يا محمد المرتضى هسع بلد يكون فيه مذيعة متل دي معقول يكون من الدول الراعية للإرهاب ؟

02:41 PM December, 14 2020

سودانيز اون لاين
Osman Musa-
مكتبتى
رابط مختصر

مذيعة ومقدمة برامج لا في الناس ولا في الريل
ولا في الفوكس نيوززززز .
الله خلقها فردة.
هي مذيعة ومقدمة برامج توقف عروق رقبة المشاهد عكاكيز .
اكيد البلد النبتت فيه هادي الإعلامية الفاتنة ما عندو أي
علاقة بالإرهاب .
التحية للاستاذ المستشار محمد المرتضى .
ومليون مرحب بيك في السودان .

المرة دي نطالبك بعدم انزال الصورة لانو الخيال اجمل

ليه انت ماعايز تقتنع بفلسفة الجمال انها خاصية اضافات متعلقة

بتجربة الفرد

أخونا أستاذ عبداللطيف
سلام ليك من البلد المسالم عمرو كلو .
هي اكيد صورة الأستاذة دي راكة في عقل أي زول .
التوب الفيها رمز عجيب للتسامح والجمال .

نسيت إنو الإرهاب أنواع؟!

غايتو انا مقتنع بالنظرة عن قرب بتكشف قبح اي شئ

كل شئ يبدو جميل من بعيد ، حتي ثورة ديسمبر لما تقيف في ترس وتحرسو

ح تكتشف كمية الملاسنات والاساءات لزول حارس مستقبل بلد

أخونا الفنان محمد الامين
سلامات
وبمناسبة الاحتفاء بالاعلامية صاحبة التوب المهفهف دي
أهديك ياخ اغنية الشاعر الفخيم ابوامنة
والفنان العملاق وردي .
....



( بنحب من بلدنا )

بنحب من بلدنا ما برّه البلد
سودانيّة تهوَى عاشق ود بلد
في عيونها المفاتن شئ ما ليهُ حد
التّوب المهبهب فوق أم الضّفائر
والخد المعطّر زي أحلى الأزاهر
والخطوة الأنيقة ترنيمة مشاعر
أنا بيك كل عمري بمشيلها وبسافر
مين في الدّنيا ديَّ أجمل من بناتنا
الليهن قلوبنا والفيهن صفاتنا
الكامنات بروحنا والعايشات في ذاتنا
في حلفا البداية أحلامي وهنايَ
أنا عايش لحبّي المخضر برايَ
النّافرة الأليفة ست روحي وهنايَ
أنا ليْ في كريمي شايقيي بشلوخها
نعتز بي صفاتها ما نجهل تاريخها .

عارفين بوستاتك ما فيها صور
هسة بقت أسماء ذاتو ما فيها
شوية كدة وحتبقى عناوين مافي

عثمان سلامات.. حليل مطعم المندي اليمني وبرتقال الزيداب.. عاين، إنت زول شواف ولفيت الدنيا دي قارة قارة ومشيت الدول التينيه واللاتينية بالذات، لكن المره دي غلبت عليك العاطفة الوطنية. على أية حال إن كانت مذيعتكم تلك من اللواتي جلبتهن اللنغاز إلى الشاشة فعليك الله أعفيني وإن كانت من المحدثات المتحدثات ففي الأمر رأي لأن معايير الجمال تغيرت عندنا بتقدم العمر وبقينا نفرز الإنسان الرقيق وناس الغنى ليهو محمد ميرغني من المحتالات والدجالات والمشعوذات.
عارف يا بركه، في مذيعة سبق وأشرت إليها هنا وأثنيت على سهرة قدمتها لكن للأسف بعدها عرفت ما صرفني عن متابعتها ودي يا عثمان مشكلتي مع الكثير من العباد، تعجب بشخص ما وتكون نهاية ذلك الإعجاب سلوك مشين متكرر بدر منه وفي البقجه دي يوجد عدد من المطربين والشعراء والأدباء والمذيعين والرياضيين والمسرحيين ..الخ، أما السياسيين فحدث ولا حرج ولا فرامل. أعرف أنني ربما أكون مخطئا لأننا بشر وتغمرنا العيوب ويجب أن نفرق بين الإبداع والسلوك الخاص ... إلخ ، لكن وحاة الخوه ما قدرت وعليه شطبنا ناس كتار كنا نظن أنهم/ن جميلين.
بقول مظفر : كلنا قد تاب يوما يوا ثم ألفى نفسه قد تاب عما تاب.
-
كدي قول لي، بتشبه إيمان بنوره سنة ٢٠٠٠؟

بعض الجمال عبارة عن تسويق بضغوط جماعية في حين الفرد هو من يحدد

محمد المرتضي دعمت وجهة نظري ومابراي

طول المعاشرة قد يكشف جمال متعدد الوجوه يفوق جمال الجسد بمراحل

الملامح المتغيرة بتغير التعابير اثناء الكلام او الصمت ، استدعاء الماضي

لمواقف ولحظات جميلة وخبرات حياتية ، ممكن برضو تكون مابتحب بعض

التقاطيع الوجهية الشائعة او الناعمة وتميل الي عكسها من تقاطيع صارمة

وجادة او قاسية ، الصوت ودرجاته المختلفة صعودا وهبوطا ، السمت الشخصي

الذي يطبع شخص بعينه ولايفارقه ، دلالات الكلام ، ارثك الشخصي وتجاربك ومعاناتك الخ

قد يتلبسها الاخر او تتم مضايفتها له ، الموضوع معقد وفردي جدا ، لذلك يقولون لولا ذلك لبارت السلع هههه

Quote: المرة دي نطالبك بعدم انزال الصورة لانو الخيال اجمل ليه انت ماعايز تقتنع بفلسفة الجمال انها خاصية اضافات متعلقة بتجربة الفرد

أيوا كدا.. فالخيال يسافر بك إلى السدم البعيدة بينما الواقع لا يتعدى بك باب حجرتك .. يا لطيف ، كلم عثمان دا، قول ليهو الزمن زودنا باسكانر يسلمك التقرير في ثواني..
-
تصحيح الفوق: كلنا قد تاب (يوما)..

Quote: طول المعاشرة قد يكشف جمال متعدد الوجوه يفوق جمال الجسد بمراحل

عميق حتى اللانهاية، انت يا اخ ..
عشان كده حقو صاحب البوست يخليها مستورة

استاذ، عبداللطيف
انت جد ختري .
بلاي خليك قريب .