Post: #1
Title: الكيزان لو شطار يكونوا حزب البعث الإسلامي الماركسي يضرب الحزب الشيوعي الأمريكي السوداني الليبرالي
Author: توفيق عيسى مكي
Date: 03-03-2021, 11:49 PM
10:49 PM March, 03 2021 سودانيز اون لاين
توفيق عيسى مكي-
مكتبتى
رابط مختصر
اصلوا الدنيا لو ما اتقلبنت ما بتمشي صاح (بلغة ناس الحريق العب عكسها حظك بيرجع ليك)
نحن في عصر الإمامات الجبلية واللوشية البلشفية والسمينة الندية
كل عصر بي ناسه وأساليبه البدوروها الناس وبيعشقوها
عصر لو كنت شريف وسط مجتمع حرامي بيقتلوك بكل أساليب القتل الحديث
عصر الإنتاج فيه هبر ولفح وحاشية وزير تتكلم عن الإنتاج البعرفوه الناس كلها
تبقى زول متخلف ما مواكب الدنيا وغبي وحمار وكمان ارعن
النصيحة الما بيعرف أسلوب هذا العصر زول ما مواكب
ده عصر الشمال بقى يمين واليمين لو ما بقى شمال واطاته صبحت
حتى هلال مريخ السياسة السودانية بقوا يلعبوا في الليق
والعواليق بقوا محترفين بياخدوا بالدولار
حقيقي الدنيا اتشغلبت
والما بتشغلب معاه بلقى نفسه في زمن جدي طه العيفة
|
Post: #2
Title: Re: الكيزان لو شطار يكونوا حزب البعث الإسلامي
Author: اخلاص عبدالرحمن المشرف
Date: 03-03-2021, 11:57 PM
Parent: #1
السلام عليكم.
يا امير ده زمن الصبر
ناسك ديل يلقو زي ساطع وبرهان وحميدتي وين
نحن فلتة في عمر الزمان
|
Post: #3
Title: Re: الكيزان لو شطار يكونوا حزب البعث الإسلامي
Author: توفيق عيسى مكي
Date: 03-04-2021, 00:05 AM
Parent: #1
وحات الله نحن اضكر وارجل اتنين سودانيين
مافي داعي نشرح
لكن بس إشارة من بعيد
ما أقل من 30 سيارة اهديناها لي ناس ساااي وبلوشي
مره جاني زول قال لي هاك العشرة مليون دي انتو دايرناها مني وبعد العيد عشرة تاني
على قدر ما فتشنا دايرنها منو كيف ما عرفنا إلا قال لينا بعد فترة حصلت لي مشكلة وكنت
حا ادخل السجن بره السودان دفعتو لي انقذتوني
قلنا ليه طيب دي حاجة صاح عملناها ونسيناها قال ما حا ارتاح لو ما رديتها
اها الزي ده ما أقل من ألف حالة
فيهم 700 ردوها لينا كف وتف وأف
ال 295 الباقين لليلة عاملين رايحين
ومع كده عطاءنا اتضاعف 1000 مرة
فهل في في السودان اضكر ولا أرجل علينا
|
Post: #4
Title: Re: الكيزان لو شطار يكونوا حزب البعث الإسلامي
Author: توفيق عيسى مكي
Date: 03-04-2021, 00:25 AM
Parent: #3
| Quote: نحن فلتة في عمر الزمان |
يا دكتورة والله اللحظة دي متألم شديد
دخلت البيت المغرب قبل اتغدى عرفت الطلمبة الجنبنا جاها بنزين وانا لي شهور مقاطع الصفوف
المهم
عشان ماشي أرخص قلت اكب لي حبة بنزين يوصلني بحري
طلمبتنا دي مشهورة بالنظام (الجنب الكهرباء في الحلفاية)
لقيت صف قصير وصف طويل جدا ملولو
القصير صف اللبط والطويل حق الهبل
احترت اقيف في ياتو قلبي يقول لي اكسب زمنك
وعقلي الهو الدايما جايبني ورا الناس قال لي اقيف مع الناس
المهم وقفت مع الناس لسبب واحد كل ناس اللبط ناس ضهاري
مافيهم ود ناس واحد وانا وهم ما بنتلمى في سكة واحدة
وقفت على بعد 16 ميل وصلت المسدس جا سيد الطلمبة قفل التأمين وركب عربيتو
وشتت قال الزمن تم كل زول يبقى في محله حا نشتغل صباح بكره الساعة 7
الغايظني ناس الطلمبة بعرفهم بس على قدر ما أقول اواكب ناس الضهاري في عمايلهم واسليبهم
بحس اني حيوان ما إنسان كلب ولا خنزير ولا طيرة
المهم رجعت البيت هسي والآن ومن الصباح ما ختيت لقمة في بطني
قلت اتفش اول
ده لو ما جاتني مصيبة ولا حمى ولا اتجلط
ويقولوا على جاتني كرونا
|
Post: #5
Title: Re: الكيزان لو شطار يكونوا حزب البعث الإسلامي
Author: توفيق عيسى مكي
Date: 03-04-2021, 00:29 AM
Parent: #4
يا كيزان فكروا في كلامي ده كويس
وحات الله قالوا شنو كده ما عارف في قلبتها
شكلي خلاس ما قادر أجمع
المهم اتفشيت
أقوم آكل لقمة واتهمد انوم نامت في ناس الضهاري حيطة يارب
|
Post: #6
Title: Re: الكيزان لو شطار يكونوا حزب البعث الإسلامي
Author: توفيق عيسى مكي
Date: 03-04-2021, 12:17 PM
Parent: #5
الحمد لله
كبيت بنزين بالسعر الموازي
الحمد لله
وفكيت دولار بالسعر الموازي
الحمد لله
والليل شغال في شغلي
بالشغل الموازي
اللهم زيد يارب وكتر
|
Post: #7
Title: Re: الكيزان لو شطار يكونوا حزب البعث الإسلامي
Author: توفيق عيسى مكي
Date: 03-04-2021, 03:54 PM
Parent: #6
نرجع لموضوعنا
الكيزان والشويعية
القط والفار
والثعلب المكار
|
|