و كما أعدنا الفشقة لحضن الوطن فليس هنالك أنسب من هذا الوقت لإسترداد أرضنا الغالية في الكفرة ومن بعدها أسوان
Post: #2 Title: Re: حان الوقت لإرجاع الكفرة وأسوان لحضن الوطن Author: Mustafa Eisa Date: 01-05-2021, 11:04 PM Parent: #1
يجب أن لا تأخذنا شفقة ولا رحمة في من سلب أرضنا وأنتهك حرماتنا
Post: #3 Title: Re: حان الوقت لإرجاع الكفرة وأسوان لحضن الوطن Author: امتثال عبدالله Date: 01-05-2021, 11:16 PM Parent: #2
يا مصطفى اظنك انت بتاع مشاكل...وعاوز تعمل لينا مشكلة مع المصريين،،، خلينا بس في حلايب وشلاتين...وديل ذاتهم ما بتقدر نرجعهم بالقوة لانك كما تعرف ما بنقدر على الجيش المصري. .. هل انت بتعرف ان الجيش المصري هو ثاني اقوى جيش من بين الدول العربية ..وطبعا انت ما حتصدق اذا عرفت اي دولة عندها اقوى جيش .... وعشان كده انسى اسوان في الوقت الحاضر.....وركز في حلايب ههههههههههه
Post: #4 Title: Re: حان الوقت لإرجاع الكفرة وأسوان لحضن الوطن Author: Mustafa Eisa Date: 01-05-2021, 11:19 PM Parent: #1
أخت إمتثال كلام جميل، الله يهون، نبقي علي الكفرة خلاص ههه
Post: #5 Title: Re: حان الوقت لإرجاع الكفرة وأسوان لحضن الوطن Author: خضر الطيب Date: 01-06-2021, 01:49 AM Parent: #4
كفرة نعمل بيها شنو اسمع دي
Post: #6 Title: Re: حان الوقت لإرجاع الكفرة وأسوان لحضن الوطن Author: خضر الطيب Date: 01-06-2021, 01:56 AM Parent: #5
تحياتي و محبتي يا حبيب
Post: #7 Title: Re: حان الوقت لإرجاع الكفرة وأسوان لحضن الوطن Author: اخلاص عبدالرحمن المشرف Date: 01-06-2021, 04:34 AM Parent: #6
فعلاً حدود السودان الي اسوان
ديل زي جحا ( سكتنا له دخل بحماره) ولن يقف الجار الشمال الا بوقفة حازمة كما فعل الاقدمون
Post: #8 Title: Re: حان الوقت لإرجاع الكفرة وأسوان لحضن الوطن Author: ترهاقا Date: 01-06-2021, 05:44 AM Parent: #7
كدي في الأول نرجع السودان من زمرة العسكر حليف الكيزان سبب الانفلات الامني
Post: #9 Title: Re: حان الوقت لإرجاع الكفرة وأسوان لحضن الوطن Author: Mustafa Eisa Date: 01-06-2021, 08:18 AM Parent: #1
الحبايب شكرا علي المدخلات، الله يهون بس حقنا تاني نحرسوا شديد عشان السلبطة كترت
Post: #10 Title: Re: حان الوقت لإرجاع الكفرة وأسوان لحضن الوطن Author: علي عبدالوهاب عثمان Date: 01-06-2021, 08:39 AM Parent: #9
حبيبنا مصطفى تحياتي احد ابناء الشرق اثناء حديثنا في القهوة عن حلايب وشلاتين كان يجلس شوية بعيد عننا وفي لحظة تداخل معنا ربما لديه خلفية وعلاقة عائلية في حلايب واجزم أنه حتى لو جرى استفتاء سوف يصوت الناس هناك لصالح مصر .. نسبة للخدمات التي تقدم لهم علاج ومدارس وقبول جامعات وتوزيع زوارق للصيد وتمليك الشقق بدل البيوت العادية ما في صفوف ولا أزمات ,, حتى هو يحاول ان يلحق بباقي أهله هناك ..
استمعنا له بحرص لأنه رأي انسان يعلم بالبيئة هناك .. ورغم طرحنا عن الوطن والتراب والانتماء لم يقتنع أبداً .. حتى اطلقنا عليه لقب ( حسن حلايب)
تحياتي الحبيب مصطفى حاولت أنقل لكم صورة عن بعض الاراء
Post: #11 Title: Re: حان الوقت لإرجاع الكفرة وأسوان لحضن الوطن Author: Mustafa Eisa Date: 01-19-2021, 04:17 AM Parent: #1
طلقة واحدة كافية لطرد أولاد بمبة من جنوب مصر كلها
Post: #12 Title: Re: حان الوقت لإرجاع الكفرة وأسوان لحضن الوطن Author: Mustafa Eisa Date: 01-19-2021, 04:50 AM Parent: #1
هنالك جانب نجهله في السودان عن الجندي المصري، فالجندي المصري معنويا مهزوز وليس عنده صبر علي إكمال أي معركة وغير قادر ذهنيا علي حروب الصحراء والكر والفر
Post: #13 Title: Re: حان الوقت لإرجاع الكفرة وأسوان لحضن الوطن Author: Mustafa Eisa Date: 01-19-2021, 05:19 AM Parent: #1
كما انه لا ينقصنا السلاح فالسودان منتج رئيسي للسلاح ان لم يكن اكبر المنتجين للسلاح في افريقيا ومصانعنا تنتج حتي الطائرات بدون طيار ، اذا لدينا السلاح والجنود فمالذي يجعلنا نخضع لمن هم اقل منا شانا في الحروب.
Post: #14 Title: Re: حان الوقت لإرجاع الكفرة وأسوان لحضن الوطن Author: Asim Ali Date: 01-19-2021, 11:36 AM Parent: #13
سلام عليكم كدى حتى قبل حلايب نطرد الاتراك من سواكن اللى حتكون مركز استحبارى ليهم ونقيف ضد موضوع القواعد الاجنبيه على البحر اللى مافى زول عايز يتكلم عنها لانها تعرى عجز اشق لمدنيين فى مواجهه شق العسكر الشى اللى حيرجخ خيار المحاور الدوليه- بما فيها امريكا والاتحاد الاوروبى ومكوناتو والصين وروسيا - انها تستمر فى دعم العسكر مع ديمقلراطيه دكوريه
Post: #15 Title: Re: حان الوقت لإرجاع الكفرة وأسوان لحضن الوطن Author: علي عبدالوهاب عثمان Date: 01-19-2021, 11:46 AM Parent: #14
تحياتي الاحباب أغرب الشيء الجيش المصري رغم التدريب والاسلحة وغيرها لم يحسم معركة أبداً في حرب 48 هزيمة وعبدالناصر كان ضمن القادة حرب 56 هزيمة حرب اليمن هزيمة وانسحاب حرب 67 هزيمة حرب اكتوبر لولا الأوامر الامريكية لاسرائيل لحاصروا الجيش المصري من التغرة ولكن السادات كان ذكي وخضع للشروط الامريكية للتفاوض
مع كل هذا دعاية ( خير اجناد الأرض )
تحياتي الاحباب
Post: #16 Title: Re: حان الوقت لإرجاع الكفرة وأسوان لحضن الوطن Author: Mahjob Abdalla Date: 01-19-2021, 01:37 PM Parent: #15
المشكلة الحدود الحالية في افريقيا كلها مرسومة بواسطة الاوربيين و لذلك الـ case حيكون ضعيف (بالقانون) او حسب قوانين الامم المتحدة.
و الاهم, المثل بقول: الجفلن خلهن, اقرع الواقفات. الان السودان كلو في وضع قابل للانهيار, اول شئ ده نركز لتثبيت الواقع, بعداك نرسل لحفيدات الملكة اليزابيت ان رضى بهن قادة الجنجويد.
Post: #17 Title: Re: حان الوقت لإرجاع الكفرة وأسوان لحضن الوطن Author: امتثال عبدالله Date: 01-19-2021, 02:28 PM Parent: #16
:"الجفلن خلهن، اقرع الواقفات"،، ونثبت الواقع وبعد داك نرسل لحفيدات الملكة اليزابيث ان رضي بهن قادة الجنجويد:"
محجوب عبد الله تعليق اوسكار ولا شك... بس نشرح العبارة الاولى ،الجفلن خلهن اقرع الواقفات، لغير الناطقين بها ومن غير اهل الريف والبادية..زي استاذنا وعمنا علي عبد الوهاب اذا في راعي بيرعى بغنمه وشاف غنيمات شردن ما يقوم يجري وراهن ويخلى الواقفات عشان لمن يرجع ما يلقى الواقفات كمان شردن ... يعتي بواقع حالنا نحن نجري ورا حلايب ونلقى حدودنا مع اثيوبيا اتقلصت وحدودنا مع تشاد انقرمت وحدودنا الجنوبية الاصلها ضاعت نلقى مناطق البترول راحت... خلينا نركز في حدودنا الحالية ما تضيع مننا ،
اها رايك شنو في الترجمة دي!!؟؟
Post: #18 Title: Re: حان الوقت لإرجاع الكفرة وأسوان لحضن الوطن Author: Mustafa Eisa Date: 01-19-2021, 02:51 PM Parent: #1
امتثال اضحكتيني اضحك الله سنك، السودان زي الجلابية القديمة محل ما تجر تنشرط
Post: #19 Title: Re: حان الوقت لإرجاع الكفرة وأسوان لحضن الوطن Author: علي عبدالوهاب عثمان Date: 01-19-2021, 05:07 PM Parent: #18
شكرا الابنة امتثال على الشرح الوافي نحن طبعا مجتمع زراعي الامثال والمصطلحات صعب فهمها يا ريت شرح دائما
اليوم بقرأ مقال للصحفي عبداللطيف البوني عن القراي ذكر عبارة هو (( شوه الموت بالرفسي ))