Post: #2 Title: Re: متى نخرج السودان من وحل الأنادي الذي تدير� Author: Abureesh Date: 04-05-2021, 10:36 AM Parent: #1
Quote: الذى تديره الأناتى
سلام يا توفيق..
البتقول عليها إنتايـة دي كانت المديرة بتاعتك قبل ما تتولد، واستمرت فى إدارة شؤونك بعد ولادتك عدة سنوات لغاية ما تخرجت من الجامعة.. وربما بعد ذلك.. أعدد ليك الخدمات (الإجتماعية) التى قدمتها لك واللا مافى داعى.. لا بلاش منها دى. الإنتاية قولدا مائير هزمت الجيوش العربية إبان شنبات.. ميركل المستشارة الألمانية تدير الإقتصاد الأوروبى..
حكومة فنلندا رئيستهم إنتاية.. وكل الوزراء تقريبا أناتى..
وديل وزيرات الدفاع فى حلف الناتو
Post: #3 Title: Re: متى نخرج السودان من وحل الأنادي الذي تدير� Author: muntasir Date: 04-05-2021, 11:03 AM Parent: #2
الغريبة انه الأمير يا أبوالريش كان بيفتخر إنه إتحاد نساء السودان أسس في بيتهم وهل تصدق عمته من الرائدات السودانيات في التعليم والعمل العام لكن للأمير شطحات عندما يضربه الفلس 😂
Post: #4 Title: Re: متى نخرج السودان من وحل الأنادي الذي تدير� Author: Abureesh Date: 04-05-2021, 02:27 PM Parent: #3
عارف يا منتصر.. لكن ما دام هو يكاوى الناس لازم يتحمل المناولـة.
Post: #5 Title: Re: متى نخرج السودان من وحل الأنادي الذي تدير� Author: Deng Date: 04-05-2021, 05:49 PM Parent: #4
أنا قلت الزول ده عقل، خصوصا بعد نجاح مؤتمره بقاعة الصداقة، وجا هنا فرحان بزيارة السيد إبراهيم باخت لهم في المؤتمر.
تقوم ترتد ردة زي دي وترجع تاني لضلالك القديم؟
الظاهر الطبع بغلب على التطبع.
Post: #6 Title: Re: متى نخرج السودان من وحل الأنادي الذي تدير� Author: Osama Mohammed Date: 04-05-2021, 05:59 PM Parent: #5
Quote: الظاهر الطبع بغلب على التطبع.
في حاجات الناس ما بتقدر تدسها .....
Post: #7 Title: Re: متى نخرج السودان من وحل الأنادي الذي تدير� Author: tasneem Date: 04-05-2021, 06:20 PM Parent: #6
معقول لسة في ناس بتفكر بالطريقة دي!!! تفكير القروش الوسطى
Post: #8 Title: Re: متى نخرج السودان من وحل الأنادي الذي تدير� Author: ABUHUSSEIN Date: 04-05-2021, 06:54 PM Parent: #7
الفلس لا دين له ..... 😂😂😂😂
Post: #9 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-05-2021, 09:32 PM Parent: #8
Quote: لفلس لا دين له
وحات الله الشهر الفات صارف فيه للبلد دي عبر مؤسستي الشفافية للخدمات التجارية 800 الف جنيه (800 مليون بالقديم ) لأمن قعدت على الحديدة بل ديون الليلة بس قدرت أسد آخر دين فيها للآ والنتيجة إحباط شديد زي ما قاعد اقول طوالي الشعور بأنك بتوزع ليك سبح ولا نصائح دينية في انداية =السؤال هل أنا بنفخ في قربة مقددة= للآن عبر ثمانية سنوات صارف مليارات كتيرة والنتيجة صفر كبير في أول ظهور لينا مباشر عبر معرض التطبيقات الجناح الوحيد الشهد إقبال جماهيري كبير كان جناحنا لدرجة عشرة بنات من استافي كانوا لا يجدوا فرصة راحة دقيقة من الشرح الناس حقيقي كانوا مخلوعين بينا لكن بنتهي في محله الناس ما عندها رغبة تمشي لقدام حقيقة همها كلو تهتم بالفارغة شغل وثقافة الانادي أعلى مشاهدة في قناتنا في يوتيوب لمقابلة بالصدفة لجلواك مشاهداتها تساوي مشاهدات 120 عمل محترم جدا بالمعني مهما الواحد يعمل بينصدم بثقافة الأنداية وتفكيرها
Post: #10 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-05-2021, 09:34 PM Parent: #9
الله يصلح الحال بس
Post: #11 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-05-2021, 09:37 PM Parent: #10
بلد سكرانة ما واعية
Post: #12 Title: Re: متى نخرج السودان من وحل الأنادي الذي تدير� Author: Abdelrahim Mohmed Salih Date: 04-05-2021, 09:54 PM Parent: #11
سلام يا توفيق بهذا البوست نزعت عن نفسك الامارة السودان فى تاريخه الحديث لم يحكم ب النساء وكل خيباتنا السياسيه والاجتماعيه ب سبب اب شنب سوا عسكرى او مدنى تحكمنا فى المهجر السيده انجيلا ميركل التى وقفت ضد حزبها الحاكم وضد كل اوروبا فى لحظه تأريخيه فاصله لم تحظى حاليا بعنايه تستحقها لكن التاريخ سينصفها وهى تعلن عن فتح حدود بلادها ل ضحايا حروب لم ينصرهم الجيران وأخوه العروبه والدين فيما يتعلق ب البوست لو استقبلت من امرى ما استدبرت قائلا يا بكرى شيل:)
Post: #13 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-05-2021, 09:58 PM Parent: #11
أقسم بالله البلد دي مافيها أضكر وأرجل علينا عشان عارفين غلطها وين وقاعدين نصلحوا بي حقنا المشكلة الناس الشغالين عشانهم شغالين ضدنا وما عن قصد لأنهم تربية أنادي مجازا الكلمة مافي عاقل بيعمل ضد نفسه إلا يكون سكران أو مجنون
Post: #15 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-05-2021, 10:16 PM Parent: #13
شنو شابكننا ألمانيا وميركل ألمانيا دي ما انتاية الغرب بعد الحرب العالمية وانتصارهم عليها هل ألمانيا جات استعمرتنا ولا جيشها معدودة جيش وسط جيوش الرجال فكونا يا تربية الأنادي الما بيشوفوا غير ست الأنداية سيد ورئيس السؤال البيفرض نفسه والسؤال ده يجاوب عليه البيظن نفسه ما ثقافته ثقافة أنداية هل في انتاية حكمت امريكا ولا روسيا ولا الصين هل كان في رسول مره المرأة في نظري شئ عظيم ومن تعظيمي ليها ما بعضها في موضع ست الأنداية بل المرأة المتعلمة والمعلمة المرأة المكافحة العاملة المرأة التي تصنع أقوى الرجال المرأة التي هي سكينتنا وحياتنا المرأة التي تحمل السيف لما الرجال يبقوا اناتي زي أمثلة كثيرة قديما وحديثا هي جنتنا في الأرض بيننا نقوم ندخلها الأنداية وندق ليها ترقص وتصب لينا وتكب
Post: #14 Title: Re: متى نخرج السودان من وحل الأنادي الذي تدير� Author: خضر الطيب Date: 04-05-2021, 09:58 PM Parent: #11
توفيق يا حبيب ياخ اتصلح معانا ما تحرجنا مع الضيوف و الله انا عارف انك انسان جميل و رائع و ما فيك لا شق لا طق لكن ياخ خلي الناس تفهمك صاح و ما تخليهم يجنو النصاح و الصاحا صاح ارضاً سلاح
Post: #16 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-05-2021, 10:18 PM Parent: #14
خلاص يا خضر يا اخوي أرضا سلاح
Post: #17 Title: Re: متى نخرج السودان من وحل الأنادي الذي تدير� Author: خضر الطيب Date: 04-05-2021, 10:24 PM Parent: #16
Quote: خلاص يا خضر يا اخوي أرضا سلاح
شاكر استجابتك يا حبيب قالها حميد والقدال
Post: #18 Title: Re: متى نخرج السودان من وحل الأنادي الذي تدير� Author: Abdelrahim Mohmed Salih Date: 04-06-2021, 07:34 PM Parent: #17
سلاح على الاعداء وعلى الأصدقاء وعلى الذات مع الضد وضد الضد يهلل للنصر وللهزيمه وللنسيان سلاح السرور يا امير التحيه للاندايه ولستات الاندايه كانت الخزينه العامه ل (نقاط) البوليس فى زمن غير بعيد تمتص فى علنا فاضح من إيراد الاندايه وبأسم الفضيله تنتزع براميل الاندايه لتبيعها فى دااله روداها ستات الاندايه فى إتفاق صامت بين اصحاب الصناعات المحليه...النساء العظيمات واصحاب السلطه ستات الاندايه يصنعن مايلهم الشعراء والمفكرين والمناضلين متصدرى المشهد الحضرى فى المجتمع التقدمى ويحصدن النسيان فى افضل الاحوال او اللعنات فى معظم الاحوال اكتفى الامير بصوره نمطيه والصق كل موبقه ب ستات الاندايه من باب ان من يبيع الخمر يبيع كل شئ ولم يقف ولو لحظه امام رواد الاندايه ولن يجرؤ..... * ............
Post: #19 Title: Re: متى نخرج السودان من وحل الأنادي الذي تدير� Author: خضر الطيب Date: 04-06-2021, 07:50 PM Parent: #18
الحبيب عبد الراحيم مرحب حبابك
Quote: ستات الاندايه يصنعن مايلهم الشعراء والمفكرين والمناضلين متصدرى المشهد الحضرى فى المجتمع
يبدو انك قريت كتاب الأنداية لي عمنا الراحل الأستاذ الباحث الطيب محمد الطيب اهداني الراحل عمنا الطيب كتاب الأنداية لما كنا بنشتغل مع بعض برنامج صور شعبية للتلفزيون القومي و لخص لي الكتاب في جلسة ساعة بعد اخراج الحلقة اداني احساس انو الناس ديل كلهم كانوا بلحسو قال لي امام المسجد عادي بضرب البقنية تقول لي ما دايرين علمانية ؟ههههههههه
Post: #20 Title: Re: متى نخرج السودان من وحل الأنادي الذي تدير� Author: Abdelrahim Mohmed Salih Date: 04-06-2021, 08:19 PM Parent: #19
يا هلا خضر كتاب الاندايه طارته مطارده فى اجازات السودان القلقه ولم اوفق فى الحصول عليه ووعدنى احد الاصدقاء ب توفير نسخه ورقيه فى زيارتنا القادمه للسودان الأمير عصر شديد على ستات الاندايه ورماهن بكل سوء بتصور ان من باع خمرا باع كل شئ واسوء من الخمر الكذب الذى يجرى على الالسنه الناس منافسا اللعاب ولولا خوف الإطاله لتوسعت فى موضوع الاندايه وستات الاندايه كانوا يجاوررونا فى السكن فى حى شعبى فيه كل الطيف الانسانى من اقصى الى اقصى يسود بينهم احترام وحدود لاتتجاوز....ازعجنى فى كلام الامير تنميطه الغير اخلاقى لشريحه من النساء اختارت صناعه الخمور المحلية ولو اكتفى ب الخمر ما ضره شيئا لكنه توسع فى شرحه وفى غرضه فنزعنا عنه الامارة ولانبالى:)
Post: #21 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-07-2021, 09:11 PM Parent: #20
Quote: سلاح على الاعداء وعلى الأصدقاء وعلى الذات مع الضد وضد الضد يهلل للنصر وللهزيمه وللنسيان سلاح السرور يا امير
يا عبد الرحيم قلنا أرضا سلاح ونشيل بداله ورده نهديها للعاقل البفهمنا صاح ونقول ليه : كون ضكر اصلوا يوم ما تبقى زول ساي شغل الاناتي للاناتي ما سمح الضكور يتشبهوا بالاناتي لأنه الضكر لما يبقى انتاية حكايته تبقى حكاية
Post: #22 Title: Re: متى نخرج السودان من وحل الأنادي الذي تدير� Author: مازن سخاروف Date: 04-07-2021, 09:51 PM Parent: #21
سلامات توفيق,
كنت ماشي كوييييييس (بطريقتك), لحد ما جوا الأجاويد.
عندي ليك كلام من زول جديد على هذه القبيلة. عندك مشروع في راسك, أمشي فيهو وما تتنازل طالما حسبت المنطق والخسارة. الكلام ده ليك كشخص مستقل. وليس طبعا لنادي منفذي أجندة الآخرين.
يستحيل زول يطلع براي ضد الوضع الراهن قبل ما تجي المساومات: باركها, خت الكورة واطة, لكن ما عصرت علينا.
قال أرضا سلاح, قال. المشكلة البلد دي السلاح في إيد الطبقة الساقطة من المجتمع. ساقطة أخلاقيا وليس اقتصاديا.
Post: #23 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-07-2021, 10:05 PM Parent: #8
Post: #24 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-07-2021, 10:26 PM Parent: #23
المشكلة في السودان ما مدننا فرصة نتكلم مباشر لشعبنا إلا بقروش كتيرة جدا وعقبات كتيرة جدا قنواتنا السودانية برامجها خليط بين السياسة والمغنى في غالبيتها ودي الجادة منها إلا نشتغل شغل الاناتي حتين نظهر للناس ودي ما بنعملها وده الخلانا نعمل قناتنا في السوشال ميديا واستديوهاتنا الخاصة بينا نحن في المعرض ده قناة كبيرة لفتنا نظرها كان حاضرة بالصدفة بدل يعرضوا لينا استضافة ساومونا نظهر عندهم بمبلغ كبير جدا ونحن متأكدين لو كنا اناتي زي البيجيبوهم ال 24 ساعة كان جابونا وادونا قروش كمان عموما نحن اليوم بنبحث السبيل البيخلينا نطلع فضائيا على عرب سات في ملحوظة صغيرة : تغطية قناتنا للمعرض ادهشت الناس كلها اكتر من الراعين إعلاميا اشتغلنا لايف اليوم الختامي كله بكذا كاميرا وكذا مخرج وعدد مهول من المصورين
Post: #25 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-07-2021, 10:36 PM Parent: #24
اصلوا ما بنعرف المستحيل إطلاقا لأننا مؤمنين بنفسنا ومحتوانا النادر الهادف المفيد وما قصدنا حاجة ما عملناها انا منتظر اليوم ده يجي عشان الناس تفهم انا لم اقول نترك وحل الأنادي والاناتي القصد شنو ما تقليل من دور أحد ونعي مفردات ما نقول ونحترم جدا كل ثقافة وموروث لينا كسودانيين دايرين نوري العالم وجهة نظرنا وعلمنا وجديتنا وأننا قادرين نهزم المستحيل وأنه السودانيين بعكس ما يشاهدون في قنواتنا الآن بل في درجة القنوات الجادة الكنا بنتابعها بشغف في الصين وكوريا واليابان وان بهذا الإعلام الهادف سنسبق كل من في محيطنا القريب عرب أو أفارقة
Post: #26 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-07-2021, 10:42 PM Parent: #25
Quote: عندي ليك كلام من زول جديد على هذه القبيلة.
الف مرحب بيك أخي مازن وإن شاء الله انت إضافة جميلة للقبيلة الجواب يكفيك عنوانه كن بنفس الجرأة ولا تلاوز ابدا ومع الأيام سيكون لك هنا شأن عظيم تحية ومحبات كتار
Post: #27 Title: Re: متى نخرج السودان من وحل الأنادي الذي تدير� Author: توفيق عيسى مكي Date: 04-08-2021, 07:00 PM Parent: #26
وقت كلامي ما عجبكم هاكم كلام الناس الجميلة وواعية في بلدنا القصة ما حب ظهور لكن ترسيخ حياة لابد أن تكون وحا نخرج من هذا الوحل طالما في استجابة
*مدير مؤسسة الشفافية : هدفنا تحويل المجتمع من مستهلك الى منتج* https://tasamuhnews.com/14647/https://tasamuhnews.com/14647/
[/url]