Post: #2
Title: Re: أخيرا .. قررت أبقى قحتاوي ، باركوا لي!
Author: Salah Zubeir
Date: 04-05-2021, 07:56 AM
Parent: #1
| Quote: أخيرا .. قررت أبقى قحتاوي ، باركوا لي! |
خلاس قنعتا وسلمتهم مفاتيح الجنة ... ههههه
القحاته ديل ناس ريلاكس وشروطون هينه ...
قبل الحليفة لازم ترجع أي حاجه لوضعها الطبيعي ...
يعني يلزمك عملية جراحية لإرجاع الحشفه ...
وعملية تجميل لإزالة غرة الصلاة من الجبهة ...
ويلزمك غسيل دماغ (مكنة) وبودي جوا وبرا ...
وبعد كدا تلبس لينا بدلة فول سوت حيث يمتنع
لبس الجلابية والعمة البنزلو عزبتا بالجنبه ..
كذلك يمتنع لبس البناطلين الجينز المقطعه
والسليمه الوسخان منها والنضيف كما يمتنع
لبس التيشيرتات المشجر منها والساده ...
ثم من بعد ذلك تحلف ويجي مولانا وود البشرى
يعمدوك قحاتي لليفه ...
|
Post: #3
Title: Re: أخيرا .. قررت أبقى قحتاوي ، باركوا لي!
Author: HAIDER ALZAIN
Date: 04-05-2021, 08:13 AM
Parent: #2
| Quote: يعمدوك قحاتي لليفه ... |
يا ساتـر .. :)
و ما ممكن يعمدوهو فرشة ساي
|
Post: #4
Title: Re: أخيرا .. قررت أبقى قحتاوي ، باركوا لي!
Author: احمد عمر محمد
Date: 04-05-2021, 08:40 AM
Parent: #3
يعني يا عمر التاج انت اذا عاوز
تمشي من جهة للتانية لازم الناس اللي تبارك لك
ليه ما تاخد قرارك بيدك وبعدين الناس تسمع
ود التاج تشويع ولا تكوزن ولا تقوحط
عموما ورينا متين التعميد اقصد التقحيت نجي نحضر
|
Post: #5
Title: Re: أخيرا .. قررت أبقى قحتاوي ، باركوا لي!
Author: muntasir
Date: 04-05-2021, 08:42 AM
Parent: #3
عمو صلاح كنت داير أسترسل في ردك لكن لقيتك عاقد من يوم إهدار أب عاج للراح الوقت داك إحنا إسماعيل ما فك الغيار فقلت أحسن أسكت ، أما بالنسبة للكوز عمر بالللاي 😂
|
Post: #6
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 08:55 AM
Parent: #5
وانا كان مالي ومالي الشعب؟
ما يجوع ول يعاني ول يتنيل في ستين نيلة !
مش كل مسؤول عنده انفنتي وحصة بنزين مجاني وساكن وماكل وشارب مجان ..
وامرأته الكانت (...) في منظمات المجتمع المدني او الامم المتحدة ساكنة في افخم فلة وبتصرف بالدولار من الصناديق الخارجية..
وكل قائد ساكن في فندق ستة نجوم وماسك سلاحه في كتفه ودشيلون تاتشر مسلح حارسه من تحت ..
وكل وزير او قائد او والي أو رجل مقاومة نائم في العسل وما جايب للغلاء ولا السخانة ولا الكورونا خبر ..
طيب أنا مالي ؟
قحاتي بس، قحاتي وأفتخر
والدائرة تدور على الخابور
|
Post: #7
Title: Re: أخيرا .. قررت أبقى قحتاوي ، باركوا لي!
Author: Salah Zubeir
Date: 04-05-2021, 08:57 AM
Parent: #5
عمى كباسه ...
إتخيل ما لافقه ...
|
Post: #8
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 09:01 AM
Parent: #7
Quote: خلاس قنعتا وسلمتهم مفاتيح الجنة ... ههههه
القحاته ديل ناس ريلاكس وشروطون هينه |
|
Post: #11
Title: Re: أخيرا .. قررت أبقى قحتاوي ، باركوا لي!
Author: Hafiz Bashir
Date: 04-05-2021, 09:37 AM
Parent: #8
Quote: ثم من بعد ذلك تحلف ويجي مولانا وود البشرى
يعمدوك قحاتي لليفه ... |
أعفيني من القصة دي يا صلاح زبير، الزول دا بينطط كتير وإتعمد كتير،
وزي النوع دا ممكن تكون معمدو لليفة ويقوم يقول ليك عمدني لليفة😶😯.
يا عمر التاج أنا وحيدر الزين لا توجد قواسم مشتركة بيننا ونختلف تماماً في رؤيتنا للتعميد.
|
Post: #9
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 09:14 AM
Parent: #7
رجفي شديد عاد
التكني حا أقابل رحاب مدني
|
Post: #10
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 09:15 AM
Parent: #7
Quote: خلاس قنعتا وسلمتهم مفاتيح الجنة ... ههههه
القحاته ديل ناس ريلاكس وشروطون هينه |
آآي يا جدو صلاح .. كلامك صاح
القحاتة ديل هينين ولينين
وكلامهم حلو وشغلهم لطيف
وشروطهم ميسرة وفري كيوت
تحرق لك لستك لستكين .. وتحفظ لك ثلاثة ابيات ثورية ..
وتلعن الكيزان وتسب لهم دبر كل وجبة وكباية عصير ..
وخلاص ..
مش زي الكيزان الكريهين ، عذبونا عذاب يا اخ .. وفي النهاية ما قبلونا ..
تتخيل قالوا شنو .. قالو لي حركاتك يسارية .. وحلاقتك ما ظابطة
ورجعوا لتاريخي في الجامعة وقالوا لي كنت بتخلط الشيوعيات ..
وحتى حبيبتي سوسو طلعوها كانت قيادية في الجبهة الديمقراطية ..
وفي النهاية طلبوا مني أغتسل في البحر الاسود،
وأحفظ ثلاثة كتب لسيد قطب وحسن البنا
وامشي أجاهد في امدرمان، حتين ينظروا في امري ..
لا وكمان الشيوعيين طلعوا أكعب منهم ..
قالوا لي مابتنفع معانا عشان كلامك كتير ولسانك فالت ..
وقالوا لي لازم نعرضك لاختبارات القبول المركزية ونعمل ليك فحص الدي دي تي ..
وبعد داك قالوا عندهم برنامج توثيق بياخد سنة..
بعدها لازم اعدي مرحلة الالتزام والرجاء ٣ سنوات
الأمل ستة شهور ثم الامتثال ٩ شهور ثم العفاف سنتين ثم الاعتماد سنة
وانا ما عاد فيني حيل للبنات ديل كلهن .. الركب ما عاد بتتحمل يا صلاح..
ولكن الحمد لله اخيرا لاح في الافق بصيص قحت ، وكدنا نصل لاخر النفق، ونعيش مرحلة الحرية والعدالة والسلام الابدية ..
ورغم التركة الثقيلة التركوها الكيزان، وخراب ستين سنة ماضية ..
فنحتطن متفائلون جدا ..
سنحيل تراب هذا الوطن المعطاء لتبر وفضة
وسنجعل من حفره وخيرانه التي خلفها الكيزان انهارا من عسل مصفى وحليب المراعي ..
وستمتطر السماء يوما على هذا الشعب الصبور دولارات ويوروهات
وسنعبر يا صلاح وننتصر ..
#شكرا حمدوووووووووك
|
Post: #12
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 09:48 AM
Parent: #10
Quote: قبل الحليفة لازم ترجع أي حاجه لوضعها الطبيعي ...
يعني يلزمك عملية جراحية لإرجاع الحشفه ...
وعملية تجميل لإزالة غرة الصلاة من الجبهة ...
ويلزمك غسيل دماغ (مكنة) وبودي جوا وبرا ...
وبعد كدا تلبس لينا بدلة فول سوت حيث يمتنع
لبس الجلابية والعمة البنزلو عزبتا بالجنبه ..
كذلك يمتنع لبس البناطلين الجينز المقطعه
والسليمه الوسخان منها والنضيف كما يمتنع
لبس التيشيرتات المشجر منها والساده ...
ثم من بعد ذلك تحلف ويجي مولانا و
ود البشرى يعمدوك قحاتي لليفه |
كله ساهل يا ابو الصلح .. وأكيد في استثناءات
بس اهم حاجة حيدر الشين داك ما القاه بغادي ..
وحات الله يا قحتاويين القى حيدر ول طلحة معاكم الا تخسروني..
كفاية ياخ ٣٠ سنة معذبننا وماصين دمنا في المنبر ده .
..
..
قالوا والعهدة على المستمع ..
انه واحد من المعارضين ايام الكيزان
كان خامش له خمشة كبيرة من صلاح قوش
الراجل كان جعجاع وحلقومه كبير وصلاح قوش كان عامله مصدر في حزب كبير
الراجل وكتين زهج من شغل النسنسة ده وقرر يلعب على المكشوف صلاح قال ليه حا نبقيك والي ..
بس شرط تقنع مولانا داك يرشحك من خلال حزبه ..
قام وافق وحمل ليه تاتشر مليان دولارات وقالوا ليه تتجه على ولايتك الطرفيه ..
الراجل بكره صبحها في المناطق المحررة وقالهم بلا والي بلا بطيخ ..
المهم بعد كمل قريشاتو وسوا ليه حركة صغيرة كدة اعلن انه رجل سلام من طراز فريد ..
..يتبع
|
Post: #13
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 10:09 AM
Parent: #12
Quote: يعني يا عمر التاج انت اذا عاوز
تمشي من جهة للتانية لازم الناس اللي تبارك لك
ليه ما تاخد قرارك بيدك وبعدين الناس تسمع |
الحكاية ومافيها يا أخ أحمد
ان التحول السياسي عملية معقدة ودقيقة
ماهو سلس زي التحول الاجتماعي (عازب، خاطب متزوج، مطلق..الخ)
ولا هو زي التحول الديمقراطي (انتخابات، تزوير، انقلاب، فترة انتقالية .. الخ)
ولا هو بيشبه التحول الاقتصادي (فلس، رفع دعم، طباعة عملة، تصخم ..الخ)
التحول السياسي بيحتاج لشجاعة كبيرة ومشاورات ضخمة ومنارات عنيفة
والبوست ده واحد من أدوات المناورة في التنقل ..
نبذله للمشورة والرأي حبا في الديمقراطية ..
ونرفعه للاجيال القادمة عسى ان نجتهد فتستفيد
|
Post: #14
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 10:29 AM
Parent: #13
| Quote: يا عمر التاج أنا وحيدر الزين لا توجد قواسم مشتركة بيننا ونختلف تماماً في رؤيتنا للتعميد |
تعميد شنو يا حافظ .. انت من زمن التعميد والتسميد؟
الناس في عهد الحرية وحقوق المواطنة المتساوية
ومواثيق الاخوة في الشرف الأزرق اترقت يا اخ وبقت تخم من طرف ..
نحن يا اخوي زي ناس الحلو وفيصل ومناوي ..
هناك نبكيكم وهنا نبكيكم
|
Post: #15
Title: Re: أخيرا .. قررت أبقى قحتاوي ، باركوا لي!
Author: محمد البشرى الخضر
Date: 04-05-2021, 10:39 AM
Parent: #14
يا ابو صلاح قولة منتصر بتاعة اسماعيل ما فك الغيار دي وقعت لك؟ ما اظن دي الا اولاد امدرمان القديمة!
المهم منص عامل فيها وليد صغير (ريلاتيفلي 😀)
|
Post: #16
Title: Re: أخيرا .. قررت أبقى قحتاوي ، باركوا لي!
Author: muntasir
Date: 04-05-2021, 10:48 AM
Parent: #15
ما ريتڤلي يا ودو لكن زول محصن من التمانينات قبل ما مهدي مصطفى الهادي يقفل الهناي ياخ
|
Post: #17
Title: Re: أخيرا .. قررت أبقى قحتاوي ، باركوا لي!
Author: عبداللطيف حسن علي
Date: 04-05-2021, 10:52 AM
Parent: #15
| Quote: يعتبر هذا البوست امتداد لسلسلة عايز أكون : |
مافي زول بيقول انا عايز اكون
التكوين بجي من ضمن الشئ جاهز لانو هو السمت بتاعك لشوف العالم
ود البادية قال عايز اكون انا غصن اخضر فلم يكن ذو مبدا حتي وفاته
|
Post: #18
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 12:00 PM
Parent: #17
بالنسبة لينا كقحتاويين تقدميين جدد
فإننا نتفق مع كل الحركات الموقعة على السلام لتكون هي البديل الشرعي والثوري
لكل الأجهزة الرسمية من جيش وشرطة وسلطات قضائية .. (الأجهزة الأمنية خلوها طرف)
بالنسبة لينا بنرى ان الجيش الحالي هو جيش كيزان، كونه الكيزان خلال ٣٠ سنة
وما اترقى فيه لدرجة ضابط عظيم الا من كان الكيزان راضين عنه ..
وحتى القادة والاركان العاملين فيها مطبعين معنا ما حاننسى انهم كانوا خدام البشير ..
ولذلك فان الوسيلة الوحيدة لبل هؤلاء الكيزان هو استبدال جيشهم وشرطتهم بعناصر من الموقعين على إتفاق جوبا
ومن اجل ذلك فنحن نرى وجود الحركات المسلحة بكامل اسلحتها وافرادها داخل الخرطوم هو جزء من خطة محاصرة الجيش
وقريبا حا تسمعوا بالهيكلة الحقيقة للجيش والشرطة من غير ما كوز واحد يفتح خشمه ..
بالنسبة لحميدتي وقواته فانهم حلفاء للثورة .. والبرشهم بالموية حانرشه بالدم ..
قوات الدعم السريع هي القلعت لينا نظام البشير، وبتحالفها مع القوات الأمنية وحركات شركاء السلام
حيكون جيش السودان الجديد القوي اكتمل..
والبل الصحيح جايكم يا كيزان .
حميدتي ماضيه ماكان حلو.. وماضيه ده هو الضمان لينا عشان يحرسنا ويحمينا لحدي ما يتحقق السلام الحقيقي ..
اما الجنجويد الذين شاركوا في فض الاعتصام فقد توصلت لجنة نبيل الى انهم مجرد كيزان مندسين
ولقد تم بلهم وفصلهم من الدعم السريع وجهاز الامن ، اما البطل حميدتي واخوه عبد الرحيم فهم بريئين براءة الذئب من دم الغزال.
|
Post: #19
Title: Re: أخيرا .. قررت أبقى قحتاوي ، باركوا لي!
Author: طلحة عبدالله
Date: 04-05-2021, 12:05 PM
Parent: #18
ليفة وفرشة وبعض التحابيش الموحية خخخخخ
البوست دا قرب يبقى +18
............
عمروف وين يا عمك ياخ ؟؟
مشتاقين وكدا .
|
Post: #20
Title: Re: أخيرا .. قررت أبقى قحتاوي ، باركوا لي!
Author: Salah Zubeir
Date: 04-05-2021, 12:25 PM
Parent: #18
Quote: يا ابو صلاح قولة منتصر بتاعة اسماعيل ما فك الغيار دي وقعت لك؟ ما اظن دي الا اولاد امدرمان القديمة!
المهم منص عامل فيها وليد صغير (ريلاتيفلي 😀) |
🤣🤣🤣🤣
اسماعيل دا ما ياهو الداروتي بتاع امدرمان ...
عارف الداروتي دا كل أولاد الستينات ولي وقت
قريب من الألفية التالتة على ما أذكر هو قاطع كل
حشفاتهم في بحري ... وللضمان كدا بحري (والحلفايا)
بالتحديد .. وما في زول يسألني الحلفايا دي بين قوسين ليه ...
مونتا أكان قريب بيستحق الرضاعة ...
ود تاج العزيز أنا جد قديم من ٢٠٠٩ ...
وعريس عمري ٢٥ سنة وزقه يا مونتا ... مش عرستا
وصلعتي وصلت قرن الجعبه ...
|
Post: #21
Title: Re: أخيرا .. قررت أبقى قحتاوي ، باركوا لي!
Author: علي عبدالوهاب عثمان
Date: 04-05-2021, 01:11 PM
Parent: #20
الاحباب التاج أبوصلاح
كتابات جميلة خفيقة على المعدة
يا سلام
واصلوا .. ابداع
|
Post: #22
Title: Re: أخيرا .. قررت أبقى قحتاوي ، باركوا لي!
Author: Hafiz Bashir
Date: 04-05-2021, 01:23 PM
Parent: #21
Quote: كل أولاد الستينات ولي وقت
قريب من الألفية التالتة على ما أذكر هو قاطع كل
حشفاتهم في بحري ... وللضمان كدا بحري (والحلفايا) |
يا ساتر
يعني ناس بحري ديل غير قابلين لإقامة حد الزنا على أي منهم بحسب تعريف القانون والفقه للزنا؟
|
Post: #23
Title: Re: أخيرا .. قررت أبقى قحتاوي ، باركوا لي!
Author: Salah Zubeir
Date: 04-05-2021, 01:34 PM
Parent: #22
| Quote: يعني ناس بحري ديل غير قابلين لإقامة حد الزنا على أي منهم بحسب تعريف القانون والفقه للزنا؟ |
😂😂😂😂😂
وما هي شروط إقامة حد الزنا؟
يا سيدنا ومولانا السبيلين ....
😃😃😃😃😃
عارفك دغيغ فيما يخص السبيلين ....
|
Post: #24
Title: Re: أخيرا .. قررت أبقى قحتاوي ، باركوا لي!
Author: Hafiz Bashir
Date: 04-05-2021, 01:49 PM
Parent: #23
|
Post: #25
Title: Re: أخيرا .. قررت أبقى قحتاوي ، باركوا لي!
Author: Hafiz Bashir
Date: 04-05-2021, 01:50 PM
Parent: #23
هو زولكم خلى لينا فيها فقه سبيلين بعد ما قطع الحشفة؟
هو فقه السبيلين كلو مبني على إدخال الحشفة
😀😀😀
|
Post: #26
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 02:07 PM
Parent: #25
هوي يا كيزان ..
البوست ده بوست قحتاتة .. المفرد قحتاوي ..
فشنو ..
شوف ليكم بوست كيزاني مارسوا فيه صعلقتكم وكوزنتكم
|
Post: #27
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 02:25 PM
Parent: #26
حبيبنا صلاح .. اركب معنا ولا تكن مع الغارقين
مشروع السودان الجديد ده مشروع متكامل ننظر من خلاله لمستقبل السودان وأفريقيا والعالم أجمع ..
وكل المهام التي يتم تنفيذها الان تتم بدقة وتخطيط ودراسة مستفيدة يقف عليها خبراء من عدة دول ..
عملية رفع الدعم عن البنزين والجازولين ورفع اسعار الكهرباء والمياة والخدمات والسلع نقوم بها من اجل المواطن ورفاهيته ..
هذه الحكومة ستستمر انتقالية ثلاثين عاما نقوم خلالها بإصلاح دمار ٣٠ عاما سابقة ..
ثم ستتحول لحكومة دائمة حتى نحقق كل احلام الشعب ونبل اعدائهم من الكيزان وانصار السنة واشياعهم من الباطن
فبالله ساعدونا بالصبر والسمع والطاعة في المنشط والمكره .. ولاتنسوا تدفعوا لمشروع القومة للسودان٢ الجديد
|
Post: #28
Title: Re: أخيرا .. قررت أبقى قحتاوي ، باركوا لي!
Author: Salah Zubeir
Date: 04-05-2021, 03:11 PM
Parent: #27
يا مولانا رجاءا" ...
هنالك كونفلكت في مصطلح الحشفه ...
هل هو مفردة الثوم؟
أم هل هو تلك الجلده التي يقتطعها الداروتي
بحري وإسماعيل أمدرمان؟
الديفنشن مهم لمصلحة الحوار ...
|
Post: #29
Title: Re: أخيرا .. قررت أبقى قحتاوي ، باركوا لي!
Author: Salah Zubeir
Date: 04-05-2021, 03:30 PM
Parent: #28
| Quote: حبيبنا صلاح .. اركب معنا ولا تكن مع الغارقين |
تعرف يا عمر أنا من ما قمتا زول مكاجر ... ومشكلتي مع كل
التيارات شرقها وغربها شمالها وجنوبها غناها لي الفنان الخالد
محمد وردي ...
ماكَ هوين سهل قيادك ... سّيد نفسك ... مين أسيادك ...
ما بنفع يقودني ويوجهني (ويعمدني) وأرضخ وأقدس
أفكار بشر زي زيهم .. لا هم رسل ولا أنبياء ويمكن حالم
أسوء من حالي ... حرية تفكيري لن أبدلها مطلقا ...
|
Post: #30
Title: Re: أخيرا .. قررت أبقى قحتاوي ، باركوا لي!
Author: طلحة عبدالله
Date: 04-05-2021, 04:25 PM
Parent: #29
Quote:
ما بنفع يقودني ويوجهني (ويعمدني) وأرضخ وأقدس
أفكار بشر زي زيهم .. لا هم رسل ولا أنبياء ويمكن حالم
أسوء من حالي
|
أوماااااااااااااك جلد
أبو صلاخ اتخلص من عقدة كتب التراث
وإبن تيمية وأصبح تنويري لا يجالد
واحتمال أصلا هو ما قاعد يبرك ليهم.
على أية حال ألف مبروك
..................
فيكم الخير يا جماعة مين تاني غير صلاح الزبير ؟
|
Post: #31
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-05-2021, 04:59 PM
Parent: #30
حبابك حبيبنا علي ..
ومرحبا بك في صفنا قحتاوي قح ..
وطبعا انت كاستاذ ضليع في اللغة اكيد قدرت تميز بين القحاتي والقحتاوي..
قحاتي او قحاطي اسم نسبة لقحت ، وفيها خطأ شاشه لأن النسب لا تجوز بتفكيك الكلمة وانما باضافة النسب لاخرها
والقحاتي لغة زي البعاتي ..
بينما القحتاوي زي البركاوي
والله أعلم ..
..
..
| Quote: ابو صلاح قولة منتصر بتاعة اسماعيل ما فك الغيار دي وقعت لك؟ |
أنا غايتو ما وقعت لي وما حصل سكنت امدرمان..
لكن عارف حركات الشفاتة بتاعين ودنوباي وما جذورها
ومن زمان كنت شاكي في منتصر ده ومتخيله تابع لامن نميري
وعموما والضمان كده اقول له ..
تبا الكيزان.
|
Post: #32
Title: Re: أخيرا .. قررت أبقى قحتاوي ، باركوا لي!
Author: Salah Zubeir
Date: 04-05-2021, 06:36 PM
Parent: #31
| Quote: كتب التراث وإبن تيمية |
إبن تيمية وبقية الشلة وكتبهم برضك ...
وخاصة" اللتنين البوظو البلد ...
ماركس وحسن البنا ...
ناصر وعفلق ...
هسع المتابعين العسكري الديكتاتور ناصر
دا ما بستحو علي نفسم ... والمصيبة في
بتاعين عفلق ديل ...
الترابي ومحمود ...
ديل بمثلو السوسه أو الأرضه التي
سوف تقصم مستقبل البلد دي ...
خخخخخخخخخ
داير تورم فشفاش منو يا طلحه ...
|
Post: #33
Title: Re: أخيرا .. قررت أبقى قحتاوي ، باركوا لي!
Author: علي عبدالوهاب عثمان
Date: 04-05-2021, 07:20 PM
Parent: #32
Quote: ماكَ هوين سهل قيادك ... سّيد نفسك ... مين أسيادك ...
ما بنفع يقودني ويوجهني (ويعمدني) وأرضخ وأقدس
أفكار بشر زي زيهم .. لا هم رسل ولا أنبياء ويمكن حالم
أسوء من حالي ... حرية تفكيري لن أبدلها مطلقا |
يا سلام يا صلاح .. تحياتي
أنا زمان أيام الثانوي كنت أميل للاشتراكية ( الشيوعي)
في نهاية الستينات .. وتوفقت عن التحزب
من ذلك الزمن لم انتمي لأي حزب كنت محتار .. أنا منو وفي أي حزب
يا سلام يا مبدع .. نفس احساسي لكن انت عبرت عني بصورة واضحة
شكرا صلاح كثير كثير
التحية للحبيب التاج .. مودتي
|
Post: #34
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-06-2021, 06:41 AM
الناس البتتحدث عن الامن والانفلات الأمني في البلد،
نقول ليهم الامن ده ما مسؤولية قحت ولا الحكومة المدنية ..
الامن ده مسؤولية الكيزان الفي مجلس السيادة + الكيزان الفي الشرطة والاجهزة الأمنية
وهم السبب في حالات الانفلات الأمني .
#لم تسقط بعد..
وبالنسبة للناس البتروج المسألة دي في وسائل التواصل الاجتماعي.. أمثال الكوز المندي ده
Quote: ياخوي اوريك الحركة في العاصمة بقت كيف.. اول حاجة مافي زول بتحرك بعد ١١ الا للضرورة... والحركة بعد المغرب بالشوارع الرئيسية عشان ممكن تتجازف... أي شنطة او قروش تختها في الضهرية عشان ما يكسرو قزازك.. وانت جواا العربية تآمن ابوابك عشان ما يركب معاك عاطل يبرمج بيك والقزاز تخلي فيو نفس بسيط عشان ما يختفو منك التلفون بالشباك..
في أحياء زي مايو وسوق ستة وغيرا دي مافي راجل بدخلا بعد ١٢ بالليل لانو بتتجازف..
ياخوي كدي تعال جبرة دي وخلي عربيتك في زقاق مضلم بتجي تلقاها شاسي وبودي بس..
مكنتك زاتو ممكن يسرقوها |
نقول له ، المواطن أيضا له مسؤولية في امن منطقته ..
يفترض كل مواطن يحمي بيته وشارعه ، ويبث الوعي في البلد
وبعدين البنهبوا ويروعوا الناس ديل مش مواطنين منكم وفيكم ..
ومش الحرامي والخطاف وبتاع التسعة الطويلة مواطن؟
ومش نحن قبيل قلنا الامن مسؤولية المواطن ؟
وتيب؟
|
Post: #35
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-06-2021, 07:09 AM
Parent: #34
بالنسبة للناس البتروج للفساد وبتقول حكومة قحت فاسدة ..
احب اطمأن الشعب ان الفساد الكان عند الكيزان
كان بحج فساد الفترة الحالية بعشرة اضعاف
وهم كانوا بيدعموا السلع من اموال الفساد
وكانوا مستفيدين من الدعم المباشر وغير المباشر
الان بعد رفع الدعم اتضررت مصالحهم
وجف الضرع الكانوا بيرضعوا منه
وفي عهد الشفافية الحالية الحكومة بتتعامل مع حالات
الفساد المحدودة بمنتهى الجدية..
فمثلا ، وفيما يتداول بخصوص الشركة السودانية للمعادن
اتضح ان المشكله كلها من راس مبارك الدولة
وهو كما تعرفون ماعنده علاقة بقحت
هو مجرد طالب سلام، وما اهدر في عهده من مرتبات مليارية وحافز
فهي جزء من ضريبة السلام
نعم .. نحن نتحدث بمنتهى الشفافية
وحتى تقرير المراجع العام لهذا العام كان شفافا جدا
بعكس التقارير التي كان يصدرها في عهد الكيزان ..
ونقول للذين يروحون لحجم المبالغ المنهوبة التي تظهر في التقرير ..
دي مش هي الشفافية الكنتم عايزنها ..
نحن لا تحجر على رأي أحد .. وحتى الكاتب الكوز القائل ..
Quote: فى الاخبار ...
المراجع العام:حجم الإختلاس للمال العام فى العام 2020 م،بلغ 22 تريليون جنيهاً.
بهذا التقرير الشفاف الذى دأب المراجع العام على تقديمه سنوياً،و هذه المرة بهذا الرقم الفلكى،و بالمقارنة مع آخر تقرير للمراجع قدمه فى العام 2018 م آخر عام للإنقاذ فى السلطة،يتأكد لاهل السودان كآفة أن القحاتة مع تواضع و قلة عددهم عبارة عن عصابة سطو و نهب مدنيااااو تستبيح المال العام بلا رادع و لا وازع من أخلاق و ضمير و قانون يحد من نهمها و شراهتها و وقاحتها فى اكل الحرام.
#شكراً_المراجع_العام
#فاسد_فاسد_يا_حمدوك |
نقول له، شكرا لك .. وسنعمل على التحقيق الشفافية في كل ما كتبت
وسنعبر وننتصر ..
|
Post: #36
Title: Re: أخيرا .. قررت أبقى قحتاوي ، باركوا لي!
Author: HAIDER ALZAIN
Date: 04-06-2021, 07:24 AM
Parent: #35
Quote: هنالك كونفلكت في مصطلح الحشفه ...
هل هو مفردة الثوم؟
أم هل هو تلك الجلده التي يقتطعها الداروتي |
الحشفة تعني راس التومة بذاتها
اما بتاعت الداروتي فإسمها الـــ غُرْلة
ومعمدة باسم بالـ قُلْفة أو غُلْفة لدينا ..
وهي جلدة زائدة لزوم ما لا يلزم زي الزائدة الدودية و المليُوف أعلاه ؛)
|
Post: #37
Title: Re: أخيرا .. قررت أبقى قحتاوي ، باركوا لي!
Author: muntasir
Date: 04-06-2021, 07:41 AM
Parent: #36
عمو صلاح أحشفاً وسوء كيل
|
Post: #38
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-06-2021, 07:53 AM
Parent: #37
كلام "الحشف" ده ببين اصل المتحدث ومعدنه الرخيص
وهو قول لا يهز للمدنية شعرة ..
مدنياااااااااو.
وأصل الحشف كما قال المثل العربي
| Quote: من أمثال العرب: «حَشَفٌ وسُوءُ كِيلَة» وهو مثل يقال فيمن جمع بين أمرين كريهين، والحشف: تمر رديء، والكيلة: الوزن. وأصل المثل أن رجلاً اشترى تمرا، فأعطاه التمّار أردأ التمر، وبخسه في الوزن، فقال الرجل مقولته تلك. ومثله قول بعض العامة: «شَين وقوي عَين»، أي جمع بين قبحين في وقت واحد. |
ومن قول العرب الذي نهديه للفلول .. يحشفوكم ان شاء الله بالشطة
|
Post: #39
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-06-2021, 04:54 PM
Parent: #38
طلحة وود البشرى وحافظ..
حبابكم ، وابقوا قراب
والما ببارك لي ان شاء الله تعرسه كوزة
والما بتبارك لي ان شاء الله مايعرسوها
|
Post: #40
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-06-2021, 09:42 PM
Parent: #39
بالنسبة للغلاء والتضخم وندرة السلع الضرورية وارتفاع أسعارها يا جماعة ..
ماتفتكروا حكومتنا دي عاجزة عن توفيرها بارخص الاسعار للمواطن ..
ابدا .. فالحكومة الانتقالية بكفاءاتها وعملها الدؤوب قادرة على جعل الدقيق والبنزين بتراب القروش
وقادرة انها تجعل الدولار بجنيه واحد والشوكولاته غذاء رئيسي للشعب
ولكن الحكمة تقتضي غير ذلك ..
والشعب السوداني عموما ما بنفع معاه غير الضغط
واذا شبع حايفتكر ان الثورة التي قام بها هي التي اشبعته
وحايفتكر ان التغيير المستمر للحكومات شئ ايجابي
ويفكر يقوم بصورة جديدة كلما اصابه الزهج والملل
أما وقد اصابه الاحباط من نتيجة الثورة ومآلاتها .. فهو لن يفكر بتكرار الثورة من جديد
ولن يجرؤ أو يقوى على القيام بصورة جديدة وهو يعلم مسبقا مصير الفائتة
والبحرب المجرب تحوق به الندامة كنا يقول المثل
لذا نطمئن جماهير شعبنا الأبي الصبور أن النتائج الجيدة ستظهر في وقتها تماما
والديمقراطية قادمة لا محالة .. بس لمن نقول لها كوني حاتكون
|
Post: #41
Title: Re: أخيرا .. قررت أبقى قحتاوي ، باركوا لي!
Author: HAIDER ALZAIN
Date: 04-07-2021, 06:35 AM
Parent: #40
| Quote: يعتبر هذا البوست امتداد لسلسلة عايز أكون : |
قلت لي سلسلة كدة زيها وروايات عبيـر ؟
لا بالله ..
حريـف لكن يا نبيـل فاروق :)
|
Post: #42
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-07-2021, 11:15 AM
Parent: #41
| Quote: قلت لي سلسلة كدة زيها وروايات عبيـر ؟ |
عبير ياتا؟
انت بالله من زمن عبير وزهور ..
يا حليلك يا ابوي
كان ركبت معانا كنت كسبت دنيتك واخرتك
بدل النسنة والشناة والجهجه الانت فيها ديل
لا وكمان مباري السمبر.. اقصد الطلحة
يا اخي ما تنفك من الذيلية والتبعية
وتبقى قحتاوي قح ليوم واحد
|
Post: #43
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-07-2021, 02:35 PM
Parent: #42
ابشروا بالخير ..
كده الأمل ول بلاش
تفاءلوا خيرا ووعدا ومطرا وفلوسا ودولارات ..
تفاءلوا بعودة العهد الزاهي وعودة الخليفة عمر بن عبد العزيز
|
Post: #44
Title: Re: أخيرا .. قررت أبقى قحتاوي ، باركوا لي!
Author: HAIDER ALZAIN
Date: 04-08-2021, 12:25 PM
Parent: #43
قلت لي كيف يا الناكرها ..
Quote: بالنسبة لينا كقحتاويين تقدميين جدد
فإننا نتفق مع كل الحركات الموقعة على السلام لتكون هي البديل الشرعي والثوري
لكل الأجهزة الرسمية من جيش وشرطة وسلطات قضائية . |
مفترض فيـك يآخي انك دكتور وكاتب وسياسي نحرير
ايش كلام العوام والسابلة البتقوله دا!
|
Post: #45
Title: Re: أخيرا .. قررت أبقى قحتاوي ، باركوا لي!
Author: محمد محمد قاضي
Date: 04-08-2021, 12:43 PM
Parent: #1
| Quote: والديمقراطية قادمة لا محالة .. |
| Quote: بس لمن نقول لها كوني حاتكون |
تاج الكيزان ما تتشالق وتخفف دمك أكتر من اللازم
وتبقي ما تبقي يعني حيستفيدوا منك في شنو؟ موش
كفاية نفعت الكيزان وفي النهاية طلعت ملوص هههه
بعدين إنت ذكرت فيما ذكرت في بوست ما إنك جربت
و (قيدت) في كل الأتجاهات أيام الإتجاه الإسلامي منذ
المرحلة الثانوية وبقيت شيوعي وختمي وأنصاري وجمهوري
وجبهة ديمقراطية وبعثي وكعوك مركز وهلمجرا هههههه
|
Post: #46
Title: Re: أخيرا .. قررت أبقى قحتاوي ، باركوا لي!
Author: muntasir
Date: 04-08-2021, 01:03 PM
Parent: #45
يا حيدر هل في فرق بين الناكرها والداسيها ؟
|
Post: #47
Title: Re: أخيرا .. قررت أبقى قحتاوي ، باركوا لي!
Author: HAIDER ALZAIN
Date: 04-08-2021, 01:16 PM
Parent: #46
اظن في فرق كبير يا منتصر وإلا لولا ذلك كان عمر التاج دساها بدل ينكرها ساي :)
|
Post: #48
Title: Re: أخيرا .. قررت أبقى قحتاوي ، باركوا لي!
Author: طلحة عبدالله
Date: 04-08-2021, 02:34 PM
Parent: #47
داسيها وناكرها وحاجات عجيبة
يا جماعة ختوا الكورة واطة خخخخخخ
.................
عمر التاج ااتا عبيط واللا عوير واللا هطالة
منك ساي البتسو فيهو دا ..
ثم ياخ آخرة شنو الكسبتها أنت دي ؟؟
علي الطلاغ أنت خسران أية حاجة
قال كسبت دنيا وآخرة قال ..
الله يقدك .
|
Post: #49
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-08-2021, 03:40 PM
Parent: #48
لو أن كل كوز ألقمناه حجرا لأصبح الحجارة اغلى الثورة
|
Post: #50
Title: Re: أخيرا .. قررت أبقى قحتاوي ، باركوا لي!
Author: عمر التاج
Date: 04-08-2021, 07:46 PM
Parent: #49
بالنسبة لازمة الخبز فقد شارفت على الانتهاء للابد ،
فالاخبار الواردة من البحر الأحمر والبحر الابيض المتوسط والمحيط الهائل
تقول ان ملايين السفن المحملة بالقمح والأرز في طريقها للسودان
وسيتم تفريغها في الصحراء خلال يومين نسبة لان المخازن ما حتقدر تشيلها
ويتوقع ان يتم توزيعها مجانا لكل الافران والسكان حتى يأخذ كل مواطن مؤونة عشرة أعوام
وسيتم تصدير الفائض بعد ذلك لتشاد والكنغو وجنوب السودان فيدر لخزينة الدولة ٩٠ مليار دولار في الشهر
كع .. انبهلت
# شكرا المؤسس
|
|