استنكار ورفض شعبي واسع لحديث عبدالرحيم دقلو ووصفه بالعنصري

02:28 AM March, 14 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

الخرطوم: الرآية نيوز

لاقت تصريحات عبدالرحيم دقلو، استنكارا واسعاً، واتهم بتأجيج الصراع العنصري و إثارة أهل الشمال.

و قال عبد الرحيم دقلو في احتفال قبيلة المحاميد بمناسبة إطلاق سراح زعيمها الشيخ موسي هلال (الخرطوم حقت ابو منو ) واضاف لو علي انا تمشي مروي، نكرمهم، فيها مطار ومستشفي محل التنمية).في اشارة لشمال السودان وتعزيز فكرة الهامش والمركز وما يروج عن ظلم أهل الشمال لباقي مناطق السودان .

وهو ما وجد استنكارا واسعا في الوسائط لعدة اسباب أولا رفض وجود الحركات والقوات النظامية في الخرطوم العاصمة يمثل مهدد أمني للمواطنيين وخصوصا من تصرفات بعض عناصرها مثل اغتيال بهاء نوري، من قبل افراد من الدعم السريع. واحتلال دار اللجنة الاولمبية من قبل قوات مناوي، وبعض الحوادث مثل تفجيرات مواقع عسكرية والذين يرفضون ذلك هم أهل الخرطوم من كل انحاء السودان ولكن دقلو حاول ان يروج إلى ان الذين يرفضون ذلك هم أهل الشمال .

و كتب الصحفي محمد حامد جمعة (كل أبناء دارفور ؛ ممن لهم وعي عليهم الوقوف بقوة لصالح خطاب يحفظ مقامات كل الجهات . ظلم تاريخي بتاع الساعة كم ؛ دارفور من فجر الاستقلال لليوم حضورها في كل الحقب معقول، كون ان ابناء الإقليم قصروا في تنمية مناطقهم وتجسير الهوة بين المجتمعات المحلية واي زول إستخدم اهله درقة ورافعة دي ما مشكلة باقي السودان .

وأضاف نوار : ما تمسحو الدهن في الصوف بالله، القروش العند اثرياء دارفور ممكن تحول اي مدينة لجنة ديات القتلي كان ممكن تحول جنوب دارفور او شمالها حضر وريف في نطاقات الزول من مزرعة ومراح بياكل للحول الا لو اشترى سكر وشاي.

وزاد : والله انا زرت نوري القريبة دي شفت جالوص متهالك _ في طريقي لسد مروي _ احترت الناس دي بتكتب شعر لشنو وكيف . صي وقفر . والبلقى مال او سلطة ببني ليه مستشفى ومقر خدمة . في دارفور في والي جاب مولد في صليعة ولا ياسن ما عارف جات جماعة مسلحة كسرتو بقذيفة اربجي . تقول البشير بتعالج فيه . وما معمول لاهلهم . ياخ ما تقرفونا) واضاف (فاتو مروي بهناك وماف زول سال زول
ماف زول ضد الحركات المسلحة، لكن كمان من حق الناس تبدي قلقها من وصول حشود قواتها بسلاحها كامل عتاد حربي.

وتابع: اي زول مدني خليك من عسكري بفهم انه في مواقيت الاتفاقيات اي فصيل مسلح عنده نقاط تجميع وحصر أسلحة وبيكون في تمثيل رمزي اغلبه خاص بالحمايات الشخصية، ولاحظ انه الحركات دي ما خضعت لبرنامج تنفيس وخاشة الخرطوم بذهنية انها مهمشة وان العمران والمال الفي الخرطوم دا حقهم لان الناس دي حرامية واكلت حق اخوانها، دا ما فيه تمييز بين غني بجهده ولا زول سلفقة . طيب لو بكره في جماعة او صنف وعدوهم بضباط وعلامات وما تم الكلام دا والمجموعة دي زعلت وتمردت وتحت يدها سلاح ممكن يدك عمارة او مدرسة ! ساي زعلة كدا الناس تقول يا منو ؟
القصص دي ما فيها حسن نوايا ومطيابات ويفترض الجهة الرتبت الاتفاق دا تكون واضحة كان جسم مدني ولا عسكري . الاوله شرط اخر نور . ولغاية دا ما يحصل اي زووول من حقه يتخوف ويقلق . وقصة يمشو اي محل في السودان اي سوداني يمش . دي ما حاجة عاوزة تنويه . مما الله خلقنا في دارفور لاقينا كل أجناس الارض . نيالا البحير الدناقلة الفيها في حفير مشو مافي . والدارفوريين ديل انا شفتهم عمودية مع الناظر ترك وساكنين في اقصى الفشقة خلفهم اثيوبيا وفيهم الوصل قندر ووصلوا الشمال لحدود حلفا خلي مروي. يوم واااحد في زول سال زول ؟! لان الناس عايشة ومتعايشة بربطهم عرف وبجمع خلق سودانيين ما عاوز كشاف ذاتو).

وكتبت الصحفية رشان أوشي (ماذا يقصد دقلو بمروي والإشارة إليها.. حديث عنصري تافه جدا..)

ويدور حديث في الصوالين الخاصة ان عبدالرحيم دقلو يقود خط عنصري لتوحيد الحركات الدارفورية ضد الشمال، ويصرح به لخاصته ويعضد ذلك تصريحاته الأخيرة في احتفالية موسى هلال.

دي بداية صوملة السودان،،،
والبركة فيكم وعظم الله اجركم في سودانكم الزمان كان بيسموهو سودان الخير
والان سودان السجم والرماد،،،،
وهذا العبد الرحيم يسعى لاثارة حرب اهلية في السودان ، واذا قامت حرب اهلية
في السودان ،،،فعلينا السلام

كنتوا بتتوقعوا شنو من شرنقة من شرانق القبلية المتخلفة سليل الإنقاذ؟
من الذي فض الاعتصام؟ من الذي أغرق الشهداء في نهر النيل أحياء ،
من كان قائد فض الاعتصام؟ وكيف كانت تتم عبارات التهنئة بفض الاعتصام؟
تاريخ عفن يُسجل

Quote: كنتوا بتتوقعوا شنو من شرنقة من شرانق القبلية

واحد وجبان .. تألب في النيران وأنت أمن في سربك.

بريمة

Quote: واحد وجبان .. تألب في النيران وأنت أمن في سربك.

\
اطلع من وشي يا خبيث ، يا عدو الشعب السوداني ،

صدق رسول

عن أبوهريرة، قال: "قال رسول الله صلى الله عليه وسلم: ((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))، قيل وما الرويبضة يا رسول الله؟ قال: الرجل التافه يتكلم في أمر العامة".

يا بريمة لماذا بترت كلام دقلو ولم تأتى بحديثه فى سياقه تماماً

السياق : كان حول الرفض الشعبى الواسع لتواجد قوات الحركات المسلحة داخل الاحياء فى الخرطوم
وكان ذلك بعد احتلال قوات مناوى لدار اللجنة الاولمبية بالخرطوم وطرد الموظفين من الدار وبدل استنكار هذا الامر
قال عبدالرحيم دقلو وبكل جهل وعدم تقدير موقف :
{ الخرطوم حقت ابو منو واضاف لو علي انا بمشي حتى مروي } وليته سكت ولم يتكلم !؟
حيث ابان كلامه انه انسان جاهل وامى وعنصري بمعنى الكلمة وليته يقوم بتعيين متحدث رسمي باسمه
بدل بهدلة واسقاط نفسه الى الحضيض . وكان من تداعيات كلامه الخرب هذا ان تداعى شباب مروى فى وسائل التواصل
الاجتماعى وقاموا بتهديده " يا ريت تجينا عشان نرجعك عريان "

هؤلاء هم الذين يريدون حكم السودان بمثل هذه الكلمات الفجة والعنصرية القبيحة .

بريمة ديما شايت غلط...... متى حصل ان قامت مجموعة عرقية بطرد مجموعة اخرى فى العاصمة؟ امدرمان الكثير من سكانها من الغرب و تعيش فيها كل الاثنيات السودانية بالاضافة للمهاجرين من الدول المجاورة من احباش واقباط وفلاتة وغيرهم كلهم عايشين فى سلام وامان عبر عشرات السنين تناسبوا وتزاوجوا واندمجوا حتى نسى بعضهم عاداتهم القديمة يجى راعى الابل المنحط المجرم عبدالرحيم دلقو ليتحدث عن عنصرية وتجى انت لتماهيه وتردد كلامو وانت تعلم مقاصده؟ عبدالرحيم بعد ان اسال دماء الحركات انهارا رفقة اخيه عايز يخادعهم بمقولة تعالوا ننسى الماضى ونتوحد ضد الجلابة لنحكم الخرطوم والسودان كله ادخلوا بسلاحكم واجعلوا من الحدائق العامة مراحيضا ومن يقل ادبه طلقة فى الرأس
عبدالرحيم حرامى إبل تربى على السرقة والقتل لكن انت باشمهندس وتعيش فى امريكا افلا تخجل؟

تصريحات عبد الرحيم دقلو لتخفيف ضغط الإبتزاز ولتعزيز التقارب مع الحركات ، وهي خطوة من خطوات قتل الدعم السريع ، وذلك بتعزيز مخاوف الشمال السياسي من حلف مفترض ضدها ..

ول ابا بريمة
شئ عجيب
انت زمان ما كنت بتايد العرب وتقول انك عربي ونحن بنقول ليك نحن في السودان
ما عرب!!
مالك قلبت!!؟؟
معقولة انت بتايد الكلام العنصري البفيض بتاع دقلو ده العاوز يثير الفتنة!!؟؟
يكفي انه كان بيحمي نظام اللصوص والحرامية ولمن عرف ان ذلك النظام على
وشك الانهيار والغرق نط من المركب...
يكفي انه فض اعتصام القيادة العامة وقتل شباب الثورة لانه كان ماسك العصاية من النص
وخاف نظام اللصوص والحرامية يرجع ثاني ويلقى ليه مكان تاني معاهم،،،
معقولة ما عرفت ان زعيم الجنجويد الذي ارتكب جرائم الحرب في دارفور عاوز يثير فتنة نائمة
ويريد ايقاع السودان موارد الهلاك،،،
كلامه مرفوض رفضا باتا من جميع اهل السودان ،،،

وانا بقول ليك ول ابا بريمة
اذا ما وقفتوا الزول ده عند حده
بردد ليك الكلام القالوا ود الكنزي في عنوان البوست بتاعه: "
يا اهل السودان خموا وصرو ..وارجو الراجيكم" "

والله الشعب السوداني ده شعب عجيب

آل دلو ديل شمتهم الغدر ،،،

غدروا بالشيخ موسى هلال ثم غدروا بالغبي الاسمه البشير ،، غدروا بعوض أبن عوف الذي منع كمال عبد المعروف من سحنهم والآن لقوا هؤلاء الضباط الضعفاء وسيغدروا بهم ،،، أدريس دبي ح يغدروا بيه مع القبائل العربية في تشاد وهي أصل عائلتهم ،،،

مافي حل غير تسليح القوى الموجودة من غير الدعم السريع ومواجهتهم

والله من وراء القصد

يا بكري أحذف بالله ...
شيل الفتنه قبحهها الله ...

من هذا الخيط تبداء الفتنه ما تحملوا كلام الراجل أكثر مما يحتمل ...