Post: #1
Title: أها مسيو عبد الفتاخ البرهــــــان أكمل انقلابه الثاني ولا لســــة
Author: Elhadi
Date: 12-09-2020, 02:01 PM
01:01 PM December, 09 2020 سودانيز اون لاين
Elhadi-
مكتبتى
رابط مختصر
ودارت دورة الأيام
ونحنا مع الزمن
أغراب .. أغراب
شربنا دموعنا ما روينا
حملنا الشوق ملانا عذاب
وقلنا نجرب الصحراء
جنيننا أملنا كلو سراب.
ســـــــراب.. وسراااااب
|
Post: #2
Title: Re: أها مسيو عبد الفتاخ البرهــــــان أكمل ان
Author: Elhadi
Date: 12-09-2020, 02:14 PM
Parent: #1
الانقلاب الأول كان في أبريل من العام 2019
وده قام بيهو الفريق البرهان والعسكر بمعاونة بعض القوى المدنية ممثلة في :
حزب الأمة ـ جناح الصادق المهدي ـ ما يعرف بالتجمع الاتحادي المعارض ـ حزب المؤتمر السوداني ـ على شوية بعثيين ـ على شوية ناشطين.. الخ وبدعم واضح وسافر من الإمارات والسعودية
وكانت آخر محطات مقاومة هذا الإنقلاب وصده ممثلة في اعتصام القيادة العامة الذي تم سحقه بواسطة العسكر والمليشيا وجهاز الأمن وبتواطوء من القوى المدنية المشار إليها في أعلاه
لعبت القوى المدنية الدور الأساسي في شرعنة و التسويق للانقلاب داخلياً وخارجياً باعتباره ثورة وتغيير وهو في حقيقته وجوهره ( محض انقلاب عسكري كامل الدسم ) حيث بقيت مؤسسات النظام السابق الباطشة والفاسدة بل وأصبحت جزءاً أساسياً من النظام الذي تكون بعد أبريل 2019
وللمزيد من التضليل وذر الرماد في العيون قامت هذه القوى المدنية بالتوطوء مع العسكر بتلتيق ما يعرف بالوثيقة الدستورية التي كرست للوضع الحالي وأتت ببعض شذاذ الآفاق وعواطلية المنظمات وشكلكت منهم ما يعرف بالحكومة المدنية ـ وهي تشكيلة غريبة جداً من أناس بلا تاريخ في العمل السياسي فيما يعرف بالمجلس السسيادي ومجلس الوزراء
أناس بلا لون ولا طعم ولا رائحة حتى زي رئيس الوزراء ( حمدوك) وديل بضعفهم أو بتأمرهم ( لا فرق ) أكملوا مسلسل سيطرة العسكريين على السلطة ـ وكانوا منذ تسلمهم كراسيهم مجرد واجهات ليس إلا ومجرد بدل وكرافتات فارغة من أي مضمون ومحتوى
|
Post: #3
Title: Re: أها مسيو عبد الفتاخ البرهــــــان أكمل ان
Author: Elhadi
Date: 12-09-2020, 02:17 PM
Parent: #2
والآن حان دور التخلص من الواجهات ديل زاتهم
|
Post: #4
Title: Re: أها مسيو عبد الفتاخ البرهــــــان أكمل ان
Author: Elhadi
Date: 12-09-2020, 07:16 PM
Parent: #3
العساكر ديل خوفهم الوحيد هو العالم الخارجي..
ولذلك يتم استخدام المدنيين (حمدوك ) وأمثاله كواجهات لتجاوز أو الالتفاف على هذه العقبة..
الآن ما يسمى بمجلس الشركاء غرضه الوحيد والأساسي هو تجريد هؤلاء المدنيين حتى من فتات السلطة الرمزية التي يمثلونها
ليصبح ما يسمى بمجلس الشركاء هو السلطة السيادية والتنفيذية والتشريعية " الحقيقية " من وراء حجاب، وبكده يكون اتخلصوا من الأغلبية المدنية للمدنيين في مجلس السيادة أو التفوا عليها.. وجردوا مجلس الوزراء من أي سلطات حقيقية
مع العلم إنو هو أساساً ما يسمى بمجلس الوزراء لا بهنش ولا بنش..
|
Post: #5
Title: Re: أها مسيو عبد الفتاخ البرهــــــان أكمل ان
Author: Asim Ali
Date: 12-09-2020, 08:46 PM
Parent: #4
سلام عليكم
الخازوق الطلق من المدفع عشان يكون مخلب الكيزان باسم الشراكه قدامو اغلب الحواجز الدوليه انتهت حصار ورفع من قائمه دعم الارهاب يعنى اساغلال المدينيين واسم الثوره لتنضيف (فيش) السودان الوسخو الكيزان خلال الانقاذ 1 والان الطريق بقى ممهد قدام الانقاذ2 .
الخطاء باستعجال رفع العقوبات الدوليه بشكل نهائى كان الاسلم ووالافضل رفع العقوبات بشكل مؤقت يجدد كل سته شهور تتجدد تلقائيا حتى ثيام انتخابات حره نزيهه ترسى دعائم الديمقراطه وعوده العسكر لثكناتهم ومحاكمه رموز الكيزان على جرائنمم سواء محليا او دوليا واستعاده الاموال واحقاق الحقوق والاهم ازاله التمكين جد جد .دا كلو ماحصل واستغل المدنيين باستعجال رفع العقوبات
الان تحت اى ذريعه لو ركب العسكر على السلطه (مع ملاحظه بروز واضح للكيزان من جديد حتى فى اوساط الثوريين وماعارف دى غفله ولا شنو ؟) فالانقاذ2 حتلقى البلد اتصفر عدادها من اى عوائق دوليه والفضل غباءالاحزاب والمدنيين
|
Post: #6
Title: Re: أها مسيو عبد الفتاخ البرهــــــان أكمل ان
Author: علي عبدالوهاب عثمان
Date: 12-09-2020, 08:55 PM
Parent: #5
حبيبنا الهادي
قبل قليل في نشرة التاسعة مساء
اعترف بانهم في السيادي ومجلس الوزراء
فشلوا في تحقيق آمال الشعب
وكانت فترة السنتين فاشلة
تحياتي
|
|