Post: #1
Title: استراحة رمضانية
Author: بلدى يا حبوب
Date: 04-24-2021, 04:33 PM
04:33 PM April, 24 2021 سودانيز اون لاين
بلدى يا حبوب-kahrtoum
مكتبتى
رابط مختصر
Quote: يُحكى أن ﺷﻴﺨﺂ ﻛﺎﻥ ﻳﻌﻴﺶ ﻓﻮﻕ ﺗﻞ ﻣﻦ ﺍﻟﺘﻼﻝ ﻭﻳﻤﻠﻚ ﺟﻮﺍﺩﺍً ﻭﺣﻴﺪﺍً ﻣﺤﺒﺒﺎً ﺇﻟﻴﻪ
ﻓﻔﺮ ﺟﻮﺍﺩﻩ ﻭﺟﺎﺀ ﺇﻟﻴﻪ ﺟﻴﺮﺍﻧﻪ ﻳﻮﺍﺳﻮﻧﻪ ﻟﻬﺬﺍ ﺍﻟﺤﻆ ﺍﻟﻌﺎﺛﺮ ﻓﺄﺟﺎﺑﻬﻢ ﺑﻼ ﺣﺰﻥ : ﻭﻣﻦ ﺃﺩﺭﺍﻛﻢ ﺃﻧﻪ ﺣﻆٌ ﻋﺎﺛﺮ ؟ ..
ﻭﺑﻌﺪ ﺃﻳﺎﻡ ﻗﻠﻴﻠﺔ ﻋﺎﺩ ﺇﻟﻴﻪ ﺍﻟﺠﻮﺍﺩ ﻣﺼﻄﺤﺒﺎً ﻣﻌﻪ ﻋﺪﺩﺍً ﻣﻦ ﺍﻟﺨﻴﻮﻝ ﺍﻟﺒﺮﻳﺔ ..
ﻓﺠﺎﺀ ﺇﻟﻴﻪ ﺟﻴﺮﺍﻧﻪ ﻳﻬﻨﺌﻮﻧﻪ ﻋﻠﻰ ﻫﺬﺍ ﺍﻟﺤﻆ ﺍﻟﺴﻌﻴﺪ ﻓﺄﺟﺎﺑﻬﻢ ﺑﻼ ﺗﻬﻠﻞ : ﻭﻣﻦ ﺃﺩﺭﺍﻛﻢ ﺃﻧﻪ ﺣﻆٌ ﺳﻌﻴﺪ ؟ .
ﻭﻟﻢ تمض ﺃﻳﺎﻡ ﺣﺘﻰ ﻛﺎﻥ اﺑﻨﻪ ﺍﻟﺸﺎﺏ ﻳﺪﺭﺏ ﺃﺣﺪ ﻫﺬﻩ ﺍﻟﺨﻴﻮﻝ ﺍﻟﺒﺮﻳﺔ ﻓﺴﻘﻂ ﻣﻦ ﻓﻮﻗﻪ ﻭﻛﺴﺮﺕ ﺳﺎﻗﻪ ﻭﺟﺎءﻭﺍ ﻟﻠﺸﻴﺦ ﻳﻮﺍﺳﻮﻧﻪ ﻓﻲ ﻫﺬﺍ ﺍﻟﺤﻆ ﺍﻟﺴﻲﺀ ..
ﻓﺄﺟﺎﺑﻬﻢ ﺑﻼ ﻫﻠﻊ : ﻭﻣﻦ ﺃﺩﺭﺍﻛﻢ ﺃﻧﻪ ﺣﻆ ﺳﻲﺀ ؟ ..
ﻭﺑﻌﺪ ﺃﺳﺎﺑﻴﻊ ﻗﻠﻴﻠﺔ ﺃﻋﻠﻨﺖ ﺍﻟﺤﺮﺏ ﻭﺟﻨﺪﺕ ﺍﻟﺪﻭﻟﺔ ﺷﺒﺎﺏ ﺍﻟﻘﺮﻳﺔ ﻭﺍﻟﺘﻼﻝ ﻭﺃﻋﻔﺖ اﺑﻦ ﺍﻟﺸﻴﺦ ﻣﻦ ﺍﻟﻘﺘﺎﻝ ﻟﻜﺴﺮ ﺳﺎﻗﻪ ﻓﻤﺎﺕ ﻓﻲ ﺍﻟﺤﺮﺏ ﺷﺒﺎﺏٌ ﻛﺜﻴﺮﻭﻥ ...
ﻭﻫﻜﺬﺍ ﻇﻞ ﺍﻟﺤﻆ ﺍﻟﻌﺎﺛﺮ ﻳﻤﻬﺪ ﻟﺤﻆ ﺳﻌﻴﺪ .. ﻭﺍﻟﺤﻆ ﺍﻟﺴﻌﻴﺪ ﻳﻤﻬﺪ ﻟﺤﻆ ﻋﺎﺛﺮ .. ﺍﻟﻰ ﻣﺎ ﻻ ﻧﻬﺎﻳﺔ ﻓﻲ ﺍﻟﻘﺼﺔ ..
ﻭﻟﻴﺴﺖ ﻓﻲ ﺍﻟﻘﺼﺔ ﻓﻘﻂ ﺑﻞ ﻭﻓﻲ ﺍﻟﺤﻴﺎﺓ ﻟﺤﺪ ﺑﻌﻴﺪ ..
*الحكمــــه*
لا تـﻐﺎﻟﻮﻥ ﻓﻲ ﺍﻟﺤﺰﻥ ﻋﻠﻰ ﺷﻲﺀ ﻓﺎت ﻷنك ﻻ تعرف ﻋﻠﻰ ﻭجه ﺍﻟﻴﻘﻴﻦ ﺇﻥ ﻛﺎﻥ ﻓﻮﺍﺗﻪ ﺷﺮﺍً ﺧﺎﻟﺺ ﺃﻡ ﺧﻴﺮ ﺧﻔﻲ ﺃﺭﺍﺩ ﺍﻟﻠﻪ ﺑﻪ ﺃﻥ ﻳﺠـنبك ﺿﺮﺭﺍً ﺃﻛﺒﺮ ،
ﻭﻻ تغالي ﺃﻳﻀﺎً ﻓﻲ ﺍﻻﺑﺘﻬﺎﺝ ﻟﻨﻔﺲ ﺍﻟﺴﺒﺐ واشكر ﺍﻟﻠﻪ ﺩﺍﺋﻤﺎً ﻋﻠﻰ ﻛﻞ ﻣﺎ ﺃﻋﻄﺎك |
|
Post: #2
Title: Re: استراحة رمضانية
Author: صديق مهدى على
Date: 04-24-2021, 04:57 PM
Parent: #1
الحمد والشكر لله صلوا على رسول الله صل الله عليه وسلم واستغفروا لذنوبكم وحبوا بعضكم تصوموا وتفطروا على خير
شكرا
بلدى يا حبوب
|
Post: #3
Title: Re: استراحة رمضانية
Author: بلدى يا حبوب
Date: 04-25-2021, 06:28 PM
Parent: #2
حبينا صديق مهدي
تصوم وتفطر على خير
تحياتي
|
Post: #4
Title: Re: استراحة رمضانية
Author: بلدى يا حبوب
Date: 04-25-2021, 06:31 PM
Parent: #3
Quote: احذروا الدجالين
*د. علي الكوباني (رحمه الله)
أبان فترة عملي في مشرحة الخرطوم، دخل علي 4 شيوخ بلحي مرتبة ومحفحفة ومصبوغة كسواد الليل، لابسين زي يونيفورم كده (جلاليب ناصعة البياض وعمم مكربة وشالات خضراء) وكمان عندهم رائحة عطر عجيب كده ملت المكتب
الشيوخ قالوا لي شيخ (فلان) رحمه الله توفى في ام درمان وتم دفنه في مقابر حمد النيل قبل اكتر من 9 شهور، والان بما أن (القبة) بتاعتو جهزت تب هم جاءوا لترتيب نقل جثمان الشيخ ليدفن في قبته، ولقيتهم مجهزين كل الاوراق والتصديقات اللازمة، وقلت ليهم انا حاضر في أي وقت، وطلبت منهم يجهزوا صندوق للنقل ويجيبوا معاهم قماش ابيض عشان نرتب فيهو الرفات لانو الجثمان بكون اتحلل والكفن اهترأ او تغير لونه حسب نوع القماش..هب واحد منهم (شبعااان كده وليهو فِقَر)… قال يا دكتور ما تتكلم كلام فارغ ده شيخ فلان ..وجثمانو ما بتحلل.، قلت ليهو يا شيخنا..التحلل ما بعيب الانسان..وده حكمة الله في خلقه لكي ترجع عناصر البشر للتراب الذي خلقت منه، وان كل الناس ستتحلل ما عدا اجساد الانبياء عليهم السلام. المهم اديتهم محاضرة لمن اتكيفت من نفسي.. لكن وحاتكم ..كلهم رمقوني شذراً.. والزول الشبعان داك قال لي: يا دكتور: تأدب وبطل الكلام الفارغ ده..شيخ فلان ما بتحلل خالص، قلت اطردهم بعد كترة الاساءات دي…الا أن أكبرهم سنا ومكانة قال لي.. يا دكتور نحن متأكدين الشيخ ما بتحلل ..وانت ربنا يهديك وبراك حتشوف وتقتنع..
قلت فعلا البيان بالعمل.. جيبوا طاقة قماش ابيض وان شاء الله ما نحتاج ليها وحتكون صدقة منكم للموتى مجهولي الهوية.. طوالي وافقوا وقالوا لي ما عليك نجيب ليكم طاقات مش طاقة واحدة..
وحددنا يوم لنبش قبر الشيخ ..ومن الصباح الباكر مشينا انا والتيم بتاعي ومعانا عدة الحفر ..ومن دخلنا المقابر لقيناها مليانة بعدد هايل من البشر ..وايقاع نوبة تقيل واهازيج وبالقرب من القبر كمية من البخور العطري والذي ضمخ الاجواء بعبق رهيب وتلك الاجواء الروحانية اخوكم دخلتو خوفة جد..معقول كمية البشر ديل كووولهم يكونوا على باطل ..وانا ال#################### ده جاي مصدق كلام العلم بتاع الخواجات ديلك..والشغلانة دي باين عليها جد جد..وانا اتفلسفت على الشيوخ وقليت ادبي ..كر عليك يا علي ود ليلى
المهم قويت قلبي وقلت للشيوخ لازم تبعدوا المريدين الكتار ديل بعيد شوية عشان نعرف نشتغل وقد حصل.. وفضل معانا الشيوخ الاربعة..وحفرنا القبر وشلنا تراب المطمورة بره… ووصلنا ود اللحد..وطوالي رائحة التحلل طلعت وانا قلبي برد وخوفتي راحت تب… ولما فتحنا ود اللحد لقينا الجثمان تحلل كما يجب وصار عبارة عن عظام بها تلطخات زنخة والكفن اهترأ.. اها عاينت للشيوخ الفوق بقوة شديدة ومعاهم الزول الشبعان داك..وطوالي حنا راسو وأداني القماش وقال لي بالله يا دكتور ضاير العظام كويس..، قلت ليهو طبعا.. ستر الميت واجبنا بالتأكيد وسترنا الرفات وختيناها داخل الصندوق..وسلمناهو للشيوخ الاربعة..وفجأة صاح الزول الشبعان: الله اكبر..الله اكبر ..جثمان الشيخ طلع سالم زي ماهو..وهنا هجم الحيران والمريدين على القبر..رجال ونساء..وكل منهم يشيل خمشة من تراب القبر ويعبي في طرفو بقصد التبرك وكده.. عاينت للشيخ الدجال..وعاين لي بقوة عين عجيبة..وكأنه يقول لي: كان راجل افتح خشمك ده قول غير كده ..عشان ديل كلهم يدفنوك هنا في قبر الشيخ ده ذااتو يا معفن..
بالله ما يقوم واحد بايخ منكم يسألني..أها وبعدين عملت شنو؟ وعشان كده يا احباب أحذروا الدجالين تجار الدين..* |
اللهم ارحم دكتور الكوباني وحمة واسعة.
|
|