لي في المسالمه غزال نافر بغنى عليه .....جاهل قلبه قاسى وقلبي طائع ليه
مصــــــباح الظــلام الربنا معليه ................... زايد في الكمال نور الجمال جاليه لو شافه الغزال مع نفرته يواليه ................... ولو شافه القمر ينزل يبوس قدميه
كل من شافه قال أنا بالنفس افديه ............ هو غصن الرياض الزاهي في واديه أزهار الربيع ما زى زهور خدّيه ............... وجدلات الحرير ما لينه زى ايديه
لو جاه النسيم زى الفــرع يتنيه .......... و ثمار الرطيب كـذب اليقول يجنيه باللّمى والخدود يأذى العشوق يفنيه ... الصحا والنعاس والسحر في عينيه
والده معجنه على فطرته مربيه ........ هو الفرد الوحيد في الدنيا مافى شبيه يتجاهل علىّ أنا حالي ما غابيه ......سابني في نارهواي وشال قلبي يلعب بيه
هو أمير الهوى وقاضي الغرام مفتيه .............. لو ما جار علىّ في قتلى كيف يفتيه يا قلبي الحزين انت الصبر خاتيه ................. إن جار أو عدل سيبه اليتيه في تيه
Post: #2 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-10-2021, 08:33 AM Parent: #1
و هنا بي صوت اللحو و معاه ترباس و خوجلي عثمان
Post: #3 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-10-2021, 08:42 AM Parent: #2
هنا بصوت جمال النحاس و معاه سميرة دنيا :-
Post: #4 Title: Re: ***** نافر بغني عليه .... لي في المسالمة غزال * Author: Salah Zubeir Date: 03-10-2021, 09:12 AM Parent: #3
يا حاج ... ممكن تشرح لينا نافر دي ماذا عنى بها الشاعر ... فإذا عرفنا كيف ينفر الغزال فهل لك أن تشرح لنا كيف تنفر زات الجمال وهل يتم النفور وهي مقبلة أم مدبرة وما هي أبرز الأعضاء المشاركة في ذلك النفور ...
تفتحو البوستات ساي كدا بدون تعمق في الموضوع؟؟؟
Post: #5 Title: Re: ***** نافر بغني عليه .... لي في المسالمة غزال * Author: الصادق عبدالله الحسن Date: 03-10-2021, 01:36 PM Parent: #4
=
Quote: ممكن تشرح لينا نافر دي ...........
إياك يا حاج العوض أن تتورط، وإياك أن تشرح شيئاً
والأفضل أن لا تأتي لتتداخل مرة أخرى وأن تدع البوست وغزلان المسالمة لتنزلق مُدبرة إلى الأرشيف أو تتساقط كل الغزلان و"الحواءات" لتنشوى مدبرة إلى الجحيم.
وسواء أقبلت أسراب الغزلان أو أدبرت فإن حاج الطيب لن يتأمل عيونها وجمالها أو يستنشق مِسكها ولا يُهمه في النهاية من أمرها سوى "لحمها" و"شحمها".
(فالمؤمن لا يُلدغ من جُحر مرتين)..
وإن ألّح (حاج الطيب) وجأر بالطلب أو حتى قال الروووب: و(إن جار أو عدل سيبو .. اليتيه في تيهو)
ثم ألا يكفيك ما نالك قبل خمس سنوات عندما دفعتك طيبة قلبك وإيمانك بحق الجار إلى محاولة نجدته ومساعدته وأنت "تشرح" له خرائد القصائد من فوق الجدار وتُعلمه كيف يُلملم "فضائحل" نفسه فتورطت ووقعت في شر أعمالك ؟
وهل نسيت أنك سبق أن "تعمّقت" واقترحت عليه أن يعُض بالنواجذ على المخدة ؟؟
Post: #6 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-10-2021, 03:14 PM Parent: #5
Quote: تفتحو البوستات ساي كدا بدون تعمق في الموضوع؟؟؟
انا بفتح البوست و بخلي كل زول يتعمق في الحتة العايزا ..... 😂😂
Post: #7 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-10-2021, 05:40 PM Parent: #6
Quote: إياك يا حاج العوض أن تتورط، وإياك أن تشرح شيئاً
والأفضل أن لا تأتي لتتداخل مرة أخرى وأن تدع البوست وغزلان المسالمة لتنزلق مُدبرة إلى الأرشيف أو تتساقط كل الغزلان و"الحواءات" لتنشوى مدبرة إلى الجحيم.
وسواء أقبلت أسراب الغزلان أو أدبرت فإن حاج الطيب لن يتأمل عيونها وجمالها أو يستنشق مِسكها ولا يُهمه في النهاية من أمرها سوى "لحمها" و"شحمها".
(فالمؤمن لا يُلدغ من جُحر مرتين)..
وإن ألّح (حاج الطيب) وجأر بالطلب أو حتى قال الروووب: و(إن جار أو عدل سيبو .. اليتيه في تيهو)
ثم ألا يكفيك ما نالك قبل خمس سنوات عندما دفعتك طيبة قلبك وإيمانك بحق الجار إلى محاولة نجدته ومساعدته وأنت "تشرح" له خرائد القصائد من فوق الجدار وتُعلمه كيف يُلملم "فضائحل" نفسه فتورطت ووقعت في شر أعمالك ؟
وهل نسيت أنك سبق أن "تعمّقت" واقترحت عليه أن يعُض بالنواجذ على المخدة ؟؟
صلاح ازيّك .. والتحية موصولة للـ"مغدور" حاج العوض
بالله دا كلو حصل لي ..... 😢😢😢😢😢😢😢😢 يا الصادق ياخ حاج الطيب شنو كمان البلعب بي أنا ...؟؟؟؟؟ ود بحري يلعب بي ود قلبا ....؟؟؟؟؟ بجي بوستاتي يتلصق فيني عشان الناس يقولو صاحبي .... 😂😂😂😂😂😂😂😂😂😂
Post: #8 Title: Re: ***** نافر بغني عليه .... لي في المسالمة غزال * Author: ابو جهينة Date: 03-10-2021, 05:47 PM Parent: #7
يا سلام يا ابوحسين
Post: #10 Title: Re: ***** نافر بغني عليه .... لي في المسالمة غزال * Author: Salah Zubeir Date: 03-10-2021, 06:00 PM Parent: #8
Quote: يتلصق فيني
دي كيف يا الصادق ... هسع دي فرقها شنو من الطلعه فوق الصفيحه والكواريك من فوق الحيطه ... 😃😃😃😃 قال ود قلبا ...
Post: #9 Title: Re: ***** نافر بغني عليه .... لي في المسالمة غزال * Author: زهير عثمان حمد Date: 03-10-2021, 05:50 PM Parent: #6
ياأبو حسين انت زول لطيف ونحن مسكونيين بالشياطين مالك علينا بالله ارحمنا وما تزيد علينا المواجع تعرف البعد من امدرمان زي الخروج من رحمة الله الحنين للبلد وناسا والله ما بتعرف قيمة بلدك الا لما تفارق أرضورغم ما فيه من مشاكل وصعوبات ألا أنها أهون بكتير من الغربة احي منك انت ما عايز تقتلني انا بموت في تراب المسالمة واندفن في ابوروف تعرف في تسجيل رائع بصوت بادي الله يرحمو انشالله احصلو الليله كيلو الموز ما بكفي القرد سلام
Post: #11 Title: Re: ***** نافر بغني عليه .... لي في المسالمة غزال * Author: Ahmed Yassin Date: 03-10-2021, 09:34 PM Parent: #9
العلاقة شنو بين ظبي المسالمة وغزال المسالمة عبدالرحمن الريح ساكن حي العرب شرق .. والبنية دي في المسالمة غرب ويجي يقول (لي) وهناك برضو سيدعبدالعزيز غناها سرور يا أنة المجروح ياالروح حياتك روح / الحب فيك ياجميل معنى الجمال مشروح (مصرية في السودان) عبيدعبدالرحمن قال حليل زمن الصبا الماضي وحليل زهرا الحياة الزاهر حليل زمن الحبيب راضي وحليل زمن الهوى الطاهر تعود لمسالمتك سالم بعودة سلامة يا مسافر أشوفك زي ملاك رحمة أشوفك زي غزال نافر حنرجع ونقول ليكم او نحكي ليكم عن هذه الغزالة النافرة وما دار في يوم زفافها وهي ممسكة بباقة الورود وخلت قلب سيدعبدالعزيز يطير وقال : يامداعب الغصن الرطيب في بنانك ازدهت الزهور زادت جمال ونضار وطيب
Post: #12 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-11-2021, 09:51 AM Parent: #11
Quote: يا سلام يا ابوحسين
تسلم كتير استاذنا ابو جهينة 🌷
Post: #13 Title: Re: ***** نافر بغني عليه .... لي في المسالمة غزال * Author: احمد عمر محمد Date: 03-11-2021, 10:33 AM Parent: #12
الحقيقة قالوا كان في غابة زي غابة السنط الحاليةوبعدين الغابة دي كانت شمال المسالمة طوالي وبجي غزال نافر من هناك للحلة ومرات بجي ظبي فكان الشعراء في الحقيقة بيغنوا للحيوانات الاليفة دي لكن فيما بعد فسرت على ان الابيات تشبيه يخيل لي كده ولا فعلا كان في غزال بشري نافر تعديل بعض الى بعد
Post: #14 Title: Re: ***** نافر بغني عليه .... لي في المسالمة غزال * Author: جلالدونا Date: 03-11-2021, 04:53 PM Parent: #13
غايتو الواحد يتابع و يرفع البوست عشان مشاركة استاذنا احمد دى
Quote: العلاقة شنو بين ظبي المسالمة وغزال المسالمة عبدالرحمن الريح ساكن حي العرب شرق .. والبنية دي في المسالمة غرب ويجي يقول (لي) وهناك برضو سيدعبدالعزيز غناها سرور يا أنة المجروح ياالروح حياتك روح / الحب فيك ياجميل معنى الجمال مشروح (مصرية في السودان) عبيدعبدالرحمن قال حليل زمن الصبا الماضي وحليل زهرا الحياة الزاهر حليل زمن الحبيب راضي وحليل زمن الهوى الطاهر تعود لمسالمتك سالم بعودة سلامة يا مسافر أشوفك زي ملاك رحمة أشوفك زي غزال نافر حنرجع ونقول ليكم او نحكي ليكم عن هذه الغزالة النافرة وما دار في يوم زفافها وهي ممسكة بباقة الورود وخلت قلب سيدعبدالعزيز يطير وقال : يامداعب الغصن الرطيب في بنانك ازدهت الزهور زادت جمال ونضار وطيب
عدا ذلك كلّو ثرثرة خارم بارم
Post: #15 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-11-2021, 10:33 PM Parent: #14
Quote: دي كيف يا الصادق ... هسع دي فرقها شنو من الطلعه فوق الصفيحه والكواريك من فوق الحيطه ... 😃😃😃😃 قال ود قلبا ...
عشان كوراكك الكتير دا قلنا المخدة المخدددداااااااااااة 😂😂😂😂😂😂
Post: #16 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-11-2021, 10:43 PM Parent: #15
Quote: ياأبو حسين انت زول لطيف ونحن مسكونيين بالشياطين مالك علينا بالله ارحمنا وما تزيد علينا المواجع تعرف البعد من امدرمان زي الخروج من رحمة الله الحنين للبلد وناسا والله ما بتعرف قيمة بلدك الا لما تفارق أرضورغم ما فيه من مشاكل وصعوبات ألا أنها أهون بكتير من الغربة احي منك انت ما عايز تقتلني انا بموت في تراب المسالمة واندفن في ابوروف تعرف في تسجيل رائع بصوت بادي الله يرحمو انشالله احصلو الليله كيلو الموز ما بكفي القرد سلام
صاحبنا طلع من ام درمان علشان يشوف ليه فريق يلعب فيه في واحدة من المدن نزل من القطر و علي القهوة بشرب في الشاي في الراديو سمع (من امدر يا ربوع سودانا) قعد يبكي و من القهوة و علي القطر جا راجع ... 😂 ****** اوع يكون القرد بتاعك دا القرد الرابطو الراجل في الحديقة الخلفية في البيت ... ؟؟؟؟ 😂😂😂😂😂😂😂😂
Post: #17 Title: Re: ***** نافر بغني عليه .... لي في المسالمة غزال * Author: Ahmed Yassin Date: 03-11-2021, 11:19 PM Parent: #16
استاذنا جلالدونا
Quote: غايتو الواحد يتابع و يرفع البوست عشان مشاركة استاذنا احمد دى
عارف يا حبيبنا .. قربت انداح في البوست دا لاني عارف (الغزال النافر) دي وكيف كان شكلها وتباري الشعراء الكبار عبدالرحمن وسيد وعبيد في وصف جمالها وتفاصيل وحركات جسمها لكن شايف الموضوع بدل الغزلان والظباء اتقلب قرد ودا الحيوان الوحيد المافي زول غنى ليهو ولو هجاء
Post: #18 Title: Re: ***** نافر بغني عليه .... لي في المسالمة غزال * Author: يحي قباني Date: 03-12-2021, 00:30 AM Parent: #17
يابو حسين .. و الرفاق ..
دكتور علم التشريح صالح عبد السيد ابوصلاح قال في وصف الخنتيله :
كتيفه نزل طاوع توسيله .. من الأرداف ما لاقي وسيله خديره كحيله .. ضهيره رنع غالباهو الحيله ..
كدي بالله و روني وضع الضهر ده شكلوا كيف و معناتو شنو ..
يمين بالله الحيله غلبتنا انحنا ديل ..
Post: #19 Title: Re: ***** نافر بغني عليه .... لي في المسالمة غزال * Author: ياسر السر Date: 03-14-2021, 08:30 AM Parent: #18
وما تنسو ظبية المسالمة الفي الخمائل حااالمة ..
حبينا نمر ونسلم يا جماعة ,,
تحياتي : ياسر العيلفون ...
Post: #20 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-14-2021, 05:58 PM Parent: #19
Quote: العلاقة شنو بين ظبي المسالمة وغزال المسالمة عبدالرحمن الريح ساكن حي العرب شرق .. والبنية دي في المسالمة غرب ويجي يقول (لي) وهناك برضو سيدعبدالعزيز غناها سرور يا أنة المجروح ياالروح حياتك روح / الحب فيك ياجميل معنى الجمال مشروح (مصرية في السودان) عبيدعبدالرحمن قال حليل زمن الصبا الماضي وحليل زهرا الحياة الزاهر حليل زمن الحبيب راضي وحليل زمن الهوى الطاهر تعود لمسالمتك سالم بعودة سلامة يا مسافر أشوفك زي ملاك رحمة أشوفك زي غزال نافر حنرجع ونقول ليكم او نحكي ليكم عن هذه الغزالة النافرة وما دار في يوم زفافها وهي ممسكة بباقة الورود وخلت قلب سيدعبدالعزيز يطير وقال : يامداعب الغصن الرطيب في بنانك ازدهت الزهور زادت جمال ونضار وطيب
العلاقة الجمال الملهم للشعراء القاعدين علي الهبشة ....
Post: #21 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-20-2021, 11:30 AM Parent: #20
Quote: الحقيقة قالوا كان في غابة زي غابة السنط الحالية وبعدين الغابة دي كانت شمال المسالمة طوالي وبجي غزال نافر من هناك للحلة ومرات بجي ظبي فكان الشعراء في الحقيقة بيغنوا للحيوانات الاليفة دي لكن فيما بعض فسرت على ان الابيات تشبيه يخيل لي كده ولا فعلا كان في غزال بشري نافر
يا أحمد من ما قمنا لقينا شمال المسالمة مقابر البكري و ما سمعت بي غابة شمال المسالمة من أبواتنا لكن الغزلان و الظبي ديل جكسيات حايمات بي كرعينن من كل الأنواع و كل الألوان و كل الديانات كمان مسلمات و مسيحيات و يهوديات كمان ....
Post: #22 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-20-2021, 11:34 AM Parent: #21
Quote: غايتو الواحد يتابع و يرفع البوست عشان مشاركة استاذنا احمد دى
لمن يبقى زي الرجال و يتحمل ليه مسؤلية فتح بوست .....
Post: #23 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-20-2021, 11:40 AM Parent: #22
Quote: يابو حسين .. و الرفاق ..
دكتور علم التشريح صالح عبد السيد ابوصلاح قال في وصف الخنتيله :
كتيفه نزل طاوع توسيله .. من الأرداف ما لاقي وسيله خديره كحيله .. ضهيره رنع غالباهو الحيله ..
كدي بالله و روني وضع الضهر ده شكلوا كيف و معناتو شنو ..
يمين بالله الحيله غلبتنا انحنا ديل ..
أبو الياء الضهر دا عارف فاتح ليه بوست قريب من هنا و فيه تفاصيل كويسة .... هنا الضهر الغالباه الحيلة دي بدخلنا في متاهات غميسة ....
Post: #24 Title: Re: ***** نافر بغني عليه .... لي في المسالمة غزال * Author: Ahmed Yassin Date: 03-20-2021, 12:24 PM Parent: #23
Quote: لمن يبقى زي الرجال و يتحمل ليه مسؤلية فتح بوست
يعني ما نشارك ؟
Post: #25 Title: Re: ***** نافر بغني عليه .... لي في المسالمة غزال * Author: جلالدونا Date: 03-20-2021, 12:55 PM Parent: #24
Quote: يعني ما نشارك ؟
ده ما مقصدو يا ابو حميد عاين فوق بتلقى وشك ضاحك زى ده
Post: #26 Title: Re: ***** نافر بغني عليه .... لي في المسالمة غزال * Author: ABUHUSSEIN Date: 03-20-2021, 01:15 PM Parent: #25
Quote: ده ما مقصدو يا ابو حميد عاين فوق بتلقى وشك ضاحك زى ده
