Post: #2
Title: Re: حديث رائع لآبي احمد عن الشعب السوداني
Author: امتثال عبدالله
Date: 03-24-2021, 11:59 AM
Parent: #1
الشعب الاثيوبي شعب صديق ورئيس وزراءهم وقف مع ثورة الشعب السوداني
وقفة رجال ،،وهو دائم السعي لحل المشاكل الحدودية ومشكلة سد النهضة عبر
الحوار الدبلومسي لكن اولاد بمبة المصريين بينفخوا في النيران ويحرشوا في
البرهان عشان يصعد الموضوع فقط لصالحهم هم. وكانما السياسة الخارجية
للحكومة الانتقالية تقرر في القاهرة،،
|
Post: #3
Title: Re: حديث رائع لآبي احمد عن الشعب السوداني
Author: محمد حيدر المشرف
Date: 03-24-2021, 12:12 PM
Parent: #1
وراء الكلمات المنمقة تبقى حقيقتين ان مزاعم السودان بتورط الجيش الاريتري في النزاع هي مزاعم صحيحة بالإضافة تورط كلا من الجيش الاثيوبي والارتري في ارتكاب فظائع حرب ضد شعب التقراي
|
Post: #4
Title: Re: حديث رائع لآبي احمد عن الشعب السوداني
Author: Asim Ali
Date: 03-24-2021, 12:43 PM
Parent: #3
جديث السياسى والمسئول الاول فى دوله بهذا الشكل مجرد مراوغه اذا جادى يتحسمموضع الفشقهبمبادره منك مش دعم مليشيات اثيوبيه وواستجلاب قوات اريتيره !!!1
.
حقيقه انو اثيوبيا لاتقل خطر ومطامع فى السودان اسوه بمصر فالبلدين دول كثافه سكانيه عايه (متقاربه فى العدد) وعندها مشاكل استراتيجيه سواء الامن المائى بالالى الاقتصادى واعتبار الطرفين السودان )قليل عدد السكان يلمطمع تمدد وتوسع من الطرفين
ماتقعدو تشكرو لينا فى اثيوبيا (لاس فيغاسافريقيا) لا اكثر عشان كدا الناس ينسو موضوع الفشقه داءما ويجرو لحلايب
بعدين ليهالتقدير دا كلو والتمييزلاثيوبيا دون دول الجوار الافريقى وبعد كدا تجو تصدعوا عنصريه وطعميه .
الدعوه لمهادنه اثيوبيا لسبب واحد لانها فىنفوس كثيرين كونها لاس فيغاس القاره لااكثر
انكربو وواجهو مشكلته الفشقه وحلايب على قدم المسااه حرب او مفاوضات وسيبونا من حركات شعب شعب وروابط ابديه و..بلا بلا بلا
كميه الودود الاثيوبى والتنامى الان فى السودان هو ( استعمار بارد ) ولن تفيقو الا على تحول السودان كلو ل(فشقه ) بحجم رقعه الوطن
|
Post: #5
Title: Re: حديث رائع لآبي احمد عن الشعب السوداني
Author: محمد حمزة الحسين
Date: 03-24-2021, 12:57 PM
Parent: #4
قناعاتي الشخصية ...
في قيام السد مع اثيوبيا لكن الجد شنو الله أعلم ...
لم نستفييد من هذه الفرصة التاريخه التي سنحت لنا لترويض أولاد بمبه ....
لماذا الله أعلم ...
|
Post: #6
Title: Re: حديث رائع لآبي احمد عن الشعب السوداني
Author: Mirghani Taitawi
Date: 03-24-2021, 01:36 PM
Parent: #5
كل حكومات السودان المتعاقبة إستفادت منها مصر على حساب السودان.
كل مشاكل وبلاوي السودان سببها مصر.
أثيوبيا أقل خطراً على السودان من مصر .. هذه الأخيرة لم ولن تريد للسودان خيراً.
|
Post: #7
Title: Re: حديث رائع لآبي احمد عن الشعب السوداني
Author: Bashasha
Date: 03-24-2021, 04:01 PM
Parent: #6
لاحولا!!!
ود المشرف، شلوووم
كلامك اعلاه غريب جدا، جدا!
كده حتكون في خط واحد مع الدلاهة العلى البرهان، بواب الخديوي المملوكي، السيسي!
ياعزيزي كلنا كسودانيبن نعلم، المعزة المحبة المركوزة في أعماق اهلنا في شرق افريقيا بعامة لي اهلهم في السودان، رغم انف سندروم كراهية الذات، وهذا إرث كوشي، محفور في لاشعورنا جميعا، لأننا كنا عبر القرون شعب واحد احد أو مش شعوب!
مشكلة الفشقة نجمت من تقسيمنا الي دول وشعوب!
مشكلة الحدود دي ماشي جديد وهذا منتشر في افريقيا.
بالتالي الصاح، المشكلة دي، اللي عمرها عشرات السنين تحل بالتفاوض براحة، بي هدوء، بي طول نفس أو حسن نية، مش بالحروب المفتعلة بواسطة مستعمرينا وادواتم من امثال البرهان أو حمرتي!
البرهان كايس يصل لي كراسي السلطة منفردا باب ثمن، باي وسيلة لانو من صغير فهمو انو موعود يبقي رئيس السودان!
اذن غريب جدا، زي موقفك العدايي ده من دون اي مبرر أو اعتبار لي محبة اهلنا في اثيوبيا لي اهلهم في السودان!
علينا جمعيا ان ندعو لقيام دولة الولايات الكوشية المتحدة لدول حوض النيل!
مصلحتنا مش العاطفة تقتضي هذا، لانو القادم كمان اسوا بمالايقارن بي سبب ازمة المياه حول العالم!
|
Post: #8
Title: Re: حديث رائع لآبي احمد عن الشعب السوداني
Author: Shinteer
Date: 03-24-2021, 10:57 PM
Parent: #7
ايه رايكم نبقى دولة واحدة مع الحبشة؟ ولو إريتريا الحبشية قالت بغم، نديها على راسها ونضمها للتحالف بالغصب.
ويا أحباب مصر، ايه رايكم نتوحد مع مصر ونعمل فيها أبو القرن الافريقي؟ كلو جميل وفي صالحنا.
ياخواننا هل في طريقة نتخلص من النظرة العاطفية الهاربة من واقعها دي؟ الدول لا تُبنى بالعواطف الفجة. نحن دولة والحبشة دولة ومصر دولة. كيف نقدر نتعامل مع الدول دي بندية وبحساب الربح والخسارة؟
أؤيد عدم دخول السودان في حرب مع الحبشة لأن مشكلة الفشقة دي ممكن تتحل سلمياً، أما مشكلة حلايب والله العظيم لن تُحل لا بالقانون ولا بالقوة. وخلي أي مسؤول سوداني يرفع مشكلة حلايب للامم المتحدة، وما حيقدر، مع أن كثير من المشاكل الحدودية تم حلها عن طريق المحكمة الدولية.
أفيقوا.
الدول كلها أطماع ونحن شغالين عواطف. وعواطف من ناس فاهمين أن العواطف لا مكان لها في العلاقات الدولية ولا العلاقات بين الجيران. دا شغل ناس قرويين وناس حلّال ساكت.
|
Post: #9
Title: Re: حديث رائع لآبي احمد عن الشعب السوداني
Author: Hafiz Bashir
Date: 03-25-2021, 00:53 AM
Parent: #8
| Quote: ننا هل في طريقة نتخلص من النظرة العاطفية الهاربة من واقعها دي؟ الدول لا تُبنى بالعواطف الفجة. نحن دولة والحبشة دولة ومصر دولة. كيف نقدر نتعامل مع الدول دي بندية وبحساب الربح والخسارة؟ |
دا الكلام المفيد
شكراً شنتير
|
Post: #10
Title: Re: حديث رائع لآبي احمد عن الشعب السوداني
Author: adil amin
Date: 03-25-2021, 04:31 AM
Parent: #9
الدول الاتعاونت مع الانقاذ المجرمة والناهبة للسودان
مصر
السعودية
الامارات
قطر
تركيا
وليس الحبشة منها
افتعال مشكلة الفشقة والولولة مع المصريين في سد النهضة نوع من العبودية السياسية المتاصلة في حثالات الدولة المركزية
والاستلاب العروبي
النظام السياسي في الحبشة نظام فدرالي ديمقراطي اشتراكي محترم جدا
النظام السياسي في مصر دكتاتوري عسكري بليد لا يعبر حتي عن الشعب المصري
النظام في السودان الانتقالي (طيزين في لباس) كمونية فلان وعلان لا دولة ولا مؤسسات من الاساس ويلهثو ويهرولو من بلد لي بلد
ابقى دولةذى الحبشة بعدين تعال رفس
المواجهة مع مصر مسالة وقت وتبدا بي ادواتها الرخيصة المزمنة في السودان
وفي المركز من اول انقلاب لي اخر انقلاب 2019 بتاع صلاح قوش وبنعوف
مصر دي لازم تواجه حضاريا وفكريا وثقافيا وسياسيا في كل منابر الاعلام السودانية وغير السودانية المتاحة \ما يجي ساقط رخيس \
يولول مع المصريين في فضائية الجزيرة او العربية الحدث
المصريين مستعلين ومغرورين بسبب الدونية المتاصلة في النخبة الخبيثة دي بعد الاستقلال جيل اكتوبر المخستك المعطل الشباب
كدي رجعو لينا جنوب السودان والجنوبيين خلونا نخرج من الاعاقة الحولت السودان الي عاهة سياسية في المنطقة
|
|