إتجاهات الرأي في أمريكا .. حول "خفاض البنات" في السودان ..!!

06:41 AM March, 11 2021

سودانيز اون لاين
Biraima M Adam-أمريكا الشمالية
مكتبتى
رابط مختصر

بحثت عن أتجاهات الرأي وسط الأمريكان بخصوص القضايا الأجتماعية في السودان وأهميتها في أمريكا .. بغرض معرفة ما هى أتجاهات رأيهم .. وكنت أتوقع قضية المثليين تحتل القائمة.
لكن وجدت مسألة خفاض البنات .. تعتبر قضية محورية ومتكررة.

ما أستغربت له وأريد مشاركتكم ورأيكم فيه .. هو .. هناك ولايات معينه .. تهتم بهذا الموضوع .. لماذا هذا الأهتمام من تلك الولايات؟

أولاً ماهي تلك الولايات؟


بريمة

بحثت عن جملتين الأولي:

Quote: female genital mutilations in sudan

وأدخلت الجملة في أتجاهات الرأي في قوقل ..

وكانت النتيجة:
ولاية ماساتشيوست Massachusetts .. لديها إهتمام يقارب 100%

في حين الولايات التالية لها إهتمامات لكن تقل من ولاية ماس

فرجينيا
تكساس
إلينوي
وكلفورنيا
كارولينا الشمالية
جورجيا
فلوريدا
نيويورك


ما قصة ولايات ماسشوست مع طهور البنات في السودان؟

بريمة

ولاية ماس يبدو عملت 3 مؤتمرات عن خفاض البنات في التواريخ التالية:
‪Jul 5, 2020‬
‪Oct 25, 2020‬
‪Feb 14, 2021‬

بريمة

ولاية أوهايو عملت مؤتمرين
في الفترات التالية
21 يونيو - 27 يونيو 2020
30 أغسطس - 5 سبتمبر 2020


بريمة

ولاية بنسلفانيا عملت مؤتمرين:
2 أغسطس - 8 أغسطس 2020
17 يونيو - 23 يونيو 2021 م



---------------------------------------------
وهكذا يمكننا تتبع كل الولايات .. وماهى الجامعات ومراكز الأبحاث .. ومن هم المنظمين .. لتك الفعاليات ..

بريمة

بحثت أيضاً الأتي:

Quote: What is female genital mutilations in Sudan

والغرض من السؤال للتعرف عن الذين يبحوث عن قضايانا الأجتماعية في السودان .. والنتيجة كانت الأتي:

ولاية تكساس لديها إهتمام بمقارب 100% للتعرف علي الظاهرة
في حين ولاية كلفورنيا لديها 73% إهتمام بالتعرف علي الظاهرة.

بريمة

حينما بحث عن: ما هو خفاض البنات
وجدت أن العاصمة واشنطن دي سي لديها إهتمام يقارب 100%

ألسكا 87%
كنتكي 75%
مسيسبي 65%
أريزونا 64%

الملاحظة أن واشنطن دي سي .. لا تهتم بخاض البنات في السودان .. بل في جميع أنحاء العالم ..
السؤال: ألسكا .. ناس الجليد .. حارقين رزهم في شنو؟

بريمة


بريمة

وبعدين شنو حكاية 700 مليون دولار .. ؟؟

في الفترة ما بين 20 - 26 ديسمبر .. هناك مؤتمر أو نقاش مستفيض حول موضوع 700 مليون للسودان ..!!
تصدرت واشنطن دي سي قائمة المهتمين
تليها ولايات: متشجيان، ونسكسنون، ميسوري، وجورجيا


بريمة

ولو دايرين تعرفوا أهمية موضوع خفاض البنات في السودان ..
مثلاً في العام المنصرم .. هناك 3 مؤتمر للسلام في السودان في الولايات المتحدة .. لا توجد أي مؤتمرات عن زراعة قصب السكر أو زراعية أو زراعة السمسم أو حتى الزراعة عموماً أو التعدين .. في حين هناك عشرات وعشرات المؤتمرات والندوات والمحاضرات عن خفاض البنات في السودان.

لا يمثل موضوع المثلية في السودان أي إهتمام للغرب في السودان .. ودي حسنة كبيرة .. ما خاتننا في رؤسينهم.


بريمة

خلاصتي، ركزوا لينا علي عدم خفاض البنات في السودان ..

ما يسووا لينا عقوبات .. وتدخل أمم متحدة لحماية المرأة ..

وبعد ما نستكوا الهجمة .. نقفلوا علينا بابنا .. نطهروهن ولا نخلوهن .. ديل حقاتنا.

بريمة

بحثت عن أتجاهات الرأي .. حول Sudan News
وجدت 42 ولاية تهتم بأخبار السودان ..

لكن السؤال الأهم .. ما هى الولايات الأمريكية التى لا تهتم بالشأن السوداني نهائياً .. :؟؟
ولاية مونتانا
ولاية وايومنيغ
ولاية أوكلاهوما
ولاية أركنساس (ولاية الرئيس كلينتون)
ولاية غرب فرجينيا
ولاية كارولينا الجنوبية
ولاية ميريلاند

والله أحبطت في ولاية ميريلاند .. نسبة كبيرة جداً من السودانين يقيمون بها .. ضمن إقامتنا في محيط العاصمة واشنطن دي سي!

بريمة

ومن الغرائب: بعد دواسنا وموتنا في موضوع الهوية ..

الأمريكان لا يهتمون هل نحن عرب أو زنوج .. أو أي جنس أخر .. الموضوع بتاع الجنس في السودان خارج النقاشات ..

وأظن الظاهر الموضوع محسوم بالنسبة لهم: عبيـد .. واقعين رصع .. في عبيـد!





لأول مرة بدأت أشعر أن دواسنا حول موضوع الهوية ليس له أي بواكي !! .. موضوع فاضي ساكت ..!

بريمة

بيما يا صديقي
تعرف أنت زول فنان وأهتماماتك تدل علي أنك صاحب ثقافة شعبية عميقة
وعندك ماتين بقرة ماية للاهل والماية التانية للدوس
المهم انت عضو في جمعية اصدقاء الانثي السودانية الكاملة ديل قاعدين في الهند
حقيقة ما بقبلوا بأي أنتقاص للمراة
ربنا يعينك علي مسئولياتكم الجسام
كان لازم تجيب الاضرار النفسية للمسالة تكون وكدا بالفعل والحق نصير الانثي الكاملة

* انت زول وهم ساي مالك واتجاهات الراي في المسالة بالتحديد
والله داية في أصقاع الملايو بتعرف أحسن
قوم لف كدا

Quote: خلاصتي، ركزوا لينا علي عدم خفاض البنات في السودان .. ما يسووا لينا عقوبات .. وتدخل أمم متحدة لحماية المرأة .. وبعد ما نستكوا الهجمة .. نقفلوا علينا بابنا .. نطهروهن ولا نخلوهن .. ديل حقاتنا.

بريمة سلامات

إحتمال مهتمين عشان يعرفوا ويجربو فوائده إذا وجدت..
شايف قبل كم سنة في سودان العجب كان في موضة انتشرت بتاعت ختان الكبر والمتزوجات لغير المختونات ..!
لو في فائدة فإحتمال عاوزين ينسخوا التجربة من حواء الشرقية السبق وصدرت لحواء الغرب النظافة الشخصية واوضاع الكاماسوترا ؛)

أبشر يا أبو الزوز

Quote: وعندك ماتين بقرة ماية للاهل والماية التانية للدوس

البقر آمن بإذن الله .. حالياً أبقارنا علي مقربة من جبل الشياطين .. الذي حدثتكم عنه في البوست السابق.

----------------
بخصوص إهتمامي بقضايا المرأة .. أنا ضمن مؤسسي جمعية بابكر البدري العلمية للدراسات النسوية في الجامعات والمعاهد العليا السودانية .. وذلك في العام الدراسي 1984 - 1985م

ولليوم الجمعية تتصدر قيادة قضايا المرأة ..

قال شيوعيين قال هم نصراء المرأة .. زمن ناصرنا المرأة السودانية .. لم نجدوا شيوعي بنته غير مخفوضة ..
كل أستاذ جامعي وضعنا له سؤال .. هل ترفض خفاض بنتك؟ هل توعدنا بعد خفاض بنتك؟ .. لم يجب بنعم .. إلا دكتور واحد في كلية الزراعة وأحتفظ بأسمه ..


بريمة

ول أبا حيدر الزين،
سلام ..

Quote: بريمة سلامات إحتمال مهتمين عشان يعرفوا ويجربو فوائده إذا وجدت.. شايف قبل كم سنة في سودان العجب كان في موضة انتشرت بتاعت ختان الكبر والمتزوجات لغير المختونات ..! لو في فائدة فإحتمال عاوزين ينسخوا التجربة من حواء الشرقية السبق وصدرت لحواء الغرب النظافة الشخصية واوضاع الكاماسوترا ؛)

أنا خايف الناس ديل .. يكونوا دافنين لينا دقن!

القضايا الأجتماعية .. أصبحت محركات كبيرة لأتجاهات الرأي الغربي ..

بريمة

الاسد قريبي بريمه

اختلف معك في كتير من الاراء ، بس قول الحق انت زول فارس من تبيت مشيت في دروب الفروسيه و مرجعي في ذلك بوستك بتاع جبل الشواطين .

يا اخوي بريمة مدخرنك لي يوم حوبه و لقاء و عجاجه اضري ، تجي لينا بي بوست شين كده .

يا زول خليك ثابت في الرعي و الفرسنه و خلي اللغوثه ده . انت اسد كاسر ما تشتغل بالفارغه .





الزبير الختمي

الختم ول أبا شيخ الزبير،
سلامات ..

ضحكتني!! .. أنت عارف يا ول شيخ الزبير، أنا من أشرس المدافعين عن حق بنات البقارة في التعليم .. الدواس الذي قدته في حقهن عشان ما يزوجهن في سن مبكرة .. دواس زول راكز ..
وأخوك يجئ من حيث لا يحتسب القوم .. وأدخل شت .. حتى قبل قراءة الفاتحة .. وكان لدي خطبة قصيرة .. هى بعد الحمد والثناء علي الخالق والصلاة علي نبينا المصطفي .. أقول كلام مثل زواج القاصرات تحرمه قوانين جمهورية السودان ومواثيق حقوق الأنسان .. وأن كل من يشارك في زواج طفلة قاصرة فهو مجرم وأنا ح أشتكيكم جميعاً ..

وبرضو عندي خطبة في طهور البنات (أن زوجات المصطفي .. أمهات المؤمنين ليس من بينهن مخفوضة .. وهل بناتكم أعظم السيدة خديجة والسيدة عائشة .. أعدد كل زوجات الرسول) وكذلك أعارض دق الشفاة و الشلوخ والمشاط .. وغيرها .. مشاكس كبير .. أنت عارف الخلاصة شنو .. أخوان البنات مرات يقوموا علي بالعكاكيز .. وأنا أقول لهم لو عندكم رجالة سووها في قطعات بظور أخواتكم الصغيرات والمعارفات حاجة ديل ..

تسمع أمشي يا شيوعي يا كـلب!! لحاس الصحان .. (قاعد أمشي أكل في المطاعم .. شبه محرم في الوقت داك عند أهل البادية) ..

طبعاً أهلنا أنصار .. طوالي نقلب خطبة في آل البيت .. الأمام أوصاكم بعدم شرب الخمر وأكل التمباك وتدخين السجاير وسرقة أموال الناس .. وعدم زواج القاصرات (أو عدم طهور البنات) .. كلام دا كله كضب ساكت .. طوالي أعمامك الأنصار يقولوا أقيفوا من الموضوع دا .. الأمام لو قال كده نحن ما بنسوه شيئ عكس رأيه ..
وأنا عارف ح يزوجوا القاصرة أو يطهروها .. لكن الأهم هو هم ح يتذكروا موقفي الرافض رفض قاطع لما يفعلون ..

دخلت الجامعة، أول جميعة أنضممت أشارك في تأسيسها ..أنا برلوم لنج .. هى جمعية بابكر البدري العلمية للدراسات النسوية في الجامعات والمعاهد العليا ..

الأن المرأة السودانية .. حسب ما رأيت .. قطعت مراحل ضوئية ..

بجيكم لموضوع .. جبل الشياطين ..!

بريمة