Post: #1
Title: محتال يمارس الاحتيال بلا خوف
Author: زهير عثمان حمد
Date: 03-02-2021, 08:16 AM
07:16 AM March, 02 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
احتيال موديل2020
بيحكي واحد قال في واحد طلب ترحال من بحري للمطار ، و في الطريق قال لبتاع الترحال انا جاني عقد عمل و ماشي السعودية ارح نحتفل عازمك دجاج مشوى في مطعم البوادي بالمناسبة دي ، بتاع الترحال وافق طوالى ، وصلوا المطعم الزول خلي الشنطة في العربية اثناء مابياكلو قال لبتاع الترحال جيب المفتاح اجيب القروش من الشنطة ، ادهو المفتاح
صاحبنا دور العربية ومشي بيها الميناء البري شحنها ركاب الابيض النفر علي 1000جنيه ....ركبوا معاهو اربعه و دفعوا القروش ، اتحرك و جمب السوق قال للركاب دقيقة في زول نسى شنطتو عندي في الضهرية نازل اسلمها ليه ، الركاب قالوا ليه ياخ انت راجل أمين 😳 .....شال شنطتو وقروش الجماعه و فرتق .
الركاب مشرورين و منتظرين ساعة ، لمن يئسوا فتشوا العربية لقو الرخصة اتصلو بي رقم التلفون اللي هو حق صاحب العربية الفي المطعم .
الراجل جا جاري لقي عربيته واقفة بخير ، دفع للركاب 4000 جنيه و شال العربية بعد دفع للمطعم حق العشاء 500 و حق ترحال 200 لمكان العربية
الغريب في نهاية القصة دي انو الناس كلها كانت فرحانه....
سيد الترحال فرحان عشان لما في عربتو كويسه ما جاتها حاجه قال القروش طايره ...و الركاب فرحانين عشان رجعوا ليهم قروشهم ، و النصاب فرحان عشان اتعشى و اتواصل مجاني و خما قروش الجماعه و فات 😂😂😂
|
Post: #2
Title: Re: محتال يمارس الاحتيال بلا خوف
Author: MOHAMMED ELSHEIKH
Date: 03-02-2021, 08:24 AM
Parent: #1
ابوزوز
مالك " جايي تفتش المااااضي"
دا قالوها زماااان ناس الوسطاب وطلعت من تأليف واحد مسطول !!
سلامات وتحايا
|
Post: #3
Title: Re: محتال يمارس الاحتيال بلا خوف
Author: زهير عثمان حمد
Date: 03-02-2021, 08:26 AM
Parent: #2
بالمناسبة لنا اصلا ما مرقت من الماضي ساكن فيني الله يستر بس
|
|