Post: #2 Title: Re: رامبو يتجرس - محكمة انقلاب التلاتين من يون Author: علاء سيداحمد Date: 02-17-2021, 11:18 AM Parent: #1
هههههههه يا سمعة فى مثل بيقول :
" قالوا للحرامي احلف قال جانى الفرج " رامبو موش لو حلف لو بلع مصاحف الارض مصحف مصحف ما فى سودانى ح يصدقو .
Post: #3 Title: Re: رامبو يتجرس - محكمة انقلاب التلاتين من يون Author: علاء سيداحمد Date: 02-17-2021, 11:19 AM Parent: #2
يمهل ولا يهمل
Post: #4 Title: Re: رامبو يتجرس - محكمة انقلاب التلاتين من يون Author: اسماعيل عبد الله محمد Date: 02-17-2021, 11:22 AM Parent: #2
Quote: رامبو موش لو حلف لو بلع مصاحف الارض مصحف مصحف ما فى سودانى ح يصدقو .
هههههه
رامبو يشبه الى حد كبير الحسيني عبد الكريم (والي شمال كردفان) في النفخ ..
ذلة الانقاذيين هذه الايام يجب ان تكون عظة وعبرة للحكام الجدد
يمهل ولا يهمل.
Post: #5 Title: Re: رامبو يتجرس - محكمة انقلاب التلاتين من يون Author: muntasir Date: 02-17-2021, 11:25 AM Parent: #4
يا سمعة الناس ديل قاعدين يمسكوا بينا زمن زي عبدالفتاح صواني ده ما بيتحاكم في الانقلاب مفروض يحاكم في المدينة الرياضية اللحس قروشها عشان يتجرس جد جد
Post: #6 Title: Re: رامبو يتجرس - محكمة انقلاب التلاتين من يون Author: اسماعيل عبد الله محمد Date: 02-17-2021, 11:40 AM Parent: #5
Quote: يا سمعة الناس ديل قاعدين يمسكوا بينا زمن
الله يكضب الشينة
نصحى في يوم من الايام نجد نفسنا في مواجهة الكاميرا الخفية.
كلو وارد.
Post: #7 Title: Re: رامبو يتجرس - محكمة انقلاب التلاتين من يون Author: Ahmed Yassin Date: 02-17-2021, 02:33 PM Parent: #6
دي اسمها (محاككات) او مماحكات وليس محاكماتمتهم عمركم شفتو في محكمة حتى لو محكمة السوق متهم يقيف ويمسك (المايك) وبى يده اليمين .. انا بصراحة اول ما قال (اقسم بالالاي) قايلوا حيمدح دي قضية عمرها (32) سنة قسمت البلد ونهبت البلد واهانت الارض والتراب والناس وقتلت ما قتلت .. دي مسرحية في احد شوارع محمد علي او في (الشارع العريض) برودواي نيويورك
Post: #8 Title: Re: رامبو يتجرس - محكمة انقلاب التلاتين من يون Author: Mahjob Abdalla Date: 02-17-2021, 03:12 PM Parent: #7
الزول ده ما اتغير فى الـ 30 سنه, من زمان فاقد منطق.
Post: #9 Title: Re: رامبو يتجرس - محكمة انقلاب التلاتين من يون Author: امتثال عبدالله Date: 02-17-2021, 03:59 PM Parent: #8
لكن يا اسماعيل كلام الزول ده ما جرسة لكنه انفعل حبتين لانه قولوهو كلام ما قاله ، وفي اخر كلامه قال انه ما بيخاف الا من الله الخلقه.... اظن الجرسة جات من الكيزان التانين القولوهو كلام ما قاله عشان يطلعوا من التهمة ويطلعوا براءة .... وانا رجعت ورا شوية وقريت مذكرات الناس الكتبوا عن انقلاب الانقاذ عام ١٩٨٩م ولقيت ان الزول الاسمه يوسف عبد الفتاح ولقبه رامبو ما كان اساسا عضو في مجلس قيادة الانقلاب...لكن عينوهو حاكم الخرطوم... وده معناهو انه طبعا كوز ولا شك ... لكن كلامه ما اظن يكون جرسة ..لكن انفعال حاد ....عن كلام هو اعتبره ما صاح ولا شنو رايك يا اسماعيل ..
Post: #12 Title: Re: رامبو يتجرس - محكمة انقلاب التلاتين من يون Author: اسماعيل عبد الله محمد Date: 02-18-2021, 01:14 PM Parent: #9
Quote: لكن يا اسماعيل كلام الزول ده ما جرسة
ارجو مقارنة ما ورد في الفيديو ادناه مع ما ورد في الفيديو اعلاه
Post: #10 Title: Re: رامبو يتجرس - محكمة انقلاب التلاتين من يون Author: نزار عبد الوهاب Date: 02-17-2021, 06:25 PM Parent: #1
سلام وتحايا صاحب البوست والمتداخلين ... ما تظلموا الراجل يا ناس ... ياخي السجن قالو اللمبي عندو طشت سام فاقد المنطق وبضرب من طرف ... ولهم في أحمد هارون المثل والبيان بالعمل ... وفار الفحم شكلو لحدي أسع حركاتو ما خلاها بحرش اللمبي يدق ليهو العندو معاهم تار ... يعني ينكر ولا يهبدوهو بطشت اللمبي السام ...
Post: #11 Title: Re: رامبو يتجرس - محكمة انقلاب التلاتين من يون Author: Asim Ali Date: 02-17-2021, 10:41 PM Parent: #10