يا تلفزيون يا في رمضان

07:47 PM April, 13 2021

سودانيز اون لاين
mohmmed said ahmed-
مكتبتى
رابط مختصر

برامج قنواتنا في رمضان
اغاني واغاني...حلقة اليوم باهتة
تكرار لاسماء انصاف وهدى ومشاعر وحسين ومهاب
واسماء لا تستحق الاستضافة اصلا امثال البنادول وشكرالله وبن البادية


برنامج ريحة البن
قصيدة رائعة بعنوان الرتينة من الشاعر ابراهيم جابر


برنامج مسابقة طبخفى فناة السودان
الضيف الدائم المشاتر كمال افرو ومختار دفع ومذيعة متكلفة جدية


في سودانية كاميرا خفية هبلة فيها مسدس وطلقات

جزمة حسين الصادق
صفراء فاقعة عاملا تشوش بصري

اغاني وأغاني بدأ ٦ ونص وإنتهى ٨ مساء ...
زمن الغنا وكلام قدور ٣٠ دقيقة الباقي إعلانات ...
ما ممكن تغني ٧ دقايق وتعلن في ١٧ لي ٢٠ دقيقة ...

قناة قرد الغلوتية
عاملا لقاء مع بحر ابوقردة



برنامج ريحة البن اثناء قراءة الشعراء يتدخل المقدم بعلارات
يا سلام
الله
جميل
يقطع تركيز الشاعر
ويشوش استمتاع المشاهد

حلقة اليوم من اغانى واغاني
البندول وشكرالله محتاجين شربة
ملح مكارم وهدى اداء جميل


نجهنا هدى عربي فى هزة الكتف
الليلة كنت متمني تهز مع انا بغير بغير بغير عليك

اداء مدهش للفنان الشاب امير.
لاغنية صالح الضي


اداء جميل لحسين الصادق اغنية شايقية بايقاع الدليب

لقاء جيد مع د حيدر ابراهيم في قناة السودان

كذلك برنامج جميل مع الناقد والشاعر محجوب كبلو

اغانى واغانى
الاغانى ٢٥ دقيقة والاعلانات ٦٥ دقيقة
عشوائية قدور
يختار موضوع للحلقة ثم لا يلتزم به
اليوم قال الاغانى موضوعها قيم الشجاعة والفخر والكرم
ثم يقدم اغنية صلاح بن البادية عن خاتم ضايع


في بعض البرامج...زول بيكتب شعر طوالى يتحول لمقدم برامج
شاعر اسمو أحمد بيقدم برامج
يقرا شعرو ثم يختار اغنية من شكرالله من تاليفه ثم اغنية لمامون سوار الدهب ايضا من تاليفه

السر قدور اختار اغانى موضوعها الشجاعة
لنستمع لكلمات سيفك للفقر قلام
هذا الاجترار يعود لمفهوم الشجاعة من ازمنة غابرة
شجاعة الانسان الذى يواجه الطبيعة بالسيف لمقاتلة الحيوانات وفي مرحلة لاحقة شجاعة البدوى الذى يحمى القبيلة من هجمات الاعداء بالسبف
قيمة الشجاعة تتغير تتغير مع نمو المجتمعات وتطور السلوك
الشجاعة اليوم هى شجاعة ابداء الراى والوقوف ضد الظلم
شجاعة جيل ومضة صائدة البمبان وشجاعة عظمة شجاعة البنات فى الاعتصام والمظاهرات
لماذا لا نغنى لهم...بمفردات جديدة
بعيدة عن قلام الفقر ومليان الصدور بالدم ومشبع الطير والحدية

برنامج من الاخر
ما الحكمة من اجراء حوار داخل مصعد
البرنامج يستضيف الكوز ضياء بلال
ثم الجاكومى المثير للجدل


برنامج يقدمه شاعر اسمه احمد بلال ومذيعة جميلة زادها جمال حول فى عينها الشمال
احمد بلال شاعر مثله مثل عشرات شعراء الاغنيات الشباب
اصبح مقدما للبرامج يتحدث فيما لا يجيد
امس تحدث عن الاطفال والاغانى
وقال لا فض فوهه...الاغنية يجب ان تهتم بالطفل من ناحية الكلمات والالحان
والسبب ان الاطفال يكونون السبب فى خروج الاسرة من الحفل اذا لم تعجبهم الاغنية
اول حاجة الاطفال ليه يتواجدو فى حفلات الكبار
الاغانى السودانية معظمها تتحدث عن الحب والغزل والصد والهجران
المنطقى ان يحضر الاطفال اغانى تناسبهم ولا كما قال العبقري ان تبسط الاغنيات حتي تناسب اذوقهم

برنامج عن المدائح النبوية
يقدمه د ابراهيم القرشي فى قناة سودانية٢٤
حديث جميل عن التاريخ الإسلامى
وعن المدائح السودانية شرح وتعريف
يخليك تستمتع وتفهم

قميص شكرالله فاقع الالوان والمطرطش في حلقة اليوم
مع جزمة حسين الصادق الصفراء
يحفظ فى متحف غرائب اغانى واغانى



برنامج بشرى ونضال قهوتنا
مختص بشعر الدوبيت ما الحكمة فى استضافة زول بتاع نكات
غايتو السودان دا فيهو جوبكة اختصاصات عجيبة

استاذ محمد سيد أحمد ، مسكاقمي
إنت ناقد فني من الطراز الأول ، ونقد بناء

Quote: في بعض البرامج...زول بيكتب شعر طوالى يتحول لمقدم برامج شاعر اسمو أحمد بيقدم برامج يقرا شعرو ثم يختار اغنية من شكرالله من تاليفه ثم اغنية لمامون سوار الدهب ايضا من تاليفه

تعرف بعد شوية ، حيغني هو زاتو

Quote: جزمة حسين الصادق صفراء فاقعة عاملا تشوش بصري

الحبيب محمد مسكاقمي .. رمضان كريم
كما عمة رئيسنا برهان المشغولة باللون احمر
تسقط هيبة الوطن
رئيس دولة بعمة مشغولة باللون الاحمر

أنا خوفي الوحيد شكرالله ده يغني اغاني وردي
باقي هين .. ووو ميمد اشري

تحياتي ملاحظاتك كلام متخصص

مسكاقمى قريبى

ممكن جدا الولد شكر الله دى يغنى لوردى
الشباب ديل عندهم جرأة على المقدسات الغنائية

الموسيقى الفنان ترهاقا شكرا جزيلا
اهو الواحد قاعد يتفرج وما بيقدر يسكت على العوج المستمر
هههه ببساطة ممكن يغني
ما عارف ليه الاصرار على ان يتحدث الفنان ولاعب الكرة والشاعر
الموضوع فيهو تخصص الفنان يجود الغناء و ما مطلوب منو التنظير
كذلك الموسيقي والشاعر والرسام في السودان الكل يتحدث

برنامج قدور
لو ختا
مكارم
هدى عربي
حسين الصادق


بيقعد فى السهلة

برنامج شوارد السيرة فى قناة سودانية ٢٤
تقديم د ابراهيم القرشي
من الحديث السلس يعرف بفن وشعراء المديح
لنعرف كيف تناولوا احداث تفصيلية من التاريخ الاسلامي وسيرة الرسول الكريم
بلغة بسيطة جدا

في حلقة اليوم من اغانى
غنت شابة اسمها لولى

غناها دى حدو تشارك فى غنا رحلة الجامعة او سماية عند الجيران

الحبيب محمد مسكقامي
في قناة أمدرمان برنامج يأتي في نفس توقيت اغاني واغاني
كل يوم يقدمه شخص بدأ تقريباً بالشاعر اسماعيل حاج موسى
وكل يوم شخص آخر
العنوان على ما اعتقد ( عندما يغني النوبيون )
المشكلة اقحام شباب صغار لاداء أغاني وردي

لم أفهم ما هي علاقة العنوأن ( عندما يغني النوبيون )
وصور لوردي وزكي عبدالكريم واحمد المصطفى وسيد خليفة

أرجوك ووو ميمد انا ما فهام أي حاجة وبما أن لديك خبرات في الاعلام
لو أمكن وضح لي الأمر

تحياتي الحبيب محمد

شكراً استاذ محمد سيد احمد
لم اتابع ولكن بعد قرأتك ح اتابع مع انه
المواعيد متعبة

مرحب اخلاص
ياريت تكتبى ملاحظاتك حول ما تشاهدين

معليش وو ميمد امتداد لمداخلتي اعلاه
مقدمة البرنامج وفي الدعاية هناك سرد فيه
خليل فرح ...
وردي اب
ابراهيم عوض ( نعم من اهلنا الكنوز)
وزكي عبدالكريم ( اقجة بالقرب من دنقلا )

اصابتني الحيرة عندما ذكر
احمد المصطفى
وسيد خليفة
وزيدان ابراهيم

البرنامج بعد الفطور مباشرة ( عندما يغني النوبيون)

كده أنا أكون غيرت رأي في حسين خوجلي ( شكرا حسين )

تحياتي ميمد اشري .. معليش طولت في البوست

سلام قريبى عبد الوهاب
لم اشاهد البرنامج
احاول اشوفو
بس انا باستثقل التجانى دا من الكائنات القادرة على التواجد في التلفزيون في كل العصور

الان حوار مع دراميين ظراف
دصالح عبد القادر
محمود كابو
سيد صوصل
في قناة سودانية

وقبل قليل
حديث جميل للمسرحي وليد الالفي في قناة السودان

اجمل ما في اللقاء مع الدراميين
صوصل وصالح ومحمود
المذيعين الاتنين لم يتداخلو كثيرا
تركوا اولاد الدفعة والاصدقاء
يحكو ويمثلوويتداعو
ويقرو شعر بالعربي والفرنسي كمان

حلقة ممتعة جدا اوصى بالمشاهدة

الان برنامج جميل للمثقف غسان علي عثمان
قناة سودانية

عن النكات العنصرية عند فرق نكات الكوميديا


عنوان الحلقة
العدوان بالضحك
عنوان بديع ومدهش

الان حوار مع الفنانة المسرحية القديرة رابحة محمود
برنامج امهات الأرض
قناة الخرطوم
مذيعة ذات جمال وحضور اسمها اروى خوجلى

حبيبنا محمد تحياتي
مع حبس كورونا أول مرة اركز على اغاني واغاني
مفاجأة الليلة كانت ابن الفنان حمد الريح شاب اسمه حارث
غنى على طريقة والده سبحان الله الحكاية ورثة
أدهش الاستديو والفنانين

كورونا خلتنا نتابع كل الفقرات بعد الفطور
حتى الصلاة بقينا في البيت على الله القبول ( العمر مشكلة )

تحياتي الحبيب محمد

تحياتى العزيز على
للاسف ما بحب غناء حمد الريح...لم استمع للشاب


قبل قليل برنامج غناوى في قناة السودان
شاعر اسمو احمد البلال وموضوع الحلقة عن الرسائل فى الغناء
والحوار يمضي باهمال
وسؤال لشاعر مستضاف اسمه مريود يطلب منه توجيه رسالة لوزارة الثقافة والاعلا
ودون ان يهتز له رمش يطالب بالغاء الوزارة
واحمد البلال ماخد راحتو يحكى عن عدم حبه للرياضيات في المدرسة وما كنت بجي الاول بجى الثالث او الرابع
ورجغ ورجغ
خارم بارم
ونطلع فاصل اغنية برضو من تاليف الشاعر الءيع ءات نفسو

محمدسيداحمد وشركاه
لاول مرة حتى تايوم لم اشاهد اي حلقة من اغاني واغاني
حتى القناة اختفت .الغريبة مكتوب blue nile وما فيها غير كورة
مشت وين ما عارف ! قلت احسن...نرتاح من ازعاج مجموعة قدور
لكن افتقدنا حبيبنا عزيز خطاب

عم علي
عندما يغني النوبيون..توثيق للفنانين النوبيين منهم
وردي - خليل فرح - زيدان - البلابل - حمدالريح، مني الخير واخرين
خمسة اغنيات في الحلقة

سلام احمد
ويدك معانا
ونحنا نفتقد خطاب


هل غنى
حمد الريح
وزيدان
ومنى الخير

بالنوبية لا اعتقد

اعلنت قناة سودان بكرة
عن حوارات مع المفكر مجدى الجزولى

اوصيكم بالمشاهدة د مجدى مثقف مدهش

يغني النوبيون
وليس اغاني نوبية
يعني الفنانين من اصل نوبي ..وردي. حمد الريح. ( محس ) البلابل( حلفا )
(زيدان منى الخير ).. كنوز
في ولد صغير مع المجموعة اسمه ( موسى مهدي) صوته جميل قريب من صوت وردي في شبابه

سلام احمد
يغنى النوبيون بالنوبية وحمد الريح ومنى الخير ما غنو بالنوبية
زيدان ابراهيم بقارى


في حلقة اليوم السر قدور قال اغنية مبروك عليك يا نعومة كلمات السر دوليب
كنت فاكر الاغنية دى ما عندها شاعر
قايمة بروس ساي

قدور يقدم حسين الصادق
ويقول غني يا سونا
خفة الشيخ التي لا تحتمل

قدور قدم شاعر اسمو محمود الجيلى

قال شاعر مجدد

ومن نماذج التجديد
الناس الزينا نحنا
من محنة تقع في محنة


محنة التجديد

Quote: زيدان ابراهيم بقارى

يا رجل
زيدان من اصل كنزي واتولد في الموردة
طبيعة عمل والده كمحاسب في السكة حديد عاش فترة في كادوقلي

اخونا محمد سيد احمد

سِكِّر فى - ورمضان كريم

............

اولا بطلت اشوف اغانى واغانى - صار غير طاعم -

كنت اتمنى فى هذا العام ان ياتى بفنانين كبار ويدلوا بدلوهم عن قدامى الشعراء

وفى كل حلقة يكون هنالك ضيف ( فنّان )

شبعنا من البلّى ...

حلقة امس السبت 24/4/2021 - برنامج ( النوبيون ) وما ادراك

اولا مقدم الحلقة كان يقرا كل كلمة من الاوراق التى يحملها ( يعنى مافى حاجة من الراس )

وعندك الولد الى اسمه عبد الغفار عبد الوهاب - قال ليه غنى اغنية الراحل العملاق وردى - قطر الندى

ان لم تخنى الذاكرة - بالله من قولة تيت .. بدا بالصياح ( لا حول ولا قوة الا بالله ) ياخى روّق المنقة ...

.....

اما برنامج نصف ضربة - يعنى جيد ولكن نخصم منه الضحك الكتير والتكلُّف فيه والمبالغة

......

برنامج الصندوق .. ؟! مُمل

........
برنامج عرق جبين بتاع محمد الفادنى ( اسئلة غير موزونة ) دا شنو يا ود المهدى ؟؟

............

برضو برنامج الشخص الحُشرى وينضرب كل مرّة ( نسيت اسم المقدم ) وبرضو من اعضاء فرقة الاصدقاء

............
برنامج مازن بتاع الكاميرا الخفية

غايتو برامج غير هادفة ونقول استغفر الله العظيم

الله يعيننا كمشاهدين ومتابعين ونبحث عن الترفيه

........

مافى حل حتى لو قلنا ( ويبيوووووووووووووو ) ...!!!

..........

لك مودتى

سلام
احمد
انا سمعت او قريت انو زيدان بقارى
باين انت متاكد كلامك بيكون صاح

تحياتي انور
ما شفتا برنامج نوبيون
برنامج الصندوق سخيف

انا محتار في شعراء عاديين جدا تجد لهم حظوة واستضافات ومساحات في الشاشات
مثلا امس الشاعر الاسمو محمود الجيلي مستضاف فى اغانى حتى وصف مجدد في شعر الغناء
في نفس التوقيت يظهر فى قناة سودانية مقدم برامج

شاعر اخر متوسط القيمة اسمه احمد بلال
عديل عندو برنامج يفتي في كل الموضوعات من الشعر للغناء لتربية الاطفال للثقافة السودانية

فى حلقة اليوم من اغانى
اداء جميل وهادئ
للفنانة لينا قاسم لاغنية مني الخير
الليلة بلال ما جا

لينا قاسم تتالق فى اغنية يا ليالى للخير عثمان
فى اغانى اليوم


برنامج نضال الحاج وبشرى
فيهو شعر
اليوم نضال قرات قصيدة هجاء مستحق لناس الكهرباء

بعد فترة ايجابية لانحسار ظهور فرق النكات الهايفة

اطلوا مع شهر رمضان

امس في قناة لا اذكرها فهمو كثر
شاب من الفرق الهايفة قال حيقدم اسكتش
وقال لزميلو يلا انت البنت
الزميل عمل حركات مايعة كدة
ازيك
انت عبيط
الجو جميل
انت عبيط
انت جميلة و عيونك سمحات
انت عبيط
انتى شنو شابكانى انت عبيط انت عبيط يمكن داير اعرسك
انت جادى
ههههه
السخف دا اول شىء بيبرر ويتصالح مع فكرة مشاغلة اى بت فى الشارع
تانى حاجة بيكرس لاهانة للمراة باعتبارها متلهفة للزواج من اى زول حايم في الشارع


واحد بتاع نكات اسمو فخرى لا يضحك ولكنها مثابر جدا وله امكانية للتواجد باستمرار فى الشاشات
يظهر كمقدم برامج أسئلة في الشارع ثقيلة الظل


كارثة اسمو حسن تسريحة
شفتو فى حوار مع بنت محمد نعيم سعد
تتذكرى لمن كنتى برلومة اديتك سدوتش طعمية
ههههههه
يا دمك

امس استضاف قدور شاعر اسمو احمد بلال
وايضا رش ليهو كمية من الاشادات المجانية
وبرضو قال مجدد في الشعر الغنائى

احمد بلال
و محمود الجيلي
يحظيان بفرصة الاطلالة اليومية طوال شهر رمضان فى برامج فى الفضائيات
فلماذا يتكرر ظهورهما فى اغانى
شعر بلال والجيلى لا يختلف كثيرا عن شعر المئات من الشباب
فلماذا هذه الحظوة

يا جماعة نسيتو برنامج يلا نغني في قناة الهلال ,,,, كدي شوفو وتعالو ورونا الحاصل
وكمان في برنامج في قناة انغام بقدمو الاخ الفنان احمد الجقر ,,,, كدي شوفو يا جماعة ,,, لانو اختلف علينا الاختصاص ,,,
قنوات السودان السنة دي غايتو ما قصرت معانا نهااااائي ,,, الفنان بقا مزيع والمزيع بقا فنان والشاعر بقا مقدم برنامج ووووووووووووووووووووووووووووك ,
اما برنامج اغاني واعاني السنة دي انا قلت ما حا اشوفو وقد كان ..

تحياتي لك استاذ محمد سيد احمد غايتو اديتنا فكرة عن الوضع المتازم الحاصل في الشاشات السودانية وكفيتنا شر التأثيرات الجانبية للمشاهدة ..
بس إضافة بسيطة عميد الفن احمد المصطفى (نوبي) فهو محسي ايضا وجده الشيخ ادريس ود الارباب الذي ينحدر من شمال السودان ..

تحياتي : ياسر العيلفون .......

سلام ياسر
طبعا فوضي اى مغنى او اى شاعر متوسط القيمة ممكن يقدم برنامج لمدة شهر يظهر كل يوم ويفتى فى كل موضوع


احمد المصطفي يمكن جذورو نوبية لكن اعتقد ان صفة فنان تطلق على من يعرف النوبية ويغنى بها

مثل خليل فرح وردى زكى عبد الكريم دهب خليل حسين الالا

ياسلام يا سلام
اليوم لينا قاسم ابدعت اداء رزين وصوت صافي واحساس عالى
وهي تغني لمصطفي سيد احمد مطارات الوداع ضحت

كلمات قاسم ابوزيد
ويا قدور دا التجديد في الشعر الغنائي
مش محمود الجيلى واحمد بلال

الافكار ملقاة فى الطرقات فى حاجة لمن يلتقطها

مقولة شائعة للجاحظ
تنطع شكر الله خلف ونسبها للمسرحي الروسي ستانسلافسكى
فى حوار تلفزيونى

اختيار الضيوف في القنوات الفضائية فن من فنون الاعداد يحتاج الى خبرة وذكاء
فقر الانتاج من اسباب الفشل فى اختيار الضيوف
والتلفزيون شغال بنظرية من دقنو وافتلو
امس قناة السودان تستضيف مخرج من داخل التلفزيون وهو شكر الله خلف الله وفي نفس الوقت قناة سودانية تستضيف ايضا مخرج من داخل التلفزيون هو طارق البحر ومن حوش الاذاعة عبد المطلب الفحل
ظاهرة تدوير شخصيات من الحيشان الثلاثة تنفرد بها قنواتنا
فمثلا يندر ان يستضيف التلفزيون المصرى مخرج كمتحدث او كمقدم
المخرج مهمته الاخراج وليس الحديث والظهور المتكرر في القنوات
القصة فى السودان بس اقرب زول مارى في الحيشان التلات طوالى تعال اعمل لقاء

زميلة البورد الراحلة نادية مختار
كان لها لقاء جميل في قناة امدرمان مع بطل من ابطال الملاكمة السودانية لا اذكر اسمه
كان لقاء لطيف مع شخصية بطل لم يسبق لها الظهور فى الشاشات
اللقاء كان نموذج للاستضافة من خارج الصندوق

بطل الملاكمة
اسمو محمد مرحوم

قبل قليل في قناة السودان برنامج من الامس
حلقة من برنامج قدمه الكابلي فى عام ١٩٧٤
الموضوع عن الليل
بدا عن الليل فى الشعر الجاهلي وقرا
وليل كملوج البحر بصوت جميل واداء سليم
ثم عرج عن الليل في شعر خليل فرح
ثم استضافة لحدباي
ياريت لو قدور ساهد الحلقة ليتعلم
كيفية الاحاطة بالموضوع وكيفية الحديث المثقف الرزين الخالى من الضحكات المفتعلة

يا بوردابيات ويا بورداب
عاوزين ملاحظاتكم


ما ممكن من اول رمضان اعتل في البوست براى
رمضان ذاتو دخل العضم

فى حلقة اليوم قدور قال الفنان في الأداء بيكون محاصر بين زمنيين زمن الايقاع وزمن الفرقة الموسيقيةا
ستفسار
زمن الايقاع مش هو ضمن زمن أداء الفرقة الموسيقية ولا خارجها
مطلوب راى من اصحاب خبرة ومعرفة موسيقية

كنت شايف الجنة فى نظرات عينيهو
يا سلام
مكارم بشير
تطورت واصبحت راسخة الاداء

Quote: قدور قال الفنان في الأداء بيكون كحاصر بين زمنيين زمن الايقاع وزمن الفرقة الموسيقية

كلام خارم بارم زي ( طاعة الوالدين أهم من طاعة أبوك وأمك)

ههههه
سلام قريبي

انا كنت حاسي الكلام هبوب ساي
بس رايك كموسيقي بياكد الزول بينجر ساي


حاول يعمل تفرقة بين مفهوم الريد والحب
قال انت تحب امك
لكن تريد بت عمك
وما قدم اى فرق بين مفردة الريد والحب
فى العامية السودانية الريد بيستخدم بنفس مفهوم الحب

ولو فى فرق بسيط بيكون الحب اكثر صراحة فى التعبير عن عاطفة بين رجل وامراة

الزول كلامو كلو تخاريف ونجر

السلام عليكم استاذ محمد سيد احمد
و موسيقارنا الجميل احمد ساطور
الحديث عن التلفزيون القومي و برامجه و مشاكله و كوادره
يحتاج لإفراد مساحة كبيرة من النقاش و ورش العمل من مختصين
لتلمس كل هذه الإشكاليات و السعي لحلها بالتدريج و بروية و رؤية ثاقبة
ورش العمل المتخصصة كذلك تساهم كثيراً في الوصول الى نتائج مرضية
الميزانية هي رأس الرمح في الإرتقاء بتطوير البنية التحتية من أجهزة و معينات
و تطوير البرامج و تأهيل العاملين و التخلص من عاطلي الموهبة
اثق تماماً في حرص الزميل لقمان أحمد المدير العام للهيئة القومية للإذاعة و التلفزيون
و كذلك الزميل علاء الدين الضي مدير إدارة البرامج بالتلفزيون في السعي للإرتقاء بالتلفزيون
و لعلاء الدين تاريخ جيد في برنامج جريدة المساء اليومية منذ زمنٍ بعيد
وهذا يدل على أن علاء الدين يستحق عن جدارة إدارة البرامج بالتلفزيون القومي
مدير البرامج بالتأكيد لديه افكار برامج و لكن لا يمكنها ان تغطي دورة برامجية تمتد لشهور
يحتاج لمبدعين يقدمون أفكار لبرامج تغطي فترة الدورة البرامجية ذات الشهور الممتدة
هذا ليس دفاعاً عنهم و لكنها الحقيقة التي لا يعلمها المشاهد
لدي ملاحظات كثيرة عن تلفزيون السودان اناقشها مع الزملاء و كثيراً ما نصل لبعض الحلول المرضية
التلفزيون القومي يحتاج الى جراحة دقيقة و معقدة قد تأخذ الكثير من الوقت و لكن بالتأكيد ستكون نتائجها مبهرة
و مرضية للجميع العاملين و المشاهدين
هذا التلفزيون يمثل وجه السودان و ثقافات السودان المتعددة يحتاج الكثير
و على الدولة ان تقوم بواجبها تجاهه و القائمين عليه يعلمون كل صغيرة و كبيرة
و الحديث يطول و يطول ....

تحياتى الاعلامى
خضر
بلا شك المال عنصر مهم لانجاح العمل الاعلامى والتلفزيونى
كذلك ضعف التقنيات ونقص الاجهزة من اسباب فشل التلفزيون
الحلقة الأضعف هى الكادر البشرى المؤهل صاحب الرؤية
الادارة وقيادة العمل ووضع الخطط والاستراتيجيات مسرولية الادارة
ضعف الرسالة الاعلامية وفقر البرامج وغياب التخطيط و العشوائية فى اختيار البرامج وفقر الاعداد
وطاقم التقديم كلها نتاج لضعف الكادر الادارى
التلفزيون يحتاج لقيادة جديدة مهنية مبدعة يمكنها ان تحقق نجاحات بامكانيات واموال بسيطة

ياسلام
البت ينا دى مجنونة عديل
جضمت
قلبي دقة...بتاعت شرحبيل

حصلوا قاسم ابوزيد فى برنامج ريحة البن
بيقرا شعر مجنون عديل
لو فى زول حريف ينزل حلقة قاسم


رفيعة حلقت عاليا عاليا عاليا
باغنية عيونك كانت في عيونى لعبد المنعم حسيب
مشهد جميل لغة الجسد للتعبير عن الاعجاب ابتسامات الموسيقين لصولة العود...وابتسامة حسين الصدق ونقرة اصابع لينا
ثم فى الختام وقفة المجموعة والتصفيق اعجابا بالاداء


اما شكرالله
فقد ذبح درة التاج مصطفى الملهمة من الوريد الى الوريد

بعد انقضاء اكثر من ٢٠ حلقة من البرنامج

اقدم تقيمى الشخصى للاداء

لينا قاسم امتياز
الفرقة الموسيقية امتياز
حسين الصادق جيد جدا
هدى عربي جيد جدا
مكارم بشير جيد جدا
رفيعة جيد جدا
انصاف...جيد
مهاب.. جيد
امير....جيد
البنادول... ضعيف جدا
شكر الله....ضعيف جدا
معاذ.... ضعيف جدا
لولى.... ضعيف

سلامات يا محمد
عارف الاورغ في اغاني واغاني - الما لابس نضارة - انا سميته سيد بيه الاليط
والاليط في لغة اهلنا المصريين كما تعلم هو الشخص الذي لا يعجبه العجب.
الراجل طول الوقت بعاين للناس بطرف عينه وتبدو عليه ملامح التأفف. بس للحقيقة
والتاريخ مرة واحدة رفع راسه وعاين للكاميرا وابتسم نص ابتسامة 😀.

سلام سيف
الاليط بعرفا كويس انا طبعا شهادة مصرية
ودرست الجامعة والدراسات العليا في مصر

الزول الاليط دايما بيكون مجضم شغلو

ناس الفرقة الموسيقية ديل خطيرين
تارموميتر لقياس اجادة الفنان
عندهم نص ابتسامة وربع ابتسامة
ونظرات كدة بطرف العين
وبتاع الكمان لمن يتكيف من الفنان بيعمل ليهو ميلان كدة على كتف
وعوض حمودى لو زاد من ايقاع الحركة الراسية من اسسفل الى اعلى بيكون اتسلطن
لمن يغنى بانادول ولا شكر الله بيظهر على وشهم

التقيمات الشخصية للاداء
وتقديرات ممتاز وجيد جدا وضعيف
رايكم فيها شنو
عاوزين نرفعا فوق للاعتماد

العزيز محمد سيد أحمد
البرامج في التلفزيون السوداني بقت ذات طابع ونمط وأحد
غير قابلة للتجديد من ناحية الاستديوات والمقدميين
حتي برنامج اغاني واغاني ذات احتكارية وهنالك من المدبعيين السودانيين لم يجدوا الفرصة

مرحب حامد
التكرار والتكلس سمة برامج التلفزيون
الطاقم القديم داخل التلفزيون يسيطر و يقاوم بقوة وشراسة اى تجديد
من المؤكد السودان فيهو مواهب وخبرات من مذيعين ومعدين واصحاب افكار تجديدية لا تجد فرصة

فى حلقة اليوم
صوت عثمان مصطفي
لا يمكن ان يقلده
شكرالله
او انصاف
دخلتو نفسكم في تجربة صعبة مع هذا الصوت الفخيم العريض

فى قناة انغام
لقاء ثقيل
مع ممثل ثقيل حسن تسريحة
ومذيع ثقيل

يسال
انت شخصية تسريحة فيها ليونة ومياعة

الان برنامج مشافهة قناة السودان
شعر مدهش لبابكر الوسيلة
المذيع قذافى مثقف ومحاور جيد بصوت جميل

و الله يا استاذ محمد لو كنت بتابع القنوات دي ذيك
كنت انجلطتا زماااان
غايتو ربنا يديك الصحة و العافية يا حبيب

والله يا خضر
منذ بداية رمضان
بعد الافطار مباشرة بشوف مسلسل شعبية الكرتون الاماراتي
ثم مسلسل حامض حلو
ثم برنامج أغانى
ثم اظل اتابع القنوات السودانية حتى الثالثة صباحا

Quote: ثم اظل اتابع القنوات السودانية حتى الثالثة صباحا

الله يديني طولة بالك و طول العمر مع الصحة و العافية
لكن القنوات دي اسهل طريق للجلطات و الشلل الرباعي

عفر عباس يكتب الفضائيات السودانية بين السقوط والهمود والركود
تم النشر منذُ 23 ساعةتعليقمصدر الخبر / جريدة التيار

جريدة التيار
مصدر الخبر / جريدة التيار


الفضائيات السودانية بين السقوط والهمود والركود
جعفر عباس
كلما شكوت من بؤس حال ومآل محطات التلفزة السودانية قيل لي: ذنبك على جنبك، فكيف تستطيع أصلا متابعة ما تبثه تلك المحطات، بينما تجربة يومين من مشاهدتها كفيلة بإيقاع طلاق بائن بينونة كبرى بين المشاهد وبينها؟ ويكون ردي هو إنني “خادم فكي مجبورة على الصلاة”، بمعنى أن الانتماء والحنين إلى الوطن يشداني خاصة بعد ثورة ديسمبر إلى كل ما فيه رائحة الوطن، فأحرص في الأمسيات على وجه التحديد على متابعة ما تبثه بعض الفضائيات السودانية، فتبث في جوانحي السخط والغضب والعجب
كانت وما تزال فضائية سودانية 24، ومن حيث الشكل والمحتوى، أهم إضافة للمشهد الإعلامي السوداني في السنوات الأخيرة، ولكن لكل جواد كبوة ولكل صارم نبوة، فكان أن تلوثت شاشتها في شهر رمضان الحالي بفقرة في منتهى السخف، ومثيرة للإحساس بالقرف، تتمثل في بث مشاهد تتعلق باستدراج إعلاميين ومطربين سودانيين من الجنسين يزورون القاهرة، إلى فندق بذريعة المشاركة في فعالية ما صحبة فتاة سودانية مقيمة في القاهرة، فيدخل عليهم شخص شاهراً سلاحاً ثم يطلق النار على تلك الفتاة ويصرعها، ويعقب ذلك تهريج قبيح وفج بقدوم من يمثلون الشرطة المصرية، ويتم توجيه الاتهام بالقتل إلى الضيفة/ الضيف السوداني، فيتواصل بذلك التهريج، والمعنيُّ بالاتهام يعيش حالة من القلق والشد العصبي والنفسي، فتزداد وتيرة وإيقاع التهريج وصولاً الى نقطة “هيييه مقلب، تعيش وتاخد غيرها”
ويفترض إن كل ذلك “مضحك”، بينما لا يعتبر أمر القتل وتوجيه الاتهام بالقتل العمد إلى آخرين أمراً مسلياً أو مضحكاً إلا شخص معتل وعقله مختل، وبالتالي فإن شراء القناة لتلك الفقرة أو قيامها بتمويلها وإنتاجها على نفقتها سقطة مهنية وأخلاقية، وتنم عن خلل مريع في الذوق، ومجاراة لقنوات الصرف غير الصحي التي تحيل شهر الصوم الفضيل إلى موسم للهرج والعبث والسخف
أما الفضائية السودانية الرسمية فقد “قنعت من خيراً فيها”، وبت مقتنعاً بأنها تتمتع بحصانة ضد التطور ومناعة ضد الإبداع، ويبدو إن هناك دي جيه DJ يتحكم في إيقاع العمل فيها، بمعنى افتقارها لمايسترو إداري وفني، وقد بات واضحاً أن كبير القوم فيها الأستاذ لقمان أحمد غير معني إلا بنجوميته، فكان أن خصص أثاثاً واستوديو في منتهى الأناقة لبرنامجه حوار البناء الوطني الذي يستضيف فيه فقط “نجوم” العمل العام، بينما برنامج “المشهد” اليومي حظه من الأثاث طاولة من “زنك الخضار”، ثم صار لقمان شيئاً فشيئاً عنصر أخبار في نشرات الأنباء، وكان من المضحك المبكي أن كاميرا تلك القناة وخلال المؤتمر الصحفي الأخير حول مؤتمر باريس الاقتصادي كانت تقف عند المتحدث على المنصة قليلاً، وعلى لقمان دون غيره من الحضور كثيراً، وذات مرة شارك لقمان في ورشة عمل اجتماع يخص جماعة البيئة فصار ما قاله لقمان خلال تلك الفعالية خبراً في نشرة التاسعة مساء، ولم يأتِ ذكر رئيس تلك الجماعة ولا ماذا قال هو والآخرون خلال الاجتماع، وقس على ذلك: ما أن يكون لقمان حاضراً في محفل رسمي فيه كبار القوم (وما أشد حرصه على ذلك) إلا ورصدت كاميرا “قناته” حركاته وسكناته، ورفعت ما يقول إلى مصاف “أقوال ماو”
وقد خضت في أمر الفضائية السودانية ثلاث مرات في غضون الأشهر ال12 الماضية، ووردتني تعقيبات عليها من بعض القابضين على جمرها مؤداها “ما خفي أعظم وأفدح”، ولكن ما هو متفق عليه هو أن لقمان غائب عن القناة في معظم الأوقات، وفي حال حضوره فيها فهو “مش فاضي لأحد”، ولا تثريب عليه في ذلك فهو كبير لا يجالس ويخالط إلا الكبار، ويظل لقمان يتعلل بانشغاله بتحويل الإذاعة والتلفزيون إلى هيئة مستقلة على غرار بي بي سي، وهو حلم طوباوي لأنه لن يستطيع أن يقنع أحداً بفرض ضريبة خاصة بالقناة كما هو الحال مع بي بي سي، والخزينة العامة أعجز من أن تموِّل الهيئة المقترحة، بينما بي بي سي تتلقى مبالغ سخية من وزارة الخارجية البريطانية، ثم أن الأمر برمته سياسي وليس إدارياً كي ينشغل به لقمان أو غيره
ومن عجب أن الفضائية السودانية المصابة بالكساح الفني (وليس المقصود بهذا المعدات)، والتي يفوت نشرتها الإخبارية الرئيسية إجازة أربعة قوانين مهمة من قبل الكائن الهلامي الجديد المريب “المجلس التشريعي المؤقت”، لم تجد يومذاك خبراً يتصدر النشرة إلا تهنئة رئيس مجلس السيادة لرئيس جيبوتي بفوزه في الانتخابات (لو اعتبرنا هذا خبرا أصلا)، هذه الفضائية تنجح فيها كوادر الصف الثاني من إعداد وإنتاج برنامج من شاكلة “بيت الأسرة” بكفاءة واقتدار بلا هنات تذكر، رغم إنه يبث مباشرة على الهواء لقرابة ساعتين ويمضي في إيقاع منضبط وهو يطرح ويناقش ويغطي الكثير من القضايا والأحداث المهمة ويستضيف غمار الناس، واللافت للانتباه هو أن الكوادر النسائية في القناة هن ربابنة البرامج التفاعلية الحية، التي تحظى بمشاهدة عالية مستحقة
ولقناة الخرطوم في وجدان كل من قلبه على ثورة ديسمبر مكان أثير، فلا تمر ساعتان أو ثلاث دون أن تتوقف القناة في محطة الثورة إنعاشاً للذاكرة الثورية وحثاً لقوى الثورة على المضي بها إلى غاياتها، وطوال شهر رمضان وعلى أعلى شاشتها عبارة “الثورة مستمرة”، ثم والقنوات جميعاً تتسابق في التهريج والتخبيص باسم الترويح عن النفوس في رمضان، تقدم قناة الخرطوم يومياً برنامج “أمهات الأرض” الذي يتولى إنتاجه الأستاذ ياسر عوض، ويستضيف أمهات شهداء الثورة، وتقدمه الأستاذة حقاً وحقيقة أروى خوجلي التي تبدي مهارة عالية في محاورة أمهات مكلومات بلغة هي مزيج من الرصاص والدموع، وتظل أروى تحبس دموعها وهي تستمع إلى أوجاع أولئك الأمهات، ثم تطرح أسئلة الوجع الذي يكابده كل من قلبه على الوطن: ماذا حدث لثورتنا؟ ماذا تحقق من شعاراتها؟ ماذا يفعل من يشغلون الكراسي الوثيرة التي أوصلتهم إليها تضحيات الشهداء؟
اسأل الله أن يقيل عثرة اس 24 ويقيض للفضائية السودانية إدارة تتقن فن صناعة الإعلام، وييسر لقناة الخرطوم الأدوات كي تواصل الصمود والصعود

شا

حلقة اليوم بدا قدور باستعراض اغنية لكرومة كتبت فى ١٩٢٥ يعنى قريب لقرن من الزمان


الطريف قدور قال الفاضل احمد سجل اغنية كرومة فى مصر ثم قام بتوزيعها في السودان ولم يغضب

وقدور له شكاوى فى المحاكم ضد فنانيين بسبب كلمات أغنياته والمقابل المالى

اليوم الاداء جميل من الجميع
حسين
امير
انصاف
حتى باندول


احتمال لغياب شكرالله لاول مرة منذ بدء الحلقات

اول شىء نشكرك على ربطنا بالقنوات وبالبرامج دون ان نشاهد

Quote: لينا قاسم امتياز

ثانيا : اتوقعتك تصل للنتيجة النهائية دي يا محمد سيداحمد
لانك ما فوت فرصة والا ذكرتها ..

سلام احمد
النت لينا هى الاشراقة الوحيدة فى البرنامج
عدت الى اليوتيوب واستمعت لها فى اغنيات باداء مدهش
وخاصة فى اغنيات كوكب الشرق ام كلثوم
الفنانة لينا لو حظيت برعاية واهتمام حتكون رقم مهم فى خارطة الغناء السودانى


عاوز اقدم نقد ذاتى لانتقاداتى الكثيرة للفنانة هدى عربي وحركتها المصاحبة للغناء
هذه السنة بدت اكثر تحفظا
اتمنى ان تعود للتعبير بلغة الجسد عن السلطنة والطرب وهى تؤدى

القنوات الفضائية السودانية تستسهل جدا موضوع منح اشخاص فرصة تقديم برامج والاستحواذ على اوقات ثمينة ومكلفة فى الاثير
على سبيل المثال عضو فى فرقة نكات يصبح مقدم برامج مثال فخرى بتاع النكات يقدم برنامج مسابقات كذلك جلواك
حتى الدرامي محمد المهدى يقدم برنامج بدون اى قدرات او موهبة لتقديم البرامج

Quote: فخرى بتاع النكات

دا واحد من الاسباب الرئيسية الخلتني ابتعد عن مشاهدة اي قناة سودانية خوفا من ان يجي طالع

يا احمد
ثقيل ثقالة

محمد سيداحمد
مهاراتك في النقد الفني عالية

شكرا احمد

النقد دا ما اكل عيشنا

Quote: واحد بتاع نكات اسمو فخرى لا يضحك ولكنها مثابر جدا وله امكانية للتواجد باستمرار فى الشاشات يظهر كمقدم برامج أسئلة في الشارع ثقيلة الظل

والله يا محمد سيد أحمد ربنا يديك الصحه والعافيه ...
عبرت عني إلا أنا ما بعرف أرص الكلام زيك كدا ...

Quote: القنوات الفضائية السودانية تستسهل جدا موضوع منح اشخاص فرصة تقديم برامج والاستحواذ على اوقات ثمينة ومكلفة فى الاثير على سبيل المثال عضو فى فرقة نكات يصبح مقدم برامج مثال فخرى بتاع النكات يقدم برنامج مسابقات كذلك جلواك حتى الدرامي محمد المهدى يقدم برنامج بدون اى قدرات او موهبة لتقديم البرامج

من شابه أباه فما ظُلم ...

موش السياسيين ادوهم وظائف جبر خاطر ...

هو كدا وحاجات تانيه حامياني ...

لينا قاسم
نقول شنو فى اداؤك المدهش لاغنية مني الخير اعملك ايه اعملك ايه
بس نقتطف من قصة بشرى الفاضل البنت التى طارت عصافيرها

((خرجت من لدنها ممتلئ بها حتى غازلنى الناس في الشوارع))

عن مناسبة الاغنيات
ذكر قدور ان حكاية اغنية حاول يخفى نفسو ان ثلاثة من شعراء الحقبية كانو يتلصصون حول بيت فتاة جميلة ظهرت فطاؤة ثم اختفت
مباشرة كتب احدهم حول يخفي نفسو
واردف الثانى هل يخفي القمر فى سماهو
واكمل الثالث شفناهو شفناهو

وعن قصة اغنية ازاك يا عيونى قال
الشاعر عبيد كان يعانى من مشكلة النظر وبعد ان اجرى عملية ناجحة فى القاهرة شاهد فتاة سمراء غاية فى الجمال
قال كنت مرتاح هسا رجعتا للاذى دا ثم كتب ازاك يا عيونى


غايتو شعراء الحقيبة صعبين