من خلال التعليقات على اليوتيوب اصبحت ادمان لقطاع كبير من المتابعين
دا حا يتسبب في ذغوتات حقيقية على جلواك وسوف يثقل كاهله لكن حا يشجعو على الانتاج اكثر واكثر
لكن انا كمتابع رايي ما يستعجل في الانتاج عشان ما تتفقد النكهة الجميلة الموجودة في العمل الدرامي دا
برغم الكثير من الهنات والملاحظات الا انو يحظى بمتابعة عالية جداً
Post: #2 Title: Re: دغوتات يا احمد محمد عمر Author: أحمد محمد عمر Date: 04-22-2021, 07:04 PM Parent: #1
أخوك أساسي في المدرجات رغم إنها ما بطعامة الجزء الأول وسولارا القرضة فاتت وجابوا بدلها واحدة جديدة ما موفقة لكن بت العمدة سدت الفرقة
برضو مسلسل حافة طريق بتاع ابوبكر فيصل ما بطال بس مشكلته حلقاته مسكول .. عادي ممكن الحلقة تطلع 5 دقايق
Post: #3 Title: Re: دغوتات يا احمد محمد عمر Author: أحمد محمد عمر Date: 04-22-2021, 07:07 PM Parent: #2
مزعلاني سحر ابراهيم في (إيمان ديلفري) ياخي سحر دي مبدعة في التمثيل لمن بهناك لكن مشكلتنا دايماً في النصوص والكتّاب أصلو ربنا ما قسم ليها كاتب مبدع كدة يكتب ليها نصوص بمقدار ابداعها
Post: #4 Title: Re: دغوتات يا احمد محمد عمر Author: أحمد محمد عمر Date: 04-22-2021, 07:11 PM Parent: #3
أبوبكر فيصل أكثر شجاعة من جلواك في تناول الرومانسية والانفعالات العاطفية
الليلة حتوهو قرض
Post: #6 Title: Re: دغوتات يا احمد محمد عمر Author: Haytham Ghaly Date: 04-22-2021, 07:13 PM Parent: #4
Quote: أبوبكر فيصل أكثر شجاعة من جلواك في تناول الرومانسية والانفعالات العاطفية
\دي شنو كمان ؟؟؟
ما تابعتها
Post: #5 Title: Re: دغوتات يا احمد محمد عمر Author: Haytham Ghaly Date: 04-22-2021, 07:11 PM Parent: #2
Quote: رغم إنها ما بطعامة الجزء الأول وسولارا القرضة فاتت وجابوا بدلها واحدة جديدة ما موفقة لكن بت العمدة سدت الفرقة
فعلاً الجزء الثاني دا ما بلحق طعامة الاول وعلى هذا الاساس انا بنيت رايي في انو جلواك ما يستعجل على الانتاج لارضاء جمهوره
لكن برضو لسة نكهة طيبة اهل حلال وقرى بلدنا فيها ولسة جلواك متألق
سولارا فرقت كتير ما كان عندها التعسم الصفة الدائمة للممثل السوداني امام الكاميرا
غايتو نوعاً ما عمل مرضي يعكس واقع ارياف السودان
Post: #7 Title: Re: دغوتات يا احمد محمد عمر Author: أحمد محمد عمر Date: 04-22-2021, 11:27 PM Parent: #5
المؤسف اكتر الجزء الثاني من مسلسل عشم قصة مصنوعة بالرجالة ضيعوا نجاح الجزء الأول تماماً
Post: #8 Title: Re: دغوتات يا احمد محمد عمر Author: Hafiz Bashir Date: 04-24-2021, 02:26 AM Parent: #7
حافة الطريق دا من البداية شاكي في إنو قصتو هندية. الليلة قطعت الشك لمن الأبو قال للبت "حدثيني عن زميلك دا، كلميني عنو" ردت عليهو قالت "اول حاجة هو ما زميلي" كيفن ما زميلك ياخي؟ دي طبزة ضيعت المسلسل كلو.
Post: #9 Title: Re: دغوتات يا احمد محمد عمر Author: أحمد محمد عمر Date: 04-24-2021, 04:47 AM Parent: #8
من ناحية هندي فهو هندي لمن بهناك لكن الإجابة عادية هو فعلاً ما زميلها. هو ميكانيكي وهي طبيبة
Post: #10 Title: Re: دغوتات يا احمد محمد عمر Author: Hafiz Bashir Date: 04-26-2021, 07:45 AM Parent: #9
😂 عمك سعادة السفير من المفترض إنو زول مثقف يا أبو حميد. ومن المفترض فهمو للزمالة يكون عميق شوية. هسه في الحلقة 13 طلع برجوازي متعفن ساي.😂
Post: #11 Title: Re: دغوتات يا احمد محمد عمر Author: أحمد محمد عمر Date: 04-26-2021, 08:07 AM Parent: #10
هوي العالم دي كلها كدي الواحد يعمل ليك فيها مستنير ومثقف وفي أول محك شخصي يظهر ليك طابي عكازو بالسروال والعراقي
Post: #12 Title: Re: دغوتات يا احمد محمد عمر Author: طلحة عبدالله Date: 04-26-2021, 01:27 PM Parent: #11
.............
Post: #13 Title: Re: دغوتات يا احمد محمد عمر Author: Haytham Ghaly Date: 04-27-2021, 10:04 AM Parent: #12
Quote: الواحد يعمل ليك فيها مستنير ومثقف وفي أول محك شخصي يظهر ليك طابي عكازو بالسروال والعراقي
هههههههههههههههههههههههههه
انا مستغرب من المشهد بتاع البحر لمن المر قاعد مع بت العمدة ورقية جات وقفت هنااك وما شافتهم !!!! المشهد دا الفايدة منو شنو بالضبط؟؟
طبعاً كنت متمني تشوفن عشان نشوف مقدرتها على تمثيل الانفعال مع انها بتتكلم وتمثل زي تمثال الشمع بوجه خالي من التعابير تماماً
نرحب بالمستنير مولانا حافظ والكاتب المخضرم طلحتوف
Post: #14 Title: Re: دغوتات يا احمد محمد عمر Author: أحمد محمد عمر Date: 04-27-2021, 10:16 AM Parent: #13
لا لا أظنها شافتهم ومبارياهم لكن الفكرة خيالية شديد كونها بس تصادفهم كدة في أول مرقة ليهم غايتو بت العمدة عوضتنا في رقية لأنه الممثلة الجديدة تعبانة تعب الموت بغض النظر عن القروش والراحة أنا لو مكان جلواك، ورقية باللتاخة دي وبت العمدة بالطعامة والمرح والفهم دة ولا بفكر ثانية في التغيير
Post: #15 Title: Re: دغوتات يا احمد محمد عمر Author: mohmmed said ahmed Date: 04-27-2021, 10:40 AM Parent: #14
ما قدرتا اكمل حلقة واحدة من المسلسل فقط لفت انتباهي اداء الممثلة اسلام بطلة فيلم ستموت في العشرين ممثلة متمكنة
Post: #16 Title: Re: دغوتات يا احمد محمد عمر Author: أحمد محمد عمر Date: 04-27-2021, 11:07 AM Parent: #15
كان سمح الجزء الأول الجزء دة نحن لسة بنحاول نستمتع بيه
Post: #17 Title: Re: دغوتات يا احمد محمد عمر Author: طلحة عبدالله Date: 04-27-2021, 03:32 PM Parent: #16
يا هيثموف حبابك ورمضان كريم طلحتوف في هكذا بوستات ما عندو ليكم غير الورود والوشوش المختلفة تعابيرها خخخخخ اتمنى تنال رضاكم وسلامنا للحاجة أم محمود هه ............ ما متابع ما متابع
Post: #18 Title: Re: دغوتات يا احمد محمد عمر Author: أحمد محمد عمر Date: 05-12-2021, 06:28 PM Parent: #17
الحسنة الوحيدة غيروا النهاية البايخة بتاعة الجزء الأول بنهاية منطقية وبرضو ما أعلنوا عن جزء ثالث
