خلال عام ونصف بعد الثورة .. منو الشغال شغل واضح كده في السودان؟ منو الكان بأمن المواطن في العاصمة والولايات منو الكان بيفض النزاعات ويعمل المصطلحات منو الكان بيحرس الحدود في الشرق والغرب والجنوب؟ منو الكان بيحمي البلد من الانقلاب العسكرية .. .. .. اسئلة مشروعة من قائد تاني الدعم السريع تستبق مظاهرات ١٩ ديسمبر وتبحث عن إجابة موضوعية ..
Post: #2 Title: Re: منو الأحق بالسيادة الان، أكثر من الدعم ال� Author: خضر الطيب Date: 12-10-2020, 11:37 AM Parent: #1
Quote: منو الأحق بالسيادة الان
طيب يا عمر فلة ما تمشي تنضم ليهم اصلاً انت ما بتعيش بدون راعي رسمي
Post: #28 Title: Re: منو الأحق بالسيادة الان، أكثر من الدعم ال� Author: Hassan Farah Date: 10-16-2021, 10:06 AM Parent: #2
طيب يا عمر فلة ما تمشي تنضم ليهم اصلاً انت ما بتعيش بدون راعي رسمي ================================ ينضم ليهم بتاع شنو يا خضر دا باس جزمة حمدتى وقبض عمر التاج ولد نديهة لا تربية لا اخلاق متوقعين منو شنو؟
Post: #3 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 12-10-2020, 11:39 AM Parent: #1
سلامات يا عمر التاج
ولكن في المقابل (على طريقة ماركة فيصل قاسم في الاتجاه المعاكس)
من الذي شارك في فض اعتصام القيادة العامة يوم الاثنين 29 رمضان الموافق 3 يونيو 2019 وارتكب جرائم ضد الإنسانية؟
الفيديوهات في السكة..
Post: #4 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 12-10-2020, 11:45 AM Parent: #3
"كسكس ورا" زي ما قال فرد الجنجويد في المقطع
Post: #5 Title: Re: منو الأحق بالسيادة الان، أكثر من الدعم ال� Author: عمر التاج Date: 12-10-2020, 11:52 AM Parent: #4
Quote: طيب يا عمر فلة ما تمشي تنضم ليهم
انا مجرد واسطة خير ، نقلت ليكم كلام الفريق عبد الرحيم دخلو بي حصانتو - أقصد بي ضبانتو. وعايز أشوفك كيف بترد عليه يا خضر عشان وتوريه انت منو؟
Post: #6 Title: Re: منو الأحق بالسيادة الان، أكثر من الدعم ال� Author: عمر التاج Date: 12-10-2020, 11:57 AM Parent: #5
Quote: من الذي شارك في فض اعتصام القيادة العامة
كلام في السليم يا دكتور .. ولكن زي ماقال ليكم الجنجويدي الفي الفيديو ده .. انت قلتوا دايرين مدنية واديناكم ليها سويتوا فيها شنو ؟ والحرسها ليكم منو ؟
Post: #7 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 12-10-2020, 11:58 AM Parent: #5
ما هي الجريمة التي ارتكبها الثوار المسالمون حتى يُعاملوا بمثل هذه المعاملة التي وثقتها الكاميرات والفيديوهات فكشفت عن وجه المجرم الحقيقي.
Post: #8 Title: Re: منو الأحق بالسيادة الان، أكثر من الدعم ال� Author: عمر التاج Date: 12-10-2020, 12:03 PM Parent: #7
Quote: ما هي الجريمة التي ارتكبها الثوار المسالمون حتى يُعاملوا بمثل هذه المعاملة التي وثقتها الكاميرات والفيديوهات
وفي المقابل يا ياسر ، لماذا فشلت المدنية ولاكثر من عام في كشف النقاب وادانة المجرمين الظاهرين في هذه الفيديوهات؟ فكرك الإجابة حاتظهر ولا حايخلوها مستورة ؟
Post: #11 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 12-10-2020, 12:48 PM Parent: #8
نقل للأسفل مراعاة للتسلسل الكرونولوجي.
Post: #9 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 12-10-2020, 12:11 PM Parent: #7
Quote:
كلام في السليم يا دكتور .. ولكن زي ماقال ليكم الجنجويدي الفي الفيديو ده .. انت قلتوا دايرين مدنية واديناكم ليها سويتوا فيها شنو ؟ والحرسها ليكم منو ؟
لا بالله أوعاك من لخبتة الكيمان يا عمر التاج.
هم أرغموا الثوار على أن يقولوا "عسكرية". وظن الظانون أن الثورة قد انكسرت وبعد 10 خرج الكباشي ليقول "حدس ما حدس" وبعد أربعة أسابيع من مجزرة القيادة خرج الشارع السوداني بالملايين، فاضطر المجرمون "الذئاب" إلى ارتداء جلود "الحملان" ويرددوا مثل الكلام الذي أشار إليه عبد الرحيم دقلو. ولكن هيهات. ذاكرة الثوار حية والفيديوهات موجودة.
Post: #10 Title: Re: منو الأحق بالسيادة الان، أكثر من الدعم ال� Author: adil amin Date: 12-10-2020, 12:28 PM Parent: #9
Quote: منو الكان بأمن المواطن في العاصمة والولايات
المرة دي يا عمر دخلت في فتيل براك الدعم السربع قوة غير دستورية شغالة لي صالح الامارات بس منوالنهب الذهب بتاع الشعب السوداني ووداه الامارات وسجن موسي هلال شيخ قبيلتو وده عمل مشين منو البصدر الجنجويد الي حرب اليمن القذرة وليبيا ومستمر لحدي الليلة وده كلو يخدم محور مصر السعودية الامارات وليس هناك اي شي وطني وعنده علاقة بي مصالح الشعب السوداني من اللجنة الامنية والدعم والسريع ديل شغالين لقوى خارجية مفضوحة انت تطالب بدولة المؤسسات في السودان والانتخابات بس خلي عندك رؤية ثابتة ومستمرة لو جبت ليك فيدوهات الجنجويد في اليمن بتنتحر طوالي الجيش السوداني خرج كم 1989 ولم يعد حتى الان وما قدر يحمي الناس حول القيادة وهسة حميدتي يفك موسي هلال بس عشان نعده من الفرسان وفي فييدو ظريف لاهلنا المحاميد يتبرو من حميدتي واسرته انت الجابرك شنو في اثنين اولاد خالات دافننو سوا مرة يتفتش في ود خالتو اسبوع ما لاقيه صادف لقي صاحبك قاعد مع جكسا شينة كده قال ليه ده شنو ياخ افتش ليك لي اسبوع ما لاقيك اجي القاك مع الزولة الشينة دي قال لي مالك ومالي القرد في اعين امو غزالة قال ليه انت مالك انت امها ؟؟؟ هسة الجنجويد ديل اهلهم نافضهم انت مالك ومالهم انت امهم (نيران صديقة هسة اديت خضر فرصة يدور بيك
Post: #12 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 12-10-2020, 12:54 PM Parent: #10
Quote: وفي المقابل يا ياسر ، لماذا فشلت المدنية ولاكثر من عام في كشف النقاب وادانة المجرمين الظاهرين في هذه الفيديوهات؟ فكرك الإجابة حاتظهر ولا حايخلوها مستورة ؟
السايقة واصلة. والعمل القانوني يتطلب الدقة وسد كل الثغرات زي وابور الظلط.
وقد أحس عساكر المجلس السيادي باقتراب الخطر من مرابعهم، ولذلك نلاحظ كثيرا من ظواهر "دك الورق".. لكن ما في طريقة. تاني ما في حاجة إسمها خلوها مستورة.
Quote: لجنة فض اعتصام القيادة العامة تطلب مثول عسكريي مجلس السيادة 10.223 Aufrufe •03.12.2020 255 8 Teilen Speichern Al Jazeera Mubasher قناة الجزيرة مباشر 2,68 Mio. Abonnenten لجنة فض اعتصام القيادة العامة تطلب مثول عسكريي مجلس السيادة
Post: #13 Title: Re: منو الأحق بالسيادة الان، أكثر من الدعم ال� Author: عبدالحفيظ ابوسن Date: 12-10-2020, 01:24 PM Parent: #12
إلا بنظرية لامن تسافر مع حرامي مسكو خرجك يعملو مخدة للنوم
Post: #14 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 12-10-2020, 02:31 PM Parent: #13
المقطع تم تصويره في يوم 3 يونيو 2019 ووضع في يوتيوب في نفس اليوم.
Quote: قوات الدعم السريع تفض اعتصام القيادة العامة بوحشية | #السودان اليوم 2.865 Aufrufe •03.06.2019 8 2 Teilen Speichern خبر خام
Post: #15 Title: Re: منو الأحق بالسيادة الان، أكثر من الدعم ال� Author: adil amin Date: 12-11-2020, 04:45 AM Parent: #14
Quote: السايقة واصلة. والعمل القانوني يتطلب الدقة وسد كل الثغرات زي وابور الظلط.
انهم مشتركين جنائيا كانو يمشو لي الشباب ويقولو ليهم امشو نحن بنتفاوض مع اللجنة الامنية ذا عصلجو تجو تاني لكن ديل من لقو المحلصصة الوقحة نسو الشباب ولحدهسة مدورين بي البلد خاصل فارغ تحت جذم المخابرات المصرية بعثي شيوعي ناصري البنتخبو منو دي فرصة يبقو وزار ويورجغو في الاعلام ويطلعو وينزلو ما في شي بجدع العساكر من راس الناس والفاشلين ديل غير الانتخابات بس ننتظر بايدين ونشوف كلاب الحر ديل بزغو من الانتخابات لي بتين عاش ابو هاشم
Post: #16 Title: Re: منو الأحق بالسيادة الان، أكثر من الدعم ال� Author: عمر التاج Date: 12-11-2020, 09:09 AM Parent: #15
كل القصة هي ماقاله دقلو هنا
نشاهد ونجي نرد بمزاج
Post: #17 Title: Re: منو الأحق بالسيادة الان، أكثر من الدعم ال� Author: حسن ادم محمد العالم Date: 12-11-2020, 10:52 PM Parent: #16
سلااام عمر نعم ربما يكون عبدالرحيم دقلو محقا في طرح الاسئله لكن كلامه يندرج في دائرة كلمات الحق الذي اريد بها باطل السؤال العقيدة القتالية للدعم السريع شنو السودان الوطن ام حميدتي الزعيم عندها نستطيع ان نحدد جدوي الدعم السريع كمشروع
Post: #18 Title: Re: منو الأحق بالسيادة الان، أكثر من الدعم ال� Author: محمد أبوالعزائم أبوالريش Date: 12-11-2020, 11:04 PM Parent: #17
Quote: وفي المقابل يا ياسر ، لماذا فشلت المدنية ولاكثر من عام في كشف النقاب وادانة المجرمين الظاهرين في هذه الفيديوهات؟
وين هي المدنية دي؟ وزارة الداخلية عسكرية .... معطّلة أعمال التحقيق والقبض على الجناة مجلس رئاسة الدولة برئاسة عسكرية ... ليه يكون الفشل مدني وليس عسكري؟
نفس الكلام يوجه للبرهان البيتكلم عن فشل الحكومة ...... ليه قاعد ومترأس حكومة فاشلة ... منتظر شنو وليه ما إستقال؟
Post: #19 Title: Re: منو الأحق بالسيادة الان، أكثر من الدعم ال� Author: صديق مهدى على Date: 12-12-2020, 00:20 AM Parent: #18
يا جماعة عمر التاج دا مرات بكتب بخيال واسع ههههههها قاعد بستعمل قناديل ولا شنو؟
Post: #20 Title: Re: منو الأحق بالسيادة الان، أكثر من الدعم ال� Author: عمر التاج Date: 12-12-2020, 10:18 AM Parent: #19
Quote: سلااام عمر نعم ربما يكون عبدالرحيم دقلو محقا في طرح الاسئله لكن كلامه يندرج في دائرة كلمات الحق الذي اريد بها باطل السؤال العقيدة القتالية للدعم السريع شنو السودان الوطن ام حميدتي الزعيم عندها نستطيع ان نحدد جدوي الدعم السريع كمشروع
اعتقد ان مداخلة الاخ عالم فيها الزبدة المفيدة الدعم السريع فعلا قلع البشير وسلمه المدنيين على طبق من ذهب ليقاضوه ويفككوه وفض النزاعات وعمل الصالحات في الشرق والغرب والشمال وتولى امر تأمين العاصمة لعام ونصف ، مع كثير من التجاوزات وساهم في حملات صحية وقوافل اجتماعية واقتصادية ودعم خزينة الدولة بعدة مليارات .. ولكن كل ماتم .. كان الغرض منه واحد والهدف محدد مسبقا وهو السيطرة على البلاد ، ووضع مواردها هبة لهذه القوات فلستوب.
Post: #21 Title: Re: منو الأحق بالسيادة الان، أكثر من الدعم ال� Author: Osama Mohammed Date: 12-12-2020, 10:26 AM Parent: #20
الحضيض ليس له اخر.
Post: #22 Title: Re: منو الأحق بالسيادة الان، أكثر من الدعم ال� Author: Hassan Farah Date: 12-13-2020, 01:04 PM Parent: #20
الدعم السريع فعلا قلع البشير وسلمه المدنيين على طبق من ذهب ---------------------------------------------------------------------- هل استبدلت يا عمر التاج دماء المئات من الشهداء التى اراقها الدعم السريع عند القيادة باطباق من دهب؟ الا تخاف الله؟ منتهى الانحطاط
Post: #23 Title: Re: منو الأحق بالسيادة الان، أكثر من الدعم ال� Author: عمر التاج Date: 12-13-2020, 02:45 PM Parent: #22
Quote: هل استبدلت يا عمر التاج دماء المئات من الشهداء التى اراقها الدعم السريع عند القيادة باطباق من دهب
ام استبدل شى بل كنت اتحدث عن الادوار .. الدعم السريع قتل المتظاهرين في ٢٠١٣ وفي ٢٠١٩ ومازال رمز السيادة السيسي قتل ٢٠٠٠ معتصم في يوم واحد ومازال رئيسا .. الدماء وحدها لا تحدث تغييرا ولكن الدعم السريع فعل..
Post: #24 Title: Re: منو الأحق بالسيادة الان، أكثر من الدعم ال� Author: HAIDER ALZAIN Date: 10-13-2021, 10:04 AM Parent: #23
hDDDDI ]KDH :(
Post: #25 Title: Re: منو الأحق بالسيادة الان، أكثر من الدعم ال� Author: Yasir Elsharif Date: 10-13-2021, 11:14 AM Parent: #24
سلامات يا حيدر يا زين
وشكرا على "نكت" البوست دا بعد مرور سنة كاملة عليه.
لاحظت أن بعض الفيديوهات الكنت قد عرضتها فيه لم تعد موجودة في مصدرها الذي أحضرته منها.
Post: #26 Title: Re: منو الأحق بالسيادة الان، أكثر من الدعم ال� Author: HAIDER ALZAIN Date: 10-16-2021, 09:58 AM Parent: #25
تسلم دكتور ياسر الشريف..
فيديوهات مهمة جداً يجب ان تبقى في الذاكرة حتى تفيق اصحاب الاوهام ومن لهم غرض في تسويق القتلة والمجرمين ..
Post: #27 Title: Re: منو الأحق بالسيادة الان، أكثر من الدعم ال� Author: HAIDER ALZAIN Date: 10-16-2021, 09:58 AM Parent: #25
تسلم دكتور ياسر الشريف..
فيديوهات مهمة جداً يجب ان تبقى في الذاكرة حتى تفيق اصحاب الاوهام ومن لهم غرض في تسويق القتلة والمجرمين ..