Date: 05-22-2021, 09:50 PM
Parent: #4
ناصر كل سنة وانت طيب ياخ ما ممكن يكون عندنا اتنين مفرح ههههههها
تحياتى
ياظريف
ملحوظة:-
غيب وتعال تلقانا نحنا يانا نحنا
|
Post: #6
Title: Re: خبر مفرح: 25 مايو زراعة مليون فدان بمشروع ا
Author: منتصر عبد الباسط
Date: 05-22-2021, 11:45 PM
Parent: #5
تحياتي الأخ نصر
كلام جميل لكن ما بقتنع بالتغيير الحقيقي
إلا إذا اكتملت مواسم الزراعة بالمشروع لثلاثة مواسم
شتاء ربيع صيف
يعني ما هي الحكمة من تجفيف مشروع الجزيرة
من شهر 3 وحتى شهر 6؟؟؟!
والعجيب أنو دي فترة المفروض أنها ربيع
تحولت عندنا لصيف حاد جدا في السودان!
بسبب قلة الغابات والبساتين وانعدام الحقول
في هذا التوقيت
مشروع بمساحة دولة يتم تجفيف وتعطيل الزراعة به
لثلاثة أشهر شديدة الحرارة مما يجعل مشروع الجزيرة
يسهم سلبا في المناخ ويجعل الصيف شديد الحرارة
وخالي من نسمة دعاش في بلد جاف
يعني مرن وقابل ليكون جو ومناخ جميل تجعله هذه
السياسة الزراعية مناخ سيىء للغاية!!!
لما لا نجعل مشروع الجزيرة يسهم في تحسين المناخ
مع تحسين الناتج القومي؟؟؟؟
بجعل المشروع مروى طول العام ومبستن
والمياه فيه دائمة وليست موسمية وإدخال البستنة
والمواشي والأغنام والصناعة التحويلية والتسويقية
|
Post: #7
Title: Re: خبر مفرح: 25 مايو زراعة مليون فدان بمشروع ا
Author: Nasr
Date: 05-23-2021, 02:04 AM
Parent: #6
Quote: يعني ما هي الحكمة من تجفيف مشروع الجزيرة
من شهر 3 وحتى شهر 6؟؟؟! |
أتمني يكون في مهندس ري عشان يرد علي النقطة دي
البعرفه إنه التجفيف ضروري لتطهير الترع من الطمي المترسب
لكن بنصل للدايرة إنت دا
بس نمشي صاح في الطريق الصاح
مليون فدان في الجزيرة ما حصلت لأكثر من عشرين عاما
خطوة مهمة
برضو نقول في حتة المواسم المتعددة دي
بيدخل سد النهضة
لأنه حينظم جرياان النهر طوال العام
مما يمكننا من ري لثلاث مواسم
(بس نشوف طريقة لتطهير الترع من الطمي مع وجود الموية فيها)
|
Post: #8
Title: Re: خبر مفرح: 25 مايو زراعة مليون فدان بمشروع ا
Author: Hafiz Bashir
Date: 05-23-2021, 02:13 AM
Parent: #7
خبر مفرح فعلاً
وربما يكون اول خبر مفرح منذ توقيع الوثيقة الدستورية.
رغم إني ما عارف مليون فدان دي كتيرة ول شوية من مشروع مساحته أكتر من 3.5 مليون فدان.
لكن مجرد تداول أخبار عن الزراعة والعمل والإنتاج شي يدعو للفرح.
|
Post: #9
Title: Re: خبر مفرح: 25 مايو زراعة مليون فدان بمشروع ا
Author: adil amin
Date: 05-23-2021, 02:46 AM
Parent: #8
نجام بي دقنو
https://top4top.io/
الله يرحم مشروع الجزيرة ومشاريع الاعاشة والسيد عبدالرحمن المهدي وابراهيم منعم منصور
لا يمكن ينهض السودان طال ما وزير المالية عبر العصور من كعوك المركز او مقاطيع الهامش
|
Post: #10
Title: Re: خبر مفرح: 25 مايو زراعة مليون فدان بمشروع ا
Author: adil amin
Date: 05-23-2021, 02:47 AM
Parent: #9
اشطب الكلمة الشاذة
الحمدي ...حميدتي ...حمدوك...حميد
|
|