مذكرات المثقفاتي الثوري السيد فقران العيان الامدرماني الراكز

08:34 PM February, 15 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

لما تشوف الاستاذ فقران العيان الامدرماني الوجيه النضيف داخل في الجنيز الاغبش والتي شيرت من بعيد بتشعر بأن البلد فيها متعلمين يسدوا اي ثغرة عدم خبرة ولا فهم تعبان في مشاكلنا الكتيرة دي لكين تاني بقول فقران ليه ما بجيي في التلفزيون يا أخي ديل الشفاته
بتاعين المقاومة وناس شمس الباردوي الشماسه ايوة ما انسي ناس كولومبيا الماتو قبل موقعة فض الاعتصام زي ما بقول أمام مسجد أهل البر والتقوي حقيقة كدا الجامع دا ما فيهو الا كميات من الاكل كل أتنين خميس مريحه جدا تأكل من المغرب لحدي الفجربكره والله قدر ما حاولت أفهم قصة
يوم الاتنين دي شنو ما عرفت أي حاجه يوم الخميس دا رهيب شديد معاي اجي اصلي معهم العشا و اشيل عشا الشباب ما حصل قلت للشباب الوهم ديل أنو العشا من بني كوز الاصلي أنصار سنه يعني لانو كان قلت ليهم انو من المجلس يقعدوا يحللو رحماتات ولا صداقة وهم شدة ما تعبان واقعين
عرقي عيش ساي وبعدين مصطفي عامل فيها ود عز والعربية حقتو موديل سنة الفين معقوله بس يا صفصف ما حصل بجي بها لكين كل في مشوار خارج أمدرمان نركب الاتوس موديل 2000 وكمان بيضه المهم انا طوالي قاشر بقصة العشا والحاجة فنانة في الكبسة والسكاري ياكلوا وانا كلو ملح
من العشا للشربة للدخان فعلا كما قال الصديق فقران العيان أن الفرد الذي لا يحقق لنفسه مكاسب من هذا التغيير تجاوزه الزمن كلمة زي بقي حاجة عايزة تصليح المهم انا الان بقيت مع شباب الثورة في سرج واحد يا مان وحتي بغني ( نحن ناس بنحب الجرجرة ) والله تعرفوا أن محبتي للثوري فقران
ما جات من كلام ساي لكين أنا مؤمن بيهو وبكلام الرهيب لكين معاكس في التلفزيون القومي الا أقعد عند ست الشاي البرا ديك ويكتب ليهم الكلام لكين يدخل المكاتب مستحيل قال لي (لانو هو مثقف ثوري ولن يرضي أن يري هؤلاء الهمج الدعم السريع في بوابات التلفزيون والله كلامو صحي ديل ليه
هنا يا جماعة
وبعدين يقعدو يتكلم عن الثورة وحمدوك وتضحية حمدوك بمنصب اممي كبير
أجي يا بحري منصب أممي كبير في الحبشة وافريقيا
نحن عشان قلة المعرفة نسكت ونقول اايوة والله بس قصة منصب اممي كبير في أفريقيا أصلو ما وقعت لي
والله دايما صفيه بت النعمه بتقول لينا زولكم دا طبوا أو شوفوا ليهو فكي فارق الطيبين
تعرفو ليه انا محتار ذاتي فيهو كمية صبرو وأحتمالو جد هو كدا زي البعير في صحراء العتمور ولا بحس عطش ولا جوع ولا ظروف طبيعية حتي ضغوط الحياة ما عندو معها شغالة يقول ليك كان فكرت في الامر تصيبك أمراض العصر حي يا فقران ما مرضك مضاعف والحلة كلها قالت مجنون بس ما عند شهادة
من بعشر لكين فيهو حاجات الناس المتعلمين ديك نضيف كدا و وناس وبعرف الناس الكبار من زمن ناس ازهري قال ازهري قالوا زي البرهان كدا بس مدني قرأ في بيروت ومدرس ومن الابيض اها يقعد زي حبوبتي الله يرحما يعدد جدو اسماعيل الوالي وانا زول ما عايز اعرف الاشياء املا مخي فقر ساي
وكان يا جماعة لما يتعرف علي جكسوية دي ما خلاص ح تبقي مدمنة لكلامو البيض دا وكل ليلة تضرب تلفون عشان الحكايات البيش حقتو و منو وكان سمعتو في التلفون بيكلم كيف يافردة يا رفيق وكنداكه والكمرود والبوث والشيف كلام كبار وانا حمار ماشي ساي
المهم كمان الايام دي جنو قايم ضد حمدوك والقحاته يقول ليك ديل عندهم تحالف مرحلي مع العسكر عشان ناس الكفاح المسلح وسلام جوبا يكونوا في حجمهم الطبيعي انا في السياسة غشيم فيها وما بفهم زي فهم كمال ترباس للطب واشيل وقوليهو اشرح للشباب عشان نبي موقف بمعرفة زي ما بتقول لينا
برضو اطلع ما عرفت اي شيء زول شقي ناس زي ديل ضايع زمن وقروش كان قعد معك عند ست الشاي ما بشرب شاي زول قهوة ساي من هنا تبدا المخاسير وبعدين الفول هو ما عندو معهو علاقة قال أكل من الفول كميات تكفي لمدنية زي عطبرة وعشان الاقاشي خفيف وظريف
المهم دي حسي الملاحظات العامة و الاولي عنو وانشالله نواصل

كتابة تحصيل حاصل .. البرجوازيون لا يثيرون علي الوضع القائم .. يثور الغلابة والمعدمين والفقراء.


خليك في "عصير الرز"!

بريمة