وزارة المالية

03:34 PM February, 07 2021

سودانيز اون لاين
جلالدونا-USA
مكتبتى
رابط مختصر

فى ظل ظروف البلد الاقتصادية الخانقة
و فى سبيل البحث عن حلول تتطلب معرفة و دراية و خبرة
و التى تحتاج الى تواصل محموم بالخارج و رسم سياسات
و دخول فى مفاوضات معقّدة و طلاسم و نظريات اقتصادية
فمن هو الاحق بتّولى مقعد المالية

مشكل السودان الاقتصادى يحتاج قياده جماعيه - لاتعتمد فقط على شخصيه واحده يكون بجانب خبرته واجهه للقياده الجماعيه -من خبراء المال والاقتصاد اضافه الى وجود امنى لحسم كل اشكال الفوضى من تهريب وفوضى الاسواق بجميع انواعها (للاسف الجانب دا واحد من اكبر الثقرات فى المشكل الاقتصادى الحالى)
فى الحاله دى تتوارى الاسماء والشخوص وتكون البرامج هى سيده الموقف

حبيبنا جلال سلام وزارة المالية مالها؟

واضح ان التكوين الوزاري خارج من رحم محاصصات
و انه لن يكون فاعلا فقط بل يحمل الكثير من الالغام
احداها اعتلاء خليل ابراهيم لمنصب وزارة الخارجية
و اختياره لهذا المنصب تحديدا لا يخدم الا الكيزان و العهد الساقط
و حينها سيعمل على قفل ملف شركات الاجهزة العسكرية
و يدير مالية و اقتصاد الدولة حسب توجيهات جركته الاسلامية
ليقف حمار حمدوك فى العقبة
هذا بجانب جهله بالاقتصاد الذى لايملك فيه شروى نقيز
على الاقل وزارتين يجب ابعادهما من المحاصصة و ترك امرهما لحمدوك يختار من يساعده
على حمل مسئولية الاقتصاد
المالية و التجارة
غير كده حمدوك على حمل مسئولية الاقتصاد سيزداد كيل بعير بحمل مسئولية المالية و وزير المالية
معقولة دى !!!!!

دكتور

Quote: ء خليل ابراهيم

في الخالدين إن شاء الله ..

بريمة

انا خالد في بهجتي مع دخان سجارتي وكاسي للطين

لكن هو ما ح يكون غير وزير موارد طبعية لسنوات عديدة يا فردة
أنها دنيا السياسة وبكرة قالوا ما كنت مصدق

بريمة سلام اكيد خليل ابراهيم فى الخالدين فى النار لانه كان جزء من انقلاب الثلاثين من يونيو عام 1989

مرحب عاصم
نعم يوجد فراغ امني متعمّد بحكم اشراف عسكر السيادي و الجنجويدي على الامن و الدفاع
و نعم ان دفة الاقتصاد نتاج جهود مشتركة مكمّلة لبعضها البعض
لكن ان يجتهدون لوضع كوز على رأس وزارة تهتم جرفيا بالاقتصاد
سيعمل على تمكين الاقتصاد الموازى الذى يديره الكيزان عبر الشركات العسكرية
وبى كده الاقتصاد لن تقوم له قائمة الى يوم الدين
كلّى امل ان يعترض حمدوك على هذا التعيين

Quote: وزارة المالية مالها؟

تصدّق يا صدّيق !!!!!
فا فيها قروش
____

Quote: في الخالدين إن شاء الله ..

الامر بيد الله
و لا يفوت على فطنة القارئ ان المقصود جبريل .
شكرا بريمة للتنبيه

حمدوك
اتخيل لي هو انسب واحد لوزارة المالية الان
جادي المرة دي.

مرحب ابو الزهو و المزهر
نبارك لكم خلود البهجة ياخ

Quote: لكن هو ما ح يكون غير وزير موارد طبعية لسنوات عديدة يا فردة

حتى دى ما بنفع فيها
ده واحد من الناس ال ح تتفتح ملفاتو ... غايتو الا يكون كايس حصانة

مرحب كرار الشايب

Quote: Karar Alshayib هاك يا جلالدونا وجد رئيس الوزراء عبد الله حمدوك نفسه غارقًا في قوائم ترشيحات الحكومة الجديدة، وسط تلك الحيرة، تلقى حمدوك نصائح من شخصيات مستقلة مرموقة دعته إلى الإمساك بزمام الأمور وإخراج الصراع مع”الحرية والتغيير” إلى العلن، بمخاطبة الجماهير مباشرةً وإعلان رفض القوائم جميعًا والمضي قدما لتشكيل حكومة جديدة، وفقًا لجدول أولويات في مقدمتها معالجة الأزمة الاقتصادية الخانقة. وكشفت صحيفة الحراك السياسي الصادرة، الأحد، عن تحفّظ حمدوك على شغل رئيس حركة العدل والمساواة جبريل إبراهيم حقيبة المالية، وخالد سلك حقيبة وزارة مجلس الوزراء. الحراك السياسي

و فعلا ده المفروض يكون يلتوم بى المحاصصة على ان يكون حق الخيار ليهو
عدا وزارتى المالية وشئون مجل الوزراء
تسلم يا حبيب

Quote: حمدوك اتخيل لي هو انسب واحد لوزارة المالية الان جادي المرة دي.

جديتك دى لمّها عليك
عندو شغلة تانية حارقاكم شديد
كوكة البعثة الاممية

مرحب عاطف عمر

Quote: يعني ديكتاتورية حمدوكية؟ ما غفل عنه أو يتغافله جلالدونا أن المحاصصة هذه المرة كانت نتاج عام كامل من المفاوضات في جوبا!! فلماذا سكتم عنها زمان وتنتقدوها الآن؟ هتاك من يرفض المحاصصة الآن وقد رضيها زمان ومثاله الحزب الشيوعي !! وهناك من يرفض المحاصصة لانها اتت لهم بغرابة كيزان!! وهناك من يرفضها لانه لا يرى للشعب إلا ما يراه وما شايف (خيار) غير المواسير من شاكلة مدني وحمدوك وهبة!! وديل وراهم ما يسمى مؤسسات المجتمع المدني (اسم الدلع) لليسار السوداني !!

انا بتكلّم عى وزارة ليها الدور الاكبر فى المرحلة القدامنا دى
دايرة وزير متفهم و مواكب تماما لمتطلبات المرحلة
يعين حمدوك على انجاز المهمة لا عبئا ثقيلا عليه
و زولكم ده فارق الاقتصاد من يوم رفع البندقية
ككوز تابع للترابي بعد الانقسام الشهير
و كان يقاتل من اجل هدف كيزاني لا علاقة له بهموم اهل دارفور
و قريبا جدا ستناله يد العدالة ان شاء الله

Quote: هذا بجانب جهله بالاقتصاد الذى لايملك فيه شروى نقيز

أخي الحبيب جلالدونا
تحية طيبة
كيف يكون جاهل بالاقتصاد وهو يحمل درجة الدكتوراه في الاقتصاد من جامعة Meiji اليابانية
العريقة .
تحياتي ووافر احترامي

جلال عمر التاج دا ساكن وين
تحياتى

ليه في شنو يا صديق
مغترب في السعودية

عوض الجاز يا جلادونا \ انسب وزير مالية في حكومة قرود السيرك الامريكي وحمدوك
قريبك يا بتاع مروي شرق هو الانسب لوزارة المالية
https://top4top.io/
عنده 64 مليار دولار علي الاقل يختها في بنك السودان
بكره الجنيه=3 دولار\
ناس ازالة التمكين ما بقرو جرايد سعودية
ولي البل ما بطول اسيادهم المصريين وعربان الخليج

البوست ده منطقة علميات
شنو رايك يكون الحلبي عبد الرحيم حمدي مكسور الناموس
بتاع رب رب رب رب
https://top4top.io/
شوف عبقرية الاقتصاد
نزرع مشروع الجزيرة زهور
برضه دكتور والترابي دكتور والدكاترة اكثر من المزارعين في السودان
اصلو الوزارات السيادية بمسكوها الاجانب في السودان
وهسة ادواها ايتام الترابي برضو ابراهيم الزغاوي
زمان مستر مور قال الزغاوة ديل حدهم الفاشر بس
وضاعت الان دارفور والسودان
وهسة خلاس لفت ورجعت للمؤتمر الشعبي وايتام الترابي \

هم لو سودانيين الانتخابات ما لا ؟؟؟
المحاصصة بتجيب حثالة البنك الدولي والمنبتين والمقاطيع والوافدين ذي بريمة
انت مباري المركز لي شنو
ما عندك اصل ولي شنو
يا اب فص والله انت وصمة عار علي الشايقية فعلا
مصر ودول الخليج نهبت كل اراضي ناس الشمال وانت تتشرمط مع ناس حمدوك ومدني عباس مدني
ما قريت رسالة ابراهيم منعم منصور ؟؟؟

جقود مر من هنا
https://top4top.io/

Quote: المحاصصة بتجيب حثالة البنك الدولي والمنبتين والمقاطيع والوافدين ذي بريمة

التجئ من السماء ..لا تقع كلها علي الأرض .. بأعتبار مساحة الأرض لا تساوي مساحة السماء!

بريمة

تحياتى جلال وضيوفه
منصب الوزير ليس مهنيا بل سياسيا
محتاج لطاقم مهني يساعدو لتنزيل رؤيته
الوزارتين البتتبع المهنية هما الدفاع والداخلية للتراتيبية العسكرية والاموار
اصلهم مفندرين من يومهم 😆

مرحب عبد الحفيظ
وزير المالية و الافتصاد لازم يكون مهني فى المقام الاول لانو اصلا من قروع الاقتصاد الاقتصاد السياسي
و من تعاريف الاقتصاد الندرة و هى الخلّت الناس محتاجة للاقتصاد و ما اطلق عليه علم تسيير الندرة
ادم اسميث فى تفسيرو للاقتصاد فى كتابه ثروة الامم

Quote: حاول آدم سميث في كتابه الإجابةَ عن التساؤلات حول كيفية استدامة إمداد الأفراد في المجتمع باحتياجاتهم من المنتجات المختلفة، وتهيئة الوضع لهم لتحقيق تلك الوفرة، وحول تزويد الدولة بالثروات التي تساعدها على زيادة النفوذ السياسيّ،

من هنا يا اب سن افهم تماما تمدد الكيزان اقتصاديا من اجل تقوية نفوذهم السياسي
و قد تدرّجو فى ذلك حتى وصلوا مرحلة الانقلاب و حكم البلاد و تمكّنو من كل مفاصل الدولة السودانية
و الان يعكسون النظرية و يخلقون الندرة لخنق الحكومة السودانية و اسقاطها و دى معلومة معلومة للجميع
و الناس بتقاتل عشان تسترد الاقتصاد من هيمنتهم اقوم اجيب اسوأ كيزانهم و مطلوب جنائيا

Quote: أصدر المدعي العام لنيابة جرائم دارفور، محمد الفاتح طيفور، أمرًا بالقبض على رئيس حركة العدل والمساواة جبريل إبراهيم و(19) من قيادات حركته، بتهم تتعلق بالإرهاب والقوة الجنائية والنهب والخطف والقبض غير المشروع والاعتقال غير المشروع والامتناع عن تقديم المساعدة فضلا عن مواد تتعلق بقانون مكافحة الإرهاب ووفقاً للمجهر، دون (18) من قيادات حركة العدل والمساواة، كانوا قد انشقوا عن الحركة الأم بقيادة محمد بشر، قبل أن يتم الهجوم عليهم في الحدود مع تشاد في مايو من العام 2013م بواسطة حركة العدل وقتل قائدهم وعدد من القيادات واسر الـ (18) لست سنوات في جنوب السودان قبل أن يستطيعوا الهرب والعودة للسودان

يعنى هسى جبريل ده فى ملف شركات العسكر ح يفيد البلد بى شنو
ورؤية حمدوك دى ح ينزّلها كيف اذا كانت تتعارض مع موقف وزيره السياسي
دى خلل كبير فى ادارة الاقتصاد

كفاءت جبريل إبراهيم تسدها وتقدها تاني ...

الرجل إقتصادي وسياسي وبعرف يسوق التيران من قرونها زد علي ذلك إنه ثوري وقوي وأمين ...

جبريل الزغاوي من تركة الترابي واسامة بن لادن وبجيب هوا
لو في محكمة دستورية يا طرور كان الكرور القاعد في راسك ده كلو مشا مذبلة التاريخ عساكر ومدنيين
والاقلمة الانتخابات هي الحل

تعال مارق يا جلادونا الساقط يمرق جلد يا كلب الحر بتاع المركز
نحن في الاقليم الشمالي يلزمنا حكم اقليمي وانتخابات
قاعد تتشرمط لحدي هسة مع المحاصصة مالك
ال64 مليار قاعدة وين مش انت من مروي شرق وقريب عوض الجاز

ما قريت رسالة ابراهم منعم منصور ولي قريتا يا ربع الدماغ جاييي تصوت وتعجن

Quote: ده واحد من الناس ال ح تتفتح ملفاتو ... غايتو الا يكون كايس حصانة

من الآخر وكدا
حسب اخبار ما قبل اليوم كان الدكتور ضيفا على جريدة التيار
وقيل يومها ان الحراسة الشخصية للدكتور امتدت على مسافة كيلو متر مربع من مقر الندوة
ثم ...................................

مرحب عزيزنا جعفر

Quote: أخي الحبيب جلالدونا تحية طيبة كيف يكون جاهل بالاقتصاد وهو يحمل درجة الدكتوراه في الاقتصاد من جامعة Meiji اليابانية العريقة . تحياتي ووافر احترامي

معقولة يكون انجز الماجستير و الدكتوراه فى تلات سنوات
صعب شديد و خاصة الماجستير تحتاج الى سنتين للحصول عليها

Quote: معقولة يكون انجز الماجستير و الدكتوراه فى تلات سنوات صعب شديد و خاصة الماجستير تحتاج الى سنتين للحصول عليها

الأخ الحبيب جلالدونا
الأخ د. جبريل عاش معنا في طوكيو حوالي ست سنوات وكنا نحن الجالية السودانية
في طوكيو عددنا قليل وبالتالي تربطنا جميعا علاقات أسرية . ونال درجة الدكتوراه بجدارة
وحضرنا حفل نيله الدكتوراه ثم عمل في طوكيو ضمن أخرين في إنشاء المعهد العربي
ثم التحق محاضرا في احدى الجامعات في السعودية منها عاد إلى السودان مديرا لشركة
عازة للنقل الجوي والتي شهدت نجاحا كبيرا خلال إدارة لها . ولا يخفى عليك أن اليابانين
قوم اشتهروا بالأمانة العلمية ومن المستحيل منح درجة علمية لمن لا يستحق في اليابان .
الأخ جبريل غض النظر عن اتجاهه السياسي فخر لكل سوداني من حيث قدراته العلمية
وينبغي ألا يجعل الاختلاف الحزبي نحرم الناس من انجازاتهم العلمية المستحقة .
بالمناسبة د. جبريل أكّد أنه لم يلتق في حياته بن لادن وهو عندي من الصادقين ، وذلك
عكس ما يشاع في الأسافير أنه عمل مديرا ماليا لبن لادن ، وليس كل ما يظهر في الأسافير
صحيح .
قليل من المصداقية لا يضر .
تقبل تحياتي ووافر إحترامي

Quote: وينبغي ألا يجعل الاختلاف الحزبي نحرم الناس من انجازاتهم العلمية المستحقة . بالمناسبة د. جبريل أكّد أنه لم يلتق في حياته بن لادن وهو عندي من الصادقين ، وذلك عكس ما يشاع في الأسافير أنه عمل مديرا ماليا لبن لادن ، وليس كل ما يظهر في الأسافير صحيح . قليل من المصداقية لا يضر . تقبل تحياتي ووافر إحترامي

الامر ده بتحددو المحكمة الدستورية القاعدة في شارع البلدية الفيش والنشبيه مش شغل المشاطات بتاعك ده والمجاملات اللذجة
جبريل ده كوز خلاس دي كفاية جدا عشان نعرف الاضرار الحيسببا للسودان في محور قحاب ترامب الاخر قطر تركيا
جبريل كوز تبع الترابي ولازال وكل الكيزان دكاترة وبروفسرات والاخوان المسلمين تنظيم رخيص وساقط ولا كفاح مسلح ولا بطيخ وتاريخ الترابي في السودان المشين موثق وموجود
الانقاذ دي ما جات 1999 الانقاذ دي من 30 يونيو 1989 والترابي الساقط المشا بيتو ضبح الخرفان احقر من مارس سياسة في السودان من 1964-2016 ولازال وتلاميذه زيو
اسامة بن لادن كان موجود في السودان في حقبة كبيرة ما اتفحت لسه في الاعلام السقيم ده
ولو في سياسي محترم فعلا في الساحة الان كان يبدو باطلاق المحكمة الدستورية وكلهم يمرو عبرها عشان نشوف حمدوك ده ذاتو شنو
وينا المحكمة الدستورية
وهسة لو هو وزير مالية صاح يواجه قطر وتركيا والسعودية والامارات ومصر بمخازيهم ونهبهم للسودان ودعمهم لنظام البشير الترابي المستمر حتي الان

الساقط جلادونا
وصلنا وين
قريت رسالة ابراهم منعم منصور ولي لسه ؟؟؟
في مذبلة الانقاذ دي لو جبت كارل ماركس ما بصلح السودان
اقعد ارفس مع حمدوك بس في البورد ده
ما نشوفك تاني في مروي شرق
خليك مع كعوك المركز بس
لحدي من نجدع المركز العفن ده من راسنا

Quote: وحضرنا حفل نيله الدكتوراه ثم عمل في طوكيو ضمن أخرين في إنشاء المعهد العربي

شفتو الازمة وين الخلت ناس العدل والمساواة يشاركو في جهاد الفطايس فى جنوب السودان وجبال النوبة ودارفور نفسها
مقاطيع الهامش عاملين فيها عرب
يعني ضيعتو السودان في اليابان وعملتو فيها عرب مش كده
جبريل ده زغاوي والزغاوة قبيلة تشادية ما عندها ادني علاقة بالعرب والعالم العربي زمن مستر مور والادارة الاهلية حدهم الفاشر بس
ليه ما عمل المعهد السوداني بس يا مواطن؟؟؟
زي نوعك ده لازم يفضح نفسه هنا
مش قلت عايز الحقيقة
العدل والمساواة اخوان مسلمين واخوان مسلمين مشروع مصري ما سوداني من الاساس باروهو منبتين في المركز والجزيرة ومقاطيع الهامش
واسهمو في قتل السودانيين ونهب الموارد عبر العصور وعلي حساب السودانيين الموجودين من زمن كوش عليه السلام
ومفروض يتعمل ليهم فيش وتشبيه قبل يقعدو في راسنا بي المحاصصة والوسخة دي
في البورد ده زول برقص ويغطي دقنو مافي
المليس البتسوي فيه دا ما بنفع اطلاقا

يا أيتام و مقاطيع الهالك الترابي المسحلبين

Quote: كفاءت جبريل إبراهيم تسدها وتقدها تاني ... الرجل إقتصادي وسياسي وبعرف يسوق التيران من قرونها زد علي ذلك إنه ثوري وقوي وأمين ...

حركة الهالك خليل ابراهيم تأسست في العام 2000م
عشرين سنة جبريل ابراهيم كان في الميدان حتى لو عندو دكتورة في الإقتصاد بدون ممارسة فعلية ببقى عندو قاب وظيفي و طايقو بكون فضى كل الدرسو
دا لو درس فعلاً و انجز الدكتوراة
يا ريت تنزل لينا السيرة بتاعتو و بعض الأبحاث و عنوان شهادة الماجستير و شهادة الدكتوراة
اعمل ليك شئ لي الله قبل ما تتلحس وانت كوز

الأستاذ جعفر إسماعيل (جوكس)
لك التحية والتقدير

Quote: الأخ الحبيب جلالدونا الأخ د. جبريل عاش معنا في طوكيو حوالي ست سنوات وكنا نحن الجالية السودانية في طوكيو عددنا قليل وبالتالي تربطنا جميعا علاقات أسرية . ونال درجة الدكتوراه بجدارة وحضرنا حفل نيله الدكتوراه ثم عمل في طوكيو ضمن أخرين في إنشاء المعهد العربي ثم التحق محاضرا في احدى الجامعات في السعودية منها عاد إلى السودان مديرا لشركة عازة للنقل الجوي والتي شهدت نجاحا كبيرا خلال إدارة لها . ولا يخفى عليك أن اليابانين قوم اشتهروا بالأمانة العلمية ومن المستحيل منح درجة علمية لمن لا يستحق في اليابان . الأخ جبريل غض النظر عن اتجاهه السياسي فخر لكل سوداني من حيث قدراته العلمية وينبغي ألا يجعل الاختلاف الحزبي نحرم الناس من انجازاتهم العلمية المستحقة . بالمناسبة د. جبريل أكّد أنه لم يلتق في حياته بن لادن وهو عندي من الصادقين ، وذلك عكس ما يشاع في الأسافير أنه عمل مديرا ماليا لبن لادن ، وليس كل ما يظهر في الأسافير صحيح . قليل من المصداقية لا يضر . تقبل تحياتي ووافر إحترامي

انت عندي من الصادقين
لكن انا اعتراضي ان اختيار الكوز جبريل ابداً ما صادف أهلو .. مشو كيزان المؤتمر الوثني وجونا كيزان المؤتمر الشعبي .. الحكاية عاملة ذي طيرة المسطول الدخلت من الشباك و طلعت من الباب .. المسطول قال ليها يعني عملتي شنو ؟
تحياتي يا ملك

Quote: عني ضيعتو السدان في اليابان وعملتو فيها عرب)) جبريل دا زغاوي والزغاوة قبيلة تشادية وما عندها أدنى علاقة بالعرب) (المليس البتعمل فيهو دا ما بنفع اطلاقا) (زي نوعك دا لازم يفضح نفسه هنا ))

عادل أمين
الدكتور جبريل لم يدع أنه عربي ولا أنا بل افخر بأنني سوداني
الزغاوة قبيلة سودانية ولها حواكير في دارفور وبحكم أنني من دارفور أدري ذلك.
كثير من القبائل السودانية لها فروع في الدول المجاورة وهذا لا يحرمهم
سودانيتهم .
أنا أعيش في اليابان منذ اكثر من 40 سنة قد تكون هي عمرك .
ما أنا ذكرته عن دكتور جبريل هو احقاقا للحق وبحكم أنني معاصر لفترة وجوده في اليابان
وليس لي علاقة بانتمائه الحزبي.. كثيرون من أعضاء هذا المنبر يعرفوني وقد يشهدوا بأنه
ليس لي إنتماء حزبي .
متى تتعلم أدب وحسن الخطاب وانت (تهوهو ) في هذا المنبر في وجه كل واحد حتى الذين لا
يدخلون مساهماتك ؟
قليل من الأدب لا يضر
والسلام على من اتبع الهدى

ا

Quote: نت عندي من الصادقين لكن انا اعتراضي ان اختيار الكوز جبريل ابداً ما صادف أهلو .. مشو كيزان المؤتمر الوثني وجونا كيزان المؤتمر الشعبي .. الحكاية عاملة ذي طيرة المسطول الدخلت من الشباك و طلعت من الباب .. المسطول قال ليها يعني عملتي شنو ؟ تحياتي يا ملك

أخي العزيز الفاضل خضر الطيب
أنا احترم رأيك جدا ولا خلاف في ذلك
شكرا على ردك المهذب .
تقبل عميق شكري ووافر احترامي