Post: #1
Title: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-22-2021, 09:19 AM
09:19 AM May, 22 2021 سودانيز اون لاين
مازن سخاروف-UK
مكتبتى
رابط مختصر
Quote:
قطع شك الزول دا قاصد الحزب الشيوعي وحلفاؤه ...
الرفاق لاعبين قون وباك ... تحييد الجيش أهم خطوة
للوصول لقصر غردون بأقصر الطرق للحصول على السلطة
بدون إنتخابات وهذا هو الأمل الوحيد ... الكيزان قالو التضحية
بي ثلث الشعب ... الشيوعيين ما عندهم مانع بالتضحية بي عشرين
مليون سوداني (نص الشعب) على خطى الثورة البلشفية ...
|
إنت مصادرك عن تاريخ الشيوعية والثورة البلشفية شنو؟ وقبل ما ترد, أسلوبك في النقاش لا يختلف عن أسلوب الكيزان.
وأولها توجيه الإتهامات كحقائق.
ثم تغيير الموضوع أثناء الحديث.
|
Post: #2
Title: Re: يا صلاح زبير, مشكلتك مع الشيوعيين شنو؟
Author: زهير عثمان حمد
Date: 05-22-2021, 09:36 AM
Parent: #1
سخاروف
ما ترد دي اظرف ما جا في البوست المهم
الشيوعيين هم من اضاع الثورة حقيقة ما تزعل وتاريخهم عجيب
ما اعظم دولة علوة والمقرة مقارنة بافعالهم
لكم الرحمة مؤسسي اليسار السوداني او جبهة الدفاع ضدالاستعمار
|
Post: #3
Title: Re: يا صلاح زبير, مشكلتك مع الشيوعيين شنو؟
Author: زهير عثمان حمد
Date: 05-22-2021, 09:41 AM
Parent: #2
من احب الشخصيات الي قلبي جورباشوف صاحب البروسترويكا
له عظمة المقام في تاريخ الاصلاح السياسي الروسي
|
Post: #4
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-22-2021, 09:50 AM
Parent: #3
يا زهير,
بدون زعل, واعتبرو كلام جرايد ساي, الشيوعية بصراحة ما لايقة عليك. إنت زول بتاع كوبي بيست. الشيوعي في طبعه مجتهد "منتج" ويراجع نفسه قبل أن يراجعه الآخرون. وأنت بصراحة مجلي من الإتنين.
البرجوازي الصغير ولا المتشوعن.
|
Post: #6
Title: Re: يا صلاح زبير, مشكلتك مع الشيوعيين شنو؟
Author: زهير عثمان حمد
Date: 05-22-2021, 10:06 AM
Parent: #4
احمد الله علي كسلي المزمن وناقل امين لمل شيء حتي الاقاويل الفارغة واني غير شيوعي تعال لنري معا من الشيوعي المجتهد انت الذي تعيش في ارض الملكةاليزبث وتسبهم ولا هنالك اخرون اكثر نبل منك
|
Post: #5
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-22-2021, 09:59 AM
Parent: #2
| Quote: يا صلاح زبير, مشكلتك مع الشيوعيين شنو؟ |
بيرسونالي ما عندي مشكلة مع الشيوعيين كأشخاص ...
عندي أخ وأخوات اتنين شيوعيين وهم من أحب الناس لي ...
وعندي رفاق الشباب والدراسة جلهم شيوعيين ...
طبعا بحكم عاليه واضح إنو انا على دراية بالمنهج والمفاهيم
الشيوعية وبالتأكيد ثورة الإنترنت ما قصرت في تدوين تاريخ
الشيوعية والثورة البلشفية ...
معلومة الثورة البلشفية وال عشرين مليون ضحية كل ذنبهم
وجريمتهم انهم اقرو بأنهم ما شيوعيين وتم اعدامهم مبذولة
في النت من مصادرها وما محتاجه الإنكار ...
ثم يا زخاروف حاور بدون مهاترات ... حكاية ادعاءك الكوزنة
لي اسلوبي في الكتابة لن تثنيني ... كان غيرك أشطر ...
|
Post: #7
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-22-2021, 10:27 AM
Parent: #5
Quote:
بيرسونالي ما عندي مشكلة مع الشيوعيين كأشخاص ...
عندي أخ وأخوات اتنين شيوعيين وهم من أحب الناس لي ...
وعندي رفاق الشباب والدراسة جلهم شيوعيين ...
طبعا بحكم عاليه واضح إنو انا على دراية بالمنهج والمفاهيم
الشيوعية وبالتأكيد ثورة الإنترنت ما قصرت في تدوين تاريخ
الشيوعية والثورة البلشفية ...
معلومة الثورة البلشفية وال عشرين مليون ضحية كل ذنبهم
وجريمتهم انهم اقرو بأنهم ما شيوعيين وتم اعدامهم مبذولة
في النت من مصادرها وما محتاجه الإنكار ...
ثم يا زخاروف حاور بدون مهاترات ... حكاية ادعاءك الكوزنة
لي اسلوبي في الكتابة لن تثنيني ... كان غيرك أشطر ...
|
سلامات وشكرا من العمق للإستجابة. يعني في أمل.
بالنسبة لأسلوب الكتابة, طبعا ما وصفتك إنك كوز, حاشاك, لكن وصفت أسلوب نقاشك. وده عن تجربة ودي ما أول مرة نتداخل. عموما, معليش. لكن الأسلوب متحفظ عليه من طرفي "وقف إطلاق نار" مؤقت :)
حتى نستطيع أن نحرز تقدما.
طيب, جيد. إطلاعك قيد الإعتبار, وهو طبعا مصدر من مصادر البحث. "العشرين مليون ضحية" دي في بعض مصادر الدمار الشامل ضد الشيوعية, بالتجريم وإقفال باب النقاش بعد ردم الإتهامات (ممنوع الإنكار) لكن ماذا عن المصادر الأخرى؟ ماذا عن المصادر التي تنصف الشيوعيين؟ ماذا عن حق الرد؟
عشرين مليون في ياتو فترة تاريخية؟ قتلى الحرب الأهلية مثلا؟
|
Post: #8
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-22-2021, 03:17 PM
Parent: #7
سلام مازن
ياخى ممكن ألقى عندك تفسير لى ظاهرة الكوشوعية الحاصلة اليومين ديل
|
Post: #9
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-22-2021, 04:07 PM
Parent: #8
الله يسلمك يا خوي,
فك الشفرة. يعني شنو كوشوعية؟
ما تكون بس عاوز تفلق من بلكونتي؟ :)
|
Post: #10
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-22-2021, 04:49 PM
Parent: #9
هههها يا زول افلّق من بلكونتك شنو كمان
الداير افلّقو بمشى ليهو عديل و ادّيهو الفيها النصيب و كما يجب ان يكون
بالنسبة للكوشوعية مصطلح نجرتو من راسي ده قبل كم شهر و نشرتو فى حيّز ضيّق
و يعنى بظاهرة سياسية اطلّت براسها فى السياسة السودانية وهى التوافق فى وجهات النظر ثم تطابق الاهداف
و المواقف بين الكوزي و الشيوعي
كمثال ... تطابق الهدف تماما فى سعيهما لإسقاط حكومة حمدوك
اكرر السؤال تفسيرك للظاهرة دى شنو كشيوعي ضليع تبع الحرس القديم
الان بصدد فتح بوست بعنوان المستكوزون الجدد يعنى بهذه الظاهرة
البوست برضو ح يهتم بى حرترب الكيزان الجدد على المستوى الفردى
معاوية المدير مثالا
|
Post: #11
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-22-2021, 06:22 PM
Parent: #10
نجرك ده تتوكح تفتح بيو بوست وتقول علينا جاي. شغل أجندتك بطريقتك. أحفر بيرك. إن شالله تجيب ليك فاصوليا
|
Post: #12
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-22-2021, 08:15 PM
Parent: #11
خلّيهو نجري على كنبة
التوافق فى المطالب لى درجة التحالف ده تفسيرو شنو
بسألك كشيوعي ملتزم
|
Post: #13
Title: Re: يا صلاح زبير, مشكلتك مع الشيوعيين شنو؟
Author: طلحة عبدالله
Date: 05-22-2021, 09:26 PM
Parent: #12
................
أنا ما قلت أية حاجة يا مازن بتفرج وبتفاعل بس
|
Post: #14
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-22-2021, 10:42 PM
Parent: #13
جلالدونا,
في رجل بي شنبو إسمو صلاح الزبير منتظرو يرد. الخط مشغول. تعال بعد بكرة.
|
Post: #15
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-23-2021, 08:42 AM
Parent: #14
هلا مازن ...
إكرامن لي إسمي البرا دا أنا حا أرد ولأنك جديد
هنا ولأنو درجة الحرارة برا أكتر من ٤٥ درجة
وخايف عليك من الشرا ...
دا بوست حنبكه منك ساي لأنو إنتا عارف وأنا
عارف ما يعتري الفكر الماركسي من فساد وعيوب
ما دام صاحبه بشر زي وزيك ولا قداسة لمثل هذا
الفكر ... هسي أسئلتك دي المفروض سعادتك يجاوب
عليها مش أنا ...
هنالك أمل كبير في إنتشالك من هذه التبعية المشينة
لي رحاب الفكر الحر الغير مقيد بأي قداسات ...
| Quote: لكن ماذا عن المصادر الأخرى؟ ماذا عن المصادر التي تنصف الشيوعيين؟ ماذا عن حق الرد؟ |
ما أظن تنتظر مني امشي أفتش ردود لي أسئلتك
دي دفاعا عن (عقيدتك) ...
| Quote: عشرين مليون في ياتو فترة تاريخية؟ |
فترة حكم لينين وستالين
| Quote: قتلى الحرب الأهلية مثلا؟ |
هل الحديث عن ثورة البلاشفة او ما قبلها يا رفيق؟
|
Post: #16
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-23-2021, 10:17 AM
Parent: #15
البرجوازي الجميل صلاح الزبير,
يا مان, لا تفتح باب الحمبكة, ودعه لحكم محايد.
نص كلامي ما فهمتو صاح. ولا تزال نفس المشكلة في طريقة النقاش. "سعادتي" لم يطلب منك تمشي تفتش ردود لأسئلتي, بل السؤال كان هل عندك إستعداد وضع المصادر الأخرى بعين الإختبار.
شفت كيف؟
لو إنت عارف وأنا عارف أصلا "فساد الفكر الماركسي" ما كان اتعملت حولية هنا بإسمك من أصله. حولية ود الزبير :)
عموما مشكور على إجابة السؤال: العشرين مليون ضحية إذن في عهد لينين وستالين حسب كلامك.
إقتراحي, لو ما عندك مانع, أن نبدا من البداية وعشان خاطر النظام والتسلسل أن نقسم الفترة التاريخية:
أول فترة: من بداية حكم البولشفيك إلى نهاية الحرب الأهلية في روسيا (وعندما أقول روسيا أقصد الإتحاد السوفييتي بشكل عام) إلى نهاية الحرب الأهلية هناك.
بداية عهد لينين إبان الثورة البولشفية في أكتوبر 1917. ويستمر بما يشمل نهاية الحرب الأهلية الروسية حوالي نوفمبر 1920
والضحايا في تلك الفترة. ونجيب المراجع ونشوف بعين العقل الضحايا والجناة, موافق؟
|
Post: #17
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 05-23-2021, 10:38 AM
Parent: #15
الاشتراكية الماركسية أصلا بنيت علي معطيات
ومبررات تخص البيئة التي نشأت فيها
وهذه البيئة والتركيية المجتمعية للدول التي
طبقت فيها في آسيا وأوربا تختلف
في جوهر القضية عنا
ذلك في كون تلك الدول شعوبها غالبهم عمااااال
وأقلية أصحاب مال ومصانع
كان ذلك مع بداية الثورة الصناعية
فكان استغلال ظالم لطبقة العمال
مما دفع الساسة الاشتراكيون
استغلال هذا الحال للدعوة للاشتراكية
الماركسيةالتي تقف إلي جانب العمال في مواجهة
الطبقة الثرية التي تستثمر في عرقهم
دون عوائد عادلة
أما شيوعيننا المستلبين ناس حاكو حاكو
يعيشون في دولة نسبة العمال
فيها لا يصل ل5 %
وهؤلاء ال5% اجراء
لفقير مثلهم سواء كان مزارع
صاحب أرض أو زول عندو
حيطة جالوص عايز يبنيها
لا عندنا مصانع بذلك الحجم
ولا عندنا عمال يبقي المتشوعنن
ليها شنو؟
|
Post: #18
Title: Re: يا صلاح زبير, مشكلتك مع الشيوعيين شنو؟
Author: muntasir
Date: 05-23-2021, 10:46 AM
Parent: #17
الحمدلله يا عمو صلاح الزبير طلعت سليمة 😂
|
Post: #19
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-23-2021, 11:59 AM
Parent: #18
منتصر عبد الباسط,
ي ما عارف ليه أي اقتراح بعمل شروط وترتيب للأوراق طوالي الناس تخش ترفع الكهربا.
النظام ده مالو عيبو لي؟ خلي الحوار يستمر.
عشان بس أوضح ليك إنك داخل غلط وقايم بنمرة عشرة:
سجل عندك: إنت ما أمين في كلامك على الإطلاق. قلت لي "ولا عندنا عمال", متعمدا عن جهل أو سوء نية أن تذكر المزارعين. ماذا عن المزارعين يا أب عين عوية؟ طبعا لو ذكرت المزارعين كلامك حيروح شمار في مرقة, لأن الشيوعية في السودان قامت وسط المزارعين والعمال. ولا دي كمان عندك فيها كلام؟ الواحد كسلان ما عارف تاريخ بلدو, أو متلقى حجج يتعامل بانتقائية" في التاريخ يقول هذا في المقرر وهذا لا أراه. غيرك كان أشطر
أما عن زعمك
Quote:
الاشتراكية الماركسية أصلا بنيت علي معطيات
ومبررات تخص البيئة التي نشأت فيها
وهذه البيئة والتركيية المجتمعية للدول التي
طبقت فيها في آسيا وأوربا تختلف
في جوهر القضية عنا
..
أما شيوعيننا المستلبين ناس حاكو حاكو
|
فكلامك مردود عليك. لأن التجربة الشيوعية في السودان تجربة أصيلة والمراجع فيها تتطاقش.
خلاف الشيوعيين السودانيين مع "الكبار" السوفييت كان خلافا حوارا عاصفا. وتم التعرض إليه حتى في مذكرات رئيس الوزراء الأسبق يفقيني بريماكوف.
في شيوعيين سودانيين في بورتسودان حاولوا حتى يعملوا مجالس "سوفييت" في بورتسودان. لكن الحزب توصل من العمق إلى "تلسين" أو "تأصيل" الماركسية. ده كان تعريبي لـ
vernacularization
. وعدلها د. عبالله علي ابراهيم إلى سودنة الماركسية, إعترافا بفضل الزميلة رقية أبو شرف لتسمية ما حدث في الحزب الشيوعي بعد المؤتمر الثالث في 1956 "بالتطبيق الخلاق للماركسية". يعني وفقا للبيئة السودانية وليس حاكوا حاكوا يا حكيم زمانك.
الحوار ده بعمر استقلال السودان. الحزب الشيوعي السوداني هو الوحيد في منطقتنا العالمثالثية الذي شق عصا الطاعة على السوفييت. في فترة عبود كما في فترة نميري. والشيوعيون العربان الما فيهم فايدة قالوا شماتة عننا "هذا جزاء من لا يوقر كبارنا", أي كبارنا السوفييت.
راجع "الحزب الشيوعي السوداني: وطنيته وعالميته", تعريب مازن سخاروف ود. عبدالله علي ابراهيم. السنة دي 2021
أصل البحث باللغة الإنجليزية عن الأحزاب الشيوعية في الشرق الأوسط, مائة عام من التاريخ (1).
وأزيدك من الشعر بيتا, القلت عليهم ناس حاكوا حاكوا ديل, الخلاف بين الحزب الشيوعي السوداني والحزب الشيوعي السوفييتي وصل إلى درجة أن السوفييت بعثوا وفدا إلى السفارة السوفييتية في الخرطوم للتحقيق. بعد أن حذرهم الحزب الشيوعي السوداني أن انحياز السوفييت إلى الشيوعيين الذين باعوا القضية, أي أحمد سليمان وبقية المعولقين سيكون له نتائج خطيرة.
المرة الجاية إطلع على المراجع أولا. ما تقطع كلام من راسك.
===============
(1) The Sudan Communist Party: Bolshevize it O God! Abdullahi Ali Ibrahim, in Communist Parties
in the Middle East: 100 Years of History, Routledge, London 2019
Edited ByLaura Feliu, Ferran Izquierdo-Brichs
|
Post: #20
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-23-2021, 12:33 PM
Parent: #19
وعشان ما تتحجج, "سواء كان مزارع فقير مثلهم" دي موقعها شنو؟ ذكرت المزارع لكن ذكرته خصما على الشيوعية. برضو عدم أمانة منك. لأنك ذكرت المزارع فقط كمخدم فقير لعامل فقير مثله يأخذ أجرا مقابل المساعدة في الزراعة, متناسيا وجود الشيوعية وسط الفئة الأولى (المزارع الصغير) كما الثانية (الأجير). لكن الإحصاءات بتاعتك العامل والذي يستأجره برضو 5 في المية ولم تتغير. إنت قريت حساب وين يا زول؟
|
Post: #21
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 05-23-2021, 01:52 PM
Parent: #20
Quote: لكن الإحصاءات بتاعتك العامل
والذي يستأجره برضو 5 في المية ولم تتغير.
إنت قريت حساب وين يا زول؟ |
ودي الفهلوة يعني!
وين اعتبرت كلاهما داخل في 5%
ول عايز تطلع المزارع صاحب الأرض
المستأجر عامل مثل الأجير اخنق فطس؟!
|
Post: #22
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-23-2021, 02:37 PM
Parent: #21
يا زول إنت بتاع لولوة. الذي يجمع صاحب الأرض القصدتو إنت والأجير الذي يعمل له أن كليهما فقير ,"فقير مثله", إلا لو عاوز تنكر كلامك.
ديل موقعهم شنو من إحصاءاتك؟ أقلية ولا أغلبية في الشعب السوداني؟
|
Post: #23
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 05-23-2021, 03:38 PM
Parent: #22
Quote: الذي يجمع صاحب الأرض القصدتو إنت
والأجير الذي يعمل له أن كليهما فقير ,"فقير مثله",
إلا لو عاوز تنكر كلامك.
ديل موقعهم شنو من إحصاءاتك؟ أقلية ولا أغلبية
في الشعب السوداني؟ |
نعم كلاهما فقير وما كنت متخيل
أنك ما حاتفهم قصدي من ذكري لأن كليهما فقير !
صاحب الأرض والعامل الأجير
لكن طالما مافهمت لماذا ذكرت ذلك نشرح لك لعلك تفهم دون مكابرة
علة الشيوعية والاشتراكية في أن تنصف وتعدل بين صاحب العمل الغني
صاحب المصانع والمزارع الكبيرة الواسعة عالية الانتاج والعامل الأجير
في البلاد الأم للشيوعية هذا هو النموذج الأصل
أما التقليد في أن الخادم والمخدم والأجير والمستأجر
والعامل وصاحب العمل كلهم فقراء لا ظلم واقع أصلا
علي العامل الأجير فالاشتراكية حاصلة بطبيعة الحال
|
Post: #24
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-23-2021, 04:09 PM
Parent: #23
يا عمك إنت بتلف وتدور. وتتحدث عن النموذج الأصل في البلاد "الام الشيوعية. والتقليد في السودان. اللفة دي لزومها شنو؟ التجربة السودانية ليست كتجربة البلاد الأم الشيوعية! وده أصلا أصل المشكلة لأنك إتهمت الشيوعيين "العندنا" بأنهم مستلبين وناس حاكوا حاكوا. وطلع إنك جاهل بالتاريخ وبأصالة التجربة الشيوعية في عمق البيئة السودانية زي ما أثبت ليك فوق.
بالنسبة للشيوعية في السودان, فخلينا أولا مع المزارع الصغير في كلامك الأول. هل هذا المزارع الصغير والعامل الذي يستأجره الأول في عداد الأغلبية أم الأقلية؟ طالما ما جاوبت على السؤال أجاوب ليك: هما في عداد الأغلبية.
طالما هما في عداد الأغلبية لماذا لم تذكرهما في إحصاءاتك الضاربة؟ لأنك ما داير تعترف بوجود الحزب الشيوعي ضمن المزارعين والعمال في الزراعة نفسها, وليس الحرفيين فقط.
صاح ولا لا؟
أما كلامك إنو ما في ظلم واقع على ده ولا داك لأنهم سوا سوا في الفقر, و"الإشتراكية حاصلة" فدي ما سبقك عليها زول. كيف ما واقع عليهم ظلم؟ لو الإشتراكية حاصلة, الرأسمالية وديتها وين؟ ومال كفاح المزارعين والحركة العمالية والناس الماتت دي, ده كلو كان فوق كم؟ كان ما كفاح لرفع الظلم ضد ا لظلم الرأسمالي؟
إنت ما سمعت بالبرجوازية في السودان ولا شنو؟ ما سمعت بالظلم في المشاريع الزراعية الخاصة, زي ما في ظلم في المشاريع الزراعية العامة, ولا حتنكرها؟
|
Post: #25
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-23-2021, 05:05 PM
Parent: #24
| Quote: جلالدونا,في رجل بي شنبو إسمو صلاح الزبير منتظرو يرد. الخط مشغول. تعال بعد بكرة. |
عيبك يا صلاح ردودك الغير مقنعة دى
بسألك ,,, انت لابس عمّة لى شنو ياخ
يا جميل انتا
عندى سؤال للسيخاروفي ده ياخ
الغريبة اشتغل بى منتصر و تكلني على جنبة
و ركنة الجنبة سببا شنبك ده ياخ
ابقى مارق و قدر شنبك
يا سخرفة ممكن تعمل لى استثا و ترد على السؤال
عملا بى مبدأ بروندافسكى شخلفتوف الذى اقرته اللجنة المركزية للحزب
فى اجتماع الفاتح من مايو سنة 1923ميلادية
|
Post: #26
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 05-23-2021, 06:10 PM
Parent: #25
طيب لو كنا حا نعتبر التاريخ مقدس
وغير قابل للنقد
حا نصنع حاضر أفضل كيف؟؟!
أنا لم أدخل معك في مغالطات تأريخية
أنا أتحدث عن نقد التجربة نفسها
وبعدين الجابركم شنو علي مسمي الشيوعية
إذا كان شيوعيتكم مختلفة ومخالفة
أسبابا ودوافعا وأهدافا وغايات؟؟؟!!!
|
Post: #27
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 05-23-2021, 06:21 PM
Parent: #26
بالنسبة للمزارعين هم أول من رحب بتغيير
الحساب المشترك ذو الروح الإشتراكية بالحساب الفردي
الذي ينصف المنتج
المهم هو الموقف العملي لمزارع مشروع الجزيرة
والمناقل تجاه الاشتراكية
|
Post: #28
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 05-23-2021, 06:22 PM
Parent: #26
مكرر
|
Post: #29
Title: Re: يا صلاح زبير, مشكلتك مع الشيوعيين شنو؟
Author: محمد محمد قاضي
Date: 05-23-2021, 07:28 PM
Parent: #1
Quote: أما التقليد في أن الخادم والمخدم والأجير والمستأجر
والعامل وصاحب العمل كلهم فقراء لا ظلم واقع أصلا
علي العامل الأجير فالاشتراكية حاصلة بطبيعة الحال |
يا منتصر إنت لو طلعت من العاصمة بيلاقيك كنابي عمال
وعشش وبيوت من القش في أطراف الحواشات والمزراع
علي طول المشاريع الزراعية وعلي الجنبة منها بتلاقيك
بيوت حديثة (إشلاقات) بي مدارسها وشفخانتها ومسجدها
وناديها وملاعبها وكهربتها وموظفين كبار وصغار من البرجوازية
أصحاب الحظوة - وديلاك لي يوم الليلة حتي موية نضيفة ما لاقنها
وديل فضلة خير طائفيتك الفاسدة (ختمية وأنصار) وما زال ناس
سيدي راكبين ضهر الناس باسم الدين والقداسة.
معليش لفينا بالبوست يا مازن ليك التحية وضيوفك الكرام
|
Post: #30
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-23-2021, 07:42 PM
Parent: #29
| Quote: الحمدلله يا عمو صلاح الزبير طلعت سليمة |
ف .. ك يا قول جقود ..
النقطتين حرف واحد ...
ج ... ك يا قول ودو ...
النقطتين حرف واحد ...
خخخخخخخخخ
|
Post: #31
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 05-23-2021, 11:48 PM
Parent: #30
Quote: وعلي الجنبة منها بتلاقيك
بيوت حديثة (إشلاقات) بي مدارسها وشفخانتها ومسجدها
وناديها وملاعبها وكهربتها وموظفين كبار وصغار من البرجوازية
أصحاب الحظوة - وديلاك لي يوم الليلة حتي موية نضيفة ما لاقنها |
الأنا عارفو مافي بيت طوب أحمر مبني
بانتاج الحواشات كلو بقروس مغتربين أو تجار
جبت ليك برجزة لي لمزارعي مشروع الجزيرة!
هناك خواجة هو الدكتور توني بارنيت استاذ علم الاجتماع
بجامعة الخرطوم في السبعينيات
صدم بالفقر الذي كان يعيشه مزارع مشروع
الجزيرة لما عاش فترة بحثه بقرية النويلة بالجزيرة
وكتب كتابه (مشروع الجزيرة وهم تنموي)
برجزة شنو يا أخوي
أما ان كنت تتحدث عن وجوب
العدالة في انفاق المال العام والخدمات
بمستوي فيه عدل وتساوي لكل الولايات
هذا ضروري ولا يحتاج لشيوعية
أما الأحزاب الطائفية انصار ختمية
خلاص أصبجوا ماضي واستطاع الكيزان
محوها من الخارطة السياسية بعد تفكيكها
|
Post: #32
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-25-2021, 10:49 AM
Parent: #31
Quote:
يا منتصر إنت لو طلعت من العاصمة بيلاقيك كنابي عمال
وعشش وبيوت من القش في أطراف الحواشات والمزراع
علي طول المشاريع الزراعية وعلي الجنبة منها بتلاقيك
بيوت حديثة (إشلاقات) بي مدارسها وشفخانتها ومسجدها
وناديها وملاعبها وكهربتها وموظفين كبار وصغار من البرجوازية
أصحاب الحظوة - وديلاك لي يوم الليلة حتي موية نضيفة ما لاقنها
وديل فضلة خير طائفيتك الفاسدة (ختمية وأنصار) وما زال ناس
سيدي راكبين ضهر الناس باسم الدين والقداسة.
معليش لفينا بالبوست يا مازن ليك التحية وضيوفك الكرام
|
سلامات محمد
أيّ حديث عن الفائزين والخاسرين في االسودان بالضرورة يستدعي معه الحديث عن علاقات الإنتاج ودرجات الإستغلال. وتلك الباء سيئة الذكر "البرجوازية". و وهو ما يصر منتصر عبد الباسط وبقية حاملي لواء البرجوازية على إنكاره.
فهم يتحدثون دائما على هامش الموضوع. يرفضون مثلا أي محاولة لتناول الخصخصة, ناهيك عن تفكيكها. فيفضلون أن يأخذوا الخصخصة كشيئ مسلم به. قال شنو, "هذا ضروري ولا يحتاج لشيوعية". ده إسمو إقتصاد ونسة ما بعد الغدا. في نفس الوقت يتهمون الطرف الآخر بالتحدث من أبراج عاجية. شايلين كوم بتاع فوقية وسطحية. وعندهم الجرأة في وصف الآخرين بها. يعني رمتني بدائها وانسلت.
البرجوازية تتشابه وإن تعددت مدارس القشرة, سواء من دكتور "نيو لوك" أم عممنجي "أولد لوك" :)
بالمناسبة, البنى بيت طوب الليلة مغترب ولا غيرو ممكن يندم بكرة بسبب علاقات السوق العكسية. لأنو الكلام المستفيد منو في دورة الإقتصاد على حساب منو. منتصر يتحدث عن أن من بنى بيوت الطوب هم المغتربون. لكن أموال المغتربين الكادحين لبناء بيوت طوب هي جزء وحسب من دورة الإقتصاد. فالرجل لا يريد أن يتورط في تناول "الذين يحلبون السستم" من الداخل في المشاريع والخدمات والتمويل البنكي. كل ذلك الطيف البرجوازي والمتبرجز بإقطاعييه وإدارييه وسماسرته معفى من الإستنطاق. الحياة ليست بيت طوب فقط أو عربية توقفها قدام البيت. هذا الفهم يمكن أن يكون معقولا فقط إذا طبق ذلك المعيار على الأغلبية. وبعد ذلك تحصيص إذا كان النشاط الزراعي والقوة الشرائية متناسبين مع الدخل بالنسبة للأغلبية.
يتحدثون عن مفاهيم مثل "النمو", "الكفاءة", "ضرورة عدم تدخل الدولة في السوق" وكأن تلك أشياء ليست جميلة وزاهية وحسب في أمخاخ البرجوازية, بل أشياء تم حسمها ولا رجعة عنها! القال منو؟ هل وفر منطق السوق الكفاف سواء للبلايين حول العالم أو للملايين في السودان؟ الخلاصة إنو يجب تحجيم البرجوازية لأنهم بتاعين نفخ ويقدمون أنفسهم كممثلين للعقلانية والمنطق. لكن فاقد الشيئ لا يعطيه . لأنهم لا يعرفون سوى الإتهامات الباطلة مثل إتهامات منتصر عبد الباسط عن "الشيوعيين المستلبين". لا يعرفون سوى القرضمة وتخريب النقاش في "حوار" الديمقراطية, أو لغة السلاح إذا اقترب الشيوعيون من السلطة بأي وسيلة.
لا, ولا يهمك. نشوف حولية ود الزبير دي تجيب شنو.
|
Post: #33
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-25-2021, 12:30 PM
Parent: #32
انا جيت و بعد اسبوع كمان
عليك لينين و بلشفته ما تسخرفنى بى بعد بكرة تانى
|
Post: #34
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-25-2021, 12:39 PM
Parent: #33
جلادلونا,
قول لأب عمة ده يبقى مارق لا بره بالأول.
قلت لي أعمل ليك إستثناء؟ لو في إستثناء لنجف موسكو بس. قوم لف, الله لا جاب باقيك
|
Post: #35
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-25-2021, 01:00 PM
Parent: #34
| Quote: قول لأب عمة ده يبقى مارق لا بره بالأول. |
اقول ليهو ليه انا مراسلة ليك| Quote: قلت لي أعمل ليك إستثناء؟ |
نعم مستنكر الطلب ليه| Quote: لو في إستثناء لنجف موسكو بس. |
و السؤال عن نجف موسكو بس اها دى حتى لو قالا سيدا المخضرم ماب تهز شعرة انت زعلتا سورى ليك ياخى
انت عاجز عن الرد ولّ خجلان من الرد ولّ التلاتة مع بعض
|
Post: #36
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-25-2021, 01:06 PM
Parent: #35
البلوتاري التايهالصحيح جلالدونا
ف شنو
ما تتوه من اسمي تانى
سمح
|
Post: #37
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-25-2021, 01:10 PM
Parent: #36
يا عمك, البوست ده عن أب عمة. أرجا الصف.
|
Post: #38
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-25-2021, 01:21 PM
Parent: #37
| Quote: يا عمك, البوست ده عن أب عمة. أرجا الصف. |
تراكا شلت و ختيت مع اخونا منتصر
ليه ما ختيتو فى الصف
اختلال رمانة ميزانك البلشفي يقدح فى سيخاروفتك
|
Post: #39
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-25-2021, 01:26 PM
Parent: #38
شلت وختيت مع منتصر لأنو رمى كلام ما ممكن أفوّتو ليهو. فكان لازم يعرف إنو داخل غلط.
|
Post: #40
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-25-2021, 01:47 PM
Parent: #39
| Quote: شلت وختيت مع منتصر لأنو رمى كلام ما ممكن أفوّتو ليهو. فكان لازم يعرف إنو داخل غلط. |
يعنى انا هسّى افهم شنو
سؤالي غلت ولّ صاح
|
Post: #41
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-25-2021, 01:51 PM
Parent: #40
يا الله الأديت سلبة الروح :)
سؤالك غلط وخنفشاري. وسؤال منتصر أغلط منو ويقدح في أساس تاريخ الحزب الشيوعي, عشان كدة رديت ليهو بالأول.
|
Post: #42
Title: Re: يا صلاح زبير, مشكلتك مع الشيوعيين شنو؟
Author: Deng
Date: 05-25-2021, 03:20 PM
Parent: #41
مازن ازيك
معقولة أنت ما عارف مشكلة صلاح الزبير شنو مع الحزب الشيوعي!
صلاح الزبير كوز، تاني أنت عاوز تعرف شنوا؟
بعدين زمان كنا بنتعلم من الشيوعيين في كشف الكيزان والمندسين.
|
Post: #43
Title: Re: يا صلاح زبير, مشكلتك مع الشيوعيين شنو؟
Author: Shinteer
Date: 05-25-2021, 10:37 PM
Parent: #42
أها يا صلاح الزبير طلعت كوز في صمة خشمك. أوعك تعمل كاني ماني مع الشويعية، خليك من اخوانك الشويعيين ديلاك.
والله لو كنت عارفك كوز يا ود الزبير ما كان عرفتك ... وكان بقيت على كمال الزبير والمجموعة المطرطشة.
|
Post: #44
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-25-2021, 11:56 PM
Parent: #43
هههههههههه
مين هناك ...
اشتقتا للتيخ ... كان ليك ...
مش فاضي اليومين دي ...
يا مازن ياخي أسف والله مشغول شديد ...
|
Post: #45
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-26-2021, 00:03 AM
Parent: #44
| Quote: وكان بقيت على كمال الزبير والمجموعة المطرطشة. |
كوز شنو يا شنتير ... ود الزبير دا ومجموعتو هم
الجايبين لي الشتيمة دي ... أوع تكون معاهم ...
|
Post: #46
Title: Re: يا صلاح زبير, مشكلتك مع الشيوعيين شنو؟
Author: محمد الزبير محمود
Date: 05-26-2021, 09:32 AM
Parent: #45
غايتو يا ود الزبير البلاشفة ديك بعاااد لكن عندنا انتاج محلي :
غنى الشاعر محجوب شريف لمايو:-
يا فارسنا ويا حارسنا
يا بيتنا ومدارسنا
كنا زمن نفتش ليك
وجيتنا الليلة كايسنا
يا حارسنا
حبابك ما غريب الدار
وماك لي حقنا الودار
كنا زمن نفتش ليك
وجيتنا الليلة كايسنا
يا حارسنا
جيتنا وفيك ملامحنا
بعد يا مايو ما يئسنا
بنرجع ليك توصينا
بنسمع ليك تحدثنا
بيك يا مايو
يا سيف الفدا المسلول
نشق أعدانا
عرض وطول
حلفنا نقيف ونتحزم
نشد الساعد المفتول
عشان نبدي اشتراكية
ونرفع راية هم خلوها
فوق السارية متكية
دقت ساعة كانت نجمة
في أعماقنا منسية
كنا زمن نفتش ليك
وجيتنا الليلة كايسنا
يا حارسنا
في حكاياتنا مايو
في شعاراتنا مايو
ورسم شاراتنا مايو
أنت يا مايو الخلاص
يا جدارا من رصاص
يا حبالا للقصاص
من عدو الشعب في كل مكان
من عدو الشعب في كل زمان
ثم أنشد انت يا مايو الخلاص
أنت يا مايو بطاقتنا التي ضاعت سنينا
أنت يا مايو ستبقى بين أيدينا وفينا
وسنحميك شعارا وسنفديك اقتدارا
لم تكن حلما ولكن كنت للشعب إنتظار
في حكاياتنا مايو
الشاعر محجوب شريف
في حكاياتنا مايو
في شعاراتنا مايو
ورسم شاراتنا مايو
أنت يا مايو الخﻻص
يا جدارا من رصاص
يا حبالا للقصاص
من عدو الشعب في كل مكان
من عدو الشعب في كل زمان
يا شموسا في دروب الليل أشعلت النهارا
نحن شلناك وساما وكتبناك شعارا
نحن صرنابك يا مايو كبارا
واتخذناك حبيبا وصديقا وديارا
لم تكن حلما ولكن كنت للشعب إنتظارا
وتماما أصبح الصبح على الشعب تماما
وتماما نحن لا نرضى إنكسارا
أنت يا مايو بطاقتنا التي ضاعت سنينا
أنت يا مايو ستبقى بين ايدينا وفينا
وسنحميك جهارا مايو ...
وسنحميك اقتدارا مايو ...
في حكاياتنا مايو
|
Post: #47
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-26-2021, 09:47 AM
Parent: #46
Quote:
مازن ازيك
معقولة أنت ما عارف مشكلة صلاح الزبير شنو مع الحزب الشيوعي!
صلاح الزبير كوز، تاني أنت عاوز تعرف شنوا؟
بعدين زمان كنا بنتعلم من الشيوعيين في كشف الكيزان والمندسين.
|
هلا بي دينق,
يا زول! طيب أركن لي مع جلالدونا لحد ما الخط يفتح برجع ليكم. أب شنب قال مشغول :)
|
Post: #48
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-26-2021, 02:53 PM
Parent: #47
Quote: بيك يا مايو
يا سيف الفدا المسلول
نشق أعدانا
عرض وطول
حلفنا نقيف ونتحزم
نشد الساعد المفتول
عشان نبدي اشتراكية
ونرفع راية هم خلوها
فوق السارية متكية |
الشيوعية نظام شمولي لا يعترف إلا بالحزب وحلفاؤه
من قبيلة اليسار وهو نظام دموي لا يتورع من ارتكاب
المجازر في سبيل الحفاظ على مصالحه وهو نظام احادي
لا يقبل بي أي شراكه ... وهو نظام اتخذ الإلحاد منهجا
وعادى الدين الإسلامي والمسيحي بي فظاظة يشهد بها
جمهوريات آسيا الوسطى ... إلخ
|
Post: #49
Title: Re: يا صلاح زبير, مشكلتك مع الشيوعيين شنو؟
Author: Hamid Elsawi
Date: 05-26-2021, 03:11 PM
Parent: #47
سلام مازن و مرحب بيك في حوش بكري و إن جات متأخرة
لكثرة المشغوليات حضوري غير منتظم في المنبر
أسمح لي بالرد علي الصديق جلال أو جلالدونا
يا جلال عرفناك مونساتي كبير في المنبر و إتونسنا معاك كتير
و نستك شيقة و ممتعة. لكن شايفك ركبت مكنة منظراتي.
منظراتي دي ما خايلة عليك.
Quote: بالنسبة للكوشوعية مصطلح نجرتو من راسي ده قبل كم شهر و نشرتو فى حيّز ضيّق
و يعنى بظاهرة سياسية اطلّت براسها فى السياسة السودانية وهى التوافق فى وجهات النظر ثم تطابق الاهداف
و المواقف بين الكوزي و الشيوعي
كمثال ... تطابق الهدف تماما فى سعيهما لإسقاط حكومة حمدوك
اكرر السؤال تفسيرك للظاهرة دى شنو كشيوعي ضليع تبع الحرس القديم
|
معقولة ما عارف الفرق يا جلال؟؟؟ طيب أساعدك و أترك الكرة في ملعبك
الشيوعين ينادوا الاعتماد علي الذات و عدم رهن قرارنا السياسي للموئد الدولية.
الشيوعيين ضد سياسة التبعية و تنفيذ قرارات الغير خاصة بالنسبة للقضايا الاقتصادية
التي ترهن مواردنا الاقتصادية و يطالب بسياسة اقتصادية نصنعها في الخرطوم
و يكون تأثيرها مباشر لصحة و تعليم و رفاهية المواطن.
الشيوعيين يطالبون بتحسين حياة المواطنين و توفير لقمة العيش الكريمة لهم
و فوق كل هذا هذه الشعارات الحزب ظل يطرحها منذ الاستقلال.
و حتي الان في اتساق و مبدئية و قدم من أجلها شهداء مدنيين و عسكريين؟
الكيزان اللعبة جديدة عليهم. و ما مبدئيين و جاتهم الفرصة و اهتموا بي اشباع
غريزة البطن و الفرج و جعلوها فوق مصالح الشعب.
طرحهم للإستهلاك و الخداع.
سؤالي ليك إذا كان الطرح واحد. من هو المبدئي و الجاد؟
و من هو الكذاب و المنافق؟
الحزب عاوز حكومة بقامة الثورة و شعاراتها و ما عاجبة الحاصل من تباطؤ و تسويف
و تماطل في تحقيق شعارات الثورة.
الكيزان عاوزين يجهضوا الثوراة عشان يركبوا في ظهر الشعب السوداني تاني.
بطل نجر مصطلحات و خليك في ونستك الظريفة.
و لك و للأسرة تحياتي التي تعرفها ... و معاوية ده فك شوطو شوية
صلاح الزبير تحياتي انت برضو مونساتي و مشتاقين لي ونستك
بعيداً عن السياسة.
تحية لكل المتداخلين و زوار البوست
و آسف للإطالة يا مازن
|
Post: #50
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-26-2021, 03:21 PM
Parent: #49
يا أب شنب.
أبقى لي مارق. الخطوط تتطاقش.
أسمع إنت لو شيكاتك زي ردودك, عليّ اليمين الناس البتتعامل معاك الضحك شرطها :)
|
Post: #51
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-26-2021, 03:55 PM
Parent: #50
| Quote: أسمع إنت لو شيكاتك زي ردودك, عليّ اليمين الناس البتتعامل معاك الضحك شرطها |
ههههه
أهلي الجبارين تجار من زمان ... داير منهم
غيييييغ يدوك حقك كاش ... لو دايرين منك
وما عندك كاش غيييييغ يبقو ليك في العزاها الله ...
أنا بقول ليك في حقايق وانتا شابكني أب عمه واب
شنب وضيف ليهم أب صلعه لي يومين حالق
على الزيرو ...
|
Post: #52
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-27-2021, 06:53 AM
Parent: #51
Quote: الحزب عاوز حكومة بقامة الثورة و شعاراتها و ما عاجبة الحاصل من تباطؤ و تسويف
و تماطل في تحقيق شعارات الثورة.
الكيزان عاوزين يجهضوا الثوراة عشان يركبوا في ظهر الشعب السوداني تاني. |
تحياتي حامد ...
نعم نحن مونساتيه ونفتخر ... 😁
بس حكاية تمشي لينا بي درب البراءة الفوقاني دا للإجابة
على سؤال زعيم المونساتيه لن يجدي ... السؤال هو ماذا
وراء الأكمة في تطابق الأهداف المشتركة بين التنظيمين؟
إذا كان هدف الكيزان إجهاض الثورة عشان يركبون في
ظهرنا تاني ... الشيوعي برضو يعمل جاهدا منذ الإستقلال
لبلوغ هذا الهدف ولم يستشهد عضويتهم في سبيل الشعارات
فقط كما تدعي وإنما في سبيل الوصول للسلطة وإقامة نظام
شيوعي في البلاد ... أليس هذا هو الهدف؟ وماذا يعني قيام
نظام شيوعي ماركسي بحكم بلد زي السودان؟ نحنا لو ما متنا
قاعدين نشق الترب مشيا بي رجلينا ساي كدا ...
|
Post: #53
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-27-2021, 07:48 AM
Parent: #52
يا أب شنب,
نعيما, أحلق زيرو, إن شالله تحلق ميطي. المهم تكون على قدر كلامك. إتهامات بالكوم وأول ما أقترح عليك "تحري" تخش وتمرق, مرة تقول مشغول ومرة تبرطع.
قلت عشرين مليون في عهد لينين وستالين. قلت ليك ما رأيك في الإقتراح:
Quote:
عموما مشكور على إجابة السؤال: العشرين مليون ضحية إذن في عهد لينين وستالين حسب كلامك.
إقتراحي, لو ما عندك مانع, أن نبدا من البداية وعشان خاطر النظام والتسلسل أن نقسم الفترة التاريخية:
أول فترة: من بداية حكم البولشفيك إلى نهاية الحرب الأهلية في روسيا (وعندما أقول روسيا أقصد الإتحاد السوفييتي بشكل عام) إلى نهاية الحرب الأهلية هناك.
بداية عهد لينين إبان الثورة البولشفية في أكتوبر 1917. ويستمر بما يشمل نهاية الحرب الأهلية الروسية حوالي نوفمبر 1920
والضحايا في تلك الفترة. ونجيب المراجع ونشوف بعين العقل الضحايا والجناة, موافق؟
|
بعد أكتر من خمسين مداخلة, ولسع ما عرفت منك حق ولا باطل.
|
Post: #54
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-27-2021, 08:33 AM
Parent: #53
😃😃😃
لا لا لا يا رفيق ...
ياخي معقولة ... حرام عليك ... انا ما كادر عندكم ...
طبعا ما موافق ... شوف ليك جوكي من عنديكم يخم
ليك التاريخ الأسود دا من النت عشان تنقحو زي ما عايز
وتنفي حكاية ال ٢٠ مليون ضحيه ... وبعد داك ليك علي
نجيب ليك تفاصيل التفاصيل عن هؤلاء الضحايا ...
|
Post: #55
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-27-2021, 08:39 AM
Parent: #54
يخموا من النت يا كبير.
إنت ما تقول غلبني عديل. ده إفلاس عديل.
حلييييل الرجال البركزوا مكان الفزعة.
|
Post: #56
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-27-2021, 08:59 AM
Parent: #55
ههههههه
يا أب شنب ... يا أب عمة ... يا كبير ...
دا العلموك ليهو في مدرسة الكادر كإسلوب
سالب مع محاوريك ... هههه ... ما علينا ...
بعدين موضوع الرجالة دا دخلو شنو في ما
نتحاور فيهو ... شوية منطق لا يضر ...
إنتا هنا بتدافع كشيوعي عن ما تراهو
اتهام (٢٠ مليون ضحية قتلهم الشيوعيين
بتهمة عدم الإنتماء للشيوعية) دا غير
اتهامات لاحقة ذكرتها انا من خلال مداخلاتي
هنا ... وإلي الآن لم تأتي بدفوعات تنفي أو
ترفض فيها هذه الاتهامات وركزت تماما في
شنبي وعمتي ... والأنكأ من ذلك عايز تشغلني
كمان أدافع عنك وعن حزبك ...
هههههه ... ما داير اقول ليك قوم لف ... لكن
تستحق بتاعت محمد مصطفى .. قوم يا عاطل ...
|
Post: #57
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-27-2021, 09:06 AM
Parent: #56
يا عمك إنت من داخل هذا البوست آخر من يتحدث عن المنطق.
أثبت إنك مهرج فقط. أي شخص يرفض النظام هو مهرج ليس أكثر.
أي زول من الشارع ممكن يرمي إتهامات. لمن بقينا على التحري نطيت.
وفي النهاية قلت لي أمشي النت. قوم لف إنت يا "أب شنب"
|
Post: #58
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-27-2021, 09:17 AM
Parent: #57
وحاة سيدي حسن كيسك فاضي ...
فتك بعافية ... والعاقبة عندكم في المسرات ...
|
Post: #59
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-27-2021, 09:19 AM
Parent: #58
يا "أب شنب,
كيسي خلك منو. ورينا جمال خطوتك
|
Post: #60
Title: Re: يا صلاح زبير, مشكلتك مع الشيوعيين شنو؟
Author: Shinteer
Date: 05-27-2021, 02:17 PM
Parent: #59
| Quote: كوز شنو يا شنتير ... ود الزبير دا ومجموعتو همالجايبين لي الشتيمة دي ... أوع تكون معاهم ... |
تعرف يا صلاح يا كوز، كمال الزبير بقى مليونير، والعهدة عليه، وبرضو شيوعي ليوم الليلة. وخليك من الشويعيين التانيين أصحابو ديلاك ... جنس عنطزة وفنطزة، والله حيروني. انت قاعد هناك تجابد في الفاضي، مرة يطلعوك كوز ومرة زير ... ويمكن بعد كم يوم يطلعوك أنصاري سنة.يا زول اجتهد مع شيخنا عمرين، وللا اسمو شنو هو!! نسيتو، يمكن يجيب شيء. لكن والله عجبني اتهام الناس ليك بأنك كوز ... يا كوز. أبقى عافية. أنا غايتو ضحكت في كوزنتك دي. يا كوز يا أيها الكوز. وعاش كفاح الطبقة العاملة نفسها عاملة.
|
Post: #61
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-27-2021, 07:17 PM
Parent: #60
سلام يا صاوينا Quote: معقولة ما عارف الفرق يا جلال؟؟؟ طيب أساعدك و أترك الكرة في ملعبك
الشيوعين ينادوا الاعتماد علي الذات و عدم رهن قرارنا السياسي للموئد الدولية.
الشيوعيين ضد سياسة التبعية و تنفيذ قرارات الغير خاصة بالنسبة للقضايا الاقتصادية
التي ترهن مواردنا الاقتصادية و يطالب بسياسة اقتصادية نصنعها في الخرطوم
و يكون تأثيرها مباشر لصحة و تعليم و رفاهية المواطن.
الشيوعيين يطالبون بتحسين حياة المواطنين و توفير لقمة العيش الكريمة لهم
و فوق كل هذا هذه الشعارات الحزب ظل يطرحها منذ الاستقلال.
و حتي الان في اتساق و مبدئية و قدم من أجلها شهداء مدنيين و عسكريين؟
الكيزان اللعبة جديدة عليهم. و ما مبدئيين و جاتهم الفرصة و اهتموا بي اشباع
غريزة البطن و الفرج و جعلوها فوق مصالح الشعب.
طرحهم للإستهلاك و الخداع.
سؤالي ليك إذا كان الطرح واحد. من هو المبدئي و الجاد؟
و من هو الكذاب و المنافق؟
الحزب عاوز حكومة بقامة الثورة و شعاراتها و ما عاجبة الحاصل من تباطؤ و تسويف
و تماطل في تحقيق شعارات الثورة.
الكيزان عاوزين يجهضوا الثوراة عشان يركبوا في ظهر الشعب السوداني تاني.
بطل نجر مصطلحات و خليك في ونستك الظريفة.
و لك و للأسرة تحياتي التي تعرفها ... و معاوية ده فك شوطو شوية
صلاح الزبير تحياتي انت برضو مونساتي و مشتاقين لي ونستك |
ياخى لازم يحصل تطوّر انت ما مؤمن بى نظرية النشوء و التطوّر
ياخى كلامك على العين و الراس لو كانت الامور طبيعية
عندك مثلا مسألة الديون
كلها بيد دول و مؤسسات مالية و تجمعات رأسمالية
يعنى مافى حل الا تتعامل مع الرأسمالية دى عشان تتحل من التبعية دى
لانو التبعية حصلت من زمن عبّود و ما جابتا الحكومة دى
حسب شوفي انو الحزب يقيف مع الحكومة فى مسألة الديون دى تحديدا حتى يتم اعفاءها
و بعد ذلك لكل حادث حديث و لكل مقام كلام
الشى التانى انا لوقفت لى موقف يستفيدمنّو او يستغلّو الكوز طوالى بتبرّأ منّو
خلينا فى الهم الاول و هو الخروج من الحفرة العميقة دى
و نصل لى زيرو ديون و تتجرك عجلة الانتاج و نمد رجولنا قدر لحافتنا
اخونا و صديقنا معاوية ياهو زى كلامك ده
يتحدّث عن التبعية و هو غرقان لى شوشتو فى التبعية
القراية الواقعية للظروف الحالية هو ان يضع الحزب يده فى يد الحكومة
و يقفل الباب البجيب ريحة الكوز
____
نحنا لسّه فى الصف
دينق مشر قال هو ما بتاع صفوف
و حاجاتو ديلفري
|
Post: #62
Title: Re: يا صلاح زبير, مشكلتك مع الشيوعيين شنو؟
Author: adil amin
Date: 05-28-2021, 04:25 AM
Parent: #61
مشكلة الكيزان والشيوعيين(( طيزين في لباس)) وبرفسو الختمية وكيسهم فاضي من جو السودان من مصر ...
يا جلادونا
https://top4top.io/
زح من البوست خلي مازن يمعط لينا صلاح الزبير ده من زمان عامل لي صمرقع
|
Post: #63
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-28-2021, 07:25 AM
Parent: #62
| Quote: خلي مازن يمعط لينا صلاح الزبير |
جقود صاحبي ...
يمعطك شيخ العير ...
-----------
بوست ابوحسين طالبين منك ليركس قردي كارب
للمتشويع حيدر الزين لينا يومين ...
|
Post: #64
Title: Re: يا صلاح زبير, مشكلتك مع الشيوعيين شنو؟
Author: adil amin
Date: 05-28-2021, 07:51 AM
Parent: #63
Quote: جقود صاحبي ...
يمعطك شيخ العير ... |
انا مالييييي انا مالييي
انا بي شيخي الحمدالله السيد علي الميرغني ابو هاشم ما عندي فراغ روحي وعندي قبة وحواكير ما من ناس الخرتوم
و ما عندي فراعغ سياسي مركب مكنة حركة شعبية وما خزلني جعفوري وخد لك نظرة في البروفايل وصلي علي النبي
وما عندي فراغ فكري الاستاذ محمود قدها وقدود زي ما بقولو الخلايجة
وما عندي اضطرابات هوية كوشي وافتخر والاهرامات في بلدنا الكرو
وما رايح لي درب في موية
شيخ العير ده شيخ قحت من حدها لي قدها والانصار كمان الابو قبة المهدي القبة العريقة البتضوي الليلة وقعدو مع بعاعيت قحت ضيعو الشباب
والما عنده شيخ شيخ العيير شيخو
ناس مازن جديدين في البورد
ما عارفين شيخ العير ده الوحيد العنده قبة في البورد
شيخ الشيوعيين بس ...
|
Post: #65
Title: Re: يا صلاح زبير, مشكلتك مع الشيوعيين شنو؟
Author: adil amin
Date: 05-28-2021, 07:58 AM
Parent: #64
Quote: بوست ابوحسين طالبين منك ليركس قردي كارب
للمتشويع حيدر الزين لينا يومين ... |
والله حيدر الزين ده حلجني عديل كده
مسكين قاعد في المملكة بي فيزة قرد
وفي ازمة موز الايام دي
كملت القرود معاه ما نفع
لا عايز يبقي ختمي ولا عايز يبقي حوثي خيرة الله في امرو
لكن مازن ده بذكرني القميص التحرمني منك والشارلستون والسبيعنات وحملي ليلة السبت والشري ابو مفتاح داك
ياخ الشيوعيين بقو ليبرليين وامريكيين وهو في ماركس قال وطالع بينا بي الدقاق
ياخ الختمية القلتو رجعيين الدارونية السياسية السودانية خلتهم اعظم حلفاء للحركة الشعبية العظمية مشروع القرن21 في السودان
وانتو قاعدين مع بعاعيت قحت ومايو وترفسو في السودان حاصل فارغ
معقول شيوعي يقعد مع زول مباري صدام حسين وعبدالناصر لحدي هسة
كل قحاتي بعاتي لكن ما كل بعاتي قحاتي
هسة ابو الحسين ده بعاتي لكن ما قحاتي
|
Post: #66
Title: Re: يا صلاح زبير, مشكلتك مع الشيوعيين شنو؟
Author: muntasir
Date: 05-28-2021, 11:01 AM
Parent: #65
جنكو السيد علي الميرغني ما أبوهاشم السيد محمد عثمان هو أبوهاشم
|
Post: #67
Title: Re: يا صلاح زبير, مشكلتك مع الشيوعيين شنو؟
Author: adil amin
Date: 05-29-2021, 03:10 AM
Parent: #66
| Quote: جنكو السيد علي الميرغني ما أبوهاشم السيد محمد عثمان هو أبوهاشم |
هذا مبلغك من العلم
شكرا علي المعلومة المفيدة جدا يا بامبرز المركز
|
Post: #68
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-29-2021, 04:55 AM
Parent: #66
| Quote: جنكو السيد علي الميرغني ما أبوهاشم السيد محمد عثمان هو أبوهاشم |
هو كمان ما عارف سيدو منو
ده زول طاشّى و رليح ليهو الدرب
منّو العوض و العوض جاز
ده اذا جاز الامر
|
Post: #69
Title: Re: يا صلاح زبير, مشكلتك مع الشيوعيين شنو؟
Author: adil amin
Date: 05-29-2021, 05:01 AM
Parent: #68
Quote: هو كمان ما عارف سيدو منو
ده زول طاشّى و رليح ليهو الدرب
منّو العوض و العوض جاز
ده اذا جاز الامر |
(.....)
|
Post: #70
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-29-2021, 06:01 AM
Parent: #69
جلالدونا,
أب شنب طلع مونساتي مرض.
هل مكتفي برد الصاوي؟ ولا عندك باقي
|
Post: #71
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-29-2021, 06:15 AM
Parent: #70
Quote: طلحة عبدالله
................
أنا ما قلت أية حاجة يا مازن بتفرج وبتفاعل بس
|
حولية وهيلمانة يا كافي البلا, والمحتفى به راقد في الواطة. حق الفطور ما عندو
|
Post: #72
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-29-2021, 06:31 AM
Parent: #71
Quote: Deng
مازن ازيك
معقولة أنت ما عارف مشكلة صلاح الزبير شنو مع الحزب الشيوعي!
صلاح الزبير كوز، تاني أنت عاوز تعرف شنوا؟
بعدين زمان كنا بنتعلم من الشيوعيين في كشف الكيزان والمندسين.
|
هلا بي دينق,
كويس البوست ده مرقك. كوزية صلاح الزبير لا علم لي بها. لكن قلت ليهو من قولة تيت, أسلوبك في الحوار أسلوب كيزان.
هو عاوز يرمي بالإتهامات على أساس انها حقائق. ولمن نجي على الضبط والربط جقلب وقال أمشي خمو من النت وما شغال كادر عندكم.
كوز أو ليس كوزا, دي أخلاق كيزان .. شغل حربويات .. إشانة سمعة ببلاغ كاذب دون مسؤولية تحري.
ومعاها افتراء كمان.
إيه رأيك بالله في الحلاقة الإتحلقت ليهو دي؟ بعد ده حأسميهو صلاح مِعيط.
:)
|
Post: #73
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-29-2021, 06:57 AM
Parent: #72
| Quote: أب شنب طلع مونساتي مرض. |
Quote: والمحتفى به راقد في الواطة. حق الفطور ما عندو
|
| Quote: دي أخلاق كيزان .. شغل حربويات .. ومعاها افتراء كمان. |
شخ اروف ...
يا زول في شنو ... موصر تبعر بعد ما قتا واي خلوني ...
الناس البتقرا بي عقلا عارفا التاريخ الفضيحة لي دينك دا ...
والقلناهو هنا حقايق موثقة في (النت) مش في سحارة حبوبتك ...
ودا جزء بسيط من بلاوي مجكنة في تاريخ دينكم مافي عاقل
بباريها ... وليك علي حا أردم ليك البوست دا ببعض مخازي من
تتشدق بالولاء لهم ...
ابيت تدافع عن الإتهامات ووريناك (جميل خطواتنا) خارج البوست
تاني قلة الأدب لزوما شنو ... إنتا ما في واحد اداك نصيحة إنو تختا
دربي ... النشوف حا نصل معاك لي وين ...
|
Post: #74
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-29-2021, 07:02 AM
Parent: #73
صلاح مِعيط
ده كلام منو:
Quote:
وحاة سيدي حسن كيسك فاضي ...
فتك بعافية ... والعاقبة عندكم في المسرات ...
|
حلييييل زمن الرجال كانوا بمسكوهم من لسانم يا أيها الخرخار الشمشار.
:)
|
Post: #75
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-29-2021, 07:36 AM
Parent: #74
هههههههه ... هسي البعير وقلة الأدب دي كلها عشان
قنا كيسك فاضي عدمان النبقه ...
كان أحسن ليك تاكلا في حنانك وتنطم تسكت ...
لأنك إنتا بس العارف كيسك مليان ولا فاضي ...
وإذا دي مشكلتك تبقى بعد كدا الناس تفتشك ...
أهو أديتنا فرصة حا نوريك المكشن بلا بصل ونوري
عزيزي القاريء ملامح من التاريخ الفضيحة للحزب
الشيوعي وليييييه عندنا أتباع لهذا الحزب في بلد
زي السودان ...
|
Post: #76
Title: Re: يا صلاح زبير, مشكلتك مع الشيوعيين شنو؟
Author: أحمد محمد عمر
Date: 05-29-2021, 09:00 AM
Parent: #75
لا حول ولا قوة إلا بالله
يا اخوانا البورد مفتوح ومعانا عوائل
الناس تحافظ على ألفاظها شوية
أشجب وأدين شتيمة جلالدونا بالألفاظ المحذوفة أعلاه
|
Post: #77
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-29-2021, 09:34 AM
Parent: #76
صلاح معيط,
زول يقول "فتك بعافية" ويرجع تاني ده يقولوا عليهو شنو. كضاب بس.
Quote:
أهو أديتنا فرصة حا نوريك المكشن بلا بصل ونوري
عزيزي القاريء ملامح من التاريخ الفضيحة للحزب
الشيوعي وليييييه عندنا أتباع لهذا الحزب في بلد
زي السودان ...
|
قلت لي "حا" نوريك؟ يا مِعيط إنت حشاش بي دقنو. أها دي فوق السبعين مشاركة داخل البوست وانت لسع بتسخن في مديدتك. أهلنا قالوا العندو بخور بنشم.
|
Post: #78
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-29-2021, 04:19 PM
Parent: #77
Quote: أب شنب طلع مونساتي مرض.
هل مكتفي برد الصاوي؟ ولا عندك باقي |
لالا عندي باقى
تلقاهو فى ردّي على اخونا الصاوي
_____
Quote: لا حول ولا قوة إلا بالله
يا اخوانا البورد مفتوح ومعانا عوائل
الناس تحافظ على ألفاظها شوية
أشجب وأدين شتيمة جلالدونا بالألفاظ المحذوفة أعلاه |
هههها ,,, والله الشتيمة ام نقط دى حارة خلاص
خاصة اذا بقى معاها عضّة اصبع
شكر للمؤازرة ياخ
و نردها ليك فى البوست المعفوص فوقو داك
|
Post: #79
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-29-2021, 05:49 PM
Parent: #78
| Quote: زول يقول "فتك بعافية" ويرجع تاني ده يقولوا عليهو شنو. كضاب |
شخا في ابروف ...
فتك بعافية دي يا حمار المفروض تاني ما تجيب
سيرتي ولا أجيب سيرتك ... امشي شوف البعير
البعرتو بعد ما فتا منك في تلاتة مداخلات متتالية ...
منتظر مني اقرأ خراك دا واعمل رايح ولا كيف ...
حوار غلبك التسويهو ... تقل ادبك تاخد في صنقوعك ..
|
Post: #80
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-29-2021, 07:00 PM
Parent: #79
صلاح مِعيط
"حمار", "بعر", ده كلام البيئة بتاعتك. البيئة أعيت من يداويها.
ما أخلاق كوز وبس. كوز صغير عوير ينبز كالنسوان.
مهرج ليس إلا. وبتاع دراما كمان
|
Post: #81
Title: Re: يا صلاح زبير, مشكلتك مع الشيوعيين شنو؟
Author: عبد الله حسين
Date: 05-29-2021, 09:55 PM
Parent: #80
سلام يا مازن
| Quote: عشرين مليون في ياتو فترة تاريخية؟ قتلى الحرب الأهلية مثلا؟ |
حتى الآن ليس هناك إجابة على سؤال البوست، ولن تكون هناك إجابة، لأن الموضوع كله يندرج في إطار البروباغندا والدعاية المُضادة السياسية والفكرية والإيديولوجية، والدليل اضطرابهم وتناقضهم المخجل في إيراد الأرقام، التي تتراوح بين مئات الآلاف إلى 60 مليون، وحسب مزاج الكاتب، ومعظمهم هؤلاء الكتاب من الدول الغربية، وليس هناك أي رقم يستند إلى مصدر موثوق، وهذا لا يعني أنه لم تكن هناك جرائم في عهد ستالين، بل كانت هناك جرائم طالت مئات الآلاف بالتأكيد، وفي المقابل فإن ستالين جعل من الإتحاد السوفييتي إحدى القوتين العظميين في العالم، وهذه هي الحقائق المجردة، ولكن العجيب أن القادة الغربيين أنفسهم، ومنهم ونستون تشرشل، كانوا رغم الجرائم الستالينية " عشرات المليونية " المزعومة، معجبين بستالين!، وهم في واقع الأمر يفوقون ستالين إجراماً بعشرات السنوات الضوئية، من حيث الأرقام ومن حيث وحشية هذه الجرائم، ومنها جرائم الاستعمار البريطاني والفرنسي والألماني وغيرها من الدول الأوروبية، وجرائم هذه الدول الأوروبية في حروبها الطاحنة ضد بعضها البعض، وجرائم الإبادة الجماعية بحق الهنود الحمر والسود في أمريكا، ولكن بسبب قوة عين وعدم خجل الآلة الإعلامية الغربية يستمر تقديم هذه الدول المجرمة وقادتها كأنهم حملان وديعة تعمل من أجل خير الإنسانية، ومُدافعة عن الديمقراطية والليبرالية وحقوق الإنسان، ويدها نظيفة وبدون قطرة دم واحدة، بينما يتم في المقابل شيطنة الإتحاد السوفييتي شيطنة مبالغ فيها، وطبعاً الكثيرون لا يشترون هذه الصورة المزورة المفبركة بنكلة أو مليم أحمر مقدود، ويتم مواجهتهم بجرائم دولهم وقادتهم وفي منابرهم الإعلامية الكاذبة، ولكن مع ذلك هناك من يشتري ذلك لسبب مغرض مثل صلاح زبير، الذي لا يكلف نفسه عناء التدقيق والتحقق من مثل هذه الأرقام المبذولة في سوق الله أكبر الإسفيري، لأنها تصادف هوى في نفسه، يرفعها ككارد في وجهنا بين الحين والآخر، متوهما أنه يستطيع اسكاتنا، في الوقت الذي فشل فيه أصحاب الشيء ذاتو في ذلك، وإلى جانب كارد آخر وهو اقحام الدين في النقاش السياسي والفكري لإرهاب الخصوم، وهو يمضي في ذلك على خُطى الكيزان، الذين دكت ثورة ديسمبر العظيمة دولتهم الدينية الكهنوتية الرسالية المهووسة إلى الأبد، ولكن الأهم من كل كذلك ويا للعجب، أن ستالين ما زال حتى اليوم محط إعجاب وتقدير غالبية الشعب الروسي، حيث وصلت هذه النسبة إلى 70 بالمائة، وخصوصاً بين الأجيال الشابة بين 18 إلى 24 عاماً، وذلك رغم الجرائم " عشرات المليونية " المزعومة في حقهم كشعب روسي، ورغم تاريخ متطاول من الشيطنة الداخلية والخارجية، فسيد الحق راضي شن دخل القاضي النحرير صلاح زبير، وخصوصاً أنه يقفز قفزة بهلوانية بزانة وهمية للدفاع عن الشعب الروسي، وعامل نايم وميت من الجرائم التي وقعت في عمق داره، في الجنوب ودارفور، مما يشي بأن الأمر كله مغرض، وقد قيل أن الغرض مرض، لأن صاحب الغرض لا يبحث حقائق أو معلومات صحيحة، فهو يبحث فقط عن ما يعضض غرضه، ولحسن الحظ أن هناك وعياً متصاعداً في العالم، يستفيد إلى أقصى حد من تدفق المعلومات وتعدد المنابر الإعلامية، التي لم تعد حكراً على الآلة الإعلامية الغربية، ولم يعد الناس يتلقون معلوماتها وأخبارها كأمر مسلم به ودون تفحص ومسائلة، وفي النهاية لا يصح إلا الصحيح والحق في التاريخ.
يا صلاح زبير
لقد أقمنا مؤتمراتنا من حُر مالنا، وإذا عندك ما يدحض ذلك فآتينا به، ما يبقى كلام ساي وهمز ولمز، وقاعة الصداقة هي هدية من الحزب الشيوعي الصيني، وهي قاعة للشعب السوداني، فأتمنى بناء على شيوعيتها ألا تدخلها أنت مدى الحياة، وألا يدخلها الكيزان وجماعات الهوس الديني وكل منظمات وأحزاب اليمين وبرهان وحميدتي وكباشي، بل أن القصر الجمهوري الجديد نفسه هو هدية من الحزب الشيوعي الصيني، تاني شنو، فمن عليه أن يخجل هو اليمين السوداني، الذي عليه أن ينطم ويغلق فمه بالطين والعجين، وأتمنى أن يعقد الحزب الشيوعي مؤتمرة السابع في أحد قاعات القصر الجمهوري الجديد، وهو قصر الشعب، وليس قصر اليمين، وتواجد الحزب الشيوعي في أحد قاعاته أو في قاعة الصداقة هو أمر طبيعي ومنطقي أكثر من تواجد أي حزب آخر.
|
Post: #82
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-29-2021, 10:18 PM
Parent: #81
عبدالله حسين,
زمن رمي الإتهامات في وجه الشيوعيين بعنوانين كبيرة ثم قيام صاحب العنوان بالإختفاء والقرقرة قد ولى.
تمانين مشاركة ولحد الآن بيقول "حا" نوريك. حشاش بي دقنو.
"غرض ومرض". صلاح مِعيط أثبت أنه فرفار خرخار شمشار. وملكة دراما كمان
|
Post: #83
Title: Re: يا صلاح زبير, مشكلتك مع الشيوعيين شنو؟
Author: adil amin
Date: 05-30-2021, 04:00 AM
Parent: #76
Quote: لا حول ولا قوة إلا بالله
يا اخوانا البورد مفتوح ومعانا عوائل
الناس تحافظ على ألفاظها شوية
أشجب وأدين شتيمة جلالدونا بالألفاظ المحذوفة أعلاه
|
فصك
|
Post: #84
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 05-30-2021, 05:19 AM
Parent: #83
| Quote: أن ستالين ما زال حتى اليوم محط إعجاب وتقدير غالبية الشعب الروسي، حيث وصلت هذه النسبة إلى 70 بالمائة، وخصوصاً بين الأجيال الشابة بين 18 إلى 24 عاماً، وذلك رغم الجرائم " عشرات المليونية " المزعومة في حقهم كشعب روسي، ورغم تاريخ متطاول من الشيطنة الداخلية والخارجية، فسيد الحق راضي شن دخل القاضي النحرير صلاح زبير، وخصوصاً أنه يقفز قفزة بهلوانية بزانة وهمية للدفاع عن الشعب الروسي |
يا (شيخنا) عبدالله حسين ...
الموضوع ليس ستالين ... الموضوع هو الفكر الشيوعي
والشيوعية وسطوتها ... أين كانت قبل ٣ عقود حيث
خرجت ولم ولن تعود إلى الأبد ... اليوم البلد الوحيد الذي
يدين بالشيوعية ويتخذها كنظام حكم قح هي كوريا الشمالية
حيث أنتج النظام طبقة رأسمالية واسعة من أعضاء
الحزب (تمكين أصلي) سيطرت تماما على مقدرات الشعب
بينما يرزح بقية الشعب في كيميونات السخرة والعبودية ...
وحتى الصين التي تمكن ماو الشيوعي من ذبح اكتر من
٦٠ مليون صيني لترسيخ الحكم الشيوعي تمكنت من
التخلص التدريجي عن هذا الفكر واليوم الصين تنافس
وصارت فعلا البلد الأول رأسماليا وانزوت الشيوعية
غير مأسوفا عليها ... الشيوعية كانت موضة جذابة
في ستينيات وسبعينيات القرن الماضي بفضل تبنيها
لثورات التحرر من نير الإستعمار وبفضل تبنيها لمطالب
الطبقة الأدنى الكادحة ... ولكنها كنظام حكم أثبتت
فشلها حيث تخلى عنها كل الدول التي كانت تدين بها
بما فيها منبع وموطن الشيوعية في روسيا والصين ...
|
Post: #85
Title: Re: يا صلاح زبير, مشكلتك مع الشيوعيين شنو؟
Author: جلالدونا
Date: 05-30-2021, 11:56 AM
Parent: #84
اهو جاتك عديل فى فثخة خشمك
يا احمد شنو شنو كده ما عارف
قسم بالله ما قدرت اعمل ليها اقتباس
انت البيوديك تهابش الكدنداية ده شنو
___
سخرفتى اذا السخرفة طال سحرفها
فمتى تستخرف علينا بسخرفة
نستخرف بها من سخرفة السخرفة
___
سيخروف
مش فى قصيدة كده بادية بى ابيت اللعن
ممكن تشوف لينا ابيت السخرفة
فى زمن حداثة الحداثة المستدحثة يعنى شنو
مع العلم محسوبك لسّ واقف فى الصف
|
Post: #86
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 05-30-2021, 02:34 PM
Parent: #85
Quote: (1)
بالنسبة للكوشوعية مصطلح نجرتو من راسي ده قبل كم شهر و نشرتو فى حيّز ضيّق
و يعنى بظاهرة سياسية اطلّت براسها فى السياسة السودانية وهى التوافق فى وجهات النظر ثم تطابق الاهداف
و المواقف بين الكوزي و الشيوعي
كمثال ... تطابق الهدف تماما فى سعيهما لإسقاط حكومة حمدوك
اكرر السؤال تفسيرك للظاهرة دى شنو كشيوعي ضليع تبع الحرس القديم
..
مش فى قصيدة كده بادية بى ابيت اللعن
ممكن تشوف لينا ابيت السخرفة
فى زمن حداثة الحداثة المستدحثة يعنى شنو
مع العلم محسوبك لسّ واقف فى الصف
|
سخرفة والإشتقاقات دي كلها جرسة منك ساكت :)
توشك في الموضوع: الكوشوعية بتاعتك ليست "يا بلدي يا حبوب, جلابية وتوب" ولكن مشاترة مثل قبة الدرويش.
لديك موقفين ينقض زعمك للتطابق والتماثل في المواقف بين الشيوعي والكوز: الموقف من التطبيع, والنظرة للإقتصاد, بما يشمل رفع الدعم عن السلع الضرورية. الإنقاذ بنيت على خمس, واسطة عقدها الخصخصة حتى الموت. بعد إنقلاب يونيو, تبنت الحكومة التوسع في تصدير المحاصيل النقدية كجزء من استراتيجية الخصخصة. الحكومة بدأت السياسة دي في عام 1992". (1) إنظر أيضا في هذا المنبر, ذكره سخاروف, بوست " مناقرات حول الإقتصاد على هامش بوست, طيران الدولار". الحزب الشيوعي لديه موقف مبدئي حول الإقتصاد لا يلتقي مع موقف الكيزان, لا بالأمس ولا اليوم.
أما بالنسبة للتطبيع, فالكوز هو أقرب الفصائل السودانية إلى إسرائيل: في الفاشية الذهنية وسحق الآخر بجانب الولاء لإسرائيل رغم التظاهر بعكس ذلك. فالكيزان جاؤوا بقوانين سبتمبر وراء "القائد الملهم" نميري, ويحتفلون "بمرور عام على تطبيق الشريعة" [bold[في ذات الوقت الذي كان خلاله الإسرائيليون شغالين القرف في تهريب الفلاشا من كسلا عبر القضارف وبورتسودان (3), ثم توج بعملية موسى في نهاية 1984. هذا تاريخ عن البيع والإرتزاق من بني كوز. ,والحركات الإسلامية من حماس إلى كيزان باالليل هم أصلا يعملون لصالح إسرائيل. فكلامك عن تطابق المواقف والأهداف تاريخيا لا أساس له.
هذا طبعا غير العداوة التاريخية بين الكيزان والشيوعيين. كان هناك تحالفات سياسية ضذ الإنقاذ جمعت "الأضداد" مثل الشيوعي والمؤتمر الشعبي. لكن يقيني أن الحزب الشيوعي استفاد من تلك التجارب الفاشلة ولن يكررها مرة أخرى.
التكملة المنطقية في رأيي (وهذا حوار داخل الحزب) هي عمل ما هو أوسع من ذلك.
بالنسبة لإقتراحك عن "الخروج من الحفرة العميقة", وضع الحزب يده في الحكومة سيكون خطئا شنيعا. فالحزب أصلا وضع يده في جزء من المكون الحكومي. واتضح أن ذلك خطأ شنيع. وقد تراجع الحزب عنه واعتذر للجماهير. الخلاصة يا جلالدونا أنه لا توجد حلول وسط مع البرجوازية. هذا ليس مجرد نكاية في الحكومة الحالية. هذا رأي مدعوم بدراسات أكاديمية وممارسة ميدانية من عمق تجربة الحزب الشيوعي. المرحومة أستاذتنا سعاد أحمد إبراهيم كانت من الذين أرادوا فهم المشكلة في تمترس البرجوازية وقدرتها على نحر الحزب كما فعلت في 1971. لا أعتقد أننا بحاجة لتجديد "البرجوازية السودانية: طلائع التنمية؟" أو إعادة إنتاج العجلة. المطلوب هو التطبيق والإلتزام بما جاء بها كمدخل لحل جذري، التخلي تماما ونهائيا يا جلالدونا عن اي تحالفات مع البرجوازية في السودان. لأن ذلك عودة للمربع الصفري المألوف والتجارب الفاشلة. البرجوازية مدعومة بالإستعمار. ودون مواجهة من العمق فسيستمر مسلسل العبث. في التاريخ وميدانيا على الأرض. التاريخ الصحيح قبل الأرض. لان ا لأرض بتاريخ مزور عرضة للتلاعب كما هو حاصل وواقع ومعايش.
السودان ليس مريضا دون عوامل مرضية. أول حاجة محتاج إلى بيئة نظيفة بلا ميكروبات. التعقيم لوقف سماسرة وبراجزة صغار يرمون بلاغات كاذبة دون أن يحدث لهم شيئ. وشغالين حرب نفسية ضد الأمة السودانية بأن المشكلة في الجين السوداني. الجين السوداني محتاج أن يتنفس هواء غير ملوث في البداية. مكافحة الفكر الجلنكابي واجب وطني.
تحريك عجلة الإنتاج يحتاج إلى "وقف النزيف" أولا. أن يصبح الدم السوداني غاليا بنص القانون لأنه أرخص ما في السوق. هذه المتباينة المغلوطة فيها اعوجاج لا يقوّمه القلم فقط.. ويحتاج ثانيا إلى وقف النزيف لمقدرات الآمة. السماسرة برة.
معليش لو في أخطاء طباعية. فأكتب تحت ضغط الوقت.
كسرة: التسلسل تنازليا للمداخلات:
Quote: (2)
ياخى لازم يحصل تطوّر انت ما مؤمن بى نظرية النشوء و التطوّر
ياخى كلامك على العين و الراس لو كانت الامور طبيعية
عندك مثلا مسألة الديون
كلها بيد دول و مؤسسات مالية و تجمعات رأسمالية
يعنى مافى حل الا تتعامل مع الرأسمالية دى عشان تتحل من التبعية دى
لانو التبعية حصلت من زمن عبّود و ما جابتا الحكومة دى
حسب شوفي انو الحزب يقيف مع الحكومة فى مسألة الديون دى تحديدا حتى يتم اعفاءها
و بعد ذلك لكل حادث حديث و لكل مقام كلام
الشى التانى انا لوقفت لى موقف يستفيدمنّو او يستغلّو الكوز طوالى بتبرّأ منّو
خلينا فى الهم الاول و هو الخروج من الحفرة العميقة دى
و نصل لى زيرو ديون و تتجرك عجلة الانتاج و نمد رجولنا قدر لحافتنا
اخونا و صديقنا معاوية ياهو زى كلامك ده
يتحدّث عن التبعية و هو غرقان لى شوشتو فى التبعية
القراية الواقعية للظروف الحالية هو ان يضع الحزب يده فى يد الحكومة
و يقفل الباب البجيب ريحة الكوز
____
نحنا لسّه فى الصف
دينق مشر قال هو ما بتاع صفوف
و حاجاتو ديلفري
|
Quote: (1)
معقولة ما عارف الفرق يا جلال؟؟؟ طيب أساعدك و أترك الكرة في ملعبك
الشيوعين ينادوا الاعتماد علي الذات و عدم رهن قرارنا السياسي للموئد الدولية.
الشيوعيين ضد سياسة التبعية و تنفيذ قرارات الغير خاصة بالنسبة للقضايا الاقتصادية
التي ترهن مواردنا الاقتصادية و يطالب بسياسة اقتصادية نصنعها في الخرطوم
و يكون تأثيرها مباشر لصحة و تعليم و رفاهية المواطن.
الشيوعيين يطالبون بتحسين حياة المواطنين و توفير لقمة العيش الكريمة لهم
و فوق كل هذا هذه الشعارات الحزب ظل يطرحها منذ الاستقلال.
و حتي الان في اتساق و مبدئية و قدم من أجلها شهداء مدنيين و عسكريين؟
الكيزان اللعبة جديدة عليهم. و ما مبدئيين و جاتهم الفرصة و اهتموا بي اشباع
غريزة البطن و الفرج و جعلوها فوق مصالح الشعب.
طرحهم للإستهلاك و الخداع.
سؤالي ليك إذا كان الطرح واحد. من هو المبدئي و الجاد؟
و من هو الكذاب و المنافق؟
الحزب عاوز حكومة بقامة الثورة و شعاراتها و ما عاجبة الحاصل من تباطؤ و تسويف
و تماطل في تحقيق شعارات الثورة.
الكيزان عاوزين يجهضوا الثوراة عشان يركبوا في ظهر الشعب السوداني تاني.
بطل نجر مصطلحات و خليك في ونستك الظريفة.
و لك و للأسرة تحياتي التي تعرفها ... و معاوية ده فك شوطو شوية
صلاح الزبير تحياتي انت برضو مونساتي و مشتاقين لي ونستك
بعيداً عن السياسة.
تحية لكل المتداخلين و زوار البوست
و آسف للإطالة يا مازن
|
----------
(1) توجد مراجع. إقرأ باسم ربك الذي خلق
(2) توجد مراجع.
(3) توجد مراجع برضو عن الجزئيتين احتفال بمرور عام على تطبيق قوانين سبتمبر, وأخذ الموساد راحتهم في استباحة الأراضي السودانية. كل ما فعله سخاروف هو ملاحظة التزامن بين الجزئيتين :)
|
Post: #87
Title: Re: يا صلاح زبير, مشكلتك مع الشيوعيين شنو؟
Author: عبد الله حسين
Date: 05-30-2021, 11:50 PM
Parent: #86
يا صلاح زبير
مداخلتك هذه زادت الطين بله، بعد أن كان عليك إثبات أين ومتى تم قتل عشرين مليون، أضفت إليهم 60 مليوناً آخرين في الصين، التي اعتبرتها دولة تخلصت من الشيوعية حسب زعمك وأصبحت دولة رأسمالية، وذلك لكي تبرر لنفسك دخول قاعة الصداقة والتجول في ردهات القصر الجمهوري بضمير مرتاح، ههههههه، لكن لسوء حظك العاثر كعدو ومقاتل ومجاهد بالوكالة ضد الشيوعية، أنظر إلى المقال الطازج أدناه الذي يدحض رأيك ويوضح رأي أصحاب الشيء ذااااتو، أعداء الشيوعية بالأصالة، في أن الصين شيوعية، ويحكمها حزب شيوعي، وذلك حتى أعود للتعقيب على المغالطات في مداخلتك.
|
Post: #88
Title: Re: يا صلاح زبير, مشكلتك مع الشيوعيين شنو؟
Author: عبد الله حسين
Date: 05-30-2021, 11:56 PM
Parent: #87
موقع الجزيرة:
خبار
|
الولايات المتحدة الأميركية
ذا هيل: الصين تفوز في الحرب العالمية الثالثة مقدما عن طريق الاقتصاد
30/5/2021
انتقد دوغلاس ماكينون المستشار السياسي والكاتب السابق لخطابات الرئيسين الأميركيين السابقين رونالد ريغان و جورج دبليو بوش، ظاهرة الإذعان للصين لدى شخصيات بارزة في هوليود والنوادي الرياضية ورجال أعمال وأكاديميين في المجتمع الأميركي واستعداد بعض الشخصيات لإذلال النفس في سبيل تجنب الإساءة للصين، حسب تعبيره.
وقال ماكينون في مقال له بصحيفة "ذا هيل" (The Hill) تناول نفوذ الصين في الولايات المتحدة الأميركية، إن من الواضح أن تلك الشخصيات تتصرف على ذلك النحو من أجل الحفاظ على تدفق الأموال الصينية إلى حساباتها المصرفية، وإن قبضة الصين الحديدية نجحت في تثبيت آلاف الشخصيات في شتى أنحاء العالم تحت إبهامها المطلي بالذهب.
ونقل عن السيناتور الجمهوري ماركو روبيو القول إن الصين "فوضت إلى الشركات الأميركية الكبرى وقادتها مهمة الضغط والدفع بالسياسات التي تصبّ في مصلحة الموقف الصيني".
وأشار إلى أن معظم تلك الشخصيات على استعداد لتجاهل انتهاكات بكين الصارخة لحقوق الإنسان من أجل الحفاظ على تدفق المال الصيني إلى جيوبها، وتساءل عما إذا كان المسؤولون التنفيذيون في هوليود ورؤساء الجامعات وقادة الأندية الرياضية الكبرى، وأثرياء شركات التكنولوجيا الكبرى سيتحدثون عن تلك الانتهاكات، مؤكدا أن الجواب معروف سلفا، وهو لا.
وقال ماكينون الذي شغل أيضا منصب مساعد خاص للسياسة والاتصالات في البنتاغون خلال السنوات الثلاث الأخيرة من إدارة الرئيس السابق جورج دبليو بوش، إن القيادة المدنية والعسكرية الصينية تتصرف وفقا لمصالح أمتها، إذ "لماذا تتعب نفسك باستخدام قوتك العسكرية عندما يكون بإمكانك إخضاع خصمك بالوسائل الاقتصادية؟".
وأضاف "سواء أراد بعض اليساريين ووسائل الإعلام الرئيسة أو الشركات الأميركية وهوليود والأوساط الأكاديمية الاعتراف بذلك أم لا، فإن الصين تعمل على تحقيق الفوز، وعادة ما يعني الفوز لدى الحزب الشيوعي الصيني سحق مصالح الولايات المتحدة بكل الوسائل الممكنة".
ورأى أن سماح الولايات المتحدة للنظام الصيني بالفوز في جميع المجالات وبسهولة أمر صادم، وقال إن "قادة الحزب الشيوعي الصيني لا بد من أنهم يكتمون شعورهم بالذهول لأن الشركات الأميركية والجامعات والكليات واستوديوهات أفلام هوليود والاتحادات الرياضية تتغذى عن طيب خاطر بأموال الحزب الشيوعي الصيني التي تتدفق إلى جيوبها".
وأضاف "إنه أمر شبيه بتسمين الدجاج والماشية حتى تؤدي الغرض وتكون جاهزة للالتهام".
وأشار إلى أن وزير الخارجية الأميركي أنتوني بلينكن تطرق إلى هذا الواقع خلال مع مقابلة مع شبكة "سي بي إس" (CBS) عندما قال "أرى أنه بمرور الوقت، تعتقد الصين أنها يمكن ويجب أن تكون وأن تظل الدولة المهيمنة على العالم".
وختم ماكينون بالقول "تخيل المفاجأة لقادة الصين (وهم يدركون) أنه من أجل تحقيق الهيمنة العالمية، وبدلا من شنّ حرب عالمية ثالثة، فإن عليهم ببساطة منح بعض الشيكات".
المصدر : هيل
|
Post: #89
Title: Re: يا صلاح زبير, مشكلتك مع الشيوعيين شنو؟
Author: muntasir
Date: 05-31-2021, 06:05 AM
Parent: #88
ياخ فهمونا يعني هسه ستالين ده كان زول كويس ولا كعب ولا نمشي نسأل في RT بالمناسبة دي انتو وين عادل عبدالعاطي هو الكان بجيب القصص دي
|
Post: #90
Title: Re: يا صلاح زبير, مشكلتك مع الشيوعيين شنو؟
Author: عبد الله حسين
Date: 06-01-2021, 10:04 PM
Parent: #89
يا صلاح زبير
بعيداً عن اليقينيات والحتميات، بخصوص أن الشيوعية لن تعود أبداً " إنت خايف وراجف مالك ههههه "، التي لا يمكن أن يقول بها ذو بصيرة، من الناحية السياسية، أو حتى من ناحية الدين الذي تقحمه في كل نقاش دنيوي، لا يمكنك القول بذلك لأنك لا تعلم الغيب ولا شنو؟، لكن الأهم هو قولك أن الصين أصبحت دولة رأسمالية، وهذا موضوع يحتمل الأخذ والرد، ويحتاج لنقاش طويل عميق ومفصل، لأن له جوانب نظرية تتعلق بالماركسية نفسها، وموضوع البوست لا يحتمل مناقشة ذلك، لكن مع ذلك أود أن أطرح عليك بعد الأسئلة السريعة وهي، أليس الحزب الشيوعي هو الحزب الذي يحكم الصين، أليس هو الذي حقق ما وصلته الصين حتى الآن، لماذا لم تستطيع الأنظمة اليمينية التي حكمت السودان منذ الاستقلال وأحزاب الأمة والاتحادي الديمقراطي والجبهة الإسلامية والمؤتمر الوطني والاتحاد الاشتراكي المايوي، بل الأحزاب في دول أخرى مثل مصر والدول العربية والأفريقية ودول أمريكا اللاتينية وحتى الدول الأوروبية أن تحقق في هذه الدول ما حققه الحزب الشيوعي في الصين، في زول ماسكن من كرعينم؟؟؟؟!!!، هذا يعني يا سيد صلاح أنه حتى لو قبلنا بالكامل ودون مناقشة قولك بأن الصين أصبحت دولة رأسمالية، وهو قول غير دقيق، أن سلوك الطريق الرأسمالي وحده لا يوصل إلى ما وصلت إليه الصين، وإلا لوصلت إلى ذلك الدول المُشار إليها أعلاه، ولذلك على الذين يقولون ويرددون على الدوام، أن الصين وصلت إلى ما وصلت إليه بفضل تحولها إلى دولة رأسمالية أن يكفون عن ذلك، لأن ذلك تسطيح شديد لأمر شديد التعقيد، والأهم من ذلك وهو الشيء الذي سيجنن بوبي، أنها بنظامها الشمولي الديكتاتوري، تفوقت على الدول " المثالية " التي يحكمها نظام ديمقراطي ليبرالي واقتصاد سوق رأسمالي، وكسحتهم كسحاً ولم يتبقى أمامها سوى الولايات المتحدة.
ما زلنا في انتظار أين تم قتل 20 مليون روسي، وما هي المصادر، وأين تم قتل 60 مليون صيني الذين أضفتهم مؤخراً، وما هي المصادر، فبدون المصادر الموثوقة يبقى الموضوع طق حنك وكلام في كلام في كلام، وترديد ببغائي للدعاية الإمبريالية الغربية، وفي المقابل أنا أقول أن الدول الغربية الديمقراطية الليبرالية الرأسمالية قتلت عشرات الملايين من البشر، وإذا عاوز المصادر سوف آتيك بها.
|
Post: #91
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 06-01-2021, 11:09 PM
Parent: #90
Quote: شلت وختيت مع منتصر لأنو رمى كلام ما ممكن
أفوّتو ليهو. فكان لازم يعرف إنو داخل غلط |
لو كنت أنا داخل غلط ما كنت
حاولت تشيل وتخت
مع أنك أصلا ما شلت عشان
تخت لأنو الختيتو ليك كان وزنو
اثقل من أن تستطيع رفعه وتحريكو
قال خشين غلط قال!
وكان حنكك لمن وريتك مبررات الشيوعية
في البلدان الأصل لنشأتها وأن هذه المبررات
لا توجد في بلادنا وأنتم كمحاكيين ومقلدين لفكرة
لا تملكون مبرراتها ومسوغاتها
كان حنكك إنو أنتم لستم محاكيون
والشيوعية عندكم تختلف
قلت ليك طالما شوعيتكم غير
الجابركم علي الاسم شنو رغم أنك
أقررت بصحة كلامي في ذكري لمبررات
الشيوعية وأنك لم تشرح
وتبين شنو الفرق بين شيوعيتكم
وشيوعية البلاد الأم!
رغم ذلك بتعتبرني خشيت غلط!!
غايتو جنس غايتو
|
Post: #92
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 06-02-2021, 07:42 AM
Parent: #91
هلا عبدالله حسين ...
| Quote: و قبلنا بالكامل ودون مناقشة قولك بأن الصين أصبحت دولة رأسمالية، وهو قول غير دقيق، أن سلوك الطريق الرأسمالي وحده لا يوصل إلى ما وصلت إليه الصين، وإلا لوصلت إلى ذلك الدول المُشار إليها أعلاه، ولذلك على الذين يقولون ويرددون على الدوام، أن الصين وصلت إلى ما وصلت إليه بفضل تحولها إلى دولة رأسمالية أن يكفون عن ذلك، لأن ذلك تسطيح شديد لأمر شديد التعقيد، والأهم من ذلك وهو الشيء الذي سيجنن بوبي، أنها بنظامها الشمولي الديكتاتوري، تفوقت على الدول " المثالية " التي يحكمها نظام ديمقراطي ليبرالي واقتصاد سوق رأسمالي، وكسحتهم كسحاً ولم يتبقى أمامها سوى الولايات المتحدة. |
دكتاتورية شمولية + نظام شبه ديمقراطي واقتصاد السوق ...
اخذت الصين من الشيوعية النظام الشمولي الديكتاتوري ووضعت النظرية
الإشتراكية في الإقتصاد والصناعة والزراعة ...إلخ في سلة المهملات مع
سبق الإصرار والترصد ... حيث رأت بأن عينها ماذا جنت كوريا الشمالية
(جارتها شمالا) من تطبيقها المنهج الشيوعي بي حزافيرو ...
تخلت الصين أيضا عن النهج الشيوعي بتأليه قيادة الحزب وصار النهج
الديمقراطي هو المتبع من القاعدة لي قمة الهرم (سكرتير الحزب) حيث
صار التغيير كل ٤ سنوات هو النهج والمنهج ... أما اقتصاديا فقد استعانت
الصين بالمنهج الشيوعي في الإدارة الديكتاتورية فقط وطبقت آليات
إقتصاد السوق والمعاملات المالية كأنها أحد أساطين البلاد الرأسمالية
الأمر الذي مكنها بالظهور كقوة اقتصادية رأسمالية منفتحة على العالم
تؤثر فيهو كقوة هايله وهي في الطريق لهزيمة رأس الرأسمالية في العالم ...
أراك تجاهلت الحديث عن كوريا الشمالية البلد الوحيد الذي يطبق
الشيوعية سياسيا واقتصاديا واجتماعيا حيث ظلم الإنسان لأخيه الإنسان
واضح وضوح الشمس في رابعة النهار ...
طبعا حكاية ما فعلته الثورة البلشفية في جمهوريات الاتحاد السوفيتي
من قتل وحرق وتعذيب وتغيير الهوية قسرا يفوق ال ٢٠ مليون ولو انكر
عبدالله حسين وما فعلته الثورة الثقافية في الصين بقيادة ماو يتوارى
رقم ال ٦٠ مليون خجلا لأنه أكبر من ذلك بكثير ... أما مسألة الدين هي
ليست اهتمام لصلاح بقدر ما هي استراتيجية شيوعية تؤمن تماما بأن
عدوها الأوحد هو الدين وما مقولة الدين أفيون الشعوب من تأليف
المسلمين او المسيحيين ...
Quote: ثانياً: ستالين والسياج الحديدي:
وهكذا ضاعت الفرصة من المسلمين، في الاستقلال، والانعتاق من الاضطهاد، واجتاح الجيش الأحمر الشيوعي، في مطلع عهد الطاغية ستالين (1924 - 1953م)، والمؤسس الحقيقي للاتحاد السوفييتي، كلَّ أرجاء آسيا الوسطى (تركستان الغربية)، ومساحتها4106000 كم2، في حين سيطرت الصين على تركستان الشرقية، ومساحتها1800000 كم2. وفرض ستالين الحكم الشيوعي الشمولي عليها، بالحديد والنار، وضرب حولها سياجاً حديدياً، عزلها عن العالم كله، وبدأت مرحلة جديدة من الانتهاكات، والقمع، والفضائع، والقهر، والتنكيل، والإبادة الجماعية، ومسخ الهوية، والحرب على الدين والقيم، وتحطيم المقومات الذاتية للمجتمع، وأدرك المسلمون، بعد فوات الأوان، أن حلمهم في تركستان الموحدة، قد حطمته سياسة ستالين، تجاه منطقتهم، فكانت كلما قامت ثورة إسلامية، انقضَّ عليها الشيوعيون، وأخمدوها بأبشع الطرق، وقد تميزت السياسة الشيوعية، بشكل عام، وسياسة ستالين، بشكل خاص، في آسيا الوسطى، بالآتي:
الحرب على الإسلام والخلق والفضيلة:
فقد بدأ البلاشفة عهدهم بإقصاء الإسلام، وأعلنوا عليه حـرباً شعواء، باعتبار الدين خرافة، وجهلاً، وأنه أفيون الشعوب، وأن الإسلام يبرر الظلم الاجتماعي، ويكرس الاستغلال الطبقي، ويناهض الحركات التحررية، والكفاح الثوري، ويدفع الناس إلى انتظارٍ بليدٍ للسعادة في الآخرة... ولذلك فقد منعوا المسلمين من الصلاة، والصيام، والحج، ومن قراءة القرآن، وأغلقوا المساجد، وحوَّلوها إلى مخازن، وإسطبلات، وأغلقوا المدارس الإسلامية، وحولوها إلى مساكن طلابية، وصادروا الأوقاف الإسلامية، وأغلقوا المحاكم الشرعية، وأحرقوا المصاحف، تحت شعار مكافحة الخرافات الدينية، ومنعوا الختان، وتعدد الزوجات، وحظروا كل الشعائر الإسلامية، وكانوا من وجدوه صائماً أجبروه على الإفطار، وصاحب ذلك هجمة شرسة لتغيير عادات المسلمين، المتعلقة بالزواج، والعلاقات الجنسية، والحياة الأسرية، وسائر الممارسات الإسلامية، واستبدالها بالممارسات الشيوعية الجديدة (الإباحية)، وتم استهداف النساء المسلمات، بصورة أساسية، فجعل قسمُ النساء في الحزب الشيوعي شغلَه الشاغل تغييرهن بشكل جذري، بداية من إقامة مؤتمر جماهيري في 8/3/1928م تحت مسمى (يوم المرأة العالمي)، لدعوتهن لحرق الحجاب، إلى الدفع بهن، بعد ذلك، إلى مستنقع الرذيلة، والانحلال، وقد جوبه هذا المشروع بمعارضة قوية، من قبل المسلمين، ولكنها لم تصمد، أمام آلة القمع الوحشية، وسياسة القبضة الحديدية الستالينية.
التعذيب والقتل والتشريد والتهجير الجماعي:
وقامت السلطات الأمنية الشيوعية، بالقبض على آلافٍ من الأئمة، والخطباء، والمؤذنين، والعلماء، نتيجة لتقـارير سرية، كانت تصـدر ضدهم؛ فقد كان في كل بيت مخبر في العهد الشيوعي، وفي أوقات كثيرة، كانوا يقبضون عليهم من دون سبب، سوى أنهم أئمة، أو خطباء، أو مؤذنون، أو علماء، فهذه تهمة كافية لاعتقالهم، وإذا كان لا بد من تهمة، فإن التهـم كانت جاهزة، وبالجملة، يكفي أن يجدوا لديك كتاباً إسلاميّاً، أو رسالة بالعربية، بل يكفـي أن يجدوا لديك رسماً للكعبة، لكي يسحقوك. وبعد أن يعتقلوهم كانوا يقومون بتصفيتهم، أو يقذفون بهم في غياهب السجون، حيث أساليبُ التعذيب التي يشيب لها الوِلدان، أو كان يتم ترحيلهم إلى صحراء سيبيريا الثلجية ليهلكوا هناك نتيجة للصقيع، والجوع، أو في معسكرات العمل الجبرية (الجولاغ). كما أنه في الفترة نفسها، قام الشيوعيون بعملية قتل وتهجير مئات الآلاف من المسلمين، بتهمة أنهم ضد الاتحاد السوفييتي. ولقي مئات الآلاف من المسلمين حتفهم، منهم أكثر من نصف مليون كازاخي، من بينهم مفكرون، ومؤرخون، وفقهاء وشعراء، نتيجة لحملات التطهير والتهجير، التي مارسها ستالين، ضد المعارضين لسياسته، كما تم إعدام عشرات الآلاف، تحت شعار التمدين الإجباري للبدو. وهناك أرقام مرعبة، حول من تم قتلهم ونفيهم من المسلمين في عهد ستالين بوسائل القمع والإرهاب، وعن طريق المجاعات المدبرة.
التفتيت العرقي وتقطيع الأواصر الإسلامية لسكان المنطقة:
على الرغم من الشعارات الشيوعية، فقد استخدم الروس النظام الشيوعي وسيلة، لفرض سيطرتهم على هذه المنطقة الإسلامية، والتي تعتبر أغنى مناطق العالم بالموارد الطبيعية، ولذلك قام المخططون الشيوعيون الروس، بتقسيمها إلى خمس جمهوريات مستقلة، في إطار الإمبراطورية السوفييتية، وهي:
أوزباكستان ومساحتها 447700 كم2، وعاصمتها طشقند، والمسلمون 88%.
وتركمانستان ومساحتها 490000 كم2، وعاصمتها عشق آباد، والمسلمون 86%.
وطاجيكستان ومساحتها143000كم2، وعاصمتها دوشنبيه، والمسلمون80%.
وكازاخستان ومساحتها 2500000 كم2، وعاصمتها المآتا، والمسلمون 52%.
وقرغيزستان ومساحتها 200000 كم2، وعاصمتها بتشكيك، والمسلمون 73%.
وتم ذلك التقسيم على أساس عرقي، ولكن بطريقة جعلت العرق الواحد يتوزع بين عدة جمهوريات، رغم أن أصل هذه الأعراق جميعاً هو العرق التركي، عدا الطاجيك، فأغلبهم فرس، ونسبتهم في طاجيكستان 56%. وهذه الجمهوريات الخمس خلقوها، وعينوا حدودها من لا شيء، وذلك من أجل تمزيق المنطقة، ومسخ هويتها، وتفتيت شعوبها، حتى يسهل إخضاعها، وإدارتها، ونهب خيراتها، وتعزيز هيمنة الأقليات الروسية عليها، وقد كان ستالين بنفسه هو الذي أشرف على هندسة هذه الجمهوريات، فقام بتشتيت مراكز الثقل الإسلامي، فيها، بين عدة جمهوريات منها، فوادي فرغانة - مثلاً - تم توزيعه على ثلاث جمهـوريات: أوزباكستان، وطاجيكستان، وقرغيزستان... وهكذا، فصارت الحدود بين هذه الجمهوريات، قنابل موقوتة، يمكن تفجيرها، في أي وقت، وصار يصعب على هذه الجمهوريات، أن تجتمع على أرضية مشتركة لمواجهة روسيا، كما صار يصعب على أيٍّ منها الوقوف بمفردها في وجهها؛ فقد جعل الروس الشيوعيون، من كل منها كياناً كسيحاً، لا تقوم له قائمة، من دون مساعدة موسكو، وهذا هو الواقع حاليّاً، بعد استقلالها المزعوم.
نشر الإلحاد وتلقينه للطلاب والعمال والفلاحين:
تضمنت المادة (52) من الدستور السوفييتي الصادر عام 1921م النص على حرية العقيدة لمواطني الاتحاد؛ أي الحق في اعتناق أي دين، وأداء الشعائر الدينية، أو القيام بالدعاية الإلحادية، وعدم اتباع أي دين... وبدلاً من أن تكفل هذه المادة للمسلمين حقوقهم الدينية، صارت ذريعة لقمعهم، وكتم أنفاسهم، ومحاربة دينهم، وفي الوقت نفسه ذريعة لنشر الإلحاد في المجتمع المسلم باعتباره محور الشيوعية، ولا قيام لها دونه، وبخاصة من خلال المناهج الدراسية التي كانت تتم صياغتها على أساس الفكر الماركسي، وكانت أيضاً تفيض بالافتراءات على الإسلام، تاريخاً، وعقيدة، وممارسة، وفي مؤتمر الحزب الشيوعي الخامس عشر، عام 1929م، أعلن الشيوعيون بزعامة ستالين حملتهم العنيفة ضد الأديان، ولفرض الإلحاد، والتي استمرت حتى بداية الحرب العالمية الثانية، عام 1939. وكان تعليم الإلحاد، يبدأ من الحضانة، ويستمر حتى آخر مرحلة تعليمية، كما شمل تعليمُ الإلحاد العمالَ في المصانع، والفلاحين في المزارع التعاونية، وذلك من خلال دورات تعليمية، وندوات كان تتم إقامتها في المناسبات، وفي غير المناسبات، لهذا الغرض، وتم إنشاء (مؤسسة الإلحاد العلمي)، للإشراف على الجهود الخاصة بنشر الإلحاد. وصاحَب ذلك إنشاءُ جمعيات لمحاربة الدين، وأخرى ملحدة، كجماعة (عصبة الملحدين) التي قامت بتنظيم حملات ضد الجوامع والمدارس الإسلامية، فأزيل الآلاف منها، وتم تحويل الكثير منها إلى أندية، ومقاهٍ، ودور لهو، وإسطبلات للخيول، وحظائر للماشية، مع طبع الكتب الفكرية والثقافية التي تروج للمبادئ الشيوعية، كمؤلفات ماركس ولينين وإنجلز، كما شجع ستالين الدعوة المضادة للدين، بين عامي 1927 - 1941م، وكان ستالين، صاحب الألف تمثال والأقوال الذهبية، يردد: «يجب أن يكون مفهوماً أن الدين خرافة، وأن فكرة الله خرافة، وان الإلحاد مذهبنا». |
|
Post: #93
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-02-2021, 07:59 AM
Parent: #92
منتصر عبد الباسط,
شيلك ختك اتحسمت وإنت ماخد ستة صفر في دعواك الأساسية "استلاب الشيوعيين". وما داير تعترف.
تبلعها بس. أو تعمل "متلازمة الخرخار"
|
Post: #94
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-02-2021, 08:15 AM
Parent: #93
Quote: عبدالله حسين
يا صلاح زبير
مداخلتك هذه زادت الطين بله، بعد أن كان عليك إثبات أين ومتى تم قتل عشرين مليون، أضفت إليهم 60 مليوناً آخرين في الصين، التي اعتبرتها دولة تخلصت من الشيوعية حسب زعمك وأصبحت دولة رأسمالية، وذلك لكي تبرر لنفسك دخول قاعة الصداقة والتجول في ردهات القصر الجمهوري بضمير مرتاح، ههههههه، لكن لسوء حظك العاثر كعدو ومقاتل ومجاهد بالوكالة ضد الشيوعية، أنظر إلى المقال الطازج أدناه الذي يدحض رأيك ويوضح رأي أصحاب الشيء ذااااتو، أعداء الشيوعية بالأصالة، في أن الصين شيوعية، ويحكمها حزب شيوعي، وذلك حتى أعود للتعقيب على المغالطات في مداخلتك.
|
غايتو الله أعلم ينفع محاسب. :)
لو داير تجيب كثافتو, تقول ليهو, المصدر يا شيخنا. أي زول من الشارع ممكن يرمي ملايينك دي.. حيقول ليك:
ما داير معاك. أمشي خمو من النت.
|
Post: #95
Title: Re: يا صلاح زبير, مشكلتك مع الشيوعيين شنو؟
Author: عبد الله حسين
Date: 06-03-2021, 10:11 AM
Parent: #94
يا صلاح زبير
أنا لا أنكر أي شيء، أنا فقط وأيضاً مازن، نطالبك بالمصادر، لأن من يكتب معلومة في منبر للحوار أو في الكتب أو في المنابر الإعلامية، فعليه أن يستند إلى مصادر موثوقة، ولن يسألك أحد إذا كان الأمر ونسة وسط الشلة في الحلة، لذا أتوقع منك أن تضع المصادر هنا لتؤكد زعمك، ولتقنعنا وتقنع القارئ، وحذاري من الوريقات الصفراء على وزن الكتب الصفراء من عينة الاقتباس في المداخلة السابقة تبعك، وإلا فإن تهربك من وضع المصادر يعني أنك لا تملك أي مصادر وتردد فقط ببغائية ما تقوله الإمبريالية العالمية.
لقد ذكرت لك في المُداخلة السابقة، أن الزعم بأن الصين قد أصبحت دولة رأسمالية غير دقيق، لأن الأمر يتعلق بجوانب نظرية تخص النظرية الماركسية نفسها، كنظرية علمية ومنهج يسترشد به الحزب الشيوعي الصيني، ولتوضيح الأمر باختصار، لأني ما زلت أرى أن موضوع البوست لا يحتمل مثل هذه المناقشة، هو أن الصين وضعت لنفسها موديلاً سمته " اقتصاد السوق الاشتراكي "، وهو يقابل موديل " اقتصاد السوق الرأسمالي "، وهو منتوج فكري يخص واقع التجربة الصينية المسترشدة بالنظرية الماركسية والمنهج الماركسي، وهذا المنتج الفكري أي " اقتصاد السوق الاشتراكي "، جاء لسد الفجوة وردم الهوة في واقع اقتصاد بلد تبنى الاشتراكية وهو خارج من منظومة دول العالم الثالث ولكن في نفس الوقت لم يبلغ ما بلغته اقتصاديات الدول الرأسمالية الغربية المتقدمة، وكان كارل ماركس قد توقع أن تندلع الثورة الاشتراكية في بلدان رأسمالية متقدمة مثل بريطانيا أو ألمانيا، ولم يتوقع أن تنفجر في واقع متخلف مثل الواقع الروسي، أي أن البناء الاشتراكي حسب الماركسية يتم في واقع بنية نمط انتاج اقتصادي اجتماعي رأسمالي متطور، بلغت فيه القوى المُنتجة " عمال وأدوات " مرحلة بالغة من التطور في ظل ثبات علاقات الإنتاج الرأسمالية، هذا الصراع بين القوى المنتجة والرأسماليين هو ما سوف يؤدي إلى اندلاع الثورة الاشتراكية، ومفهوم " اقتصاد السوق الاشتراكي " حسب الصين، جاء لسد هذه الفجوة، أي عدم تطور الصين بشكل طبيعي كنظام رأسمالي مثل حدث للبلدان الغربية الرأسمالية، ويتم كل ذلك تحت قيادة الحزب الشيوعي الصيني، وهناك مُنتج فكري آخر قريب من مفهوم " اقتصاد السوق الاشتراكي الصيني " وهو " برنامج مرحلة الثورة الوطنية الديمقراطية "، الذي يطرحه الحزب الشيوعي السوداني، ونخلص من ذلك أن قولك أن الصين أصبحت دولة رأسمالية قول غير دقيق.
إذا كان الأمر سهلاً وبسيطاً كما صورته في مداخلتك السابقة، وهنا أكرر سؤالي مرة أخرى، إذن لماذا لم تحقق الأحزاب والأنظمة اليمينية عسكرية ومدنية في السودان وفي العالم ما حققه الحزب الشيوعي الصيني، في زول ماسكم من كرعينم؟؟؟!!!، أما بخصوص تكرار أن كوريا الشمالية هي البلد الوحيد الذي ما زال شيوعياً في العالم، فهذا من نوع الكلام الذي يستحسن تجاهله، لأن في زمن الانترنت يمكنك أن تعرف في ثانية أن هناك نظام اشتراكي في كوبا وفي فيتنام، إضافة لأنظمة اشتراكية ماركسية في فينزويلا وبوليفيا ونيكاراغوا.
منتظرين المصادر لأن شكلك بقى بايخ جداً.
|
Post: #96
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-03-2021, 10:40 AM
Parent: #95
عبدالله حسين,
تطالبه بمصادر؟ يا مان ده بينقل نقل. أليس هو "المشير معيط" الذي أفتى بأن أمشي "خمو من النت"؟ :)
راجع بوست "من هو أحمد الظرافي". :)
|
Post: #97
Title: Re: يا صلاح زبير, مشكلتك مع الشيوعيين شنو؟
Author: منتصر عبد الباسط
Date: 06-03-2021, 10:51 AM
Parent: #95
Quote: شيلك ختك اتحسمت وإنت ماخد ستة صفر
في دعواك الأساسية "استلاب الشيوعيين".
وما داير تعترف.
تبلعها بس. أو تعمل "متلازمة الخرخار" |
يعني طلع أبو حسين ما خاتي عليك
وطلعت زول موهوم
ومشجع ريال مدريد كمان!
لو كنت عارفك مشجع كورة ساكت
ما كان ضيعت وكتي معاك
وما داسي غباك وجهلك كمان
لي درجة اخترت تكون لاعب وحكم
في وكت واحد!
الله يشفيك
|
Post: #98
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-03-2021, 11:05 AM
Parent: #97
منتصر عبد الباسط,
إنت منو ذاتو عشان يضاع معه الوقت؟ عندك كتاب منشور, ترجمة, بحث, شنو؟ ياخ أفتل شنبك وسمعنا صوتك في فيديو عشان نشوف فصاحتك ومخارج حروفك على الأقل يا مندس أفندي :)
خلي أبو مشاط ينفعك, فليس لك الآن من مخرج سوى المجمجة يا أيها الخرخار.
|
Post: #99
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 06-03-2021, 12:52 PM
Parent: #98
هههههههههههههو
هل مثلنا يسأل عن مصدر ...
يعني إنتو اللتنين حضرتو عهد ستالين وشفتو وعرفتو فعايلو وفظايعو في شعبه كشيوعي وكقائد أوحد للشيوعيين؟
كثيرين من كتاب التاريخ لم يبرزو الحقيقة كاملة لأسباب تخصهم ولكن حين يتفق العدو والصديق
على دموية الثورة البلشفية فلا مناص للمدافعين أن يأتون بما يعزز رأيهم ...
أتمني يا سخاروف تبطل أسلوب سوق الملجا البتعمل فيهو دا وتجيب ما يثبت بطلان ما أوردته أنا ... الصوت العالي لن يقنع غير سعادتك ...
يا عبدالله المقال طويل بعنوان ماذا جرى داخل السياج الحديدي؟ (آسيا الوسطى وستالين) ونشر في مجلة
البيان بتاريخ ٢/٦/٢٠٢١
ما ينفع تجي تقول لي احمد الخزافي دا كوز ومقالو كلو كذب ... زي ما بتف تشو للمصادر ما تنسون تورونا مصادركم النفي والنكران ... حكي ساي ما ينفع ... 
|
Post: #100
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-04-2021, 09:41 AM
Parent: #99
Quote:
أتمني يا سخاروف تبطل أسلوب سوق الملجا البتعمل فيهو دا وتجيب ما يثبت بطلان ما أوردته أنا ... الصوت العالي لن يقنع غير سعادتك ...
يا عبدالله المقال طويل بعنوان ماذا جرى داخل السياج الحديدي؟ (آسيا الوسطى وستالين) ونشر في مجلة
البيان بتاريخ ٢/٦/٢٠٢١
ما ينفع تجي تقول لي احمد الخزافي دا كوز ومقالو كلو كذب ... زي ما بتف تشو للمصادر ما تنسون تورونا مصادركم النفي والنكران ... حكي ساي ما ينفع ...
|
منو اليبطل؟ أحمد الظرافي بتاعك ده أصلا لم يورد مراجعه في نهاية مقاله! مقال طويل عريض متشعب في التاريخ دون مصادر تاريخية. بصراحة مستوى تعبان, لأنو جرد المراجع ده إسمو الحد الأدنى. أساسيات. لو ما عارف أعرف. دون المراجع أي شخص ممكن يعمل بروفايل ويزعم "ياخ عمك صديق يوسف مقبوض في شيكات سنة ستة وتمانين". أي كضاب ممكن يكتب أي كلام فارغ دون دليل ويجري. ولهذا يجب إيراد المصادر. و إلا فهي الفوضى بعينها. نصيحتك الظرافي العملت منو كوبي بيست أولى بها.
بدل القرقرة, أديك السؤال ده: الصفحة بتاعة الظرافي (البروفايل) بتاعو
albayan.co.uk/AuthorPage.aspx؟authorid=3484
مكتوب "كاتب". لا صورة, لا مذكور مؤهلات, لا سيرة ذاتية, ولا بريد تواصل لمن يقرأ مواضيعه. الشي شنو, رقم صفر الزعي الغامض الذي لا يعرف حقيقته أحد؟
يكون يا ربي إتحنن بعد ما نشر الكلام الإنت النقلتو منو, وما قدر يخت إيميل الناس تقدر تراجعو فيهو؟
|
Post: #101
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-04-2021, 09:43 AM
Parent: #100
طالما الظرافي لحد الآن شبح بدون سيرة ذاتية أو إيميل تواصل, رسلت قبيل إيميل لإدارة صحيفة البيان.
وفي إنتظار الرد
:)
|
Post: #102
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 06-04-2021, 10:37 AM
Parent: #101
عييييييييييييييك
شوال الليمون بي ألف وكيلو الطماطم بي تولتومية ...علينا جااااااااااااي .... وهو لا في ليمون ولا طماطم
ياخي قوم فز ... الظرافي وصلاح شن فهمن ...
ياخي ما تجيب فهمك إتا دا مكربو بي مصادرك
عشان تسكت الخشامه اللتنين ديل ...
والله داير نجيب ليك شعبت (كسر الشين) عبدالله حسين تخمخمك وتتكل عليها ... هههههههههه
عليك النبي بعد ١٠٠ وزقه مداخلات وريني معلومة واحدة جبتها دفاعا عن الشيوعية as lum sum معلومة واحدة بس وبدون مصادر ... بارك الله في الصديق اللدود عبدالله حسين السوا للبوست طعم ...
|
Post: #103
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-04-2021, 12:58 PM
Parent: #102
المشير معيط,
شايفك فكيت آخرك. أيها السادة, هذا فوضوي يكره النظام, فأشهدوا :)
|
Post: #104
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-17-2021, 01:34 PM
Parent: #103
كتبت قبل أسبوعين تقريبا
Quote:
طالما الظرافي لحد الآن شبح بدون سيرة ذاتية أو إيميل تواصل, رسلت قبيل إيميل لإدارة صحيفة البيان.
وفي إنتظار الرد
|
الإيميل المشار إليه أرسلته إلى إدارة صحيفة البيان بالبيانات التالية:
المرسل: من البريد الإلكتروني لمازن سخاروف
بتاريخ: الجمعة 4 يونيو221
إيميل المرسل إليه: editors@ albayan.co.uk
راجعت صندوق بريدي قبل قليل. اليوم هو الخميس 17 يونيو 2021, وإلى الآن لم يردوا عليّ, بعد طلاطشر يوم!
|
Post: #105
Title: Re: يا صلاح زبير, مشكلتك مع الشيوعيين شنو؟
Author: Salah Zubeir
Date: 06-17-2021, 01:45 PM
Parent: #104
أعوزو بالله يا أخينا ...
صاحي من النوم بعد سواقة الليل كلو ...
إن شاء الله يخلعك الدبيب ...
ياداب ختو الشاي والمأكلا قدامي ...
فتحت سودانيز ألقى إسمي في وشي ...
ياخي نحنا الحاجه البنديها ضهرنا تاني
ما بنتلفت ليها ... ياخي أهدأ وروق ما
قاعدين نستعمل القلم اللحمر ...
|
Post: #106
Title: Re: يا صلاح زبير, مشكلتك مع الشيوعيين شنو؟
Author: مازن سخاروف
Date: 06-17-2021, 02:53 PM
Parent: #105
المشير معيط,
تتخلع يا كبير؟ :)
لو قلبك رهيف بتكتب شيكات بدون تغطية مالك؟ =)
زولك أحمد الظرافي هو وجريدته لحد الآن عاملين أضان الحامل طرشا. وده نص الإيميل الرسلته ليهم قبل طلاطشر يوم
Quote:
الإيميل المشار إليه أرسلته إلى إدارة صحيفة البيان بالبيانات التالية:
المرسل: من البريد الإلكتروني لمازن سخاروف
بتاريخ: الجمعة 4 يونيو221
إيميل المرسل إليه: editors@ albayan.co.uk
راجعت صندوق بريدي قبل قليل. اليوم هو الخميس 17 يونيو 2021, وإلى الآن لم يردوا عليّ, بعد طلاطشر يوم!
|
السيد رئيس تحرير مجلة البيان,
بعد التحية والإحترام, أود أن ألفت نظركم إلى مقال لأحد كتابكم, أحمد الظريفي. كتب المذكور مقالا بتاريخ 28 نوفمبر 2019 بعنوان "ماذا جرى داخل السياج الحديدي؟ (آسيا الوسطى وستالين)". في الحقيقة المقال طويل ومتشعب. عندما نسخته في تطبيق وثيقة ويرد أخذ عشر صفحات (حجم الخط 16). لفت نظري شيئان:أولا كاتبكم رغم أنه مقال يتناول أحداثا تاريخية مهمة من العمق لكنه لم يشر إلى مصادر مقاله كما هو متوقع ومطلوب في المقالات من تلك الشاكلة. هذا أمر مثير جدا للإستغراب ويطعن في مصداقية المقال بأكمله. إذ لا يستقيم أن يلقى الكلام على عواهنه دون مصادر يمكن مراجعتها. في الحقيقة يمكن لغير ذوي الخبرة الإصابة بخيبة الأمل من هذا التقصير الشنيع في مجلة تحترم نفسها وتأخذ من الإسلام صفة لها.
الشيئ الثاني الذي لفت نظري, أن صفحة كاتبكم الموقر (البروفايل) على الرابط التالي:
albayan.co.uk/AuthorPage.aspx؟authorid=3484
تخلو من أي بيانات عدا إسمه! فلا صورته موجودة ولا نبذة عن سيرته الشخصية أو مؤهلاته. والأهم من كل ذلك ليس له بريد إلكتروني للتواصل مع من يقرأ مقاله. وطبعا لا إنستغرام ولا صفحة فيس بوك ولا أيّ من ذلك.
أقترح أنه في غياب الشفافية (إعلان الكاتب لأيديولوجيته كما بيانات التواصل معه التي تتيح حق الرد) فإن مقال الأكرم الظرافي مطعون في مصداقيته. وقد (؟) يكون السبب التحيز الصارخ والتحامل الفظيع في بعض ما جاء به. بما يشمل مغالطات تاريخية وأخطاء شنيعة لا تليق بمقال يتناول التاريخ, بما يشمل تاريخا لجمهوريات مسلمة في آسيا الوسطى كانت جمهوريات سابقة للإتحاد السوفييتي. سأورد مثالا واحدا فقط ثم "نجرد" الحساب ريثما يأتي ردكم. يقول الكاتب في مقاله, إقتباس:
======================
تضمنت المادة (52) من الدستور السوفييتي الصادر عام 1921م النص على حرية العقيدة لمواطني الاتحاد؛ أي الحق في اعتناق أي دين، وأداء الشعائر الدينية، أو القيام بالدعاية الإلحادية، وعدم اتباع أي دين... وبدلاً من أن تكفل هذه المادة للمسلمين حقوقهم الدينية، صارت ذريعة لقمعهم، وكتم أنفاسهم، ومحاربة دينهم، وفي الوقت نفسه ذريعة لنشر الإلحاد في المجتمع المسلم باعتباره محور الشيوعية، ولا قيام لها دونه، وبخاصة من خلال المناهج الدراسية التي كانت تتم صياغتها على أساس الفكر الماركسي، وكانت أيضاً تفيض بالافتراءات على الإسلام
==============
ردي: لم يوجد إتحاد سوفييتي في عام 1921, ناهيك عن دستور للإتحاد السوفييتي! فهذه مغالطات تاريخية مخلة تكشف إما عن جهل فاضح بالتاريخ أو نية مبيتة في التدليس. عن أي دستور يتحدث مستر الظرافي إذن؟ (لن أعمل للكاتب واجبه المنزلي قبل أن يرد أو تردوا) في ذات الوقت نص المادة الذي قانونيا هو في صالح المسلمين في حرية الإعتقاد وممارسة العبادة يستخدمه الكاتب بصورة عجائبية ضد الإتحاد السوفييتي عن طريق "الدعاية الإلحادية" التي تأتي كما زعم الكاتب "خاصة من خلال المناهج الدراسية" التي "تفيض بالإفتراءات" على الإسلام. إن كانت المناهج الدراسية في الإتحاد السوفييتي (الذي كما قلنا لم يوجد بعد في 1921 قانونيا كدولة ناهيك عن دولة ذات دستور) تفيض بالإفتراءات على الإسلام, فلمَ لم يورد الكاتب أمثلة؟ ولا هو كلام وبس لإشانة السمعة دون دليل؟ إنتهى الرد.
سؤالي هو, هل لديكم إستعداد في تقبل, ومن ثم نشر مراجعة لما جاء في المقال بصورة موضوعية وعلمية؟ وبشكل مواز, هل يمكن لكاتبكم الأكرم أن يتفضل بنشر بريده الإلكتروني للتواصل مع القراء؟ بصرف النظر عن مساؤئ الإتحاد السوفييتي (المفترى عليه في رأينا), فلنتذكر من قوله تعالى من سورة المائدة:
يا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ.
لقد ذكر العدل وما يشتق منه في العديد من المواضع في سور القرءان (قرابة الثلاثين موضعا), مرارا وتكرارا, مثنى وثلاث وعشرا, لعل وعسى أن يذّكر أولو الألباب. إن الخصومة مع الشيوعية لا تبرر الشطط في القول, ناهيك عن الدس في التاريخ, كما نقترح وإن اتسع صدر الباحث وصدركم للمراجعة والنقد بالأدلة والمراجع التاريخية وليس خبط عشواء.
أضيف بأن ما جاء به كاتبكم المحترم قد لا يكون المقال الوحيد المطول في مسيرة صحيفتكم الموقرة الذي يقدح في الشيوعية دون مصادر, ناهيك عن موضوعية أو مصداقية في الكتابة.
الكرة في ملعبكم إن أردتم المحاصصة بهدوء وتعقل. فما ابتليت هذه الأمة بجور حكامها فقط, بل بالشطط من العامة و"النخب" في النقل بغير علم ولا هدى ولا كتاب منير, وإيذاء الخصوم في المعاملات والخطاب والبلاغات غير المنصفة (الكيدية).
في إنتظار ردكم,
والسلام
مازن سخاروف, مهندس وباحث
|
|