عيب يا ناس مطار الخرطوم ... فضحتونا

08:23 PM April, 06 2021

سودانيز اون لاين
محمد أبوالعزائم أبوالريش-
مكتبتى
رابط مختصر

أخواننا اليمنيين للظروف الحاصلة في بلدهم، ما بيقدروا يسافروا بطريق مباشر من معظم دول الخليج لليمن.

أحد الزملاء اليمنيين، كان في السنين الفاتت بيسافر عن طريق سلطنة عمان أو الكويت أو الأردن، لأنو ما بيقدر يسافر مباشرةً من قطر.
المرة دي إختار إنه يسافر عن طريق الخرطوم .....
أخد الطيارة للخرطوم على أساس إنه يعمل (كونيكشن) من الخرطوم إلى صنعاء في اليمن.
وصل مطار الخرطوم بسلام وبعد صعوده لطيارة صنعاء، نادوه ومعاه عدد من المسافرين اليمنيين للتعرف على شنطهم.
لما مشوا إتفاجأ بخضوع شنطهم للفتح والتفتيش ... وطلعوا منها كمية من العطور كانوا شايلينها هدايا لأحبابهم و ........ تمت مصادرة العطور جميعاً.

الراجل من مطار الخرطوم إتصل ورسل صور للمهزلة وهو مليان غضب وحيرة من الشي الإتعرض ليهو.

ديل مجموعة مسافرين جايين ترانزيت ... ما دخلوا البلد ... تمت مصادرة مقتنياتهم الشخصية .......... بأي حق؟

كيف تتم معاملة مسافرين عابرين بالطريقة دي، في نفس الوقت البينادي فيهو البعض للتسويق للسياحة؟

البلد كلها بقت حرامية

ده نفس مطار الخرطوم الذي أعطى شيك على بياض للسي آي إيه لترحيل الفلاشا إلى إسرائيل.


مطار الخرطوم مثل بنك الخرطوم, تهيمن عليه البرجوازية التي لا ترى أبعد من أنفها.

جزء من الحل: المقاومة تبدء من المطار. أي مواطن يواجه إجراء غير منطقي يعمل مشكلة. أي تعدي أو مضايقات تعمل معاهم غلبة.

السفر يتحول إلى مشروع مقاومة إجتماعية: وإنت مسافر تجيب معاك عشرة على الأقل من أهلك أو جيرانك. صعبة وبتاخد وقت, لكن بالتدريج الناس حتقدر تعمل تكتلات.
وتشيلني وأشيلك يوم السفر.

وإنت جاي, تتصل بيهم بعد ما تصل. أقيف في ركن و وما تمشي على بتاع الجوازات ذاتو. تدي ناسك فرصة لحد ما يصلوا وينتظروك برة. أي شنكبة, تضرب تلفون. يجوا كابسين.
المطلب هو النظام والعدل. ولا للفوضى.

لحد ما يا يزهجوا يقفلوا المطار, ولا يديروا المطار بشكل لائق.

احتجاجات مطلبية تكون بنظام: تشيل يافطات. وتكون جاهز للدفاع عن النفس حين الضرورة.

لن ينصلح الحال إلا بذهاب لجنة أمن البشير ومن هم على رأس السلطة الآن ، كيزان معفنين