يطل علينا اليوم الفاتح من ابريل ..ابريل شهر ذروه ثوره ديسمبر - والذكرى القانيه - وشهر انتفاضه ابريل 85 . كثيرا ماتساءلت اين الفن والاناشيد التى توثق للقوره والفن من اهم سفراء الثوره . حتى اناشيد ماو انحسرت فى الشارع بعد حضورها الواضح ايام الاعتصام وهنا نتساءل اين كبار الفنانيين والمبدعين محمد الامين غنى لاكتوبر وعنى لابريب اعمال مازالت حاضره اين محمد الامين وصلاح مصطفى وغيرهم من المبدعين محمد الامين وابريل 85
واكتوبر
.. ديسمبر 2019 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #2 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-01-2021, 01:50 PM Parent: #1
صلاح مصطفى اكتوبر
ابريل 85 جددناك يا اكتوبر فى ابريل للاسف مالقيت ليها تسجيل رغم انها كانت منتشره ويطلب منه يغنيها فى المناسبات الاجتماعيه . ديسمبر 2019 ؟؟؟؟؟؟
Post: #3 Title: Re: اين الفن والمبدعين من ثوره ديسمبر ؟؟ Author: Osama Mohammed Date: 04-01-2021, 02:08 PM Parent: #2
في الاول اين الثورة؟ اين العدل ؟ موش عدالة هي الضلع الثالث بتاع حرية سلام؟
يبدعو كيف والناس لي اسي ما فاهمة الحاصل شنو؟ كان في حبة ابداع ظهر لكن مات في مذبحة القيادة ... يغنو لي منو ولا يكتبو شعر في منو؟ برهان التافه ولا حميدتي قتال القتلاء ولا كباشي كاره نفسو؟ المبدعين قاعدين لكن القاعدين فوق نفسهم الضباط الكيزان الانانيين العاوزين مصلحتهم فوق مصلحة البلد.
الابداع الفردي عاوز صقل وتدريب وتنمية للموهبة ... هل ناس كتار كدة دينها ما كان طالع في الفترة الفاتت دي؟ من الصفوف او التفكير والخوف من سرقة موبايل/ عجلة/ قروش / موتور ولا مكيف البيت ؟ البلد الان ابداعو الوحيد انو ما يتفرتق ويموتو امهاتنا واخواتنا وتحل عليه اللعنة الحربية الاهلية .
Post: #4 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-02-2021, 07:35 PM Parent: #3
Quote: يبدعو كيف والناس لي اسي ما فاهمة الحاصل شنو؟ كان في حبة ابداع ظهر لكن مات في مذبحة القيادة ... يغنو لي منو ولا يكتبو شعر في منو؟
من ايام مذبحه القياده واستهداف ابداعو الفنى بعد المذبحه بطمس الجداريات كاحد مظاهر الابداع والتوثيق للثوره مقدر صدمتو واوانهاكو بالصراعات والازمات عن مسار حراسه الثوره دا كلو امر مفهوم . لكنتساؤلنا يستهدف كبار المبدعين من اهل الفن المفروض دورهم فى ظروف زى دى اعمالهم تنفخ فى جذوه الثوره عشان تستمر متقده وماتخبو مع الاعيب السياسيين والعسكر ومشاهد نسرحيه الهبوط الناعم واعاده انتاج انقاذ2
Post: #5 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-10-2021, 07:27 PM Parent: #4
الفن فى عهد الثوره مازال مختزل فى بشكل غالب فى جداريات ايام الاعتصام
Post: #6 Title: Re: اين الفن والمبدعين من ثوره ديسمبر ؟؟ Author: ABUHUSSEIN Date: 04-11-2021, 05:33 AM Parent: #5
سلام عاصم و ضيوفه الكرام فعلا الفن لم يقدم الشي الكان متوقع منو بعد الثورة توقعت قصائد و اناشيد و الحان تمجد الثورة اغاني تذكر الناس بأيام الثورة و إعتصام القيادة تمجد الشهداء و المصابين و المفقودين حتى لا ننساهم بالجد خذلونا ....
في مقطع فيديو لي مجموعة من الاطفال بغنو واحدة من اغاني الثورة في مدرسة ادو الاغنية بي صورة مبدعة شديد و ببكو فيه بي حرقة و من جوووووو قلبهم ...
Post: #7 Title: Re: اين الفن والمبدعين من ثوره ديسمبر ؟؟ Author: محمد أبوالعزائم أبوالريش Date: 04-11-2021, 06:55 AM Parent: #6
ليه ننتظر من محمد الأمين وجيله ونفرض عليهم يغنوا للثورة؟ ده جيل غنى لي ثورتين وأصبحت تاريخ. دي ثورة ليها جيلها من المغنيين .... السؤال يُطرح ليهم.
طبعاً الإيقاع يختلف عن إيقاع أكتوبر وأبريل ... وقتها تم إنجاز الثورة وجاء المغنيين بعدها أدوا دورهم في التمجيد. في ديسمبر، الإبداع كان جزء من الثورة ... أثناء المظاهرات والموت ظهرت أعمال لا يُستهان بها ... وصولاً لإعتصام القيادة ... أنجز فيها المبدعين أناشيد ولوحات وأعمال مسرحية قمة في الروعة ... فهل لا يكون الإبداع إبداعاً إلاّ إذا جاء بحناجر محمد الأمين ومحمد وردي؟
Post: #8 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-11-2021, 10:53 AM Parent: #7
Quote: ليه ننتظر من محمد الأمين وجيله ونفرض عليهم يغنوا للثورة؟ ده جيل غنى لي ثورتين وأصبحت تاريخ. دي ثورة ليها جيلها من المغنيين .... السؤال يُطرح ليهم.
دايما اى بناء تتلمس فى الاول وضع الاركان والدعائم - فى المشهد الفنى المعروف-بعدها تبحث عن وضع الباقى من الواعدين والهواه بعد 30 سنه من تدمير الفن حتى يكون فى الفنانين الكوز والامنجى والبنات المختارات من برامج المواهب ومصنوعات بدعم واعلام وفتح فرص انتشار من النظام دا غير سرطان القونات (نساء واشباه رجال) وفنانه كبرى ضمن اسم على عثمان فى اغنيه حماسيه فى حفل كبير وبعد الثوره حاولت تركب الموجه على استحياء اشبه بحال الكيزان- زى الشعبى - العاملين ثورحيه ماضرورى الكبار شعراء وفناين يطلعو اعمال لكن الكبار يرعو ويهتمو خاصه انو حتى الفن يحتاج اهتمام وتاهيل ورعايه ضمن عمليه التغيير يعنى زى محمد الامين وهاشم صديق (مثلا) يقدمو جيل الثوار الفنى بعمل من شعر التانى والحان الاول مثلا لتحريك راكد الحياه الفنيه واللى ماننسى انها مواجهه بدواعش الفكر والثقافه والاستهداف المتكرر وتذكر هنا حادثه اعتقال الفتاه ضمن تدريب فرقه مسرحيه بعد ان لمع نجمها فى هتافات احدى المليونيات
Post: #9 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-12-2021, 01:52 AM Parent: #6
مرحب ابو حسين فعلا نفتقد للاعمال الجديده القويه بقوه اعمال ابريل واكتوبر حتى محاولات من الشباب تكون نوع من الاجترار للقديم لاحياء ذكرى الثوره
عمل تخليداً لذكرى ٦ أبريل بعنوان " ٦ أبريل في حب الوطن " يجسد جمال التنوع الثقافي في السودان للفنان أمين خفاش ومجموعه من الشباب
Post: #10 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-12-2021, 02:16 AM Parent: #9
نحاول نجيب نماذج لاعمال جديده
العمل جميل لكن خفيف و يبدو انو موجه لشريحه عمريه من الشباب ------
عمل جميل على نفس منوال ال السابق نهديه لثوار عطبره واسر الشهداء والمفقودين
Post: #11 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-12-2021, 04:33 AM Parent: #10
Post: #12 Title: Re: اين الفن والمبدعين من ثوره ديسمبر ؟؟ Author: Ahmed Yassin Date: 04-13-2021, 10:32 AM Parent: #11
فعلا يا عاصم ود علي الاغنية الوطنية تمجد الثورات والابطال تستنفر وتستنهض همم الشعوب وتُحي الضمائر وتدعو للتماسك بين ابناء الوطن وفي الاول كانت مجرد اهازيج لبعث الحماس او للوقوف خلف القائد النوع الاول يعيش في الوجدان ويحفظه التاريخ والتراث خاصة اذا كانت معبرة ولها لحن جميل وفي نوعية مرثاة بكائية بطابع الحزن خاصة بضحايا الثوارات ودي حنرجع ليها
Post: #13 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-13-2021, 12:37 PM Parent: #12
مرحب احمد ياسين رمضان كريم . متابعه
Post: #14 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-15-2021, 10:30 PM Parent: #13
مجموعه عقد الجلاد رغم دورها طوال سنين الانقاذ الا انها توارت مابعد الثوره رغم قاعدتها الجماهيريه الواسعه وسط الشباب ووحريتها فى التواصل مع جماهيرها عبر وسال الاعلام بعد سنوات وسنوات من محدوديه الظهور عبر الاعلام اقامت المجموعه حفل اليوم لم يكن قيه جديد واستمرار تكرار القديم وكنا ننتظر على الاقل البوم كامل بعد الثوره يعبر عن مرحله مابعد الثوره
----
Post: #15 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-15-2021, 10:37 PM Parent: #14
Post: #16 Title: Re: اين الفن والمبدعين من ثوره ديسمبر ؟؟ Author: ABUHUSSEIN Date: 04-15-2021, 10:41 PM Parent: #14
عاصم و ضيوفه كل سنة و انتو طيبين و تصومو و تفطرو على خير
عاصم فتشت مقطع الفيديو القلت ليكم عليه ما لقيتو في اليوتيوب اطفال في مدرسة في واحدة من اغاني الثورة بأدوها بي جريقة مؤثرة جدا بكاء و انفعال شديد تستحق تكون بداية كل يوم دراسي و كل يوم عمل في اي مكتب حكومي
الغريبة المقطع عندي في الموبايل بحاول اشوف طريقة اجيبو ليكم
Post: #17 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-15-2021, 10:44 PM Parent: #16
مرحب ابو حسين رمضان كريم تصوم وتفطر بخير ممكن ترسلو لى الايميل لانو الواتس عندى فيهو مشاكل خارسل ليك الايميل فى الخاص
Post: #18 Title: Re: اين الفن والمبدعين من ثوره ديسمبر ؟؟ Author: Asim Ali Date: 04-15-2021, 11:37 PM Parent: #17
Post: #19 Title: Re: اين الفن والمبدعين من ثوره ديسمبر ؟؟ Author: ABUHUSSEIN Date: 04-15-2021, 11:52 PM Parent: #18