Post: #1
Title: لن ترضخ القوات المسلحة للسفاح حميدتي#
Author: زهير عثمان حمد
Date: 12-30-2020, 05:33 PM
04:33 PM December, 30 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
لن ترضخ القوات المسلحة لهذا السفاح#
اليوم تم تنوير الضباط من رتبة عميد فما فوق ببرج وزارة الدفاع بواسطة حميدتى ...
المهم انو حميدتى فلتت منه عبارات فيها تجنى واضح على القوات المسلحة وانهم هم (الدعم السريع) الشغالين والجيش ما شغال وما عايز يشتغل وكلام فارغ كتيير...
فقام السيد قائد سلاح المدرعات اللواء دكتور ركن نصر الدين عبدالفتاح بمقاطعة حميدتى أثناء حديثه وقال ليهو 😞 إنت بتخوف وبتهدد فينا وله شنو؟ يعنى إنت جايبنا هنا عشان تقول لينا الكلام الفارغ بتاعك ؟
اعرف انو القوات المسلحة تاريخ من النضال والتضحيات وارتال من الشهداء قبل ان يعرف الناس الدعم السريع بتاعك ده ، والجيش لسه بى رجاله من الضباط والصف والجنود ولازم تعرف الكلام ده كويس وجاهزين لاى سيناريوهات ...
ضجت القاعة بالتكبير والتهليل من كل الحضور مؤيدين لهذا الكلام ..
فما كان من حميدتى إلا ان غير لغته ولهجته المتعالية ويعتزر وينكسر ويقول :(انا والله ما قصدت الكلام ده )...
المهم بعد داك ما قدر يتكلم وبقى يلخبت فى الكلام وشكله إتفاجأ بالكلام ده وصيحات الضباط للواء نصر الدين ايوة كده بس مية المية بلا دعم سريع بلا لمة معاك....
كسرة...
طبعا ده تحول كبير جدا فى شكل العلاقة بين الجيش والدعم السريع ...
الكلام ده مقروء بدعوات طرد الدعم السريع من الخرطوم من قبل قوى اعلان الحرية والتغيير يصب فى مصلحة البلد ككل ...
الكلام ده لازم يتنشر على اوسع نطاق لانه ببخدم قضية المجلس العسكرى فى مقبل الايام ويخصم من طموحات حميدتى
|
Post: #2
Title: Re: لن ترضخ القوات المسلحة للسفاح حميدتي#
Author: Nasr
Date: 12-30-2020, 05:37 PM
Parent: #1
متين الحكاية دي حصلت ؟؟؟؟
أتذكر حاجة زي دي حصلت قيل ما يزيد عن العام
كدي إتأكد وأرجع لينا لو سمحت
|
Post: #3
Title: Re: لن ترضخ القوات المسلحة للسفاح حميدتي#
Author: محمد البشرى الخضر
Date: 12-30-2020, 06:00 PM
Parent: #2
فعلا قديم و اللواء نصر الدين تم اعتقاله في انقلاب رئيس الاركان الهزلي و اطلق سراحه فيما بعد ونزلوه معاش و عين قائد غيره للمدرعات
|
Post: #4
Title: Re: لن ترضخ القوات المسلحة للسفاح حميدتي#
Author: اخلاص عبدالرحمن المشرف
Date: 12-30-2020, 06:08 PM
Parent: #3
الجيش يواصل الحكم بمساعدة احزاب
لا سند جماهيري لها ، اسع تلمع في
العسكر لي شنو يا زهير ، كلهم زفت
وكمان خبر قديم ، بقيت تطبل للعسكر ؟!!!!
|
Post: #5
Title: Re: لن ترضخ القوات المسلحة للسفاح حميدتي#
Author: اخلاص عبدالرحمن المشرف
Date: 12-30-2020, 06:14 PM
Parent: #4
حكى أن حاكمًا ظالمًا أمر بسجن مواطن بريء
، لم يرتكب أي جريمة، ولم تُوَجَّه له أي تهمة،
فغضب المواطن وظلَّ يركل باب زنزانته
ويصرخ طوال الوقت مؤكدًا أنه مظلوم، ولم يرتكب
جرمًا حتى يُعاقَب.
ولأنه تجرأ ورفع صوته مدافعًا عن نفسه، انزعج
الحاكم وأمر بسجنه في زنزانة انفرادية لا تتجاوز
مساحتها مترًا مربعًا واحدًا. فنسيَ المواطن مظلوميته،
وأخذ يصرخ بأنه سيختنق من الوحدة، وأنه لا يمكنه
النوم فيها إلا جالسًا !
فما كان من الحاكم الظالم إلا أن أمر بوضع
تسعة أشخاص معه في الزنزانة الضيقة، فنسيَ
السجين قضيتيه الأولى والثانية، وأخذ يشتكي
مع بقية المساجين من أنهم سيموتون مختنقين
، لضيق المساحة، وطالبوا بإخراج نصفهم على الأقل منها!
هنا فكّر الحاكم بحلٍّ يمنعهم من المطالبة بأي شيء،
ويقبلون بالواقع الذي يعيشونه، فأمر بإدخال خنزير
في زنزانتهم، وتركه يعيش بينهم.
وبعد أن ملأت رائحته الكريهة وفضلاته الزنزانة
، أصبح مطلبهم الوحيد إخراج الخنزير، وفعلاً
أُخرِجَ الخنزير، ونال الحاكم مراده، فقد نسي
السجين ومَن معه مطالبهم، ورضوا بوضعهم البائس.
العسكر هم العدو
مدنياااااو
|
|