Post: #1
Title: الخائب يعين كوز مجدداً مديراً للشركة السودانية للموارد المعدنية
Author: عبدالقادر محمد
Date: 04-18-2021, 09:33 PM
09:33 PM April, 18 2021 سودانيز اون لاين
عبدالقادر محمد-عمق الوطن
مكتبتى
رابط مختصر
عودة الفلول
.
.
الكوز الصادق الحاج اخر مدير للشركة السودانية للموارد المعدنية في العهد البائد اليوم تم تعيينه مديراً لشركة ارياب للتعدين الحكومية... التعيين بقرار صادر من رئيس الوزراء بتوصية من وزير المعادن محمد بشير ابو نمو التابع لحركة تحرير السودان جناح مناوي.
.
.
افتكر تاني ناقصنا البشير وعبدالرحيم ونافع وعلي عثمان والأمور تعود للمربع الأول.
|
Post: #2
Title: Re: الخائب يعين كوز مجدداً مديراً للشركة السو
Author: Asim Ali
Date: 04-18-2021, 09:41 PM
Parent: #1
Quote:
بتوصية من وزير المعادن محمد بشير ابو نمو التابع لحركة تحرير السودان جناح مناوي.
|
الثوار والشعب لو عملو فحص امنى للحركات المسلحه مجموعه مهزله جوبا ماحيطلعو برا اما كيزان منتدبين عواصاتوقيادات الحركات او ضعاف نفوس سقطو فى فخ الكيزان بالمال وتلويح بالسلطه
مهزله جوبا هى المسمار الاخير فى نعش الثوره للاسف ...مالم يستعيد الثوار ثورتهم جد جد المره دى وشرعيه ثوريه تحسم قم تسال بعدها
|
Post: #3
Title: Re: الخائب يعين كوز مجدداً مديراً للشركة السو
Author: سيف النصر محي الدين
Date: 04-18-2021, 11:15 PM
Parent: #2
من ناس لهم معرفة وثيقة بالزول ده وباسرته ومن ناس زاملوه ابان الدراسة
وفي العمل.. الرجل لا علاقة له بالكيزان لا من قريب ولا من بعيد.
هو مهندس شاطر جدا وبس.
|
Post: #4
Title: Re: الخائب يعين كوز مجدداً مديراً للشركة السو
Author: Asim Ali
Date: 04-19-2021, 00:00 AM
Parent: #3
من نهايات ايام الديمقراطيه التالته وحصول انقلاب الانقاذ الكيزان فى التجنيد وشغلهم اتحلو عن النمط التقليدى اللى فيهو الكوز يكون معروف فى انشطتهم بل بقى فى تجنيد ناس بعضهم حسب نشاطو تقول صوفى بل وقد تجزم انو حتمى او تجانى ..الخ وبعضهم سبور زول اجتماعيات ومناسبات وقعدات جبنه وخلافو ونوع مولانا لدرجه تحلف تقول سلفى ...بل فى كليات خاصه عباره عن فقاسه كيزان من الشاكله دى
دا من ضمن الحاجات الفايته على الناس وخاصه ناس برا
هل فى زول يقدر يفرز كوز من غير كوز فى مفاصل الدوله الان ؟؟؟
النسخ الجديده من الكيزان تجنيد ايام الانقاذ الان ممكن تدعم وتؤيد واحد وتحلف انو ماكوز وهو زول شال تنفيذ اجنده بهدوء وفى الظل ووغالبا مايظهر الا فى منعطفات حاده فى مسار العمل
ومن الامثله ماذكرتو قبل كدا ممثل تجمع المهنين عندنا كوز امنجى لكن الجميع لايدرى لانو من عينه الاجتماعيين وناس الضحك وك(غطاء) كان قبلنا فى الجامعه بدفعتين لكن لا فى شغل ولا فى الجامعه كان فى زول عارف الا الناس الرصدت ليهو سلوك واحداث معينه
|
Post: #5
Title: Re: الخائب يعين كوز مجدداً مديراً للشركة السو
Author: سيف النصر محي الدين
Date: 04-19-2021, 00:08 AM
Parent: #4
بس في الحالة دي الاتهام بالكوزنة موجه لزول محدد.
اعتقد انه من حق الجمهور على الزول صاحب البوست او التغريدة ان يورد
من الادلة والاثباتات ما يدعم ادعاءه بأنه المهندس الذي تم تعيينه ده كوز معروف
او كما قال!
|
|