Post: #1
Title: توقف تام لمصنع سكر عسلاية وانتشار أمني كثيف
Author: زهير عثمان حمد
Date: 04-19-2021, 05:13 PM
05:13 PM April, 19 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
أكدت متابعات ” ترياق نيوز ” عن توقف تام لمصنع سكر عسلاية وانتشار كبير للشرطة حول المصنع وكان الوالي في استقبال مدير شركة السكر السودانية علي خلفية الأحداث التي وقعت في مصنع سكر عسلاية حيث مازال الإنتاج متوقف تحوطا من التصعيد من قبل اسر الموتي بالمنطقة وأفاد مصدر مطلع أن هناك انتشار كثيف للشرطة حول المصنع تخوفا من أي تفلتات امنية وأفاد المصدر أن والي ولايه النيل الابيض إسماعيل وراق عقد بالأمس اجتماع مع الإدارات الاهلية بالولاية لإيجاد حل وحقن الدماء بالمنطقة وقال إن الوالي سوف يلتقي خلال هذه الساعات بالمدير العام لشركة السكر السودانية الباشمهندس الرشيد إسحق وذلك للتفاكر حول وجود حلول جذرية لهذه الأحداث واستقرار الامن بالولاية .
|
Post: #2
Title: Re: توقف تام لمصنع سكر عسلاية وانتشار أمني كث�
Author: أحمد محمد عمر
Date: 04-19-2021, 05:40 PM
Parent: #1
أحكي ليك القصة
أول أمس في راعي دخل بهايمو مزرعة القصب بتاعة المشروع وكالعادة تم التحفظ على البهايم لحدي ما يجي المدير الزراعي يقدر التلف ويدفعو سيد البهايم ويشيلها
لكن الحصل إنه الراعي مشى جاب أهله وهاجموا العسكري وضربوهو .. كانوا زي 10 ملثمين. لكن قدر يطلع سلاحه وضرب عدة طلقات أصاب منهم نفرين
بعديها جات حلة الراعي كلها بالأسلحة والسواطير وهاجموا بيوت المشروع وحرقوا زرائب البقر وعربية المدير الزراعي وقتلوا شرطي
طبعاً الموضوع محتاج تدخل أمني رادع لكن طالما المشكلة في يد وراق بتاع البرادو معناها ما حيحصل فيها أي شئ
|
Post: #3
Title: Re: توقف تام لمصنع سكر عسلاية وانتشار أمني كث�
Author: Ali Alkanzi
Date: 04-19-2021, 07:12 PM
Parent: #2
بالمناسبة الرعاة في منطقتنا اي وسط النيل الابيض ان صح التعبير بين الكوة حتى ربك
يا اخي ديل الواحد عادي يدخل بهايمو في مزرعتك قبل الحصاد وبعد الحصاد
وانت وحظك
فقد اللحقوا اضرار كثيرة بكثير من اصحاب المزارع الخاصة ومنهم شخصي الضعيف
وفي النهاية تجي الاجواد ويفكوا البهايم
وانت عوضك على الله من قبل ومن بعد
|
Post: #4
Title: Re: توقف تام لمصنع سكر عسلاية وانتشار أمني كث�
Author: اخلاص عبدالرحمن المشرف
Date: 04-19-2021, 08:18 PM
Parent: #3
السلام عليكم
دارفور بدأت كده .
الرعاة لازم يلزموا حدودهم وقصة يهاجموا
المواطنين والمنشآت الحكومية والاهلية يجب
وضع حد لها وجمع السلاح منهم ، مع مراجعة
هوياتهم .
قصة الوحول دي لازم يوضع لها حل ، بلاد عدد
الماشية اقل من السودان وتستفيد منها نحن عدد
ضخم من غير عائد ومع مشاكل وتعديات وانفلات
امني مع وجود حدود مفتوحة بذريعة الترحال.
|
Post: #5
Title: Re: توقف تام لمصنع سكر عسلاية وانتشار أمني كث�
Author: Mahjob Abdalla
Date: 04-20-2021, 01:02 AM
Parent: #4
Quote: أول أمس في راعي دخل بهايمو مزرعة القصب بتاعة المشروع وكالعادة تم التحفظ على البهايم لحدي ما يجي المدير الزراعي يقدر التلف ويدفعو سيد البهايم ويشيلها
لكن الحصل إنه الراعي مشى جاب أهله وهاجموا العسكري وضربوهو .. كانوا زي 10 ملثمين. لكن قدر يطلع سلاحه وضرب عدة طلقات أصاب منهم نفرين
بعديها جات حلة الراعي كلها بالأسلحة والسواطير وهاجموا بيوت المشروع وحرقوا زرائب البقر وعربية المدير الزراعي وقتلوا شرطي |
الفرق من دارفور بس ديل دخلو مزرعة الحكومة و لما الحكومة رفعت اصبعا, قطعو الاصبع ذاتو.
في دارفور بعتدو علي مواطن مسكين لا حول له و لا قوة.
|
Post: #6
Title: Re: توقف تام لمصنع سكر عسلاية وانتشار أمني كث�
Author: ولياب
Date: 04-20-2021, 08:37 AM
Parent: #5
إلى متى ستظل هذه التفلتات وكأننا نعيش في عصر الغاب .
إلى متى سيظل جزء من مجتمعنا بهذا التخلف .
إلى متى سيظل الصراع بين فئات المجتمع
يبدو أن جزء من إنسان السودان يحتاج لثقافة
معرفة حقوق الآخرين وكذلك ثقافة التعايش السلمي .
|
Post: #7
Title: Re: توقف تام لمصنع سكر عسلاية وانتشار أمني كث�
Author: Abureesh
Date: 04-20-2021, 08:56 AM
Parent: #6
شكرا اخ أحمد على الخبر (المفصل) مع خلفيته)..
| Quote: يبدو أن جزء من إنسان السودان يحتاج لثقافة |
أولهم أعضاء الحكومة يا أخ ولياب. قول ليهم القترة الإنتقالية قربت تخلص وباقى الشهور أحكموا فيها السودان.
|
Post: #8
Title: Re: توقف تام لمصنع سكر عسلاية وانتشار أمني كث�
Author: اخلاص عبدالرحمن المشرف
Date: 04-20-2021, 01:03 PM
Parent: #7
هذه التفلتات مقصودة ومدروسة
وهي امتداد لما حدث في الخرطوم
من ضرب للنساء بالسوط .
القصد اسقاط هيبة الدولة .
علي القائمين بالامر اخذ الامر بقوة
وان لم يفعلوا ( وان يفعلوا ) علي الشعب
تنظيم نفسه فالقادم اسوأ.
|
|