التمثيل في مجلس شركاء الحكم هنا لرئيس مجلس الوزراء يعني إذا عاوز تتشرط تمشي ويتم إختيار رئيس وزراء بي نفس آلية الإختيار الجابتك.. ونفس الجهة العينتك عندها الحق الدستوري تعين رئيس وزراء غيرك
هو مجلس تنسيق لا عنده سلطات ولا صلاحيات شوف شغلك الماقدر تنجزه وبطل مجمجمة
Post: #2 Title: Re: حمدوك يشارك أو لا يشارك في مجلس شركاء الحك Author: عبدالعظيم عثمان Date: 12-04-2020, 03:46 AM Parent: #1
في حاجة مهمة أطراف الوثيقة الدستورية هم ثلاثي الحكم العساكر والحرية والتغيير وحركات الكفاح المسلح الثلاثة ديل هم الشركاء في السلطة بنص الوثيقة الدستورية
الثلاثة ديل عملوا مجلس تنسيق لإدارة الفترة الإنتقالية يعني بدل ما الزمن يضيع في إنتظار موقف ثلاثة جهات مجلس شركاء الحكم (وحد الثلاثة جهات في مجلس واحد)
الكلام دا ما عنده علاقة بي مجلس الوزراء ولا عنده علاقة بي مجلس السيادة
يعني يا حمدوك إنت موظف عينوك الشركاء الثلاثة ديل عشان تشتغل رئيس وزراء.. تمشي تشوف شغلك في مجلس الوزراء المجلس دا عشان يسهل عليك شغلك
Post: #3 Title: Re: حمدوك يشارك أو لا يشارك في مجلس شركاء الحك Author: اخلاص عبدالرحمن المشرف Date: 12-04-2020, 03:51 AM Parent: #2
ههههه ده شنو يا عظمة تمس حمدوكنا تشوف شعاع انت جبتو و ما قلت منو ال يعزلوا دقست ، وبعدين حتي لجان المقاومة قالت ( حمدوكنا)
Post: #5 Title: Re: حمدوك يشارك أو لا يشارك في مجلس شركاء الحك Author: اخلاص عبدالرحمن المشرف Date: 12-04-2020, 03:54 AM Parent: #3
وبعدين هو قال شنو زعلك حق النساء يا عظمة (لازمن) ناسي الولاة وعملتو شنو
لو لم يقل الا ( حق النساء ) لزغردنا و( وريناكم المكشن بلا بصلة 😹)
Post: #4 Title: Re: حمدوك يشارك أو لا يشارك في مجلس شركاء الحك Author: adil amin Date: 12-04-2020, 03:53 AM Parent: #2
كمونية وقالو القرود زادت عدد مايو التولد باالله انت لسه في فلان وعلان
https://top4top.io/
لو ما عندك مشروع جاي تقعد في راس الناس لي شنو واستلمت الثورة المزعومة علي حسابك وقعدت ترقع في فلان وعلان وقرود السيرك الامريكي انتخابات بس ودستور 2005 محل وقفت الحركة الشعبية او نرجع محل كان في دولة وصولة دستور 1974 وراكم وراكم لحدي كتشنر يا كعوك
Post: #6 Title: Re: حمدوك يشارك أو لا يشارك في مجلس شركاء الحك Author: عبدالعظيم عثمان Date: 12-04-2020, 04:09 AM Parent: #4
حق الترشيح دستورياً في إختيار رئيس الوزراء هو للحرية والتغيير والحرية والتغيير باقية طالما الوثيقة الدستورية دي شغالة
تمثيل الشق المدني لمجلس السيادة هو حق دستوري للحرية والتغيير ( وهي من إختارت المدنيين الخمسة)
الآن الحرية والتغيير هي من إختارت عضويتها وممثليها في مجلس شركاء الحكم
حمدوك عبارة عن موظف تم ترشيحه من قبل الحرية والتغيير
يعني ما عنده مكان جوة الوثيقة الدستورية عشان يملي شروطه ومنصب رئيس الوزراء تحديداً حق الترشيح فيه للحرية والتغيير
بعد حل الحكومة يمكن أن يختار المجلس المركزي للحرية والتغيير رئيس وزراء جديد غير حمدوك
حسب إتفاقية سلام جوبا الحكومة لابد من حل حكومة حمدوك الحالية وتشكيل حكومة جديدة بما فيها ذلك ولاة الولايات
يعني يا حمدوك ما تفرفر.. إنت حتة موظف ممكن يجي غيرك
Post: #7 Title: Re: حمدوك يشارك أو لا يشارك في مجلس شركاء الحك Author: adil amin Date: 12-04-2020, 04:15 AM Parent: #6
Post: #8 Title: Re: حمدوك يشارك أو لا يشارك في مجلس شركاء الحك Author: عبدالعظيم عثمان Date: 12-04-2020, 04:16 AM Parent: #6
دي مشكلة إختيار رئيس وزراء بدون ترشيح حزبي يعني الليلة كان حمدوك دا رشحة حزب او رشحته كتلة سياسية كان حتقعد معاو.. وتفهمه الترتيبات السياسية وسلوكه كان حيكون متسق مع موقف حزبه
لكن وقت تجيب ليك تكنوقراط ما ناقش سياسة ياهو حيسوي سواة حمدوك
Post: #9 Title: Re: حمدوك يشارك أو لا يشارك في مجلس شركاء الحك Author: اخلاص عبدالرحمن المشرف Date: 12-04-2020, 04:17 AM Parent: #6
حمدوك رئيس وزراء السودان ومسئول عن الشق التنفيذي ، من حقو يطالب بزيادة نصيب الشق التنفيذي ، ومن حقه يطالب بتمثيل متوازن يا ريت لو قال يا حميدتي يا عب رحيم
والي الان كله شئ اسافيري
Post: #10 Title: Re: حمدوك يشارك أو لا يشارك في مجلس شركاء الحك Author: اخلاص عبدالرحمن المشرف Date: 12-04-2020, 04:23 AM Parent: #9
حقنا وما بنساوم شركاء الحكم دي القوة الجاية دايرين حقنا كامل ما منة ولا منحة حقنا. حقنا
Post: #11 Title: Re: حمدوك يشارك أو لا يشارك في مجلس شركاء الحك Author: عبدالعظيم عثمان Date: 12-04-2020, 04:27 AM Parent: #9
إخلاص إنتي زاتك زي حمدوك
روقي
إذا في 2 (قحت والعساكر) عملوا شركة وإتفقوا إنه الشريك الأول(قحت) يختار رئيس مجلس الإدارة ورئيس مجلس الإدارة يختار مدراء الشركة قام دخل معاهم شريك ثالث(حركات مسلحة) ... والشركاء الثلاثة عملوا قروب في الواتس عشان يتواصلوا مع بعض ويسهلوا عملية التواصل.. قاموا دخلوا معاهم رئيس مجلس إدارة الشركة في قروب الواتس عشان يكون قريب من ملاك الشركة
يقوم الزول الدخلوه قروب الواتس دا يقول لازم تدخلوا معاي السكرتيرة والسواق والاوفيس بوي القروب..
إذا أصحاب الشركة إذا وافقوا مافي مشكلة وإذا ما وافقوا عندهم الحق يغيروه ويجيبوا مدير جديد للشركة يعني حمدوك دا حتة موظف يا إخلاص
Post: #12 Title: Re: حمدوك يشارك أو لا يشارك في مجلس شركاء الحك Author: اخلاص عبدالرحمن المشرف Date: 12-04-2020, 04:43 AM Parent: #11
صحي القوة هي ال بتحكم حميدتي وعب رحيم !!! مفهوم انه حمدوكنا ما في يدو شئ ومشيلينو وش القباحة مع الشعب وهو بحاول يحلها ، منو غير حمدوك ال مشي للحلو ( خلينا من حركات حركات ) منو غيره ال عين النساء ، انتو رضيتو بالحركات وسكتو عن حق النساء.
حمدوك طلب اشياء شوفوا شنو الممكن ( النساء دي لاااااازمنننن ) ووافقوا عليه
Post: #13 Title: Re: حمدوك يشارك أو لا يشارك في مجلس شركاء الحك Author: علاء سيداحمد Date: 12-04-2020, 07:34 AM Parent: #12
Quote: التمثيل في مجلس شركاء الحكم هنا لرئيس مجلس الوزراء يعني إذا عاوز تتشرط تمشي ويتم إختيار رئيس وزراء بي نفس آلية الإختيار الجابتك..
هههه بصراحة يا عظمة احياناً تلبسك روح كيزانية ,, بالله عليك الله كدى ورينى الما عاجبك فى كلام حمدوك دا شنو !؟ روووق المنقة يا زول !! اقرأ كلام حمدوك مع ما ورد فى نص اختصاصات المجلس وسلطاته " وحمدوك معه كامل الحق فى التخوف مما ورد فى النص المذكور :
Quote: "أي سلطات أخرى لازمة لتنفيذ اختصاصاته وممارسة سلطاته"
Post: #14 Title: Re: حمدوك يشارك أو لا يشارك في مجلس شركاء الحك Author: علاء سيداحمد Date: 12-04-2020, 07:47 AM Parent: #13
العسكر لا امان لهم فقد قاموا بافراغ الوثيقة الدستورية من محتواها من قبل . ويمكنهم افراغ نصوص اختصاصات المجلس وسلطاته ايضاً كذلك من محتواه . لان المجلس السيادى كان مجلس تشريفى ورئيس الوزراء كان هو الحاكم الفعلى للبلاد حسب الوثيقة الدستورية وبقدرة قادر اصبح السيادى هو الحاكم الفعلى للسودان . العسكر لا امان لهم لا تثق فى العسكر .
Post: #15 Title: Re: حمدوك يشارك أو لا يشارك في مجلس شركاء الحك Author: Salah Zubeir Date: 12-04-2020, 08:21 AM Parent: #14
Quote: دي مشكلة إختيار رئيس وزراء بدون ترشيح حزبي
سلام عبدالعظيم ... هي الأحزاب والحركات والعساكر الفوضم منو؟ ياهو بس عريانه وتفتش تغطي اختا ... ٢٩ عضو جايين محاصصه فلا فضل لأحد على الأخر ... الله يرحم الإمام ... نمشي لي انتخابات مبكرة وكفى الله المؤمنين القتال ...
Post: #16 Title: Re: حمدوك يشارك أو لا يشارك في مجلس شركاء الحك Author: Asim Ali Date: 12-04-2020, 09:21 AM Parent: #15
سلام عليكم الفيديو جزء من حديث لمناوى ردا على سؤال بعمار محمد ادم وكافى جدا للاشاره للكثير المهددات للثوره والانتقال والفيديو جزء من لقاء او ندوه لو زول اتحصل على الندوه كامله يجيبها عشان نفهم ناس الحركات ناوين شنو للثوره والثوار حمدوك ممكن نقول ظهيرو وداعمو لجان المقاومه و ق ح ت . لكن ق ح ت وين ؟ ومخططين ليها شنو باقى الشركاء من مايستنتج من كلام مناوى ؟ مناوى فى جزء اخر من الندوه مستكتر عدد مقاعد ق ح ت فى المجلس وبقول (كتيره جدا) مع اشاره لوزن الامخه والسودانى بالاسم (حشد تشييع المهدى ماكان برىء وعفوى فى ظنى رغم هول الظرف) وفى نفس الوقت اتكلم مناوى عن عدم تمثيل لقوى موقعه فى جوبا فى المجلس (مايبدو انو نؤشر ازاحه وتحجيم تدريجى حتى بعد نشكيل المجلس) اما الموقف من لجان المقاومه اظن واضح من واقع التعامل انو خلاص الموضوع ماشى باتجاه اكتر من عزلهم عن المشهد والتاثير عليه ومامستبعد يكون المرحله القادمه يكون استهداف (بالغانون( الخلاصه حمدوك عندخم مكتوب بقلم رصاص وماعندو ضهر فى اطار المخطط اللى بدت تظهر ملامحو واذا استمر حيستمر لانو هم راضين عنو زيز وزى وزيره الماليه يبقى خلونا من قصه فلان المهم توحيد قوى الثوره (لجان المقاومه) بهيكل موحد وبرنامج وخطاب موحد يقطع الطريق على الاجسام الدخيله باسم المقاومه (زى لجان المقاومه المستقله الجسم الكيزانى اللى بدا من شندى وماشى يتمدد فى مناطق تانيه منها الخرطوم بشكل اساسى ) ومن ثم استعاده الثوره من ايدى العسكر والحركات نعم الحركات الشغاله تخدم خط واجنده مش هبوط ناعم وانما انتاج انقاذ 2
Post: #17 Title: Re: حمدوك يشارك أو لا يشارك في مجلس شركاء الحك Author: عبدالعظيم عثمان Date: 12-04-2020, 10:33 AM Parent: #16
يا عاصم عبارة مناوي (لسة معانا كتار) في الفيديو دا موقف مناوي من زمان.. ومناوي أقرب للإسلامين وكان عنده إتفاق معاهم وكان قاعد ومتحكر في القصر الجمهوري وعنده مصالح مشتركة مع حميدتي... التعليق دا بيشبه مناوي.. وزيه كثيرين عاوزين قوي الحرية والتغيير دي تتمسح من المشهد وهم يورثوها.. اها دا صراع من نوع تاني شغالين يغزوهو العساكر ويستثمروا فيه
اي جهة تعمل على إضعاف قوي الحرية والتغيير الآن بتخدم في العساكر.. الناس لازم تنتبه البلد محكومة بي وثيقة دستورية فيها طرفين (قحت/عساكر) لاحظ المجهود الإعلامي الضخم في إستهداف قوي الحرية والتغيير بدون توقف وللأسف في قوي ثورية بلعت الطعم دا وبقت شغالة مع المخطط في إضعاف قحت (حسدا من عند أنفسهم)
