Post: #1
Title: محبط :نفس الزول القالوا شيوعي...
Author: عبداللطيف حسن علي
Date: 03-12-2021, 03:27 PM
02:27 PM March, 12 2021 سودانيز اون لاين
عبداللطيف حسن علي-
مكتبتى
رابط مختصر
نفس الزول القالوا شيوعي...
لِبس إحرامو وزار الكعبــه
شايل حــبو لوطــنو مـهابه...
ويدعي في ربو والدعوه مجابه
علم وأخلاق صابيهم صبه...
ما زي بشه اللابس رتبه
بشــه الهان الوطن وترابو....
يرقص ديمه وشايل رتبة
بشه السرق أحلامنا الحلوه...
وقايل الحُكم كلمات كذابه
نصب نفسو أسد أفريقيا...
وفاكر الثورة هظار ودعابه
يشـحد وينهب زي ما داير....
بإسم الدين غاشيلو غلابه
وين يا فرده غيرك أشطر
دا السودان الليهو مهابه
ــــــــــــــــــــــــــــــــ
تخيل شيوعي ينسخ الكلام الفارغ دا ويعمل بيهو بوست في الفيس !!
بصراحة كدا اجعص مثقف ما عارف شيوعي يعني شنو
الحمولة النفسية للكيزان مازالت مسيطرة علي المصطلح
لالا ...خليكم من الكيزان ، المشكلة في الناس العاديين ، شايفين
كلمة شيوعي ، كلمة تحمل اشارات سالبة واقرب للنبذ والاساءة
قال شيوعي بصلي ، ياخ قوم لف !
|
Post: #2
Title: Re: محبط :نفس الزول القالوا شيوعي...
Author: عبداللطيف حسن علي
Date: 03-12-2021, 04:26 PM
Parent: #1
الدين كمظهر اجتماعي جانا من دول الخليج ، ايام الاغتراب
الاستلاب العروبي -الاسلاموي ، بدا منذ ذاك التاريخ
رغم انه ذات تاريخ الضياع العربي وشعور العربي بالاحباط
والتضاؤل في مواجهة النزعات العلمية المتصاعدة في الغرب
من كل النواحي الصناعية والتكنولوجية وحتي مسارات البحوث
في العلوم الانسانية والفكر..
ظهر القرد السوداني مقلدا للعربي الضائع !
فسميت المدن السودانية بالرياض والدوحة والطائف ثم مزجت
بالاسلام السياسي في فترة لاحقة ... بينما العربي يؤزمه غياب الديمقراطية
ويري في فساد الانظمة العربية ، غياب الديمقراطية ويدعوا لنقل التجربة الغربية
كاملة وبدون ترقيع !
|
Post: #3
Title: Re: محبط :نفس الزول القالوا شيوعي...
Author: عبداللطيف حسن علي
Date: 03-12-2021, 04:35 PM
Parent: #2
نفس الزول القالوا شيوعي
شايفين اها طلع ولا شيوعي ولا حاجة
وكمان بيعمر وبيصلي 
|
Post: #4
Title: Re: محبط :نفس الزول القالوا شيوعي...
Author: عبداللطيف حسن علي
Date: 03-12-2021, 04:41 PM
Parent: #3
دي ياها ثورة الوعي بتاعتكم
الاعجاب بحمدوك لانه من الشق المدني ، دا مفهوم !
كيتا في الكيزان ، دا مفهوم !
بس حكاية الزول العامل شكلة مع واحد ويقوم ينبذ الجنبو سااااي كدا ، دي مامفهومة
طبعا باعتبار الشيوعية نبذة وكدا
|
Post: #5
Title: Re: محبط :نفس الزول القالوا شيوعي...
Author: عبداللطيف حسن علي
Date: 03-12-2021, 04:53 PM
Parent: #4
شيوعيون متدينون !شيوعيون متدينون !
في الرابط اعلاه اقتنعت علي مضض بردود الاخ المتعمق في حواراته محمد عبدالقيوم سعد
|
Post: #6
Title: Re: محبط :نفس الزول القالوا شيوعي...
Author: عبد الله حسين
Date: 03-13-2021, 01:20 AM
Parent: #5
سلام يا عبد اللطيف
من هو شاعر القصيدة ؟.
ما يحدث مقرف لأبعد الحدود، شخصياً لا يهمني إن عمّر أو حج حمدوك ديستان إلى مكة أو حائط المبكى أو الفاتيكان، طالما بقي ذلك في إطار الخيارات الشخصية، لكن استغلال الشعائر والطقوس الدينية، من منابر رسمية " زيارة رسمية للسعودية " لتحقيق أهداف سياسية، يؤكد أننا لم نغادر محطة الإنقاذ قيد أنملة، لو كان يريد أداء العمرة، كان عليه أن يذهب في زيارة خاصة منفصلة، وأن يدفع تكاليفها من جيبه الخاص، وأن لا يتم تغطيتها إعلامياً، لأن ذلك لا يهم كل الناس، أو هكذا يفترض، أنا غير متأكد، وأود أن أتأكد، إن كان حمدوك ديستان، قد ذهب إلى الحج أو العمرة من قبل، أثناء عمله في الأمم المتحدة أو في المنظمات الأخرى، وأنا أستبعد ذلك، لأنه ذلك يعني، في حال صح أنه لم يذهب إلى الحج أو العمرة من قبل، أنه قصد إرسال رسائل سياسية رخيصة، تتملق جماعات الهوس الديني.
|
Post: #7
Title: Re: محبط :نفس الزول القالوا شيوعي...
Author: عبداللطيف حسن علي
Date: 03-13-2021, 05:54 PM
Parent: #6
Quote: وأود أن أتأكد، إن كان حمدوك ديستان، قد ذهب إلى الحج أو العمرة من قبل، أثناء عمله في الأمم المتحدة أو في المنظمات الأخرى، وأنا أستبعد ذلك، لأنه ذلك يعني، في حال صح أنه لم يذهب إلى الحج أو العمرة من قبل، أنه قصد إرسال رسائل سياسية رخيصة، تتملق جماعات الهوس الديني.
|
تحياتي يا زميل عبدالله
موضوع فلان عمر او حج موضوع شخصي يجب ان يتم بهدوء كما قلت
وحمدوك مضطر ان يكون براجماتيا حتي تتضح ثمة كوة في نهاية النفق !
مايحزنني ان يصلي بعض الشيوعيين ويصومون ومعزة وان طارت تلازمهم
حليل الديالكتيك المقلوب في الفاضي وانتصار السياسة علي الفكر
|
Post: #8
Title: Re: محبط :نفس الزول القالوا شيوعي...
Author: مرتضي عبد الجليل
Date: 03-15-2021, 01:07 AM
Parent: #7
ما بين حمبد ..... (البوليس شابكنا شيوعي وفاكر نفسو بنبذ فينا)
و اب جيقة الشيوعى (نفس الزول القالوا شيوعي...) ملاييبن من سنين الوعى المهدرة. غايتو بقيت اشفق على اصحابى الشيوعيين ..ههه
|
Post: #9
Title: Re: محبط :نفس الزول القالوا شيوعي...
Author: جلالدونا
Date: 03-15-2021, 02:12 AM
Parent: #8
سلام عبد اللطيف و مطبوق لى ضيوفك
الفكرة ما فى انو شيوعي ولّ بيصلّى ولا فى الرد على من قال بشيوعية حمدوك
الحاجة دى رد على فتوى منسوبة لعبد الحى بتحريم التحويل عبر القنوات الرسمية
باعتبار ... على حسب فتواه ... ان من يقوم على راس الحكومة كافر لا يؤمن بالله
و لم يره احد يصلّى
يعنى الحملة اساسها تكفير عبد الحى لحمدوك
بالمناسبة كلام عشة الجبل ما تفصلو من الموضوع ده
|
|