حمدوك - يتخذ قرار حاسم يتعلق بإستقالة القراي ويقبلها

08:05 PM January, 26 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

أكدت مصادر إعلامية متطابقة بأن رئيس الوزراء دكتور عبدالله حمدوك قرر قبول استقالة مدير المناهج الدكتور عمر القراي .

في الأثناء أكد شهود عيان بأن القراي غادر مكتبه اليوم غاضبا مستغلا سيارة اجرة ” تاكسي ” يذكر بان القراي تقدم باستقالة مسببة انتقد خلالها رئيس الوزراء حمدوك على خلفية الحملة الاعلامية ضده .

يا زهير الخبر ما منشور الاّ فى موقع كيزاني مشهور
وأنا ما عارف هل انتا ناقل منهم ام هم ناقلين منك !؟

وعلى العموم لو صحّ الخبر معنى هذا انّ حمدوك كان شغال شغل كيزان
وقت اعلان عدم قبوله استقاله القراي ( لتهدئة الشارع )
ولكنه سيكون عُرضةلانتقادات لاذاعة ربما تؤدى به الى اقالته او استقالتة !؟
وهذا هو ما يدور فى الشارع اليوم .

Quote: انّ حمدوك كان شغال شغل كيزان وقت اعلان عدم قبوله استقاله القراي ( لتهدئة الشارع )

يا علاء يا خوي ما تردم الراجل ساي؟ متى اعلن حمدوك عدم قبوله الاستقالة؟ أو اعلن عن قبولها برضو؟
بعدين الشارع الهايج حاليا جزء كبير من محركي الهيجان دا هم نفسهم من يطالبون باقالة القراي! فا شنو لو قرر قبول الاستقالة ما تخاف عليه لن يكون هذا القرار سببا في إقالته.

Quote: أكدت مصادر إعلامية متطابقة

أستاذ زهيـر ياخى.. واللا بلاش. تعبنا زاتو

المصادر الأعلامية المتطابقة والمترادفة دى ما فى منهم وكالة السودان للأنباء؟ خصوصا القرار منسوب لرئيس مجلس الوزراء؟ ولا جريدة ولا فضائية ولا قناة طيبة..

( بعدين الشارع الهايج حاليا جزء كبير من محركي الهيجان دا هم نفسهم من يطالبون باقالة القراي! فا شنو لو قرر قبول الاستقالة ما تخاف عليه لن يكون هذا القرار سببا في إقالته. (

الأخ الفاضل / محمد البشرى الخضر
والإخوة الأفاضل
لكم خالص التحيات

أثابكم الله خيراً ،، يعجبني دأئماً في أقوالكم الصدق عند التحري والقول .. وذلك دون التحيز أو الميل لجانب من الجوانب ،، وتلك حالة نادرة لدى أغلب الكتاب في هذا المنبر ،، وفي موضوع المقال من الخطأ الجسيم الاعتماد والحكم بمجرد الإشاعات دون تلك القرارات الرسمية التي تثبت أو تفند صورة من الصور ،، وفي كل الأحوال هنالك في الساحات السودانية من يفرح ويرقص بقرارات السيد رئيس الوزراء بشأن تلك المناهج ،، وهنالك في الساحات السودانية من يشجب ويرفض تلك القرارات ،، وتلك فائدة من فوائد الديمقراطية مهما كانت محصلاتها في نهاية المطاف ،

وفي الختام لكم خالص التحيات

يا ود البشرى اخوى انا شككت فى خبر زهير فى بداية مشاركتى
واردفت لو صحّ الخبر : كتبت باقى مشاركتى .

وللآن انا لا استطيع ان اجزم بصحة خبر قبول استقالة القراي ام لا !؟
لان مثل هذه المعلومات يجب تمليكها لوسائل الاعلام وبدورها تقوم بنشرها للناس

Quote: يا علاء يا خوي ما تردم الراجل ساي؟ متى اعلن حمدوك عدم قبوله الاستقالة؟ أو اعلن عن قبولها برضو؟

عدم قبول الاستقالة فى صحف امبارح : من خلال عضولجنةالمعلمين التى قابلت حمدوك بخصوص مشاكل المعلمين ووزير التعليم والقراي -
قمرية عمر

Quote: حمدوك يرفض استقالة القراي : السودان: لجنة المعلمين: «القراي» باقٍ في منصبه الخرطوم: رندا عبد الله كشفت لجنة المعلمين بتجمع المهنيين السودانيين، مواصلة مدير المناهج د.عمر القراي في منصبه. وجزمت عضو اللجنة قمرية عمر في حديثها لـ(الانتباهة) أمس، رفض رئيس الوزراء لاستقالة القراي من مهامه كمدير للمناهج، في وقت يتواجد فيه القراي بمكتبه مواصلاً لعمله. وستجلس اللجنة إلى فصائل الجبهة الثورية الباقية، ومركزي التغيير، لإيضاح الرؤى بشأن استمرار وزير التربية محمد الأمين التوم في منصبه، وإبعاد الوزارة عن المحاصصات، وفق ما قالت قمرية. بالمقابل أرجعت قمرية خروج الشباب للتصعيد الثوري، لأن الثورة لم تحقق أهدافها وتصل نهاياتها، وأن الخارجين يريدون القصاص لمن رافقوهم في المواكب وماتوا دون أن يحاكم شخص واحد، علاوة على ميزانية «الجوع» المجازة والأسوأ من ميزانية «الصدمة» لرئيس وزراء النظام البائد الأسبق معتز موسى.

معقولة يا اهلنا 3 اسابيع و رئيس الوزراء ما قادر ياخد قرار قبول او رفض الاستقالة و الزول القدم استقالته لسه فاتح خشمو و قاعد في نفس المكتب منتظر قبول او رفض الاستقالة!
_____________
يا حمدوك, خلي الاستقالة معلقة كدا بس و خلي الطرفين يحدرو فوقك 3 سنين.

Quote: عدم قبول الاستقالة فى صحف امبارح : من خلال عضولجنةالمعلمين التى قابلت حمدوك بخصوص مشاكل المعلمين ووزير التعليم والقراي -

يعني لحّنتها يا علاء! سؤالي زي ماهو, اين اعلن حمدوك رفض الاستقالة!
ما تقول لي قمرية قالت ولا حمامة طارت! سؤالي عن اين اعلن او صرح حمدوك

Quote: يعني لحّنتها يا علاء! سؤالي زي ماهو, اين اعلن حمدوك رفض الاستقالة! ما تقول لي قمرية قالت ولا حمامة طارت! سؤالي عن اين اعلن او صرح حمدوك

طيب ياود البشرى خلينا نمشى معاك واحدة واحدة :

لجنة المعلمين راحت قابلت حمدوك فى مكتبو
حمدوك قال ليهم انا رفضت قبول استقالة القراي
واحد من اللجنة طلع من الاجتماع وقال حمدوك قال : انو رفض قبول استقالة القراي .
الكلام دا ليهو يومين .
لغاية الآن لا حمدوك ولا مكتبو نفو الكلام دا . ما يعنى انه كلام صحيح
وطلع امبارح كلام مخالف لهذا ! بيقول انو حمدوك قبل استقالة القراي .

ليه حمدوك ومكتبو مجهجهين الشارع فى الموضوع دا لغايةالآن .
يكونو واضحين قبلنا او رفضنا . عشان الناس تشوف موضوع تانى .

يا علاء حمدوك دا رئيس وزراء ما بتاع قدرة فول على الناصية! قرارات رئيس الوزراء التاخدها هي ما يعلنه هو بشخصه او مكتبه او الناطق الرسمي باسم الحكومة!
لكن ناس درية قالت و ما حد نفاه يبقى الكلام صحبح دي هناك في الحلة ممكن تمشي لكن ما في مجلس الوزراء

إنت يا محمد البشري مع قبول الإستقاله واللاااا ضدها...
زمن الدغمسة إنتهي بطل الرماديه حقتي دي ...




فاليذهب القراي ومناهجه الموجه لمزبلة التاريخ ...

اذا رايي بهمك بتلقاه مبذول في اكثر من مكان خاصة في البوستات التي تناولت الاستقالة اول ما اعلن عنها
بعدين رجاء لو تكرمت! اعفيني من مخاطبتك ايّاي, فأنت قميئ لدرجة تصيبني بالغثيان.