Post: #1
Title: رايكم في البروفايل دا شنو؟
Author: منتصر عبد الباسط
Date: 05-05-2021, 11:39 PM
11:39 PM May, 05 2021 سودانيز اون لاين
منتصر عبد الباسط-
مكتبتى
رابط مختصر
رايكم شنو في زول يعمل لي نفسو بروفايل
فيه صورة محمد عثمان الميرغني
والصادق المهدي
وحسن الترابي ويقول ديل الدمروا
السودان!
أنا لا أفهم هذا غير تعبير عن الكراهية
للخصوم وقياداتهم
بروفايل يعبر عن الكره لاتباع ثلاثة طوائف متخاصمة
ومختلفة اختلافات كبيرة!
أنا متأكد من كرهه للصادق المهدي
والميرغني أكثر من تأكدي لكراهيته للترابي
والكيزان الجلعلهم سلما فقط ليعبر ويبعر
بواسطتهم لإظهار كرهه لطائفتي الختمية
والأنصار وقادتهما
ومن ذلك أن بروفايله هذا يقدم دعم
للكيزان كبير لأن الترويج لهذه الكراهية
هي للخصوم الحقيقين للكيزان تعد أكبر خدمة
للكيزان يستحيل يقدمها لهم أحد يكرههم
ويكره شيخهم الترابي
إضافة لأن الكيزان بحاجة لشق الصف وتفكيك
الوحدة ضدهم
هذه ليست أول مرة أنتقد فيها بروفايلات
نشر الكراهية فقبلها انتقدت بروفايل
كمال فرانكلي
فيحيي قباني يعتبر الوريث الشرعي لكمال فرانكلي
في محاولاته لنشر الكراهية
فرانكلي في نشر كراهية الجنوبيين
التي كان يعكسها بروفايله
وصاحبنا المشار إليه في نشر كراهية الخصوم
السياسيين ورموزهم
أنا ممكن أكتب مجموعة بوستات في نقد
حسن الترابي مثلا فأنا من ألد خصوم فكره
وتطاوله على ثوابت في الدين وماسببه
من فتن وضرر بالغ على السودان وأهله
لكني لا يمكن بعد وفاته وانقطاع
نشر كلامه وفكره بشكل مباشر
رغم بقاء الضرر وأثره
أن أعبر عن كراهيته بهذه الصورة
ونحن في حاجة لمحاسبة تلاميذه الاحياء
ومن هم في السجون
وإزالة ما سببوه من ضرر مما يحتاج لوحدة
صف يفسدها الاجتهاد في نشر الكراهية
بين شركاء المصير الواحد
|
Post: #2
Title: Re: رايكم في البروفايل دا شنو؟
Author: اخلاص عبدالرحمن المشرف
Date: 05-05-2021, 11:49 PM
Parent: #1
كيفك يا منتصر
بروفايلك انت من اجمل ما مر علي المنبر
كنت عاوزة اكتب عنه بس الكسل
|
Post: #3
Title: Re: رايكم في البروفايل دا شنو؟
Author: منتصر عبد الباسط
Date: 05-05-2021, 11:58 PM
Parent: #2
هلا إخلاص
وشكرا على الإطراء في أمر
ما كنت أضعه في الحسبان
وكدا بتحرجيني
عموما شكرا لك
أنت مواضيعك ونشاطك
وتوازن طرحك
بالف بروفايل جميل
شكرا
|
Post: #4
Title: Re: رايكم في البروفايل دا شنو؟
Author: منتصر عبد الباسط
Date: 05-06-2021, 00:17 AM
Parent: #3
والشي الأعجب
أن بروفايله هذا الذي يتحدث
فيه عن من دمروا السودان
ليس فيه صورة على عثمان طه!
ولا صورة عوض الجاز!
ولا أحد ممن كانوا يحكمون العشرون
عام الآخيرة من عمر عهد الكيزان البغيض
يا راجل على عثمان ممكن يبيع الترابي
ويشتريهو تاني
دا يكفي انو استطاع أن يحرم الترابي عن دخول
البرلمان انتخابات عام ١٩٨٦ لينفرد بقيادة الكيزان
داخل البرلمان ويخترق قواعد حزبي الأمة والاتحادي
وهم خصمان لدودان ضد الترابي
ليتوحدوا في دائرة الصحافة لإسقاط حسن الترابي
ويعطي أنصار حزب الأمة بالصحافة أصواتهم لمرشح الحزب
الاتحادي الديمقراطي وبحسب تجاربي ومعرفتي
التي وصلت إليها لاحقا تيقنت أن هذه لا يفكر فيها
ولا يستطيع تنفيذها غير الكيزان وهنا على عثمان طه
المستفيد
على عثمان هو من تسبب في التدمير
أكثر من الترابي وشريكه في ذلك عوض الجاز
وبقية الرهط
وعلى عثمان لمن يجهل وهم الأكثر للأسف كان
حاكم السودان لغاية يوم ١٠ أبريل ٢٠١٩
|
Post: #5
Title: Re: رايكم في البروفايل دا شنو؟
Author: adil amin
Date: 05-06-2021, 07:29 AM
Parent: #4
ده قباني المحلوج
مباري الشيوعيين حلجو
وهم زيو كده
الترابي خرب حزب الامة فعلا والصادق المهدي اشترك معااه في الخراب من 1964-2021 الان وشهادة المحجوب تكفي
لكن الغزالة الفوق في السلم السيد محمد عثمان والختمية من زمن السيد علي لحدي هسة زمن جعفوري
جرائمهم شنو اشافنها الشيوعيين الساقطين ونحن ما شايفنها
قلنا لي قبة قصتك مع الختمية دي مرض نفسي وليس مشكلة سياسية
الختمية لا ملشيات ولا فساد ووعي متقدم جدا وصل لحدي التحالف مع الحركة الشعبية في كل مراحلا لحدي الليلة 2021
والشيوعي اتقدمي قاعد لينا في قحت مع بعاعيت مايو البعثيين والناصريين وايتام الترابي والشعار المبتور البدل علي العمالة الرخيصة لمصر وحتي الان
فعلا بروفايل الزول ديل علي وعيه
وشريحتي دي زيها مافي البورد وفي العالم بتختصر رموز السودان واعمدة الحكمة السبعة الكوشية
https://top4top.io/
|
Post: #6
Title: Re: رايكم في البروفايل دا شنو؟
Author: Haytham Ghaly
Date: 05-06-2021, 08:37 AM
Parent: #5
وانت المزعلك شنو بالضبط
الصادق المهدي والمرغني والترابي كل ديل شي واااحد
وكلهم كيزان وفعلاً هم تقع عليهم مسؤولية ما آل اليه الوضع في البلد
صورة بروفايل قباني معبرة جداً جداً
|
Post: #7
Title: Re: رايكم في البروفايل دا شنو؟
Author: منتصر عبد الباسط
Date: 05-07-2021, 01:42 AM
Parent: #6
نعم هم ثلاثتهم كيزان بمفهوم اليساري للكوز
العندَو مشكلة مع الدين ويراه هو المشكلة
حتى لو تمت حماية ممارسته بشكل فردي
يعني بعين ٢٪ فقط من الشعب السوداني
لكن البخلي على عثمان برئ شنو
وهو كان حاكما حتى ١١ أبريل ٢٠١٩
بس ما تعمل فيها ظاهري
وتقول ما كان عندو منصب
|
Post: #8
Title: Re: رايكم في البروفايل دا شنو؟
Author: Abureesh
Date: 05-07-2021, 01:58 AM
Parent: #7
| Quote: بروفايل يعبر عن الكره لاتباع ثلاثة طوائف متخاصمة |
يا منتصر دى فرصـة بالله أعدل لينا رأسنـا.. هل هؤلاء زعماء طوائف نشرت الإسلام وحفظت معظم السودانيين فى بوتقة الدين، أم هم زعماء أحزاب يجهلون الحكم وفشلوا طول
فترات حكمهم؟
الطوائف الدينية، الختمية والأنصار والصوفية على العين والرأس.. أما حزب الامة والإتحادى والكيزان فقد فشلوا لأن قادتهم غير مؤهلين للحكم.. مؤهلين للتشريفات فقط.
(إمام الأنصار) مرحباً
أما (رئيس حزب الأمة) يخضع لمحاسبة الشعب عن أى خطأ يرتكبه فى الحكم.
شيخ الختمية مرحبـاً
أما رئيس الحزب الإتحادى الديمقراطى يخضع للمساءلة والنقد مثل أى مواطن يتصدى للوظيفة العامة، أو العمل السياسى الذى يؤثر على حياتك وحياتى. مافى حصانة هنا.
أما لعبة الأكروبات دى.. يكون راكب حصان السياسة ورئيس الحزب ويفشل فشلا ذريعا.. تجى تنقده يقوم ناطى لحصان الطائفة ويلبس الطاقية.. زى ديل تعمل معاهم كيف؟!!
|
Post: #9
Title: Re: رايكم في البروفايل دا شنو؟
Author: منتصر عبد الباسط
Date: 05-07-2021, 12:55 PM
Parent: #8
يا أبو الريش فرق كبير بين كونهم شركاء في الخطأ
وبين أن يكونوا هم فقط مركز الخطأ
والبقية مجرد هوامش
أنا لست مختلف معك فيما ذهبت أنت
إليه لكن سبب تخلفنا وتراجعنا
هو اعتبار أن مشاكلنا سببها فلان وفلان
وأن مشكلتنا بحلها فلان وفلان
ودا الوقعنا في العاهة الاسمها حمدوك دي
بسبب كفرنا بأن البلد تحتاج رؤى وبرامج واستراتيجيات
وليس أشخاص بعينهم يتقلدون المناصب ولا أحزاب معينة
ولا كذلك الحل في إبعاد ومحاربة أشخاص بعينهم
يعني البعملو صاحب البروفايل هو تكريس للطائفية
وليس محاربة لها لأنه لايطرح غير بغض لأفراد
وليس بغض لأفكار
|
Post: #10
Title: Re: رايكم في البروفايل دا شنو؟
Author: الشيخ سيد أحمد
Date: 05-07-2021, 02:03 PM
Parent: #9
كيفك منتصر.
قباني - فهمو انو الثلاثة هم من لم يستطيعو وضع منفستو ثلاثي
يمكن ان يجنب البلاد والعباد الإختلاف المفضي للحروب.
يعني (قباني) بيقول بي صراحة انو كانت عندكم فرصة ترسموا خارطة
سياسية مثالية للسودان وحكمه ولكنكم فشلتم.
دي وجهة نظره - انت مختلف معاهو مافي اي مشكلة.
انت قوم لصق نفس الصورة واكتب تحتها أنتم الثلاثي بريئون من اي إتهام.
|
|