Post: #2 Title: Re: عان فيديو هرشة يوسف عبدالفتاح للقاضى الم Author: Osman Musa Date: 03-11-2021, 10:01 AM Parent: #1
وين هيبة المحكمة؟ وين السكيوريتي؟ يوسف عبدالفتاح جدع المايك في المحكمة بطريقة قبيحة . نفس قباحتو وخرمجتو واستباحتو للساحات والميادين والشوارع والصوانى. نفس هرشتو للمكشوشين من التجار وأصحاب الاكشاك والفريشة. نفس هرشتو وتهديدو للمعتقلين والمخالفين في عرف سعادة العقيد الهراش .
Post: #3 Title: Re: عان فيديو هرشة يوسف عبدالفتاح للقاضى الم Author: اسماعيل عبد الله محمد Date: 03-11-2021, 10:12 AM Parent: #2
سلامات اخي عثمان
الزول اتجرس ما تسمع النفخة الكدابة
زول نفاخ ساي كل الملامح بتدل على الخوفة والجرسة بعد ما واجهوه باقواله الحقيقية
Post: #14 Title: Re: عان فيديو هرشة يوسف عبدالفتاح للقاضى الم Author: Osman Musa Date: 03-12-2021, 08:41 AM Parent: #5
أخونا علاء سلام هي جرسة ساكت .. الزول ممثل خطير . قمة الاستهبال . والاستكرات فاكر الشعب الطيب حيحن عليه بعد فعايلو المهببة. بالمناسبة الزول دا . سايط مع عبدالرحيم محمد حسين في أي سمسرة وأي بيعة من ميادين وبراحات وفسحات. وأسواق و مواقف العاصمة . بالمناسبة يا أخ علاء انا شايف المحكمة دي ضعيفة وميتانة المرحلة دي محتاجة محققين افذاذ وعندهم وطنية . و قاضى ينتر في المتهم زي الأسد .
Post: #7 Title: Re: عان فيديو هرشة يوسف عبدالفتاح للقاضى الم Author: Osman Musa Date: 03-11-2021, 06:23 PM Parent: #4
يا امتثال دي نهاية بطل الفيلم رامبو . رامبو الذي شغل الناس . رامبو الذي تجدع في البحر والبر . دائما نهاية النفاخين بتكون متنيلة بستيييييين نيلة. كنت متخيلو يجي داخل المحكمة بعد ما بدي الباب شلوت بالبوود وحازم الطبنجات والبارود في الحزام . رامبو هنا يختلف . رامبو هنا يبكي . ويلحس في الذكريات.
Post: #6 Title: Re: عان فيديو هرشة يوسف عبدالفتاح للقاضى الم Author: Osman Musa Date: 03-11-2021, 01:20 PM Parent: #3
الأخ اسماعيل سلام الإنقاذ مقطوعة الطارئ كلها كانت نفخة. 30 سنة من اللف والبلف.
قالت لي احدى زميلاتنا المسنوحات هنا ان خالها قل ليها ان يوسف عبد الفتاح الملقب برامبو هذا عندما كان حاكم الخرطوم كانت العاصمة بتلمع من النظافة وانه كان بينزل بنفسه بينظف الشوارع مع شباب كل حي،، وانه ما كان في اي صفوف في الاسواق لانه كان بيراقب الاسواق بنفسه وما كان بيقعد في مكتبه ولا دقيقة ، وايضا قال ان الحكومة الانتقالية دي مفروض تستفيد من مواهبه وتعينه حاكم الخرطوم عشان ينظف الشوارع ويؤدب التجار الجشعين واصحاب المخازن البيدسوا الرغيف من المواطنين الغلابة... وقلنا ليها خالك ده كوز ولا شنو؟ قالت خالها ما عنده اي صلة بالكيزان الللصوص والحرامية ولكنه بيقول حقائق عاشها وشاهدها بنفسه.... وطبعا كنا قربنا نصدق كلامها وكلام خالها لولا انها اضافت ان رامبو ده ذاته ما كوز،،،،لكنه انتهازي وعمل نفسه كوز عشان يلقى ليه منصب معاهم لان الكيزان تخلصوا من كل الموظفين والقضاة والضباط الما كيزان.. لكن حاججناها انه ما ممكن الكيزان يعينوا واحد ما كوز معاهم حاكم للخرطوم... فهل واحد من المنبر يقدر يأكد لينا هذه المعلومات عن يوسف عبد الفتاح هذا ، وهل فعلا هو نظف العاصمة وخلاها تبقى زي جنيف...
ابو الريش شكرا على الفيديو انا ما كملت الاستماع لكل الفيديو لكن وقفت الشريط وجيت اكتب الاعتراف القالو هو بنفسه بانه كوز.... وكدى خلينا نتم الفيديو ونشوف اذا في اعترافات ثانية او اذا اتكلم عن فترة توليه منصب حاكم الخرطوم وبعدين نجي للتعليق
Post: #11 Title: Re: عان فيديو هرشة يوسف عبدالفتاح للقاضى الم Author: كمال عباس Date: 03-11-2021, 08:44 PM Parent: #10
"يوسف عبد الفتاح" يقر بالتصرف بأراضي المدينة الرياضية بتوجيه من "طه" 27 يناير 2020 FacebookTwitterWhatsAppPrintShare القيادي بالنظام البائد علي عثمان طه (Getty) أجرت نيابة الفساد والتحقيقات المالية أمس الأحد، سلسلة تحريات وتحقيقات مع مسؤولين سابقين بالنظام البائد، بشأن تجاوزات وتعد وتصرف في الأراضي الخاصة بالمدينة الرياضية، وشملت التحريات كلًا من والي الخرطوم السابق "عبد الرحيم محمد حسين"، ووزير الشباب والرياضة الأسبق "يوسف عبد الفتاح" الشهير بـ"رامبو"، القياديين بحزب المؤتمر الوطني المحلول.
shareأقر وزير الشباب والرياضة الأسبق "يوسف عبد الفتاح" بالتصرف في جزءٍ من أراضي المدينة الرياضية، بتوجيه من النائب الأول الأسبق "على عثمان محمد طه" فيما أقر وزير الشباب والرياضة الأسبق "يوسف عبد الفتاح" بالتصرف في جزءٍ من أراضي المدينة الرياضية، بتوجيه من النائب الأول الأسبق "على عثمان محمد طه"، وبحسب مصادر موثوقة فإن "عبد الفتاح" أصدر خطابًا ممهورًا بتوقيعه يتعلق بالمدينة الرياضية تضمن كل الأسماء التي وردت في القضية وعلى رأسها "شرف الدين بانقا" و"علي عثمان محمد طه" وشخصه.
اقرأ/ي أيضًا: بعد حرق كنيسة مرتين في أقل من شهر.. السلطات تتعهّد بحماية الحريات الدينية
وطبقًا للمصادر فإن وكيل النيابة "أحمد التني"، أشرف على التحري والتحقيق مع مسؤولي النظام السابق، حول القضية التي تتعلق بفساد المدينة الرياضية، على خلفية بلاغ تعدٍ على المؤسسات التي شاركت في عملية التعدي على أراضي المدينة الرياضية بجانب الفساد الإداري والمالي الذي حدث فيها.
وأفادت المصادر أن التحقيق شمل كلًا من "يوسف عبد الفتاح" الذي كان وزيرًا لوزارة الشباب والرياضة باعتبارها المالك للمدينة الرياضية، والذي سبق أن ألقت السلطات القبض عليه بخصوص ذات البلاغ.
وكانت النيابة قد أمهلت الأسبوع الماضي القيادي بالنظام البائد "علي عثمان محمد طه"، (72) ساعة للإدلاء بأقواله بشأن تجاوزات وتعدٍ وتصرفٍ في الأراضي الخاصة بالمدينة الرياضية، وبحسب مصدر موثوق فأن "طه" لم يتمكن من الحضور للنيابة وسيدلي بإفاداته أمام وكيل النيابة المتحري في البلاغ يوم الثلاثاء المقبل https://ultrasudan.ultrasawt.com/%D9%8A%D9%88%D8%B3%D9%81-%D8%B9%D8%A8%D8%AF-%D8%A7%D9%84%D9%81%D8%AA%D8%A7%D8%AD-%D9%8A%D9%82%D8%B1-%D8%A8%D8%A7%D9%84%D8%AA%D8%B5%D8%B1%D9%81-%D8%A8%D8%A3%D8%B1%D8%A7%D8%B6%D9%8A-%D8%A7%D9%84%D9%85%D8%AF%D9%8A%D9%86%D8%A9-%D8%A7%D9%84%D8%B1%D9%8A%D8%A7%D8%B6%D9%8A%D8%A9-%D8%A8%D8%AA%D9%88%D8%AC%D9%8A%D9%87-%D9%85%D9%86-%D8%B7%D9%87/%D8%A7%D9%84%D8%AA%D8%B1%D8%A7-%D8%B5%D9%88%D8%AA/%D8%A3%D8%AE%D8%A8%D8%A7%D8%B1https://ultrasudan.ultrasawt.com/%D9%8A%D9%88%D8%B3%D9%81-%D8%B9%D8%A8%D8%AF-%D8%A7%D9%84%D9%81%D8%AA%D8%A7%D8%AD-%D9%8A%D9%82%D8%B1-%D8%A8%...AE%D8%A8%D8%A7%D8%B1
Post: #12 Title: Re: عان فيديو هرشة يوسف عبدالفتاح للقاضى الم Author: كمال عباس Date: 03-11-2021, 08:57 PM Parent: #11
يوسف عبد الفتاح وعلي عثمان محمد طه ونهب أراضي المدينة الرياضية ; إذا إختلف اللصان ظهر المسروق ! -* يوسف عبد الفتاح يعتبر من رموز أسوأ حقب الإنقاذ وأكثرها كلاحة وظلاما- دولة اللا قانون '' ونطيط الحيط" وبيوت الأشباح !
Post: #13 Title: Re: عان فيديو هرشة يوسف عبدالفتاح للقاضى الم Author: Hafiz Bashir Date: 03-12-2021, 02:48 AM Parent: #12
القاضي تعيبان قال من حقو ينفعل قال ما في سبب يدي المتهم حق في الإنفعال أمام المحكمة والطعن في النائب العام ولجنته. من حق المتهم الإدلاء بأقوال مخالفة لما تقوله النيابة دون إنفعال ودون مساس بدور النيابة.
Post: #19 Title: Re: عان فيديو هرشة يوسف عبدالفتاح للقاضى الم Author: Osman Musa Date: 03-13-2021, 06:13 AM Parent: #12
الأخ كمال عباس سلام والف شكر على المرور بفجة الهرشة. والف شكر على المشاركة في الحديث عن شلة المتهمين الهراشين. ارجو أن تكون المحكمة عادلة لرد حقوق الشعب . وان تكون أكثر همة وأكثر فلاحة . وان تنتظم . وان تمثل ثورتنا العظيمة .
Post: #15 Title: Re: عان فيديو هرشة يوسف عبدالفتاح للقاضى الم Author: Osman Musa Date: 03-12-2021, 01:55 PM Parent: #9
أخونا ابوالريش سلام الزول جكنان جكنة قوية في انقلاب الإنقاذ. الزول بعضمة لسانو بيتفشر انو مشترك. طيب البطبطة شنو؟ قولو اركز.
Post: #16 Title: Re: عان فيديو هرشة يوسف عبدالفتاح للقاضى الم Author: عماد الدين الطيب عمر Date: 03-12-2021, 02:41 PM Parent: #15
هاكم دا فيديو الفرفرة الراجل عايز يبول في سروالو
ود ام زقدة
Post: #17 Title: Re: عان فيديو هرشة يوسف عبدالفتاح للقاضى الم Author: Osman Musa Date: 03-12-2021, 03:04 PM Parent: #16
أخونا عماد سلام لو عملها يا عماد بكون أول زول يعملها في محكمة . في لحظة تمتمتو وجهجهتو في المحكمة ديك دي تذكرت اغنية الحماسة البيعرضوا فيها. مع النفخة .
هسع الزول ده ما ورط نفسه في اللقاء التلفزيوني ورطة كبيرة واعتراف صريح وواضح بانهم كانوا بيخططوا للانقلاب من بدري وكبار الكيزان كانوا بيقدموا محاضرات في الكلية الحربية لعمل غسيل مخ للطلبة الحربيين الحيتخرجوا ضباط جيش ويمهدوا لانقلاب الانقاذ...وطبعا هو كان بيتكلم في اللقاء وكان حكم اللصوص والحرامية حيستمر للابد وما عارف ان الشعب السوداني حيطيح بنظامهم القمئ في اعظم ثورة شعبية قهرت الحكم الدكتاتوري البغيض،،، ..بس حكاية انه يلف بطيارة هليكوبتر يطارد تجار الخرفان الذين هربوا بخرفانهم خارج الخرطوم من اجل زيادة سعر الهرفان بتدل انه فعلا ما زول مكاتب وانما زول ميدان ويلف بنفسه للمحافظة على مصلحة المواطنين،،، واحتمال حكاية انه كان بينظف شوارع الخرطوم بتفسه تكون صحيحة..... والقاضي المسؤول عن محاكمة رؤوس الانقاذ بتهمة عمل الانقلاب ضد الحكم الديمقراطي اذا شاف الشريط ده ما ضروري يحقق مع الباقين..والاعتراف موجود هنا.... غايتو يوسف رامبو وىط نفسه وورطهم كلهم معاه