وفــاة لاعب الهلال السابق كمال السنى رحمه الله،.

اللهم ارحم عبدك كمال السنى وأحسن وفادته وتقبله عندك أحسن القبول مع الصديقين والشهداء.. وأجعل بركته فى ذريته وذويه فى ود مدنى وكل أنحاء السودان والخارج.
كمال السنى الرجل الطيب الخلوق، الذى كان يخدم كل السودانيين وخصوصا القادمين الجدد الى ألمانيا.. كان يسكن فى مدينة دارمشتات وهى قريبة من فرانكفورت التى كنت أسكن فيها.
التقينا أول مرة فى المانيا (الغربية حينها) وكان يشرفنا فى ساعة الغداء فى (المينزا) وهى كافتيريا جامعة جوتة Goethe-Universität am Main سأكتب عنه فى هذا البوست لاحقاً.
كم تمنيت أن التقيه مرة أخرى ولكن القضاء والقدر كان أسرع. رحمك الله يا أخى وصديقى كمال وأنزل عليك شأبيب رحمته ورضوانه.

رحمه الله.. رحمة واسعـة

الكابتن كمال السني من أبناء حي العمدة بمدينة ام درمان

من جيل جكسا وأمين زكي وديم الصغير وكوارتي

كان يلعب في خانة الظهير الأيسر واستلم الخانة منه

الكابتن عبد الله موسى (المر)

عليه الرحمة والمغفرة والرضوان

https://top4top.io/
وقوف من اليمين :عيسى دهب, سمير صالح, أمين زكي, جكسا, كمال السني جلوس من اليمين :كوارتي, يونس الله جابو

يا سلام عليك يا عمدة.. شكرا جزيلا على الصورة التأريخية..
رجل مرح لأبعد الحدود.. لا تمل مجلسه ابداً.. محبوب من جميع الجالية السودانية فى المانية (منطقة فرانكفورت والمدن اللى حولها) كان حبوب ومرح.. أنا لما جيت المانيا نهاية 1979 لقيناه قبلنا بسنين طويلة. هو والمرحوم سليمان بن عوف.. عدد السودانيين كان بسيط
جدا.. كلنا تقريبا كنا نتغدى فى كفتيريا الجامعة (المينزا بالألمانى) لأن الأكل أنظف وأجود وأرخص من المطاعم. وفقيدنـا المرحوم كان مركز دائرة الونسـة.. الخطوط السودانية عينوه
مندوب الشركة أو ممثلها فى فرانكفورت، لأنه مقيم فى المدينة ويتكلم المانى بطلاقة.. درس الجامعة فى المانيا.. فصار يستقبل طائرات سودانير..
مرة إتنين من مبعوثى جامعة الخرطوم يحضروا دكتوراة.. د. عقيد الله يرحمه من أولاد كسلا كان يحضر الدكتوراة فى الجيولوجيـا، ود. أحمد بابكر فى الإقتصاد.. وكانوا فى
مدينة كولونيـا Köln.. جو سايقين عربياتهم لمطار فرانكفورت عشان زوجاتهم كانو جايين من السودان فى سودانير.. طبعا كل مرة يشوفوا البورد الزمان كان يطقطق عشان يعرض
السفريات قبل البوردات الإلكترونيـة.. المهم البورد كلما مرة يعلن تأجيل الطائرة السودانية.. وفى النهاية أعلن السودانية مشت لندن (برنامج ما كان دقيق).. الجماعة رجعوا بليلهم داك
بس أظن الطيارة عملت يوتيرن من بحر المانش هههههه سودانير يعملوها.. المهم نزلت فرانكفورت.. وكمال بحكم اتصالاته كان عارف ومنتظرها.. بس شاف ليك بنتين سودانيات
لابسات تياب وواقفات متحيرات. مشى عليهم.. الأخوات سودانيات؟ خجلن ويوسوسن لبعض كدا.. طبعا بطريقته المرحة سألهم تانى.. أنا ممثل الشركة، جايين من وين وماشين وين؟
الشجاعـة فيهم قربت منه وأدته بخرة (ورقة صغيرة مطبقة).. قراها وعرف العنوان الماشين ليه مدينة كولونيا.. حوالى 3 ساعة بالعربية من فرانكفورت.. الزمن داك مافى موبايلات، المهم
إتوكع ما عنده خيار (فى سره صارف ليهم بركاوى).. ساقهم بالعربية بليلو داك. وفى الطريق عرف القصـة.. ما شافوا أزواجهم ولا بيعفروهم (بالصور بس). قال مافى مشكلة.. وصلوا الساعات الأولى من الصباح.
عمارة فيها سيكيوريتى وإستقبال.. طلب يكلم د. عقيد وبتاع الإستقبال أداه السماعة.. هلو إنت عقيـد؟ أيوة نعــم!! ومعاك واحد اسمه أحمد بابكر؟ أيوة أيوة نعم!! متوقعين نسوانكم
يصلوا الليلة.. وبلهفة شديدة أيوة نعم.. طيب تعالوا نازلين إستلموهم ههههه

رحمك الله وجعل قبرك روضة من رياض الجنة، فقد كنت تدخل السرور فى قلب كل من التقى بك.

نسأل الله أن يرحم الفقيد كمال السني ويحسن إليه ويحسن في فقده عزاء الأسرة والأهل المدنيين ويلزمهم الصبر.

تعازينا الحارة لهم

إنا لله وإنا إليه راجعون

امين يا دكتور ياســر..

أى ســودانى زار فرنكفورت فى السبعينات والثمانينات يعرف المرحوم.

عليه الف رحمة ونور
أعتقد يا غوث/ قوس التقيناه معكم او مع درديري و د. أسماء النعيم بتوصية من استاذ جلال الدين الهادي الطيب
كان هذا في خريف ١٩٩٧ على ما أعتقد

عليه ألف رحمة ونور
الأسرة فقدت منذ يومين أيضا ابنهم المحامي زهير يوسف الهادي الطيب ادريس عليه وعليهم الف رحمة وخور

تلزمنا صلاة الغايب لروحيهما

أهلا أستاذنا د. عبدالله..
زى ما عارف سنة 1997 أنا مافى السودان.. التسعينات كلها مافى السودان.. والفقيد العزيز كمال السنى اخر عهدى به فى فرانكفورت قبل ما أرحل الى دورتموند فى شمال غرب المانيا.. أحتمال تكون
التقيته مع ناس الدرديرى..

Quote: الكابتن كمال السني من أبناء حي العمدة بمدينة ام درمان

الأخ عمـاد، الفقيد العزيز أساساً من مدنى.. وهو حفيد ود مدنى السنى المسماة عليه المدينة، وأعتقد قريب الأستاذ الراحل المقيم سعيد الطيب الشايب .
كلنا سكنا فى أمدرمان وجئنا من الأقاليم

أخي العزيز ابو الريش
تقبل تعازينا الحارة في اللاعب الخلوق الموهوب صخرة دفاع الهلال في زمن الكرة الراقية .
نسأل الله له الرحمة والمغفرة وأن يسكنه الفردوس الأعلى مع الصديقين والأبرار والصالحين
وحسن اولئك ريقا
إنا لله وإنا إليه راجعون .
-

هل عاصرتم في ألمانيا المرحوم مأمون محمد الحسن قلب دفاع الهلال من أبناء كوستي والذي
سافر إلى ألمانيا للدراسة ؟
المرحوم مأمون كان مدافع موهوب ولموهبته الفائقة ترقى بسرعة من منتخب فريق خورطقت
إلى فريق السكة الحديد بكوستي . وأيام كان يلعب المنتخب القومي مع منتخبات الأقاليم اذكر
أن الفريق القومي كان يغلب منتخبات الأقاليم باهداف كثيرة وكان ذلك مع ظهور نجم ماجد رأس حربة
الفريق القومي وفريق المريخ العاصمي .
ولكن عندما لعب الفريق القومي مع منتخب كوستي انتهت المباراة بالتعادل بدون اهداف وقد
استطاع المرحوم مأمون أن يوقف ماجد عند حده بل جميع مهاجمي الفريق القومي . وبعد هذه
المباراة تم تسجيله لفريق الهلال ولمع نجمه ولكنه غادر السودان ليكمل تعليمه وعلمت انه توفى
وحزنت كثيرا لرحيله المبكر فقد لعبنا معا في منتخب خورطقت . وكان ذو خلق رفيع
لعل الأخ عماد يعطينا بعض اللمحات من تاريخ مامون مع الهلال .
تقبل تحياتي ووافر احترامي

Quote: هل عاصرتم في ألمانيا المرحوم مأمون محمد الحسن قلب دفاع الهلال

الأخ الفاضل جعفر.. شكرا على التشريف والعزاء..

طبعا المانيا بلد كبيرة ومعظم السودانيين كانوا فى برلين.. لذلك مع الأسف لم أتشرف بمعرفة الكابتن مأمون.. السودانيين الذين عرفتهم كانوا فى فرانكفورت وما حولها.. وديل كانوا أقل من عشرين نفر.. كما أسلفت
كانوا فى إتنين فى كولونيا، وواحد فى بوخوم هو الدكتور عبدالرحمن حسن عثمان، وكان يحضر الدكتوراة فى الفيزياء فى جامعة بوخوم. كان الوحيد فى تلك المدينة الجامعية.. أما دورتموند فلم يكون فيها سودانى
غيرى.. جاء واحد فقط مبعوث من السكة حديد للتدريب لمدة 6 أشهر نسيت أسمه..

Quote: عليه الف رحمة ونور أعتقد يا غوث/ قوس التقيناه معكم او مع درديري و د. أسماء النعيم بتوصية من استاذ جلال الدين الهادي الطيب كان هذا في خريف ١٩٩٧ على ما أعتقد عليه ألف رحمة ونور الأسرة فقدت منذ يومين أيضا ابنهم المحامي زهير يوسف الهادي الطيب ادريس عليه وعليهم الف رحمة ونور تلزمنا صلاة الغايب لروحيهما

سلام يا عبد الله

أنا أيضا اتصلت بالمرحوم كمال السني بتوصية من أستاذ جلال ولاقيته في فرانكفورت في منتصف التسعينات.

رحم الله زهير يوسف الهادي إبن أخ الأستاذ جلال وأحسن في فقده عزاء الأسرة والأهل. تعازينا الحارة لآل الهادي الطيب والأهل.

إنا لله وإنا إليه راجعون

Quote: الأسرة فقدت منذ يومين أيضا ابنهم المحامي زهير يوسف الهادي الطيب ادريس عليه وعليهم الف

رحم الله الأستاذ زهير وتغمده برحمته.. فقد كبير. وإنا لله وإنا اليه راجعون.

كما ذكرت فإن فقيدنا كمال السنى هو حفيد ود مدنى السنى، صاحب القبة وقريب الأستاذ سعيـد الطيب شايب.

رحمهما الله وأحسن وفادتهما وإنا لله وإنا اليه راجعون.

له الرحمة والمغفرة واسكنه الله فسيح جناته مع الصديقين والشهداء وحسن اولئك رقيقا.

خالص التعازي لاسرته ومعارفه .

انا لله وانا اليه راجعون.