التوم هجو أرجع مهاجر أو مغتربا مرة أخري

01:43 PM January, 23 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

بالجد كدا حسب أخر تسريبات قالوا انت ما عندك خبرة في اي عمل حكومي رسمي وبيسالوا هم كان شنو مع اولاد السيد علي
عشان كدا ترشيحك لاي منصب ح يكون تحصيل حاصل ساي انا بنقل ليك الكلام بلا تجميل ما تزعل ما في موظف في مفوضية
وهم ما فيهم زول عايز يقول ليك الحقيقة
بعدين شغالين معك خوازيق عايز يفرتقوا جماعتك وفتن وكلام فارغ غير الفكي اللي في سنار يعني أنا متالم جدا لوضعك الانساني
برضو أكرم وأحسن ليك ترجع مهاجر من قلة القيمة دي
أني لك ناصح أمين
عرفت كلامي

*بالله طلب صغير المحامي صاحبك دا اللي رفع قضية بالقذف والتشهير حتي ما جا المحكمة كلموا الدعوي أنشطبت
وكمان عشان ما تدفع ساي أنت

Quote: بالله طلب صغير المحامي صاحبك دا اللي رفع قضية بالقذف والتشهير حتي ما جا المحكمة كلموا الدعوي أنشطبت وكمان عشان ما تدفع ساي أنت

الكلام دا .. خرب نصحيتك ..؟ القائد منى أركو مناوي لما صار نائب رئيس .. هل كان لديه خبرة في الحكومة والمفوضيات .. كيف تحكمون؟؟؟؟
هجو يأخذ أي منصب .. والشعب يحكم في أمره.

بريمة

زهير بامانة كدى قصتك شنو مع التوم هجو

خلبك انسان صادق واحكى ما حدث بينكما بدل كل يوم نكنب حاجة
عن التوم هجو بدون اى موضوع او معنى زى الشفع الصغار

ود محجوب
سلام
ليس هنالك ما هو شخصي الشأن العام يعطيني الحق في نقد الرجل وتعريته هذا كل ما في الامر
دمت بخير

Quote: ود محجوب سلام ليس هنالك ما هو شخصي الشأن العام يعطيني الحق في نقد الرجل وتعريته هذا كل ما في الامر دمت بخير

سلام زهي

ر دى بديهيات كونك تنتقد الشخصيات العامة

الراجل دا ناشط سياسى

لا يشغل اى منصب سيادى او تنفيذى

ولا حتى موظف فى محلية لتتهمه بتعطيل عمل المواطن

والناظر لعدد البوسنتات التى دبجتها فيه
يظن انه رئبيس مجلس السيادة
ورئيس الوزراء
ووزير المالية والتجارة


اخى الكريم المتلقى يفهم تماما الفرق بين النقد وبين الاستهداف والتشفى

فهذه معركة شخصية بينك وبينه لا تهم القارى فى شىء ولو قلت عكس ذلك

بريمة تحياتي

انت مالك بقت زي ليلك ونهارك ليل
أنا بتكلم مع زول بتاع تيار الوسط التوم هجو
مناوي وضع واضح من تشاد قبل جوبا مع حميدتي

ليس التوم هجو فقط الذي عليه ان يرجع مهاجرا او مغتربا، بل كل الانتهازيين الذين
توافدوا فرادى وجماعات من الخارج ليقتسموا كعكة السلطة ويسرقوا ثورة الشعب
عليهم العودة من حيث اتوا فقد فشلوا في تحقيق مطالب الشعب، مطالب الثوار،
وما زال القتلة يعتقلون الثوار ويعذبونهم حتى الموت، ،،
وحتى الان لم نجد محاكمة هؤلاء القتلة،، وحتى القتلة من رجال امن عهد اللصوص
والحرامية الذين عذبوا المعلم احمد الخير، لم تتم معاقبتهم حتى الان وربما يتم الافراج
عنهم قريبا...
ال حرية وسلام وعدالة
حتى الان لم تتحقق الحرية ولا السلام ولا العدالة
اين الحرية وناس الجنجويد يعتقلون ويعذبون الثوار
اذا تحدثوا عن مطالبهم
واين السلام والذبح والسحل والقتل ما زال مستمرا في دارفور
وكذلك في شوارع الخرطوم
واين العدالة والقتلة ما زالوا يتقلدون الوظائف الدستورية وعاملين نفسهم زعماء

أخت أمتثال
تحياتي

سلمت من كل شر ما ذهبت اليه وهو الحقيقة بعينها
لك ودي

Quote: (نحن رضينا التوم والينا).. (اصوات بالكوم نديها التوم).. و(يا شيخ التوم شعبك مظلوم).. تلك كانت نماذج من الهتافات التي انطلقت وعمت احياء وقرى مدينة سنار ابان الندوة السياسية التي اقامها الحزب الاتحادي الاصل التي خاطبها مرشح الحزب لمنصب والي ولاية سنار سليل اليعقوباب المناضل التوم هجو بميدان السكة حديد بسنار التقاطع مساء السبت الماضي والتي اكد فيها أنه في حال وقوع أي تزوير في الانتخابات فإن المعارضة لن تكون في الخارج وانما في الداخل ومع الجماهير. وبعدها علت الاصوات التى كانت تملأ المكان المخصص للندوة والذى امتلأ وفاض حيث اكد لنا عدد من المواطنين الذين التقينا بهم بان هذا الميدان لم يشهد من قبل تجمعاً مثل ذلك التجمع.واكد مرشح الحزب الاتحادى لمنصب الوالي التوم الشيخ موسى الشيخ هجو ان الحزب قاتل الحكومة ولكن اتفق معها على الاحتكام لصناديق الاقتراع وحذر المؤتمر الوطني من اي محاولات للتزوير والغش لانه سيكون بمثابة (لعب بالنار) على حسب قوله، وقال (ما فى زول بيعرف المعارضة قدرنا) موضحاً أن حزب المؤتمر الوطني بدأ في توجيه الشتائم والسباب حينما لاحت لهم الهزيمة في الولاية، وقال: "إذا كان الامر يحسم عبر صناديق الاقتراع فأن حزبي ومرشحيه هم اهل الديمقراطية، ولكنهم غير مستعدين هذه المرة لان يتركوا اهلهم يواجهون مصيرهم"، مضيفاً أنهم لا يقبلون أن تكون ولاية سنار هي الجزء المنسي من السودان، وتحدى حزب المؤتمر الوطني بجمع الناس حوله كما فعل حزبه في الولاية او المركز، واعتبر نفسه فائزاً ومكتسحاً انتخابات والي ولاية سنار، ودعا مرشح حزب المؤتمر الوطني لمنصب والي سنار أحمد عباس لمناظرة سياسية جماهيرية، وأكد أنهم سيهزمونه عبر صناديق الاقتراع.2010

في الحقيقة كل الذين تقلدو مناصب بعد يوم 17 اغسطس 2019 او معظمهم من الناشطين و المغتربين و حاملي الجوازات و ليست لديهم خبرة في ادارة شئؤن الناس.
الافضل ان يكون النقد علي المشروع الذى افرز تلك الحالة حتى لا نقع في نفس الخطأ بعد ذهاب الانقلابيين و سوف يذهبو قريبا باذن الله.

من سرقو وقتلو ولازالو- وعذبو وعملو علي إفشال التوجه المدني
هم العسكر والدعم السريع والفلول ـ فمن كان يبحث علي الحقيقة ويحرص علي وطنه فليوجه سهامه لهولاء
ـ للأسف يغفل ويتجاهل البعض هذا المعطي ويركزون علي ناس الخارج الذين
إلتحقو بركب الحكم المدني ...
تجد البعض أكثر حماسا لنقد والهجوم علي كوادر الخارج بيما يتجاهل رؤوس الأفاعي والقتلة واللصوص
-- هذا الخطاب البائس يتناغم ويتماهي مع خطاب برهان والفلول

ثانيا ـ لوردات الحروب وتجار الموت ـ والتوم هجوم وحركات سلام جوبا
تحالفو مع لوردات الحرب في القوات النظامية والمليشيات التابعة لها
وهم الان أبواق هذه السلطة
ثالثا
الحكومة المدنية
ننعي عليه الفشل في إنجاز أهداف الثورة والتحالف مع العسكر ولاننعي عليها
فسادا أو إستبدادا
..
إضافة
هل نقارن حمدوك علي علاته ـ ببرهان والقاتل حميدتي وغندور وعبد الحي
طبعا لا هو أفضل بسنوات ضوئية منهم والان قطاع كبير من الشارع يتمسك
به مع علمه إن حمدوك أتي من الخارج
تصوير المسألة وكأنها صراع بين السودانيين بالخارج وبقية الشعب تصوير
مخل وبائس ـ فكوارث ومآسي الوطن تسبب وقام بها من إستوطنو بالداخل
ـ ـ مع أن معظم من بالداخل شرفاء كما أنه ليس كل من بالخارج ملائكة

** لأخونا
زهير
التوم هجو دا خلاص بقي زولكم وهو زيو الهندي عز الدين وإسحق فضل الله
والخبراء العسكريين ناس الداخل ـ دا خليك سيك سيك معلق فيك إن قعد برة
أو إستقر جوة حا يطل عليك من الفضائيات
ـ