Post: #1
Title: حملة منظمة من الجنجويدا ضد الناشطين والناشطات بواقع التواصل
Author: زهير عثمان حمد
Date: 03-01-2021, 08:05 AM
07:05 AM March, 01 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
شكا عدة مجموعات من الشباب والشابات وأشخاص معروفين في وسائل التواصل الاجتماعي الصفحات والقروبات السودانية والذين هم في يكتبون وينقبون في قضية فض الاعتصام
قالوا أنهم في بريدهم الخاص جاءتهم رسائل تهديد واضحة تطلب منهم الكف عن مناقشة مذبحة فض الاعتصام والا فمصيرهم مصير ضحايا المذبحة ومع تحديد لموقع المهدد بصور دقيقة
وهذا بداية الارهاب الاسفيري لحميدتي واعوانه
نوجه الا خوة اللاجئين باخطار المفوضية وكذلك كل الذين يعيشون خارج السودان بالتعامل مع الامر بجدية
بالداخل هنالك محموعة المحامين الديمقراطيين ولجنة التحقيق في فض الاعتصام مع فتح بلاغات في النيابة
ونقول أنها ممارسة جبانة بأمتياز
|
Post: #2
Title: Re: حملة منظمة من الجنجويدا ضد الناشطين والنا
Author: علاء سيداحمد
Date: 03-01-2021, 08:55 AM
Parent: #1
| Quote: قالوا أنهم في بريدهم الخاص جاءتهم رسائل تهديد واضحة تطلب منهم الكف عن مناقشة مذبحة فض الاعتصام والا فمصيرهم مصير ضحايا المذبحة ومع تحديد لموقع المهدد بصور دقيقة |
دائماً وابداً الجنجويد اغبياء بامتياز .. المقتبس اعلاه مستند ادانة صريح ضد من كتب هذا التهديد لانه يمكن وبكل سهولة تحديد شخصيته
والمكان الذى يكتب منه ومن خلال رسالته .
يا جنجويد انتم لا تحتاجون الى دليل اتهام فى المشاركة فى مجزرة القيادة ويكفيكم خزياً كلام قيادتكم حميدتى و عبدالرحيم عقب فض الاعتصام .
وعشرات الفيديوهات التى تؤكد مشاركة مليشيا الجنجويد فى المجزرة .
|
Post: #3
Title: Re: حملة منظمة من الجنجويدا ضد الناشطين والنا
Author: Biraima M Adam
Date: 03-01-2021, 09:06 AM
Parent: #2
هل هم الوحيدين في ساحة فض الأعتصام؟
أين البقية؟ ...
الجلابة متورطين .. وعايزين لهم كبش فداء!
بريمة
|
Post: #4
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-01-2021, 10:32 AM
Parent: #3
كضباشي قال أتفقنا وقررنا..
جيش
شرطة
أمن
دعم سريع
قوى حرية وتغيير
لماذا يستميت الجلابة في عزل الاجهزة الأخرى والتركيز على الدعم السريع؟
|
Post: #5
Title: Re: حملة منظمة من الجنجويدا ضد الناشطين والنا
Author: muntasir
Date: 03-01-2021, 11:24 AM
Parent: #4
لأنه لما كان بيقتلوا في الناس في الخرطوم وبيضربوا وبيهينوا في الناس كان مؤيدي الجنجويد هنا يتراقصون ويضحكون لاستباحة الخرطوم على الاقل مؤيدي الكيزان من الجلابة كانوا لابدين مازي الشيرليدر بتاعين حميدتي
|
Post: #6
Title: Re: حملة منظمة من الجنجويدا ضد الناشطين والنا
Author: أحمد محمد عمر
Date: 03-01-2021, 12:19 PM
Parent: #5
شفناهم شوف العين بالفيديوهات الصوروها بي نفسهم تاني في شنو!
|
Post: #8
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-01-2021, 01:10 PM
Parent: #6
| Quote: شفناهم شوف العين بالفيديوهات الصوروها بي نفسهم تاني في شنو! |
شوف العين ما بقتل غزال.
|
Post: #7
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-01-2021, 01:09 PM
Parent: #5
| Quote: لأنه لما كان بيقتلوا في الناس في الخرطوم وبيضربوا وبيهينوا في الناس كان مؤيدي الجنجويد هنا يتراقصون ويضحكون لاستباحة الخرطوم على الاقل مؤيدي الكيزان من الجلابة كانوا لابدين مازي الشيرليدر بتاعين حميدتي |
مبرر غير قانوني
|
Post: #9
Title: Re: حملة منظمة من الجنجويدا ضد الناشطين والنا
Author: أحمد محمد عمر
Date: 03-01-2021, 01:51 PM
Parent: #7
هههههه واحد مصور نفسه فيديو وهو بقول فضينا الاعتصام ولسة في ناس عاوزة دليل ومبرر ؟
يا ربي أكتر من زول يصور نفسه تاني في شنو؟
|
Post: #10
Title: Re: حملة منظمة من الجنجويدا ضد الناشطين والنا
Author: عبدالقادر محمد
Date: 03-01-2021, 05:28 PM
Parent: #1
| Quote: اسمع يازول من الاخر رسلنا ليك رساله مع مرتك بس ***** زيك بعد ده ماتلوم غير نفسك نحن قادرين نجيبك انت زاتك بس قبل نجيبك نوجع قلبك علي بتك ومرتك واولاد اخوانك واخواتك القاعدين في **** والهنا ابسط شي فرامل عربيه ويروحوا في الف ستين عفن ارعي بيقدك يازول وبطل تشالقنا وحاجه كون عارفه حساب ***نحن قاعدين في نصو شايفين اي شي وحسابك الليله دي بندخلو وكلامي ماتدي البحر يازول نحن ناس الغرب وقلبنا ميت يموت حيلك ياباطل |
مصداقاً لكلامك دة مرسل لي قبل فترة في الفيس بس طنشتو لأنه مجرد تافه وحقير مثل الصرصو لا يستحق الا الدعس بالحذاء
|
Post: #11
Title: Re: حملة منظمة من الجنجويدا ضد الناشطين والنا
Author: زهير عثمان حمد
Date: 03-01-2021, 05:38 PM
Parent: #10
اخ عبد القادر
تحياتي
انا وأقول شنو في قارة اسيا البعيدة شغالين معاي ضاغط و تهديدات في الفيس والايميل والكلام كلو
ح نقتلك ح نقتلك بس ابقي راجل وريني اللي معك منو
شوف الضحالة والانحطاط
ديل ناس لا يترقي الواحد يرد عليهم حتي
|
Post: #12
Title: Re: حملة منظمة من الجنجويدا ضد الناشطين والنا
Author: NEWSUDANI
Date: 03-01-2021, 06:30 PM
Parent: #11
ال السناتور الأمريكي بوب مانديز رئيس لجنة العلاقات الدولية في الكونغرس "قوات الدعم السريع التابعة لمحمد حمدان دقلو ، هي نفس الجهة التي كانت تنفذ الابادة الجماعية في منطقة دارفور". التقارير قادمة وقريباً جداً،
وسوف تضع ميلشيات الدعم السريع في مأزق. حميدتي اللعب مع الكبار صعب !.
|
Post: #13
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-01-2021, 07:30 PM
Parent: #12
اخبار لجنة أديب شنو
|
Post: #14
Title: Re: حملة منظمة من الجنجويدا ضد الناشطين والنا
Author: أحمد محمد عمر
Date: 03-01-2021, 07:36 PM
Parent: #13
روبرت دي نيرو في واحد من أفلام المافيا سأله المحامي عن واحد من أعداؤه قال ليه دة انتحر
قال ليه انتحر كيف؟
قال ليه طعن نفسه بي السكين 4 طعنات في ضهره ومشى وقع في البحر :)
هسة اسماعيل كان سألته الشهيد بهاء حنفي اتقتل كيف عادي ممكن يقول ليك رمى نفسه تحت عربية
|
Post: #15
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-01-2021, 07:48 PM
Parent: #14
| Quote: هسة اسماعيل كان سألته الشهيد بهاء حنفي اتقتل كيف عادي ممكن يقول ليك رمى نفسه تحت عربية |
انها لعنة صمت عيال الخرطوم عن محارق الهامش..
|
Post: #16
Title: Re: حملة منظمة من الجنجويدا ضد الناشطين والنا
Author: ترهاقا
Date: 03-01-2021, 08:49 PM
Parent: #15
مش ممكن يكون حركات كيزان يا خوانا ؟ فههم يجيدون إشاعة البلبلة
|
Post: #17
Title: Re: حملة منظمة من الجنجويدا ضد الناشطين والنا
Author: muntasir
Date: 03-01-2021, 09:03 PM
Parent: #16
وحرايق الهامش دي عرفنا دور الجلابة والمركز فيها القبائل العربية في دارفور دورها شنو في لعنة حرايق الهامش ولا عشان ما نعمم خليك من القبائل العربية الجنجويت وحرس الحدود والدعم السريع دورهم فيها شنو ؟ ولا براءة الذئب من دم بن يعقوب
|
Post: #18
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-01-2021, 09:09 PM
Parent: #17
Quote:
وحرايق الهامش دي عرفنا دور الجلابة والمركز فيها القبائل العربية في دارفور دورها شنو في لعنة حرايق الهامش ولا عشان ما نعمم خليك من القبائل العربية الجنجويت وحرس الحدود والدعم السريع دورهم فيها شنو ؟ ولا براءة الذئب من دم بن يعقوب |
هنا نلجأ لحكمة الأب الروحي ديمابيور
حين قال
The janjaweed is just a tool
|
Post: #19
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-01-2021, 09:24 PM
Parent: #18
ابحثوا عن الـــــــــــــــــــــــــــــــــــــــــ Mastermind
|
Post: #20
Title: Re: حملة منظمة من الجنجويدا ضد الناشطين والنا
Author: عوض محمد احمد
Date: 03-02-2021, 07:34 AM
Parent: #19
واضح انو دا شغل كيزان خبثاء من خلال صياغة خطابات التهديدات لتبدو و كانها من كاتب لهجته بقارية
ما يسوقونا بالخلا
|
Post: #21
Title: Re: حملة منظمة من الجنجويدا ضد الناشطين والنا
Author: أحمد محمد عمر
Date: 03-02-2021, 07:49 AM
Parent: #20
| Quote: انها لعنة صمت عيال الخرطوم عن محارق الهامش |
محارق الهامش دي أزكوها الجنجويد وكانوا الذراع الباطشة والقاتلة لنظام القتلة في الخرطوم
كدي وريني منو هسة بدافع عن البشير ولا علي عثمان ولا عبد الرحيم ولا أي مسؤول عن الحرب في الغرب لمجرد إنه شمالي؟
كلهم مجرمين ثاروا عليهم اولاد الخرطوم ديل واقتلعوهم وحاكموهم وهسة بطالبوا بتسلميهم المحكمة الجنائية للمحاسبة في جرائم دارفور
الجريمة تقاس ببشاعتها ما بمدى قرابة الجاني مني أو من قبيلتي
لكن انت عقلك منغلق على قبيلة معينة وما قادر تشوف خارجها عشان كدة أي حاجة بتعملها القبيلة دي بتدعمها حتى لو كانت قتل مدنيين بالتعذيب
لدرجة إنك ببساطة بتقول فتشوا عن الدفع للجنجويد عشان يقتلوا لكن ما تلوموهم على إنهم مساكين استلموا قروش ومناجم دهب عشان يقتلوا
|
Post: #22
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-02-2021, 02:44 PM
Parent: #21
Quote: كدي وريني منو هسة بدافع عن البشير ولا علي عثمان ولا عبد الرحيم ولا أي مسؤول عن الحرب في الغرب لمجرد إنه شمالي؟
|
انت ماجايب خبر..
في تحرك شمال-نيلي لاخراج البشير وعلي عثمان ونافع باعتبار ان الاعتقالات جاءت على خلفية جهوية..
وهناك احتجاج على اشراك العدل والمساواة المحسوبة على الإسلاميين
في حين محاكمة الإسلاميين المعتقلين..
السودان معقّد جداً
|
Post: #23
Title: Re: حملة منظمة من الجنجويدا ضد الناشطين والنا
Author: أحمد محمد عمر
Date: 03-02-2021, 03:48 PM
Parent: #22
مصطلح شمال-نيلي دة قاعد في خيالك براك
مافي تجمع قبائل شمال ووسط أساساً والثوار الطلعوا شالوا البشير ديل ما فيهم واحد عارف قبيلة التاني
انت لأنك لسة عايش جوة قبيلة بتتخيل إنه الناس دي كلها زيك أي واحد ماسك في طرف قبيلته وما بشوف العوج إلا براها لكن جوة القبيلة أي حاجة مباحة
هسة عليك دينك المنطق بتاعك في البوست دة ممكن يمشي في شافع عمره 5 سنوات؟
الجنجويد عبارة عن أداة؟ بتقول كدة في أهلك عادي!! إنهم أدوات لنظام الخرطوم؟
وكمان تقول فتشوا للزول الدفع ليهم عشان يقتلوا؟؟
يعني الارتزاق عندك عادي كدة ! القاتل البدفعوا ليه ويقتل دة زول مسكين ساي والمجرم هو الدفع؟
|
Post: #26
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-03-2021, 01:17 PM
Parent: #23
| Quote: مصطلح شمال-نيلي دة قاعد في خيالك براك |
بل انت الذي يتجافى عن رؤية الحقيقة
اسأل برطم ومحمد وداعة والكاردينال..
من ناحية فدرالية لا عيب في ان يتجه الناس الى اقليمهم وجغرافيتهم - لا منقصة في ذلك البتة| Quote: الجنجويد عبارة عن أداة؟ بتقول كدة في أهلك عادي!! إنهم أدوات لنظام الخرطوم؟ |
أي بالحيل.
| Quote: وكمان تقول فتشوا للزول الدفع ليهم عشان يقتلوا؟؟ |
الموضوع ما دفع
الموضوع صناعة من الألف الى الياء.
أسأل الصانع
ولا تسأل المصنوع
مسعول من الخير
الجنجويد في دارفور منذ 2003
ما سمعناكم يا عيال حبل القيطان طيلة الفترة دي ليه؟؟؟؟؟؟؟؟؟؟
|
Post: #24
Title: Re: حملة منظمة من الجنجويدا ضد الناشطين والنا
Author: Hassan Farah
Date: 03-02-2021, 06:54 PM
Parent: #1
The janjaweed is just a tool
--------------------------------------------------
كويس يا اسماعيل انك اعترفت بأن الجنجويد هو من نفذ مذبحة فض الاعتصام
ليك على ال Master minds نجيبهم كلهم ويتحاكموا جميعا مع جنجويدكم فى محكمة واحدة مهما طال الزمن
كركاسة:
هسع بعد اعترافك دا حميدتى حيكون موقفه منك شنو
|
Post: #25
Title: Re: حملة منظمة من الجنجويدا ضد الناشطين والنا
Author: قسم الفضيل مضوي محمد
Date: 03-02-2021, 07:29 PM
Parent: #24
.
يا اخوانا ...
حميدتي عنده تسجيل قال فيه انه الاعتصام لو ما نحن فضيناه كان براه انفض ...
|
Post: #28
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-03-2021, 01:22 PM
Parent: #25
| Quote: حميدتي عنده تسجيل قال فيه انه الاعتصام لو ما نحن فضيناه كان براه انفض ... |
عليك بلجنة أديب.
|
Post: #27
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-03-2021, 01:20 PM
Parent: #24
| Quote: هسع بعد اعترافك دا حميدتى حيكون موقفه منك شنو |
الاعتراف يسجله المتهم وانا هنا في مكان صاحب الرأي
هنا اعبر عن رأيي
وحميدتي اكثر ديمقراطية من ناس قحط.
|
Post: #29
Title: Re: حملة منظمة من الجنجويدا ضد الناشطين والنا
Author: أحمد محمد عمر
Date: 03-03-2021, 02:25 PM
Parent: #27
يا اسماعيل ما عندنا كيان جامع بندين ليه بالولاء زيك كدة لدرجة يغلبك تعترف بمجازر أهلك الموثقة
عندك مثلاً في مفاوضات جوبا كانوا في كيانين للشمال والوسط
الاتنين ديل ما عندهم أي مساندين .. مجرد اتنين منتفعين شايفين كدة وتوزيع مناصب ومشوا غزوا عودهم
أنا من الوسط ومن يوم ظهور اسم التوم هجو حتى هذه اللحظة ما لاقاني ليه مساند ولا معروف حزبه دة كيفنه ومقره وين ومبادئه شنو؟ بل بنضحك عليه كزول متسلق ما عندو أي فهم في أي حاجة
ما فهمت تتجه لي اقليمك وجغرافيتك دي كيفنها .. يعني ننقل دارفور للخرطوم ولا كيف؟ لأنه قواتك هسة قاعدة في الخرطوم
الجنجويد كانوا رباطة عاديين دفعت ليهم الحكومة عشان يحاربوا مواطنين دارفور بالنيابة عنها وهم اشترطوا على الحكومة تديهم قروش وعربات ومناصب لدرجة حميدتي أخد رتبة لواء وهو عمرو ما تامي 35 سنة .. يعني مرتزقة بالدرب العديل فما تقول لي في زول صنعهم
دة غير إنه عبارتك دي فيها تقليل من شأن قوات الدعم السريع وقيادتهم فإذا كانوا أدوات يعني دلاديل بستخدموهم ناس الشمال وهم اللي صنعوهم سمح انت مساندهم فوق أم كم؟
بتساند دلاديل؟!!!
الحديث عن الجنجويد لم يتوقف منذ بداية الألفينات ولو حضرت الفترة دي في الخرطوم كان في تفتيش موبايلات في السوق العربي بواسطة الشرطة والأمن ولو لقوا في موبايلك كلمة عن الجنجويد برفعوك في البوكس
كذلك نعمة الباقر مشت ليهم جوة معاقلهم وعملت معاهم لقاء تلفزيوني
هسة كدي لخص لي
هل إنت شايف الجنجويد يفتقدوا للوعي ومساقين من قبل الشماليين عشان ينفذوا أجندتهم؟
هل شايفهم قوة مصنوعة لحماية الإنقاذ وهم ما عندهم أي يد في اتخاذ قرارهم؟
هل تم إغراؤهم بإمكانيات مادية وسلطة لتنفيذ أجندة الحكومة؟
هل فضوا الاعتصام بأسلحتهم؟
هل قتلوا الشهيد بهاء حنفي؟
|
Post: #30
Title: Re: حملة منظمة من الجنجويدا ضد الناشطين والنا
Author: اسماعيل عبد الله محمد
Date: 03-03-2021, 06:06 PM
Parent: #29
Quote: هل فضوا الاعتصام بأسلحتهم؟
هل قتلوا الشهيد بهاء حنفي؟ |
شفناهم ماسكين عكاكيز
اين القتلة القتلوا المعتصمين وربطوهم بطوب بلوك ورموهم في البحر
الجنجويد مابعرفوا ثقافة ربط المقتول بالحجار ورميه في البحر
دي ثقافة جلابة.. امرقوا مجرميكم بدون لولوة معاكم...
المتهمين في مقتل خنفي سلموهم الجهات القانونية...
ودي محمدة لقيادة الدعم السريع..
|
|