مناوي: لا حرية وتغيير بعد الأن -شوفوا بالله

09:58 AM December, 23 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

لخرطوم: سودان برس
قال رئيس حركة جيش تحرير السودان، مني أركو مناوي، إنّ مجلس الشركاء حلّ محلّ الحرية والتغيير وألغى الحاضنة السابقة.

وأضاف” لا حرية وتغيير بعد الأن”.

ونفى مناوي في تصريحاتٍ صحفية، أنّ يكون مجلس الشركاء انقلابًا على لثورة.

وقال مناوي بحسب صحيفة الصيحة، إنّ الموجودين الأن هم ليسوا الأوصياء الوحيدين على الثورة والفترة الانتقالية.

وماتعملوا فيها عندكم وزن سياسي و تصدقوا حميدتي بالجد أنتو ماشين الخور يا مني #

عجبني ليهم الفاشلين
قالو مدنية وخمسة جنرالات و2 في مصر و18 في الاقاليم قاعدين في راسنا سنة ونص
قالو سلام ما في سلام وما في فدرالية وديمقراطية وانتخابات "الاقاليم
قالو حرية ما في حرية والاعلام قحت الخبيث ده شغال يهين وعي الشعب السوداني
قالو عدالة ما في عدالة والمحكمة الدستورية مافي
المحكمة الدستورية الاقلمة الانتخابات
وانتهي الدرس
https://top4top.io/

Quote: وقال مناوي بحسب صحيفة الصيحة، إنّ الموجودين الأن هم ليسوا الأوصياء الوحيدين على الثورة والفترة الانتقالية.

الزول ده مفروض يودوهو لطبيب نفسي، تصريحاته الخرقاء بقت كتيرة، هو وحركته كان دورهم شنو في الثورة دي؟

مناوي جاهل بالوثيقة الدستورية
عشان تلغي الحرية والتغيير أمشي ألغى الوثيقة الدستورية
زول أشتر وعدواني جدا تجاه المدنيين
من أسوأ قادة حركات الكفاح المسلح

(جبريل ومناوى) = حصان طرواده + الهبوط الناعم

Quote: مناوي جاهل بالوثيقة الدستورية عشان تلغي الحرية والتغيير أمشي ألغى الوثيقة الدستورية زول أشتر وعدواني جدا تجاه المدنيين من أسوأ قادة حركات الكفاح المسلح

انت مرقت تاني تفرفر
اسواء عمل دستوري تم في السودان من نزول ادم هو مشروع قحت والوثيقة الدستورية بتاعة المستهبلين ساطع وسنهوري دي
وهل الوثيقة الدستورية كتاب مقدس
الشغال بيها منو
عملوها بعاعيت مايو خدم مصر وما نافعة من الاساس وقعدت الجنراالات ديل في راسنا
وبعد ده ما في زول شغال بيها
تلغي الوثيقة الدستورية بواسطة المحكمة الدستورية ونرجع لي دستور 2005 تنتهي مشكلة السودان
والزمن بينا يا بلعوط
مقعد لي شيوعيين وبعثيين وناصريين في راسي حاصل فارغ
قحت لا تمثلني
رجعو المحكمة الدستورية بس

Quote: مناوي جاهل بالوثيقة الدستوريةعشان تلغي الحرية والتغيير أمشي ألغى الوثيقة الدستورية

ههههههه كيفك يا عظمه ...
اتفاقية جوبا ... او صك الاستسلام الذي وقعه
(ابناء دارفور في قحت) مع (متمردين دارفور)
لا حول لهم ولا (قوة) ... هههه ديل ما قادرين
يمشو يسلمو علي اهلن في دارفور خوفا وطمعا
في فقدان بقرة جوبا ...
اتفاقية جوبا الآن هي الوثيقة الدستورية
والعكس صحيح ...
اتفاقية جوبا لا تساوي الحبر الذي كتبت به
والدليل الغليان الذي تشهده دارفور الآن ...
من غير عبدالواحد لسع محتاجين لي ١٠
إتفاقيات في جوبا او الدوحه ...
أمراء حرب جدد الآن يستقون في دارفور
بعد ترطيب أمراء حرب اتفاقيات الدوحه وجوبا ...

ابلغ مثل يعبر عن شتارة مناوي : الخيل تجقلب زي الشرا في القندول !

اي زول شارك في حكم،الإنقاذ مفروض يكون في التخشيبة.

ده مش كان مشارك وبس ،كان مستشار لزعيم عصابة اللصوص والحرامية
يعني الزعيم كان بيستشيره في كل كبيرة وصغيرة...
وبعدين نقول ليه اذا ما الحرية والتغيير انت ما كنت جيت شاركت في حكومة الثورة
لانك مفروض تكون في كوبر زي ما قال ود موسى...

Quote: قال رئيس حركة جيش تحرير السودان، مني أركو مناوي، إنّ مجلس الشركاء حلّ محلّ الحرية والتغيير وألغى الحاضنة السابقة. وأضاف” لا حرية وتغيير بعد الأن

بالله يا زهير قال كده !!!!!!
ياخي العمل المجلس زاتو ما قال كده
قال مجلس لحل الخلافات حول اتفاقية جوبا
لو مناوي فاهم و قال كده تبقي مشكلة
و لو ما فاهم علس الدنيا السلام ( المشكلة أكبر)

مناوي ابعدوا منه المايكرفون والصحفيين
بعد كده ، ال في رأسه اتعرفت .

يبدو لي حميدتي كان ذكي جداً ، مشى جابهم الخرطوم عشان يقول للناس
دييل هم قادة الحركات المسلحة، وبعد ده لا أركوي ولا دُقار ولا جبريل الكوز
عندهم خط رجعة ، أوراقهم إتحرقت ويا لإمة ضحكت من جهلها الأُمم

https://top4top.io/

بعيدا عن كلام مناوي حول الحرية والتغير دعونا نتساءل
هل حقا يوجد كيان اسمه الحرية والتغير وفاعلا يودي دوره
ام صارت جزء من التاريخ
للاسف حسب راينا المتواضع جدا ان قحت صارت جزء
من التاريخ
فحزب الامة خارج قحت
الشيوعي خارج قحت
تجمع المهنيين الذي انشق علي نفسه مجمد نشاطه داخل قحت
الحركات المسلحة التي كانت جزء من نداء السودان احد مكونات
قحت قفزت من السفينه باكرا
فقحت الان تضم الاتحاد المعارض والموتمر السوداني واحزاب البعث
وحتي هذه الاحزاب منقسمه علي نفسها بالتالي قيام المجلس
المزعوم فعليا يعني نهاية ما تبقي من قحت وهذا هو الواقع ان كان
يطابق رؤية مناوي او يختلف معها لكن الحقيقة المرة التي
نحاول نكرانها بغض النظر عن مصدرها
الثورة السودانية تتشرذم واعتقد ان مجلس شركاء الانتقال
اخر مسلسلات الحلقة الشريرة في مشروع الثورة السودانية