في برنامج في قبضة النساء .. تعالوا شوفوا الكاتب الصحفي أسحاق أحمد فضل الله بقول شنو عن كيف يحدد الرابت في السودان؟
بريمة
Post: #2 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 07:27 AM Parent: #1
أسحاق أحمد فضل الله .. قال لم يسأل أحداً عن الماهية .. ما يدوه ليه بشيله وخلاص ..
بريمة
Post: #3 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 07:35 AM Parent: #2
هنا رأي بريمة .. أول حاجة .. أنا أعرف مقدراتي .. وأعرف ما أنجزه .. وأعرف خبرتي و مدتى في الوظيفة.
ثم أعرف متوسط معدل الماهية .. في المنطقة التى أختار فيها التوظيف ..
فوق ذلك أطلب ماهيتي .. أنا عايز كذا .. بالنص .. إلا إذا أنا فعلاً محتاج للتوظيف هنا أقول سوف أخذ أحسن ما لديكم من ماهية حسب مقدراتي وخبرتي.
بريمة
Post: #4 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 07:40 AM Parent: #3
أهم شيئ أن تعرف تسوق نفسك .. المسألة عرض وطلب .. أنا أسوق خبراتي .. ببيعها للمخدم بما يحقق هدفه وهدفي.
بريمة
Post: #5 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 08:09 AM Parent: #4
مش أسحاق .. وحده .. وجدت الممثل عبد السلام "فضيل" .. قال يستحي أن يسأل عن الأجر .. وحصل مرة ذهبوا أطراف المدينة وصاحب المناسبة أعطاهم قروش لم توف حق بنزين يرجعوا به إلي أماكنهم ..
دي مشكلة في ثقافتنا ..
ويجب أن تتغير ..
بريمة
Post: #6 Title: Re: أختلاف ثقافة الأجور بين السودان وأمريكا .. Author: Deng Date: 03-26-2021, 08:29 AM Parent: #5
العبار بريمة بلل
هل أنت لا تعرف من هو القميء اسحق فضل الله أم أنك بتستهبل الناس ساكت؟
أسحق فضل الله كوز متشدد ومعروف بكتاباته و بأكاذيبه الذي أعترف بها في أكثر من مقابلة ويبرر ويقول أن الحرب "خدعة"
بالمناسبة
الكوز اسحق فضل الله يعرف جيدا كم يقبض من راتب. لأنه كان صاحب أعلى أجر وسط الكتاب الصحفيين في السودان. وذلك كان أكبر دليلا على انحطاط العمل الإعلامي والصحفي في السودان.
Post: #7 Title: Re: أختلاف ثقافة الأجور بين السودان وأمريكا .. Author: علاء سيداحمد Date: 03-26-2021, 08:50 AM Parent: #6
ماهية شنو يا بريمة انتا جادى!؟ يازول ما كان فى رواتب فى عهد الكيزان القروش كانوا بيقسموها فيما بينهم يعنى واحد صحفي زى المسخ اسحاق غضب الله كانوا بيدّوه هبره حسب قربه من الحركة الاسلامية .
اسحاق غضب الله صدق وهو كذوب فى المقتبس ادناه :
Quote: أسحاق أحمد فضل الله .. قال لم يسأل أحداً عن الماهية .. ما يدوه ليه بشيله وخلاص ..
بريمة
Post: #8 Title: Re: أختلاف ثقافة الأجور بين السودان وأمريكا .. Author: Asim Ali Date: 03-26-2021, 08:50 AM Parent: #5
يابريمه انت رايك دا كسودانى ولا امريكى ؟؟؟ شوف فى اشغال الواحد ممكن يكون بيمارسها شغف واجيانا رساله وواجب ودى فرق بين ناس زمان واليوم فى مجال الفن والرياضه مثلا التعليم زمان مافى معلم شايل شنطتو وحايم زى مندوب المبيعات لكن الناس تجيهو فى مكانو اللى هو المدرسه واحيانا تلقاهو طول ايام الاسبوع وهنا طالما كان من الاعمال المقدره ماديا واجتماعيا . سؤالى عن فرق الجنسيه لانو كل مجتمع ليهو قيمو بين الالتزام بتقديراتك الشخصيه دون تنازلات او اعتبارات او تاثير التزامات اخلاقيه اجتماعيه على تقديراتك لدرجه ترك المساومه والمفاصله فى الاجر . اقول ليك موقف مر بى وانا خريج جديدكنت استاذ قيزياء فى الثانوى وجونى طالبين قالو دايرين درس خاص فحددت ليهم يوم فى المكتب بعد نهايه اليوم الدراسى والطالبين وقفوا يعاينو لبعض سالتهم مالك واقفين ..سالونى عن القروش داير كم ..رديت ليهم نبدا وموضوع القروش مامشكله (لموقف مبدئى من قضيه الدروس الخصوصيه وموافقتى للطالبين فقط لاساعدخم كاستاذ متخصص وما بمشو يشرح ليهم زول مامتخصص بطريقه خطا زى ماكان بيحصل فى المعاهد وبعدين الدرس فى المكتب وعادى كان ممكن اشرح ليهم من غير مقابل طالما انا فى المدرسه وبمارس واجبى كمعلم). اما المساومه فى الاجر ممكن فى مجالات زى الهندسه والاستشارات او الخدمات (الاغمال الحره) .مثلا لذلك ماممكن ناخد موقف على الاطلاق وانما بتقديرات ظرفيه واجتماعيه وقيميه زى ما اسلفت فى بدايات مداخلتى تحياتى
Post: #9 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 11:27 AM Parent: #8
العبار دينق،
Quote: العبار بريمة بلل
هل أنت لا تعرف من هو القميء اسحق فضل الله أم أنك بتستهبل الناس ساكت؟
أستهدي يالعبار دينق دخلي أنا شنو .. يبقي أسحق مينو؟ وشنو؟ .. أنا فقط أقول ما يقوله أسحق فضل الله .. يمثل أسلوب Samarian law .. تسخير الذات لخدمة الأخرين دون مقابل .. هذا أسلوب عفي عليه الدهر.
الثقافة البديلة أن تعرف الناس كيف تسوق خبراتها .. لو خبرتي سنتين بطلب ماهية تختلف عن لو خبرتي 5 سنوات وعن 10 سنوات .. والأنسان لازم يعرف موقفه في التنافس .. ما الذي يميزه عن الأخرين ..
الكلام دا كله .. عايزين ننتقل من المهاباة .. واللاشفافية إلي التنافس الشريف والشفافية .. ودا لما أنا أنزل متنافس في وظيفة معاك .. وأختفها كاف مثل الصقر الخواي .. أنت تكون بينك وبين نفسك عارف أنا مستحق أكثر منك ..
بريمة
Post: #10 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 11:38 AM Parent: #9
علاء سيد أحمد
Quote: ماهية شنو يا بريمة انتا جادى!؟ يازول ما كان فى رواتب فى عهد الكيزان القروش كانوا بيقسموها فيما بينهم يعنى واحد صحفي زى المسخ اسحاق غضب الله كانوا بيدّوه هبره حسب قربه من الحركة الاسلامية .
أنا لو سألتك .. جاءك أسحق فضل الله اليوم وأنت أنزلت وظيفة صحفي .. موقفك يكون شنو؟ هل تأخذ سيرته وخبرته وتحاصصها مع الأخرين .. أم ترده؟
أنا بريمة دا، لو جاني إنسان وأنا المسؤول عن التوظيف .. أطبق عليه شروط الوظيفة المعلنة .. لا أنظر إلا اتخصصه وخبراته ...
بريمة
Post: #11 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 11:55 AM Parent: #10
الأخ عاصم، سلام ..
Quote: يابريمه انت رايك دا كسودانى ولا امريكى ؟؟؟ شوف فى اشغال الواحد ممكن يكون بيمارسها شغف واجيانا رساله وواجب ودى فرق بين ناس زمان واليوم فى مجال الفن والرياضه مثلا التعليم زمان مافى معلم شايل شنطتو وحايم زى مندوب المبيعات لكن الناس تجيهو فى مكانو اللى هو المدرسه واحيانا تلقاهو طول ايام الاسبوع وهنا طالما كان من الاعمال المقدره ماديا واجتماعيا . سؤالى عن فرق الجنسيه لانو كل مجتمع ليهو قيمو بين الالتزام بتقديراتك الشخصيه دون تنازلات او اعتبارات او تاثير التزامات اخلاقيه اجتماعيه على تقديراتك لدرجه ترك المساومه والمفاصله فى الاجر . اقول ليك موقف مر بى وانا خريج جديدكنت استاذ قيزياء فى الثانوى وجونى طالبين قالو دايرين درس خاص فحددت ليهم يوم فى المكتب بعد نهايه اليوم الدراسى والطالبين وقفوا يعاينو لبعض سالتهم مالك واقفين ..سالونى عن القروش داير كم ..رديت ليهم نبدا وموضوع القروش مامشكله (لموقف مبدئى من قضيه الدروس الخصوصيه وموافقتى للطالبين فقط لاساعدخم كاستاذ متخصص وما بمشو يشرح ليهم زول مامتخصص بطريقه خطا زى ماكان بيحصل فى المعاهد وبعدين الدرس فى المكتب وعادى كان ممكن اشرح ليهم من غير مقابل طالما انا فى المدرسه وبمارس واجبى كمعلم). اما المساومه فى الاجر ممكن فى مجالات زى الهندسه والاستشارات او الخدمات (الاغمال الحره) .مثلا لذلك ماممكن ناخد موقف على الاطلاق وانما بتقديرات ظرفيه واجتماعيه وقيميه زى ما اسلفت فى بدايات مداخلتى تحياتى
لدي معك خلاف كبير .. مثل خلافي مع أسحق أحمد فضل الله ..! المجتمع يشيل بعضه البعض .. فإذا أنت فتحت مدرسة لدروس خصوصية مجانية .. حسناً .. ح يتفضل عليك أولياء الأمور .. واحد يجيب لأسرتك الرغيف، والتاني يجيب لهم اللبن .. والثالث يجيب لهم مصاريف الفطور .. والسبب أنت أساساً ما عندك دخل .. مسخر نفسك مجاناً .. فوق ذلك .. الناس الذين يعولوا أسرهم من الدروس الخصوصية .. ألم تكن جنيت عليهم؟ .. وأخذت حصة من حصتهم؟ .. فوق ذلك أخذت من زمن الطلاب النظامين الذين ينتظرونك و أنت معد دروسك لهم .. بدل توفر زمنك لغيرهم ..
التطوع حق مشروع في أي مكان .. لكن بسبب التطوع ما تكون عالة علي المجتمع .. تطوع في إجازتك .. وقت فراغك ..
ودا كله ما موضوعنا .. موضوعنا لما أنت جئت وقدمت كأستاذ هل أجرك يطابق تخصصك وخبرتك ..؟ .. إذا لا .. أمشي خلي المدرسة يعينوا أساتذة أقل خبرة ومعرفة منك .. وأولياء الأمور ح يهجروا المدرسة بسبب ضعف الأساتذة والخيار الثاني ترفع مذكرة لإدارة التعليم وتشرح الملابسات .
بريمة
Post: #12 Title: Re: أختلاف ثقافة الأجور بين السودان وأمريكا .. Author: Asim Ali Date: 03-26-2021, 02:25 PM Parent: #11
Quote: لذلك ماممكن ناخد موقف على الاطلاق وانما بتقديرات ظرفيه واجتماعيه وقيميه زى ما اسلفت فى بدايات مداخلتى
يابريمهانت مسكت فى المثالرمن غير ماختمت بيهو المداخله اذا بتخصص ما جيت السودان ووخدمت البلد فى زمن الثوره الان او حاجه منطقتك لخبرتك فى تنميتها وتطويرها هل حيكون موقفك فى موضوع الاجر والكلام عنو زى لما تمشى الخليج لتؤدى نفس الوظيفه ؟؟؟
Post: #13 Title: Re: أختلاف ثقافة الأجور بين السودان وأمريكا .. Author: Zakaria Fadel Date: 03-26-2021, 02:49 PM Parent: #12
الاخ الكريم بريمة في إعتقادي ان اختلاف ثقافة الاجور بين السودان و امريكا ....نابع من اختلاف سوق العمل نفسه بين السودان و امريكا
السودان كان ( و أعتقد لا زال) المخدم الاكبر هو الحكومة...(لدرجة تفوق ال 99% ) في سوق العمل الولايات المتحدة...المخدم الاكبر هو القطاع الخاص
في السودان للحكومة (اسكيلات....و مساكن) للتوظيف .....الرواتب محددة سلفا : العامل الماهر... لخريج المدارس (فنية و اكاديمية)...خريج الجامعة (3-4-5-6 سنوات)......الخ وكل فئة لها اسكيل محدد و بالتالي يتم تحديد الرواتب مسبقا...حتى العلاوات الشهرية ..وكيفية/مدة الترقيات ....الخ. كل ذلك محدد مسبقا.
في زمن الانقاذ ازدادت رقعة المساحة التي يشغلها القطاع الخاص في سوق العمل .... وشيئا فشيئا بدأت سياسة الاجور تتماشى مع الوضع الجديد....حتى المعاينات (على ما شابها من فساد/عيوب) دأت في الظهور......- ولو على الورق -
وبالمناسبة حتى القطاع الخاص في السودان....يتأثر بسياسة الاجور المتبعة في القطاع العام أذكر انني وف اجازة بالسودان قبل 2010 ...قابلت (بمعية صديق ) مدير جامعة خاصة....الذي طلب مني العمل بجامعته وعندما قلت له بأنني لن أقبل براتب يقل عن 50% مما اتقاضاه حاليا في الخليج و بسعر السوق الاسود...التفت المدير لصديقي قائلا له (صحبك مش داير يخرب بيتي فقط...ايضا يريد من اساتذتي التمرد )
Post: #14 Title: Re: أختلاف ثقافة الأجور بين السودان وأمريكا .. Author: Mahjob Abdalla Date: 03-26-2021, 04:45 PM Parent: #13
سلام بريمه, المقارنة بينك و اسحق فضل الله غير موجودة. لربما كان بأمكانك ان تقارن بين اسحق فضل الله (من السودان) و لارى كينق (من امريكا) او شخص يعمل في ذات المجال الذى يعمل فيه اسحق فضل الله (كاتب يأكل العيش من علي قلمه) او مثل ابو الطيب المتنبى الذى كان يكتب شعرا فيمنحه الملك منحة و هو لم يسأل عن مال مقدما او بعده. فقط علي مزاح الملك و جودة المدح الذى قدمه. اسحق فضل الله يكتب لتنظيم و دوره الاعلامى كبير و من هم علي شاكلته من الشعراء في اثارة الحماس و التوجيه المعنوى عند الحرب. و لما كانت الانقاذ في حالة حرب ضد شعوب السودان و العالم كله لـ 30 عاما فكان بالضرورة ما يقوم به تجاه قضيته او ما يؤمن به اكبر من الثمن المادى.
Post: #15 Title: Re: أختلاف ثقافة الأجور بين السودان وأمريكا .. Author: محمد الأمين موسى Date: 03-26-2021, 05:27 PM Parent: #14
Quote: و لما كانت الانقاذ في حالة حرب ضد شعوب السودان و العالم كله لـ 30 عاما فكان بالضرورة ما يقوم به تجاه قضيته او ما يؤمن به اكبر من الثمن المادى.
يا محجوب قلت كلام جميل وعجيب... كنت شارب عصير قضيم ولا شنو؟! (تستاهل 24 عيشة من الرغيف المدعوم)
Post: #16 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 07:17 PM Parent: #15
الأخ عاصم سلام
Quote: هل حيكون موقفك فى موضوع الاجر والكلام عنو زى لما تمشى الخليج لتؤدى نفس الوظيفه ؟؟؟
أنت أدخلت الدافع الوطني للتطوع .. كشرط لعدم الأجر .. لكن نسألك أنا أوردت الممثل عبد السلام "فضيل" كمثال أخر ما قاعد يسأل عن الأجر .. ومشوا أطراف العاصمة وصاحب الحفل أعطاهم أجر ولا حق البنزين .. هل ذهب "فضيل" تطوع حتى لا يأخذ أجر؟ .. فضيل بعضمة خشمه قال أنه يستحي أن يطلب الأجر الذي يريده؟!! الناس يا عاصم في السودان كأن طلب الأجر فضيحة .. هل تعلم سبب تدني الأجور .. هو هذا السبب الناس لا تطلب ماهية حسب مؤهلاتها .. وكأن الأجر عطية من صاحب العمل .. لا أنا ما عايز عطية مزين .. (بالله شوف وقعنا في المثل دا بالصدفة .. ليه المزين ما يطلب أجر .. ولماذا يكتفي يأخذ العطية بس..) .. أنا عايز أجر حسب خبرتي ومؤهلاتي .. دون أستجداء أحد .. لماذا الأطباء يكتبون أسعار زيارتهم؟
الخدمة الوطنية مفروض تكون إلزامية .. حتي يتساوي الناس في ضريبة الوطن .. ما يشيل حمل الوطن أمثالك الوطنيون وحدهم ..
بريمة
Post: #17 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 07:34 PM Parent: #16
شكراً الأخ زكريا
Quote: الاخ الكريم بريمة في إعتقادي ان اختلاف ثقافة الاجور بين السودان و امريكا ....نابع من اختلاف سوق العمل نفسه بين السودان و امريكا
السودان كان ( و أعتقد لا زال) المخدم الاكبر هو الحكومة...(لدرجة تفوق ال 99% ) في سوق العمل الولايات المتحدة...المخدم الاكبر هو القطاع الخاص
في أمريكا عندهم التدرج الوظيفي .. لكن في كل درجة وظيفية هناك حد أعلي وحد أدني .. وما بينهم مساحة مسموح المناورة فيها .. مثلاً وظيفة تبدأ 90 ألف - إلي 145 ألف .. أنا ح أقول أنا عايز 145 ألف .. الجهة المخدمة من جانبهم يأتون بما يسمى بال package .. وهى تمثل ما يقدمونه لك من أجر .. وح يرسلوا ليك جواب ال "أوفر .. ويحددوا ليك ما يعطونك له كماهية .. ومساهمتهم في العلاج .. ومساهمتم في المعاش .. وأشياء أخري" مرات يعطوك ما لم يستطيعوا إيفاءه عن طريق أسهم في شركتهم .. وهكذا .. هم يحاولوا يجذبوا تحت وأنت ترفع إلي أعلي ..
أظرف شيئ .. قد تكون مقدم في أكثر من وظيفة .. وتضاربهم مع بعض .. تقول ليهم عندي "أوفر" من جهة أخري .. لو عملتم له "ماتشنج" ح أمشي معاكم .. أو لو أعطيتونى أعلي منه ح أئتي إليكم .. لازم .. صاحب العمل يعرف أن الشغل مش سخرة .. أو يحدد الأجر حسب مزاجه .. قانون العرض والطلب يجب أن يجري مجراه.
بريمة
Post: #18 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 07:54 PM Parent: #17
ول أبا محجوب سلام
Quote: سلام بريمه, المقارنة بينك و اسحق فضل الله غير موجودة. لربما كان بأمكانك ان تقارن بين اسحق فضل الله (من السودان) و لارى كينق (من امريكا) او شخص يعمل في ذات المجال الذى يعمل فيه اسحق فضل الله (كاتب يأكل العيش من علي قلمه) او مثل ابو الطيب المتنبى الذى كان يكتب شعرا فيمنحه الملك منحة و هو لم يسأل عن مال مقدما او بعده. فقط علي مزاح الملك و جودة المدح الذى قدمه. اسحق فضل الله يكتب لتنظيم و دوره الاعلامى كبير و من هم علي شاكلته من الشعراء في اثارة الحماس و التوجيه المعنوى عند الحرب. و لما كانت الانقاذ في حالة حرب ضد شعوب السودان و العالم كله لـ 30 عاما فكان بالضرورة ما يقوم به تجاه قضيته او ما يؤمن به اكبر من الثمن المادى.
أنت كده أدخلت لينا الجمل في الأبريق .. عدييل .. يعنى الزول بهبروا ليه هبر كما قال ول أبا علاء سيد أحمد .. وبالتالي لا يحتاج لكي يحدد سقف وظيفته لأن العطية مجزية وأكثر مما يتخيل ..
طيب دي تكون حالة متفرة .. لكن الملايين الذين يقدمون للوظائف ولا يحددوا أي شيئ تقول عنهم شنو؟ أنا زمان لما كنت جديد بكتب الأتي: Give me your best offer .. ولكن مؤخراً فهمت حينما تقول مثل هذا معناه أنت مثل الشحاد .. مادي كاسك ومنتظر .. لكن أنظر الممثل توم هانكس يتقاضي أجر سنوي 45 مليون كممثل .. زوجته ريتا هانكس تتقاضي 100 مليون .. عارف السبب .. لأنها ممثلة ومغنية ومخرجة .. وللعلم توم هانكس أفضل ممثل يدر دخل للفليم والسينماء عموماً .. لاحظ زوجته تقول لو تعطوا زوجي وهو ممثل 45 مليون .. لازم تدوني ثلاثة أضعاف .. أنا ممثلة ومخرجة ومغنية في ذات الوقت .. وأخيراً يرسي العطاء علي 100 مليون .. وطلعوا هى وزوجها يضحكون .. ويقول ليها زوجها أنت عظيمة يا ريتا لقد فعلتيها ! .. لا حسادة ولا غضاضة ..
بريمة
Post: #20 Title: Re: أختلاف ثقافة الأجور بين السودان وأمريكا .. Author: Biraima M Adam Date: 03-26-2021, 08:08 PM Parent: #18
ول ابا دكتور محمد الأمين والله طولت الغيبة ..
أدينا رأيك يا ول أبا، كيف نصل لمرحلة الشفافية في الأجور .. أو زيادة المواهي من خلال تثقيف المتقدم للوظيفة؟
بريمة
Post: #19 Title: Re: أختلاف ثقافة الأجور بين السودان وأمريكا .. Author: Mahjob Abdalla Date: 03-26-2021, 07:57 PM Parent: #17
Quote: (تستاهل 24 عيشة من الرغيف المدعوم)
سلام دكتور محمد الامين ده يا هو بيان بالعمل.
يعنى يا بريمة, انا هسى كتبت الكلام الفوق ده و ياهو جاب لي 24 رغيفة, و ربما لو كتبت عن حكومة الثورة (لله ساكت) برضو ممكن حمدوك ينزل لي وديعة مليارية بالقديم.