Post: #1
Title: امتثال عبدالله الاجواء الخليجية فتحت بس مين يقنع القطرية بالعودة للخرطوم
Author: بدر الدين الأمير
Date: 01-12-2021, 09:58 AM
08:58 AM January, 12 2021 سودانيز اون لاين
بدر الدين الأمير-دولة قطر
مكتبتى
رابط مختصر
بالنسبة لامتثال الخطوط الجوية القطرية
هى افضل شركة طيران في العالم وقد عبرت
عن ذالك مرارا وتكرارا
|
Post: #2
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-12-2021, 10:03 AM
Parent: #1
الخطوط القطرية اوقفت رحلاتها
للخرطوم قبل الازمة الخليجية
|
Post: #3
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-12-2021, 10:05 AM
Parent: #2
والسبب انها ماعارفةتطلع قروشها من السودان
فى زمن ناس بنطبع رب رب رب
|
Post: #4
Title: Re: امتثال عبدالله الاجواء الخليجية فتحت بس م
Author: عمر عبد العزيز كيلاني
Date: 01-12-2021, 12:42 PM
Parent: #3
أخواني الأعزاء
في بوادر تباشير بعودة الخطوط القطرية للسودان حيث طلبوا من مكتب الخرطوم الاستعداد للعمل.
|
Post: #5
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-12-2021, 12:51 PM
Parent: #3
نعم ود الامير
ما زلت اردد ان الخطوط القطرية هي افخم وافضل خطوط طيران في العالم..
اما عن سؤالك مين يقنع الخطوط القطرية تعود للخرطوم فان هذا الامر يقع على عاتقكم انتم السودانيين المقيمين في الدوحة...
فممكن كل يوم تكتبوا في الصحف القطرية مقالات ومناشدات للسلطات القطرية باعادةرحلات الخرطوم...وحنسوهم يعفو المتاخرات المالية على السودان ويبدأوا صفحةجديدة لان دولتنا فقيرة ونحن في بداية طريق التنمية وانو عندنا امل كبير ،بعد انتهاء الفترة الانتقالية بعد ٣٠ سنة ، نحقق الازدهار والرخاء،،،،..
اكتبوا كل يوم لعل وعسى....واكتب لينا هنا اسم اشهر صحيفة قطرية وعنوانها ونحن حنكتب من هنا....
|
Post: #6
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-12-2021, 01:08 PM
Parent: #5
عمر عبدالعزيز
خشمك فيهو اللبن
بس هل نحن عندنا سلطات طيران مدنى
مهنية بعد نجاح الثورة ونحن عندنا أجواء
كل خطوط الطيران تفضلها حتى طيران العال
الاسرائيلى
|
Post: #7
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-12-2021, 01:20 PM
Parent: #6
عمر عبد العزيز
خشمك ما فيه اللبن بس، لكن فيه اللبن والعسل،،،
وشكرا على هذا الخبر الذي يشرح القلب،،،
واسمك ذاته فيه الخير والبركة،،،لانه على اسم خامس
الخلفاؤ الراشدين، الخليفة العادل عمر بن عبد العزيز
والله يديك الصحة والعافية،،،
|
Post: #8
Title: Re: امتثال عبدالله الاجواء الخليجية فتحت بس م
Author: خضر الطيب
Date: 01-12-2021, 01:21 PM
Parent: #6
سلام ابو الأمير
ما تحملته الخطوط القطرية من خسائر ايام الحصار كان كبيراً
برغم طول الرحلة الى الخرطوم و التي كانت 3 ساعات
و اصبحت بعد الحصار اكثر من 6 ساعات
الا انها واصلت و بنفس قيمة التزكرة بدون اي زيادة
و لكن للأسف النظام البائد لم يقدر هذه التضحية الكبيرة
من هذه الخطوط الرائعة
نأمل من السيد مدير الخطوط القطرية اكبر الباكر
الاستجابة الكريمة لمناشدتنا بعودة الخطوط القطرية
لمحطة الخرطوم.
|
Post: #9
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-12-2021, 01:43 PM
Parent: #5
امتثال يابت عبدالله
القطرين والسلطات القطرية مش محتاجة مننا مناشدة
خيراتهم سابقة والصبر الصبرو على سلطات الطيران المدنى
فى السودان لم يصبره الفاتح جبرا على بيع خط هيثرو وممكن
من بكره يعفو قروشهم اللحسوها الكيزان بس الخطوط القطرية
والانتى بتصفيها بأنها افضل خطوط طيران فى العالم هناك شروط
عالمية ومهنية للسلامة الجوية والمطارات انت اسالى فقط عن من
هم المراقبين الجوين في مطار الخرطوم ومن اين اتو ووين تدربو
عشان تعرفى حجم الخوف من مطار الخرطوم حتى على مستوى الطيارين
الممكن يقود الطائرات لمطار الخرطوم ولوجينا نحكى عن سلطات الطيران المدنى
حدث ولا حرج يعنى عادى ممكن حميدتى يتصل ويدى اوامر لاتدخل الاجواء السودانية
ولا تحط في مطار الخرطوم طائرة الخطوط الجوية القطرية لانو وقتها المجلس العسكرى
منقسم والتآمر والدسدسة على
أشدها واخفاء المعلومات شغال
بين سدنة نظام الكيزان وعسكر
المجلس السيادى وحميدتى سبق
وان فتاهو
|
Post: #10
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-12-2021, 02:00 PM
Parent: #9
والمشكلة الاكبر ان مطار الخرطوم البيسموهو مطار دولي شكله ما مطار دولي،
والله محطة قطارات انفاق في نيويورك اكبر وافخم من مطار الخرطوم، وبحاول
انزل ليك صورة لمحطة قطار فلتون في منهاتن عشان تشوف الفرق،،،
مفروض المطار يكون اوسع وافخم وفيها خدمات للمسافرين والمودعيو،وخدمات
للطائرات، لان المطار بيعتبر واجعة البلد....
|
Post: #11
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-12-2021, 11:23 PM
Parent: #10
اعلنت الخطوط القطرية عودة رحلاتها الى مصر...
اشمعنا يعني....
وين الخرطوم....
املنا كبير في المدير العام للخطوط القطرية
|
Post: #12
Title: Re: امتثال عبدالله الاجواء الخليجية فتحت بس م
Author: ترهاقا
Date: 01-13-2021, 03:43 AM
Parent: #11
القطريين ما حيرجعوا إلا بعد أن ينعدل ذيل برهان وحميدتي عملاء الامارات
القطريين ما بينسو ورجوع خطوطم لمصر كيتا لعسكر السودان ، السيسي ده ما بهمهم كتير
خاتين ليهو التقيلة
|
Post: #13
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-13-2021, 06:43 AM
Parent: #12
ذيل البرهان وحميدتي ما بنعدل الا النقاطة بتاعت الامارات تقيف منهم ،،لان ولي عهد الامارات
بيغدق عليهم بسخاء وكرم حاتم الطائي،،،،
وبكلامك ده الخطوط القطرية حترجع بعد ثلاثين سنة، يعني بعد الفترة الانتقالية تنتهي،،،
|
Post: #14
Title: Re: امتثال عبدالله الاجواء الخليجية فتحت بس م
Author: محمد عبد الله الحسين
Date: 01-13-2021, 06:56 AM
Parent: #13
تحياتي الأخ بدرالدين و ضيوفه الكرام
أعتقد إنه الموضوع موضوع تجاري بحت لا دخل للسياسة فيه..فالقطرية تريد أن توسع بلاشك من حظوظها في كافة النقاط...
فموضوع عودتها للسودان أعتقد موضوع وقت..خاصة كما ذكر الأخ خضر إنه الآن يمكن اختصار وقت الرحلة إلى ثلاثة ساعات كما في السابق..
فالنظرة السياسية قد تكون بالعكس، تقول بأن تكون أن تتواجد لا أن تتوارى أو تنسحب.. والنظرة البعيدة أعتقد واردة بقوة في أي تحركفيما أعتقد
من جانبهم. والله أعلم.
|
Post: #15
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-13-2021, 08:09 AM
Parent: #14
ياخضر
فعلا كل الذين سافرو على رحلات
الخطوط القطرية اثناء الحصار
كانت التذاكر مدعومة من الحكومة
القطرية
|
Post: #16
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-13-2021, 10:56 AM
Parent: #15
تهارقا
عرفنا البرهان وحميدتى
قتلة وحرامية حمدوك نقول عنه شنو
مشى يقابل الاسرائيلين فى الامارات
والحمير الفى مكتبو قالو مشى يعمل
فحوصات شفت التجهيل الاهبل
|
Post: #17
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-13-2021, 11:12 AM
Parent: #16
محمد عبدالله الحسين
نعم خطوط الطيران مؤسسات تجارية ربحية
لذا بتحرص على تعدد المحطات القطرية مع
الحصار وجايحة كرونا قدرت تصمد رغم الخسائر
الخرطوم والاجواء السودانية مهمة لكافة شركات
الطيران فى حال الوضع يكون امن ومربح والقطرين
شطار فى التخطيط الاستراتيجى وقد شهد لهم العالم
بذالك وستثماراتهم الخاجية جعلتهم ينتصرو على الحصار
والكرونا لذا نتمنى ان نكون جازبين للاستسمارات القطرية
لانهم واضحين وشفافين وماعندهم عصا نايمة وعصا قايمة
|
Post: #18
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-13-2021, 01:10 PM
Parent: #17
اخبرتني صديقة انه وفي حالة لم تتمكن الخطوط القطرية من اعادة رحلة خط الدوحة الخرطوم ،فيمكنني
ان اسافر بالقطرية من امريكا الى الدوحة ،ومن الدوحة اسافر على خط طيران تاركو للخرطوم،،،،وبذلك استمتع
بالسفر على افخم خط طيران في العالم لمدة ١٢ ساعة ، ومن ثم ٣ ساعات فقط بطيران تاركو للخرطوم..
ولكن الاسئلة هي:
هل فعلا توجد رحلة طيران تاركو من الدوحة للخرطوم ومن الخرطوم للدوحة !!؟
هل الرحلات منتظمة يوميا ، ام يوم او يومين في الاسبوع!!؟
هل شركة تاركو مواعيدها زي شركات خطوط الطيران الاخرى او زي البصات الصينية في نيويورك ما عندها
مواعيد ثابتة...
وفي حالة وصلت الدوحة مثلا يوم السبت بالقطرية ووجدت ان رحلة تاركو للخرطوم بتقوم يوم الثلاثاء ، هل
ممكن الدخول للدوحة بدون تاشيرة واقضي الثلاثة ايام في فندق!!؟؟
وفي هذه الحالة كم تقريبا اسعار الفنادق نجمة واحدة او نجمتين في اليوم!!
وناس الدوحة الخبراء يكتبوا لينا اسماء فنادق رخيصة affordable
.....
لكن اذا القطرية قررت اعادة خط الخرطوم بتريحنا من الجهجهة دي!!!!
|
Post: #19
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-13-2021, 03:12 PM
Parent: #18
اظن ناس الدوحة ما زالوا نايمين مع ان الساعة عندهم الان ٤ م.
او الكهرباء قاطعةعندهم،،،واحتمال واحد من البورداب شغال في
شركة تاركو يجاوب على الاسئلة دي
|
Post: #20
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-14-2021, 06:36 AM
Parent: #19
امتثال
اسئلتك اعلاه تجاوب عليها
سلطات الطيران المدنى في
السودان وقطر وبلمقابل وفى
تقديرى القطرية بتكون حريصة
ان تعود للخرطوم ياخى فى فترة
من الفترات القطرية كان عندها ثلاث
رحلات يومية للخرطوم السودانين
المقيمين بقطر تجاوز عددهم السبعين الف
والقطرية امس بدات تسير رحلاتها لجدة
وبتسير الى ادس ونيروبى والقاهرة ونفذت
بالشراكة مع الحكومة الروندية مطار جديد
فى رواندا لذا الاجواء السودانية ومحطة الخرطوم
مهمين بالنسبة لها اما تاركو فهى شركة طيران القطط
السمان من كيزان بالشراكة مع جهاز الامن حسب معلوماتى
|
Post: #21
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-14-2021, 06:59 AM
Parent: #20
اعوذ بالله....
ما دام الشركة طلعت بتاعت لصوص وحرامية فقد صرفت
النظر عن هذه الفكرة....
وحانتظر لحين عودة خط الخرطوم للخطوط القطرية،،،
|
Post: #22
Title: Re: امتثال عبدالله الاجواء الخليجية فتحت بس م
Author: بدر الدين الأمير
Date: 01-14-2021, 08:26 AM
Parent: #21
يا امتثال
واهم الشركاء فى تاركو من القطط السمان هو
فضل محمد خير كدى قوقلى واسالى عن فضل
محمد خير وحاتعرفى العجب العجاب عن الفساد
والمفسدين السمان في التنظيم العالمى الكيزان
ومملكة فسادهم بسم الدين العابرة للدول
|
Post: #23
Title: Re: امتثال عبدالله الاجواء الخليجية فتحت بس م
Author: خضر الطيب
Date: 01-14-2021, 10:38 AM
Parent: #22
الراكزة امتثال كيفنك
| Quote: ممكن الدخول للدوحة بدون تاشيرة واقضي الثلاثة ايام في فندق!!؟؟ |
لو حددتي الفترة الجاية فيها ممكن اقدر اجاوب على أسئلتك
بالمناسبة الكهرباء عندنا ما بتقطع نهائي
انتي قايلانا قاعدين في اربجي
ههههههه
|
Post: #24
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-14-2021, 11:31 AM
Parent: #23
بالعكس انا سمعت ان الكهرباء في اربجي ما بتقطع نهائي لان كل بيت فيه
مولد كهربائي ،وان ود الامير هو الاتبرع بالمولدات الكهربائية دي ،واول ما الكهرباء
تقطع المولد الكهربائي بيشتغل بصورة تلقائية اوتوماتيك....
طبعا بعد الخطوط القطرية تشتغل ما بنهتم بالتاشيرة لان القطرية هي التي تتولى كل
شئ ونطلع خارج المطار وتلقى البص منتظر يودينا الفندق مجانا...ونعود الصباح لمواصلة
الرحلة.....
وحكاية تاركو دي ،وما دام بقت حقت اللصوص والحرامية ، ما حنقبل عليها،،،واظن لغاية شهر
يوليو القطرية حتكون رجعت للخرطوم واملنا كبير في مدير الخطوط القطرية، فشهري يونيو و يوليو
هما شهري السفر للطلبة السودانيين في امريكا....
|
Post: #25
Title: Re: امتثال عبدالله الاجواء الخليجية فتحت بس م
Author: خضر الطيب
Date: 01-14-2021, 11:56 AM
Parent: #24
Quote: فشهري يونيو و يوليو
هما شهري السفر للطلبة السودانيين في امريكا.... |
اذن لحدي الوكت داك بتكون الزيارة فتحت اي بمعنى ان اي قادم يمكنه الدخول للدوحة بدون حجر صحي
لكن الآن مش لو جيتي بالقطرية لو جيتي ب B52 ما بتقدري تدخلي الدوحة الا يحجروك في الفندق
عموماً الطيران المتوفر الآن من الدوحة للخرطوم بغير تاركو في طيران بدر و طيران السلام العماني
و الرحلات يومية للسودان.
فترة الصيف تصادف فترة اجازة المدارس و هناك ضغط كبير على خطوط الطيران المغادرة للخرطوم
|
Post: #26
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-14-2021, 05:52 PM
Parent: #25
الله يبشرك بالخير الراكز خضر الطيب على الخبر الجميل ان طيران بدر وطيران
السلام العماني عندهم رحلات يومية من الدوحة للخرطوم..
بس كمان ثبت لينا الاشاعة السمعناها زمان بان طيران بدر بيمتلكها زميلنا عضو المنبر
بدر الدين ود الامير،،،،عشان التخفيضات في التذاكر،،،
|
Post: #27
Title: Re: امتثال عبدالله الاجواء الخليجية فتحت بس م
Author: خضر الطيب
Date: 01-18-2021, 06:48 AM
Parent: #26
بشري سارة يا ابو الأمير
الخطوط القطريه الى سماء الخرطوم ابتداءا من يوم 15 فبراير بواقع رحلة يوميا من طراز 787
https://www.0zz0.com
|
Post: #28
Title: Re: امتثال عبدالله الاجواء الخليجية فتحت بس م
Author: امتثال عبدالله
Date: 01-18-2021, 10:08 AM
Parent: #27
شكرا خضر الراكز للخبر الاوسكار
ونقول لود الامير اها القطرية اقتنعت ،،،بس منو البقنع الكورونا
تغور من وشنا ومن وش الدنيا عشان نقدر نستمتع بالسفر والدنيا
ترجع كما كانت..
|
|