Post: #1
Title: حمدوك مشى بي وشو
Author: عبدالحفيظ ابوسن
Date: 01-18-2021, 09:02 AM
Parent: #0
08:02 AM January, 18 2021 سودانيز اون لاين
عبدالحفيظ ابوسن-no where
مكتبتى
رابط مختصر
رأيت فيك وجه جيلي، ضراوة النضال والاستقامة والمبدئية لإيفاء حق شعبنا علينا ونحن نواجه الموت وعنف الكيزان في الجامعة، رأيت فيك محمد فضل، الجباري، محمد خالد، محمد الخاتم احمد علي، حسن الأمين ومنصور الطاهر ، الشمباته، قادمون سيرا علي الاقدام من شمبات لكليات الوسط للمشاركة ودعم الطلاب في حماية حقهم في دستور ديمقراطي لاتحادهم. رأيت فيك وجوهنا الغبشاء ببرودة الشتاء البارد في جامعة الخرطوم ونحن مكلفين من الجبهة الديمقراطية بحماية اركان نقاش الجمهوريين التي يامها (الدالي والقراي) من هجوم الاخوان، حماية للديمقراطية ونحن نرفع ايامها جامعة حرة او لا جامعة. احتفيت بك زاهيا وسط اصدقائي في مدينة ليدز، عندما خابرتك وقلت لي قبلت التكليف ، انه نداء الوطن !! تيقنت ان المارد سيقف شامخًا بسواعد ابناءه بعد ان انهكه وسلبته قوي الظلام. دافعت عنك دفاعًا مستميتًا حتي صار ظهري كالصفيح الصدي من كثرة الصد. زميلة وصديقة عزيزة قالت لي حمدوك ما ياهو حمدوك الفي راسك، واخر قال الزمن له اثره في الناس، ما بموت علي لونه الا جداد الوادي. وفي كل موقف يقولون ما قلنا ليك، انت ما قلت كدا، اها شوف زولك.
ما اود ان اقوله ارضا سلاح من تالاك، وكما قال صديقنا حميد عندما اشتكي لي احد اصدقائنا ، عندما انحني وباع نفسه للانقاذ، قال لي احمد راح بي وشيه. والآن أخشي أن يكون حمدوك راح بي وشيه.
تجربة فاشلة أضاعت اكثر من عام من الثورة، حمدوك فوق راي ... حمدوك فوق راي، حمدوك عاوز يشيلنا القفة ونسي انو الدرس انتهي وليس هناك رجعة للوراء. ثورة شعب ابي يمتلك القوة للدفاع عن ثورته، المكاسب التي تحققت محروسة بدم شبابها وليسقط العفن البتلب فوقنا من شرف الفنادق.
علي محجوب النضيف
بريطانيا
من صفحته بالفيس بوك
|
Post: #2
Title: Re: حمدوك مشى بي وشو
Author: معاوية المدير
Date: 01-18-2021, 09:14 AM
Parent: #1
هو عندو وشي !!!،
هذا رجل ليس في وشيهو مِزعة لحم جرآء الفشل
لكنه يا قول أهلنا ممسح وشيهو بي مرقة .
غايتو نفر تقالة دم !!!، يا النبي نوّح يا قاري اللوح ...
|
Post: #3
Title: Re: حمدوك مشى بي وشو
Author: عبدالحفيظ ابوسن
Date: 01-18-2021, 10:20 AM
Parent: #2
نفس الزول
____________
نفس الزول الكاتل ولدك.
حاكم بلدك..
نفس الزول القاتل ولدك..
شال لي روحو الفاتحه
وقلدك..
حاكم بلدك..
(رمز سيادة)
شال من ايد الكوز (السوط والسلطه)
وجلدك..
نفس الكوز في وجه جديد
نفس الكلب في الرقبة (قلادة)
نفس كتائب الظل والغل
نفس جهاز الامن والخوف
هم بي أمرك (فضو قيادة)
وقامت ثورة..
وحصدت لجنة...!
فاخر عيش الوزراء الجونا..
بس في الغالب كعبة العجنة..
جائز تحكم غصباً أمه
وتقلب كل ايامه ضلمه
ويبقى مصيرك سقطة و(سجنه)
وقامت ثورة..
حصدت من ارواح اولادنا الطاهرة..
لمن زاد الغل في نفوسهم
رسمو الخرطة هناك في القاهرة..
سمو شيهدنا الباسل (شاذ)
وسمو البت مطلوقه وقاهرة..
دسو العيش والخير والجاز..
ونامت عين الشرطة الساهرة..
وقامت ثورة..
***********
#يوسف_الدوش
#مجزره_القياده_العامه
#القصاص للشهداء#
|
Post: #4
Title: Re: حمدوك مشى بي وشو
Author: محمد حمزة الحسين
Date: 01-18-2021, 04:54 PM
Parent: #3
Quote:
يوم طلعنا
كنا قايلين بكرة أجمل
وكنا فاكرين
انو بالتغيير حنوصل
يوم طلعنا
كنا شايلين الاماني
للوطن مستقبل افضل
واعتصمنا
وما انهزمنا
ولا انقسمنا
وقلنا يرحل الا يرحل الا يرحل!
وقام رحل
جيتونا انتو
جيتو يا خيبة رجانا
جيتو من وين لي اذانا
ولي عذابنا ولي شقانا؟
وين كلامك يا (سنعبر)؟
يا (سنصمد) يا (سنصبر)؟
ووين وعودك بالتقدم
ولا قاصد بالتأخر؟
ووين (حنبني) وما (حنشحد)؟
وبكرة يا سودانا تكبر؟
وموية مافي
وغازنا مافي
وكهربتنا الجيت لقيتها
هسة مافي
وجازنا مافي
لا في بنزين في الطلمبات
لا المصافي
عيشنا مافي
امنِ مافي
وانت شغال لينا سينات
(سوف نفعل) و(سوف نترك)
ياخي قوم لف
وانت اصلاً كنت لافي
يا الخبير الاحترافي!
كنا عايشين نعمة قبلك
كهربا وموية ومشافي
مواصلاتنا كتيرة وافرة
وكلو بالدعم الاضافي
وجيتو يا وجع المنافي
جيتو يا الوجع الخرافي
وزدتو وجعتنا العلينا
جيتو جوعتونا اكتر
وما قدرتو على البدينا
جيتو خربتو اللقيتو
ويا شماتة الناس علينا💔
|
أعجبني فأحببت أن أشارككم فيه
|
Post: #5
Title: Re: حمدوك مشى بي وشو
Author: Hamid Elsawi
Date: 01-19-2021, 03:25 AM
Parent: #4
Quote: كنا عايشين نعمة قبلك
كهربا وموية ومشافي
مواصلاتنا كتيرة وافرة
وكلو بالدعم الاضافي |
يلا يا عبد الحفيظ خُم او صُر
|
Post: #6
Title: Re: حمدوك مشى بي وشو
Author: جلالدونا
Date: 01-19-2021, 04:08 AM
Parent: #5
هههههه| Quote: يلا يا عبد الحفيظ خُم او صُر |
يخم و يصر بس
و يحشالو قبضة برسيم فى خشمو و يدّى معاهو ود المدير
|
Post: #7
Title: Re: حمدوك مشى بي وشو
Author: النذير بيرو
Date: 01-19-2021, 11:50 AM
Parent: #1
عبد الحفيظ
التحية لك وعبرك تحية حارة
لعلي محجوب النضيف
ان الان في حالة احباط
حتي الكتابة عندي أصبحت افكار
مجتمعة عندي اقلبها عند النوم
وسرعان ماتطش الأفكار
بيرو
|
Post: #8
Title: Re: حمدوك مشى بي وشو
Author: Asim Ali
Date: 01-19-2021, 12:04 PM
Parent: #7
حمدوك ظهيرو منو الان ؟
ماقصدى ق ح ت الاصبحت زى خرقه القماش كل هبشه تتمزع منها حته
قصدى الشارع
هل فعلا فى اجماع حولو بعد التجربه كمسئول -مفترض- عن اداره دوله بوزارتها وولاياتها ؟ (بخلاف الاعلام)
طبعا الحجات الخارجيه رفع اسم السودان او خلافو اللى اعتقد كلها حتكون من صالح وضع قادم مامارق من اتنين هبوط ناعم وانقاذ2 ...او عسكر مدعوم دوليا كبديل لتحالفات مدنيه متصارعه فى موقع استراتيجى زى السودان
حمدوك ماشى فى اتجاه الخياردا وفقد الشارع اللى اتشظى الان
الشارع عينو على مطالب الثوره ومجتمع حولها دا الشىء الاكيد
لكن حمدوك و ق ح ت وين هم الان من الشارع ؟؟؟
|
Post: #9
Title: Re: حمدوك مشى بي وشو
Author: Elhadi
Date: 01-19-2021, 12:44 PM
Parent: #8
حمدوك رجل بلا أي قدرات سياسية ولا أي خبرات في المجال السياسي
وبالتالي كان طبيعي أن يصبح لعبة في أيدي جهات كتيرة جداً
وأنا أعتقد أنو تم اختياره بعناية شديدة ليلعب دور الدمية بامتياز يحسد عليه
|
Post: #11
Title: Re: حمدوك مشى بي وشو
Author: Asim Ali
Date: 01-19-2021, 01:03 PM
Parent: #9
Quote:
وأنا أعتقد أنو تم اختياره بعناية شديدة ليلعب دور الدمية بامتياز يحسد عليه
|
دا القلناهو من زمان انو الكيزان -لما حبو ينسحبو من المشهد بدايه للعبه الحاصله الان سيطره عكر وانتاج انقاذذ2 - عارفين عاطفيه السودانيين ومدى خدا وسيطره الوسائط فى توجيه الراى العام وصدرو فى المشهد بترشيحو للماليه وموضوع الرفض -سواء مدبر او حقيقى - حيعمل ليهو رصيد عاطفى اعمى عند الشعب ودفره باعلام الوسائط حتوصلو كرسى رئاسه الحكومه
|
Post: #10
Title: Re: حمدوك مشى بي وشو
Author: عبدالحفيظ ابوسن
Date: 01-19-2021, 12:46 PM
Parent: #8
هو من جعل ذلك مقبولا
يا الصاوى حمدوك لايمثل الثورة ولا طموحاتها
وصدقنى رغم قساوة التعبير الا ان حياة الناس كانت اقل قساوة من الان
|
Post: #13
Title: Re: حمدوك مشى بي وشو
Author: عبدالحفيظ ابوسن
Date: 01-19-2021, 05:24 PM
Parent: #12
لن نكون مثل الكيزان يا جلال ونغالط الحقايق
مامر موقف حرج ومفصلى والا كان صدق ظننا صحيح في حمدوك
دائما يتخذ الموقف ضد اشواق الناس
شفنا موقف مع د. اكرم وحاليا مع مشكلة المناهج
وموقفه من الفشقة والجنينة الفارق
وسوف نراه في والى نهر النيل
|
Post: #15
Title: Re: حمدوك مشى بي وشو
Author: جلالدونا
Date: 01-19-2021, 05:48 PM
Parent: #12
حمدوك يعرف تماما اين توجد مشاكل الاقتصاد السوداني
و كيف يمكن حلّها
يعرف تماما ان اولى مشاكل الاقتصاد هى قوانين العقوبات الامريكية
و يعرف تماما ديون السودان المكبلة لحركة الاقتصاد
و يعرف ان لا قومة للاقتصاد الا بالزراعة و الصناعات التحويلية
كخطوة اولى لتدب العافية فى شرايين الاقتصاد السوداني
لو فى زول متخيّل انو العقبات دى ح تتعالج فى ليلة و ضحاها او سنة ولّسنتين يبقى
زول حالم ساكت و مخملي جدا
و رغم ذلك و رغم كل العراقيل الرجل فعل المستحيل لرفع اسم البلد من لائحة الارهاب
الان امريكا و بريطانيا و فرنسا و كندا يعملون مع البنك الدولي لاعفاء السودان من الديون
بل تم دفع مليار دولار للتجسير حتى يهيأ السودان للاعفاء من الديون
و بالمواكبة لذلك يتم تحديث ميناء بورتسودان بدعمه بعدد من المناولات الجديدة لرفع كفاءته
حتى ندخل خطوة الانتاج الحقيقى دون عوائق
فيا حفيظ دى مشاكل البلدالحقيقية و الرجل يساهر عليها يقلبها يمنة و يسار
زول شايل هموم زى دى يقوم يجوهو كيزان دار جعل و يقفلو الطريق و يتماهى معهم العسكر
و كل مطلبهم اسقاط والية تدير ولايتهم لانها عرفوا انها ستطعنهم فى مقتل
عسكر يفتحون طاقة للحرب بالوكالة لجارة لهم و ضد جارة لهم لاجل فقط تمكين انفسهم و و كسب ود الشعب
خنجويد و حركات مسطحة و معطلة لمسار التنمية برامج قادتها فقط الحكم لا لمصالح من حاربوا باسمهم
و سوق يتحرك فيه تجار العملة يعبثون بحركة المال تحت مرأى و سمع الجهات الامنية و بل حمايتهم
الذهب يسرق على عينك يا تاجر بواسطة عصابات نهب مسلحة تشارك فى السلطة
يشاركها جيش البلد ياستحوازه على 82% من اقتصاد البلد
لو قايل الكونقرس الامريكي صحا من نومو فجأة و اصدر قانون مراقبة و حركة اموال
الشركات التى تديرها المنطومة العسكرية بكل تفاصيلها جاء من فراغ تبقى مخملى جدا و حالم
الرجل يعمل فى صمت و يجتهد فى ابتداع الحلول
و لقد قالها من قبل
سنعبر و لكن ستمر علينا ايام عصيبة
و حينها صفقتم له
قلتم له نحن معك
لم يكذب الرجل
اخذ عهدكم وذهب فى ثبات يقاتل عنكم
يدير معاركه بكفاءة عاليةادهشت العالم
و الكيزان و العسكر يعلمون تماما ماذا يفعل الرجل
البند السادس عامل ليهم كلكلة فى ذلك المكان من الوزة
و فانون مراقبة شركات العسكر صب على ذلك المكان مسوحا
يعلم العسكر و الكيزان تماما الحكمة من وراء ذلك
انه الحش من الجذور
لذلك يولولون
و اختم
شكرا حمدوك عادت لا تكفى و لا توفى الرجل حقه
شوفو لينا حاجة تانية
حبويتى لمياء بتقول سي فوق حمدوك
|
Post: #14
Title: Re: حمدوك مشى بي وشو
Author: Hassan Farah
Date: 01-19-2021, 05:35 PM
Parent: #1
يلا يا عبد الحفيظ خُم او صُر
-----------------------------------------
صدقت اخى حامد الصاوى,,,,,, عبد الحفيظ وكل القايمين على حمدوك فقط يرون نصف الكوب الفارغ
فاكرين حمدوك عندو عصا سحرية يرفعها فتضئ الانوار فى الشوارع ويتحول الظلام القاتم الى شموس مشرقة
ولكن اللوم برضو على حمدوك لانه لا يصارح الشعب بما يواجهه من صعاب
حمدوك من المفروض ان تكون له طلة يومية عبر التلفزيون يتحدث فيها بكل صراحة عن اوضاع البلد
|
Post: #16
Title: Re: حمدوك مشى بي وشو
Author: عبدالحفيظ ابوسن
Date: 01-19-2021, 05:51 PM
Parent: #14
ابدا والله حسن
شايفين نص الكوب المليان البنقص يوماتي
ماقمنا بالثورة عشان مفاهيم وقيم مجردة
قمنا لانو عجزنا ان نحيا بكرامة وتحت حد معقول
حاليا معيشتنا ضنكا . وكل رؤوس الفساد قاعدة ومتحكمة
حياتنا تزداد بؤسا علي بؤس
وضع اقتصادى متردي
سؤ تعليم وصحة وامن
جبناها عشان يعمل شنو يعني؟
الدولار ياخطى حاجز ال300
السكر بتخطى الجوال عشرة الف
انبوبة الغاز بالشي الفلاني
الرغيفة عشرة ج وماشة
المواصلات لا سقف لها
مرقنا عشان لقمة العيش
وصبرنا لانو ظنينا خير فيهو
لكن هو مشغول
|
Post: #17
Title: Re: حمدوك مشى بي وشو
Author: جلالدونا
Date: 01-19-2021, 06:05 PM
Parent: #16
Quote: ابدا والله حسن
شايفين نص الكوب المليان البنقص يوماتي
ماقمنا بالثورة عشان مفاهيم وقيم مجردة
قمنا لانو عجزنا ان نحيا بكرامة وتحت حد معقول
حاليا معيشتنا ضنكا . وكل رؤوس الفساد قاعدة ومتحكمة
حياتنا تزداد بؤسا علي بؤس
وضع اقتصادى متردي
سؤ تعليم وصحة وامن
جبناها عشان يعمل شنو يعني؟
الدولار ياخطى حاجز ال300
السكر بتخطى الجوال عشرة الف
انبوبة الغاز بالشي الفلاني
الرغيفة عشرة ج وماشة
المواصلات لا سقف لها
مرقنا عشان لقمة العيش
وصبرنا لانو ظنينا خير فيهو
لكن هو مشغول |
و الحاجات دى بتتحل كيف يا سنّو
نسمع مقترحاتك
|
Post: #18
Title: Re: حمدوك مشى بي وشو
Author: عبدالحفيظ ابوسن
Date: 01-19-2021, 06:12 PM
Parent: #17
لو اهتم بيها يا جلال كان حلاها
انا ما رئيس لكن بعرف الزعيم البهمو حسسنا . والبعرف وجعنا
ماعندى اي حل شخصيا عشان كدة اخترتو ظاني فيهو الخير
ظاني فيهو الاهتمام بوجعنا
الكتب الكلام الفوق دة صديق شخصي لحمدوك وخاب ظنو فيهو
|
Post: #19
Title: Re: حمدوك مشى بي وشو
Author: جلالدونا
Date: 01-19-2021, 06:15 PM
Parent: #18
يبقى الصديق ده زول مخملي جدا
اخمل ما يكون يا صاحب
|
Post: #20
Title: Re: حمدوك مشى بي وشو
Author: Dr. Ahmed Amin
Date: 01-19-2021, 06:39 PM
Parent: #19
تحياتي أخي عبدالحفيظ ..
كلنا نشعر بمدى الصعوبات التي يعاني منها الشعب السوداني
معاناة تفوق حد الوصف.
ولكن كما ذكــر أخونا جلال الموضوع ده حله ليس بالامر الهين والحكومة المدنية تحارب بكل انواع السلحة حتى من بعض الشركاء للاسف.
حمدوك يعمل ومن تحته نيران تشتعل لحرق الفترة الانتقالية ويمكن السودان كله . حرب من الداخل والخارج لمصالح بعيدة عن اشواق وتمنيات الشعب الذي
خرج باعظم ثورة.
أعتقد بانه يحارب بذكاء كبير وليس من السهل أن يصارح الشعب بكل الإمور حتى لا تحترق الأوراق.
حمدوك يحظي باحترام دولي وثقة كبيرة من المجتمع الدولي لوضع السودان في مساره الصحيح.
وأعتقد ايضا ان الطريق تلآن أصبح أكثر سهولة للانطلاق في هذا العام للامام.
البنية التحتية منتهية وتحتاج لعمل صعب يحتاج دعم مالي كبير حتي نستطيع العبور لاستثمار مفيد للبلد.
|
Post: #21
Title: Re: حمدوك مشى بي وشو
Author: حسن حماد محمد
Date: 01-20-2021, 00:31 AM
Parent: #1
Quote: مرقنا عشان لقمة العيش
وصبرنا لانو ظنينا خير فيهو
لكن هو مشغول |
ما بين مطرقة شروط البنك الدولي ورفع الدعم
وصولجان اللجنة الأمنية وتحكم الفلول في مفاصل الاقتصاد
وخواء جراب الحركات
وتكلفة اتفاق السلام
سوف يسحق الشعب وتضيع آماله في التغيير
ومع قرب دخول البعثة الأممية مدعومة بقانون الكونغرس لحماية الديموقراطية
حتى خيار انقلاب عسكري وطني حلم بعيد المنال
فقط مبشرين بالمزيد من الضيق
سلام يا صاح
عبرك أقول دينق اختشي
|
Post: #22
Title: Re: حمدوك مشى بي وشو
Author: Asim Ali
Date: 01-20-2021, 00:55 AM
Parent: #21
Quote:
ومع قرب دخول البعثة الأممية مدعومة بقانون الكونغرس لحماية الديموقراطية
حتى خيار انقلاب عسكري وطني حلم بعيد المنال
|
احزابنا وحركاتنا مفككه ضعيفه ومتهافته على السلطه رغم قله حبرتها و الخواجات دايرين خيار يدعمو يكون مطيع ليهم وقوى على ناسو والعسكر من خلف قناع شخصيه مدنيه مقبوله دوليا هو المتوقع غالبا
|
Post: #23
Title: Re: حمدوك مشى بي وشو
Author: محمد البشرى الخضر
Date: 01-20-2021, 09:54 AM
Parent: #21
| Quote: حتى خيار انقلاب عسكري وطني حلم بعيد المنال |
ودي يا حمّاد دي حاجة كويسة ولا كعبة!
|
|