Post: #2 Title: Re: وداعاً .. في إجازة طويلة من المنبر! Author: Hafiz Bashir Date: 12-16-2020, 11:24 AM Parent: #1
يا زول الكلام دا ككيف؟
Post: #3 Title: Re: وداعاً .. في إجازة طويلة من المنبر! Author: اخلاص عبدالرحمن المشرف Date: 12-16-2020, 11:37 AM Parent: #2
الاخ العزيز والصديق بريمة اتمناك دوماً بخير ومتواجد معنا رغم المشاغل ، كل يوم تحدي الكتابة والمواصلة رغم المشاغل و الظروف هو امر متجدد ، اكتب ولو علي سفر
Post: #4 Title: Re: وداعاً .. في إجازة طويلة من المنبر! Author: علي عبدالوهاب عثمان Date: 12-16-2020, 11:40 AM Parent: #3
اديبنا الرائع بريمة متعك الله بالصحة والعافية وجودك مهم جداً كلها نصف ساعة كده اليوم من أجل احبابك من يحبون قراءة مداخلاتك
فقط أكرمهم بدقائق معدودة يومياً ولا تحرمنا من حروفك الجميلة
تحياتي الحبيب بريمة
Post: #5 Title: Re: وداعاً .. في إجازة طويلة من المنبر! Author: Ali Alkanzi Date: 12-16-2020, 11:46 AM Parent: #3
يا ملح المنبر وخبزه ومائه لا نسمح لك باجازة اطول من عطلة الاسبوع ودي برضو كتيرة علينا لاننا لسنا بجمهوريين لا نستطيع صيام التواصل او المواصلة
Post: #11 Title: Re: وداعاً .. في إجازة طويلة من المنبر! Author: محمد حمزة الحسين Date: 12-16-2020, 02:15 PM Parent: #5
يا أخ العرب بريمة محمد أدم ... قرررب تعال ما تبتعد ... عايز أقولك انت عامل وزنة لصالح السوداناويه بأدب وتهذيب متناقمين ... لا تقطع هذا القعد ...
Post: #6 Title: Re: وداعاً .. في إجازة طويلة من المنبر! Author: دفع الله ود الأصيل Date: 12-16-2020, 12:17 PM Parent: #2
شاقي روحك ليه .. هو الزعل بيجدي بحرو ما روًاح و موجو ما يهدي يا فرح قرًب.. ويا هموم عدًي إبتسامتك هي الباقية يا سيدي ما بدري من عمرك لسه أنت شباب يا فرايحي اللون يا أبو عيون أحباب بدري من عمرك ـــــــــــــ العيون بتريد في البسيمة منى والله إنت سعيد .. ياالبريدك انا لاني شايل الريد جوه قلبي هنا شلتك إنت جمال ودبت فيك غنا ما بدري من عمرك لسه انت شباب يا فرايحي اللون يا ابو عيون أحباب بدري من عمرك. * ول أبا ، ما كان العشم تهجرنا و تخلي خانتك قد ما ويرك بسدو. ولو إنو الحال فعلن بقى طارد ما يسر عدواً و لا صليحاً. ملاسنات صباح مطاحسب عشير و لعن زنديقٍ حقير حاجة كدا تخلي الزول يلاوز ما يدخل و لو جاز ف وفعلها إلا بقدمه اليسرى وبدعاءدخول الخبز و الخبايز أعزكم الله السامعينفما هكذا ياخوان تؤتى مواردُ الإبل ولا من هنا يجوز لاحدٍ أكل كتف أخيبه ميتا فكرهتموه
Post: #7 Title: Re: وداعاً .. في إجازة طويلة من المنبر! Author: adil amin Date: 12-16-2020, 01:13 PM Parent: #6
ذى الورل ده تناسبو اغنية دي بتاعة الدرت تغريد العشرة بلدياتو الضربطم طراوة الخرطوم
يمشي ويجي تلقاه ذاتو لكن يا بريمة انت والله احسن عدو عاقل لي في البورد
Post: #8 Title: Re: وداعاً .. في إجازة طويلة من المنبر! Author: علاء سيداحمد Date: 12-16-2020, 01:16 PM Parent: #7
اكيد شركة الايداعات اشتغلت . نتمنى ليك التوفيق يا ابو العربان .
Post: #9 Title: Re: وداعاً .. في إجازة طويلة من المنبر! Author: عمر التاج Date: 12-16-2020, 01:26 PM Parent: #8
تعود سريعا ان شاء الله وتلقانا نحن يا نا نحن لابدلنا ولا حولنا ..
Post: #10 Title: Re: وداعاً .. في إجازة طويلة من المنبر! Author: muntasir Date: 12-16-2020, 01:32 PM Parent: #9
شكلوا بريمة رقد بي قروش الاستثمار 😂😂
Post: #12 Title: Re: وداعاً .. في إجازة طويلة من المنبر! Author: محمد أبوجودة Date: 12-16-2020, 03:00 PM Parent: #10
طالما ما بتقول: إلى حين ميسرة، إذاً نتمنّاها لك عاجلة خيّرة طيّبة .. بس ما تطووووول الغيبة .. مع أمنياتي لك بكل خير يُراد وعِلمٍ يُفاد وثبات على الحق - حينما تعرفه - راسخ وأنت به جدير
Post: #13 Title: Re: وداعاً .. في إجازة طويلة من المنبر! Author: محمد البشرى الخضر Date: 12-16-2020, 03:38 PM Parent: #12
معقول رفع السودان من القائمة السوداء حرقك قدر دا! ياخ ما تبالغ انت قايل القرار دا رفع الجلابة بس ولا شنو :)
Post: #14 Title: Re: وداعاً .. في إجازة طويلة من المنبر! Author: محمد عبد الله الحسين Date: 12-16-2020, 08:07 PM Parent: #13
غيبة قصيرة و عودة ان شاء الله
الأخ بريمة شعلة النشاط في المنبر.. بموضوعاته المتنوعة و المثيرة للنقاش و الاختلاف و المحبة
يسكب روحه الظريفة في كل مداخلاته و موضوعاته بسعة صدر و ثقافة واسعة و ثبات على ما يؤمن به .
رجل نعتز بوجوده بيننا أو بوجودنا في محيطه..
ربنا يوفقك
بس.. تعال راجع بسراااع.
Post: #15 Title: Re: وداعاً .. في إجازة طويلة من المنبر! Author: امتثال عبدالله Date: 12-16-2020, 08:32 PM Parent: #14
على الرغم من انك مرات بتفقع مرارتنا من تعليقاتك البترفع الضغط لكن كان جينا للصراحة حنفقدك كتير...لانك مرات كثيرة بتجيب تعليقات اوسكار.. وحتى كان مسافر السودان ممكن تكتب بدون مشكلة ولا انت ما سمعت ان ترامب منح مليار دولار للسودان،،والحكاية انبهلت ، زي ما كان ود الباوقة، الله يطراه بالخير، بيقول،، يعني النت موجود والخير موجود وما تشيل هم.. والله يديك الصحة والعافية في حلك وترحالك
Post: #16 Title: Re: وداعاً .. في إجازة طويلة من المنبر! Author: زهير عثمان حمد Date: 12-16-2020, 09:36 PM Parent: #15
ماشي أجازة الاعياد وين ولا التطعيم ح يتعبك
عارف أنك ح ترجع أول السنة كن بخير
Post: #17 Title: Re: وداعاً .. في إجازة طويلة من المنبر! Author: Gaafar Ismail Date: 12-17-2020, 02:10 AM Parent: #16
ول أبا بريمة نتمنى لك إجازة سعيدة وعودة سريعة للمنبر
عاطر تحياتي ووافر احترامي
Post: #18 Title: Re: وداعاً .. في إجازة طويلة من المنبر! Author: Ahmed Yassin Date: 12-17-2020, 01:00 PM Parent: #17
انا اصلا من النيولوك بتاعك انا شاكي فوقك لكن مع نهاية العام دا وكل المواسم بنهدي ليك (بالعود طبعا)
رضينا خلاص بعادك بقت احزانا قادلة زمان الفرح ولى ومعاهو رحل ودادك جراح لابد نعيشها وده حال الريد سيدى واكيد ما كان بإيدك
Post: #19 Title: Re: وداعاً .. في إجازة طويلة من المنبر! Author: عزالدين عباس الفحل Date: 12-19-2020, 06:50 AM Parent: #18
في أمان الله صديقي العزيز ، بريما ،
عزالدين عباس الفحل ابوظبي
Post: #20 Title: Re: وداعاً .. في إجازة طويلة من المنبر! Author: Gafar Bashir Date: 12-19-2020, 10:21 AM Parent: #19
Quote: معقول رفع السودان من القائمة السوداء حرقك قدر دا! ياخ ما تبالغ انت قايل القرار دا رفع الجلابة بس ولا شنو :)
ههههههه فرصة ما بنضيعها الله يوفقك وبالسلامة ترجع
Post: #21 Title: Re: وداعاً .. في إجازة طويلة من المنبر! Author: بدر الدين الأمير Date: 12-19-2020, 11:52 AM Parent: #20
الاجنبى دينق مشغول بكسر في القلل والازيار وبغنى بلا ونجلا بس العبار بريمة بلل راقدلو فوق راى
